中環的天婦羅名店有三四間，歷史相對較悠久（雖然也只是短短幾年）的有「天秀」、「一宝」，當然不能不提最新開業、四季酒店的「Tempura Uchitsu」，尤其後兩間都是來自日本的星級名店。星級餐廳當然係星級價錢，較親民可以選擇「天海」。但四間店都好多人訂枱，小編又沒有提早個幾月訂枱吃飯的習慣，所以一直未能品嚐。今日偶然機會下，在和富中心商場內發現此間「天海家草庵」，原來係中環「天海」的副店，當時大約11點多，正準備當中；反正不用訂枱也有位，一於先試試副店質素如何。中環鴨巴甸街總店沒有提及太多餐廳的源頭，反而副店門口就掛了一大幅紅底白字布橫額，寫上日本靜岡。據了解，「天海」並不是來自日本靜岡的天婦羅料理海外分店，只是店主大廚兩夫婦係來自靜岡的日本人。旅居海外的日本人似乎特別喜歡經營小店，小編已經不是第一次光顧這種由日本人開設的個體小餐廳 ⋯⋯ 但今次只是光顅副店，由店主聘請的香港本地人管理，所以未能感受日本小店風情。門口擺放了一張小枱，放了許多外賣飯盒，估計外賣生意相當不錯⋯⋯ 但外賣天婦羅似乎有點奇怪，攤涼了的天婦羅已經肯定不再香脆，還要蓋在飯盒內，天婦羅外衣肯定更會變得又軟又腍。副店的餐牌果然較中環總店便宜得多，設計亦顯得更加大眾化，共有五款天丼及三款定食，還有一款便當及一款自選天婦羅定食，廚師發板套餐當然欠奉。餐廳廚房靠向商場，並設有一幅大玻璃；客人可以看見炮製天婦羅的整個過程。始終是平民版副店，不可能期望大廚逐件天婦羅分開炮製。廚師都是機械化地大手製作，有點似本地迴轉壽司；也不會講究採用什麼高級食油、或者嚴格的油溫控制。海鮮山葵天丼（$128）的食材舖滿飯面，包括海老、白身魚、烏賊、帆立貝、半隻軟殼蟹、青菜及天海半熟玉子。與東京下町天丼老店的傳統炮製方法不盡相同，天婦羅食材表面只淋上份量相對較少的秘製醬汁，缺乏調味。半熟玉子做得相當不錯，香濃蛋黃拌白飯同吃，正正係天丼美味的重要元素之一，只是天婦羅醬汁份量實在太少，缺少了調味，影響蛋黃拌白飯的味道。海鮮天婦羅定食（$128）的食材同海鮮山葵天丼相同，但少了半熟玉子，飯或烏冬亦可只可以二揀其一；比較下似乎及不上海鮮山葵天丼抵食。脆衣尚算鬆化，但未夠脆；勝在隔油處理得幾好，油溫控制亦比想像中好。定價較中環總店便宜一截，食材質素自然有所下降。白身魚肉質鬆散、欠缺魚味；海老細隻，雖然有蝦味，但唔夠鮮甜爽口。烏賊（即魷魚）質素最好；帆立貝相對較差，欠鮮味。至於軟殼蟹，味道幾好，但就充滿本地風味，之前從未見過日式天婦羅採用。可能店主已經長居香港一段時間，被香港人的飲食習慣感染，自選天婦羅定食的概念同港式車仔麵非常相似。共有10多款天婦羅食材可供選擇，最少要揀三款；今次揀了雞肉、粟米及帆立貝，另外又可選擇配白飯或烏冬。估唔到粟米都可以炮製天婦羅，選用粟米粒、利用天婦羅粉漿造成一團，賣相有點似天婦羅餅，入口鬆脆，之後就是粟米的清甜。流水式炮制的天婦羅質素一定係麻麻地，脆衣偏厚，賣相亦唔吸引；幸好入口仍算不錯。不過，食材質素明顯一般，並非優質食材。最大賣點就係抵食，亦勉強做到了正宗日式天婦羅的合格外型，不妨一試。…Read More
海鮮天婦羅定食包括半隻軟殻蟹、兩隻蝦、魷魚、帆立貝、白身魚同秋葵。天婦羅衣炸得夠脆，而且唔油膩。天婦羅蝦算唔上好鮮味，但口感都幾彈牙。白色魚同魷魚都好鮮甜。反而帆立貝就一般，鮮味欠奉，而且天婦羅衣同帆立貝分離。第一次食天婦羅軟殼蟹，蟹腳脆卜卜，蟹身有肉濃蟹味。而且炸得乾爽，一啲都唔油膩。另一個天婦羅定食(梅)就無咁豐富，但份量都足夠，有兩隻蝦，白身魚同兩款野菜(南瓜&蓮藕)。定食包括沙律，前菜，味噌湯同白飯或烏冬。沙律好新鮮，沙律菜爽脆。餐牌寫明前菜係柚子大根，但因為賣晒所以轉咗做鹿尾菜煮物。我自己就好鍾意，係喺日本先食到嘅味道，送飯一流，但我估未必啱香港人口味。聽到隔離枱對於柚子大根賣晒有點不滿，明明餐牌寫住「名物柚子大根」，既然係名物但無供應真係有啲奇怪，建議餐廳無供應就唔好寫上餐牌。白蘿蔔蓉係成樽上，自己想加幾多都得。定食可以揀白飯或者烏冬，烏冬應該係雪藏貨，湯底高湯味淡，同屋企自己煮差不多。食物質素一定唔及上環天海，但以價錢而言真係物超所值，係唔需要預約隨時都食得到嘅親民價天婦羅。
。不能不提，醃大根好好味，酸甜得來有柚子香，清新爽口
。[IMG:3
