City Café

一早book好枱全家食”榴連x芒果Tea Buffet”@城景國際酒店. 下晝三點半開始我地三點三就到了, 夠鐘入場嘅場面我真係嚇左一大跳, 所有人熟悉地報上訂枱編號後爭相擠入內, 當時我唸: 入到去應該係一番撕殺, 實會有搶食物嘅狀況出現. >坐低後去巡下有咩食先: 甜品, movenpick雪糕corner, 三文治, 熱葷, 燕窩粥, 粉麵檔, 仲有最排長龍嘅海鮮.>當日有三款海鮮, 青口, 蝦, 八爪魚🐙. 睇黎我係俾剛入場嗰幕嚇左一嚇原來大家只係心急入座: 香港人真心高質守秩序!! 無人一下拎超多, 拎完亦會將鉗傳俾下一個, 食左一輪海鮮, 質素好好呀新鮮好味👍🏻.>個人覺得燕窩粥係一大亮點, 艇仔粥面有一大羹燕窩, 夠哂足料👏🏻.>留返個肚食甜品同雪糕係必須ga 🤩, 即焗榴連Soufflé, 榴連雞蛋仔, 榴連布甸, 榴連拿破倫, 芒果mochi, 芒果卷蛋, 斑蘭蛋糕, 芝士蛋糕.... 幾乎每款都試匀呢, 仲有四款味道(芒果忌廉, 朱古力, 士多啤利, 雲呢拿) movenpick雪糕無限loop超正🤪. >Remarks: 要俾每人HKD100deposit埋單時扣返.…Read More

小妹今日last day　，一行１０人晚上７：００Pm就黎到。坐左１５分鍾左右，佢就按人頭比海膽我地： 8/10 十板海膽何其壯觀呢～之後唔好比佢停，一開始當然拎Ｄ回本之選先啦，估佢唔到竟然有好少見既瀨尿蝦，真心正呀又唔會好’’水’’～唔係ＨＥＡ你仲有，海蝦係彈牙到一個點！！！　另外，毛毛蟹好多膏！今次只係食海鮮都回本啦再者，佢甜品方面用上movenpick忍唔住食多幾球呀！！！總結：９／１０…Read More

早前參加酒店的 facebook 專頁有關最想品嚐或創作的月餅餡料的遊戲，由酒店行政總廚親自選出最有創意兼味道最匹配之月餅建議，而勝出者可獲贈自助晚餐券2位，另外勝出者的意見或有機會被採納，亮相於明年酒店創作之月餅當中。而最多人 Like 的一位就可以得到大閘蟹宴。有幸地我將自己最喜愛又想食的口味提出，被行政總廚選中我想食的『酥皮官燕白桃綠豆蓉月餅』，很開心，如果酒店可以創作出該款月餅，真是好想試下。今個月自助餐的主題是「蠔」情西班牙‧海鮮自助晚餐，只看酒店的自助餐食物介紹已經十分吸引，所以很期待。最開心的是可以在我生日當天享用今次的自助餐，是一份好好的生日禮物呢。酒店為於油麻地，由地鐵站出口步行過去仍十分方便，城景國際餐廳位於酒店的一樓，我們沿電梯而上就到達餐廳。餐廳的樓底不太高，地方也不算大，而玻璃牆身正好增加了空間感。我們被安排坐位甜品隔離的位置，眼前別緻的甜品確是很吸引。時間尚早，餐廳職員還在準備食物中，又是我開始出動拍攝的時候了。食物種類比想像中多，甜品款式也不才，而Haagen-Dazs雪糕，更有我至愛的味道。刺身海鮮海鮮自助晚餐，名符其實，選擇很多，有生蠔、長腳蟹、法國蟹、小龍蝦、瀨尿蝦、凍蝦、青口和蜆等等。一個有蠔提供的自助餐確是十分吸引，今日餐廳提供了美國和紐西蘭的生蠔，美國生蠔一向以大隻見稱，不過我反而喜歡較細小的紐西蘭生蠔。生蠔新解甜美，紐西蘭的生蠔吃起來更 creamy，值得推介。而長腳蟹和蜆亦鮮味十足，不錯的選擇。不過拆完腳蟹對手也有點累，加上太懶的關係，對於其他需要自己拆殼的海鮮，都無再添食。刺身的選擇也不少，有三文魚、吞拿魚、八爪魚、鱆紅魚和螺片。一向鍾情三文魚刺身的我，今次卻選擇每一款也品嚐下。三文魚刺身特別肥美和鮮甜，八爪魚吃起來比一般的嫩。吞拿魚的顏色很粉紅，和平時吃的有點不同。鱆紅魚不過不失，反而螺片又爽又清甜，可以一試。冷盤小食雖然餐廳也提供了不少沙律和小食，不過我只吃了溫泉蛋，鮮蠔迷你西班牙蕃茄凍湯和西班牙黑毛豬風乾火腿。只是喜歡食溫泉蛋，所以試食一個，凍食的感覺始終不及熱食的吸引。由於今晚的主題是「蠔」情西班牙，特意選擇了鮮蠔迷你西班牙蕃茄凍湯，外型別緻，不說不知道是凍湯來的。蕃茄凍湯酸酸甜甜，加上鮮蠔，也很開胃。而西班牙黑毛豬風乾火腿就很鮮嫩，又不會過鹹，不用配哈密瓜也可。熱葷烤物熱葷的選擇眾多，有烤物，有粉麵檔，有咖哩吧等等。一向少食的熱盤的我，今晚也刻意選擇了以下主題食物：西班牙辣腸炒蜆蘋果脆脆：紅紅的炒蜆被西班牙辣腸的味道蓋過了，失了蜆的味道；西班牙芝士焗生蠔：芝士味香濃，略嫌蠔肉有點細小；鹹鱈魚生蠔薯蓉餅：薯蓉餅很香口，反而吃不出鹹鱈魚的味道；西班牙鮮蠔庵列：蠔是放在煎蛋的上面，與平時食的庵列賣相不同；黑布甸配檸檬香草飯：細細杯份量剛剛好，原來黑布甸是西班牙的 ‘血腸’，以豬紅、洋蔥和香草醃製而成，配合以香草和檸檬汁製成的意大利香草飯，是一個很有特色的小食。另外都有試食烤腸仔，烤菠蘿和烤豬頸肉，大廚的燒烤技巧不錯，烤得很香，又不失水份。甜品雪糕每次食甜品前我都會食生果，今次有西瓜、奇異果、菠蘿、士多啤梨、藍莓和芒果，樣樣都很新鮮，真的不錯。甜品方面選擇也不少，因為要留肚食雪糕，最後只食了木糠布甸，烤蘋果，雜莓杯，芒果卷，迷你朱古力蛋糕，梳乎厘，法式杏仁餅，迷你芝士蛋糕。甜品的水準很不錯，最欣賞的是法式杏仁餅，可能之前試過太甜的，這裡的味道調較得好好，難怪大家這麼喜歡食。今晚一共吃了 5 球Haagen-Dazs雪糕，其中 4 球是我喜愛的 Raspberry Sorbet， 1 球是 Strawberry，真的很滿足。最後就是充滿驚喜的生日蛋白糕，餐廳送了一個半磅的什果忌廉蛋糕，是新鮮生果來的，估不到贈送給客人的蛋糕也不求其。由於今晚實在太豐富，蛋糕帶走了留待第二日食。原來蛋糕裡裡外外也是新鮮生果，雖然是忌廉蛋糕，但吃起來不會過甜，真是一個很有誠意的蛋糕。總括而言，今晚的自助餐食物選擇多，亦符合「蠔」情西班牙‧海鮮自助晚餐的主題，而且食物質素和服務水準也不錯，甜品也很出色，值得再來。…Read More

寫返早2個月既野先,5月做緊主題海膽,所以先去海鮮: 蠔,瀨尿蝦,咸蟹,蝦,螺,蜆,蟹腳蠔,唔知係邊度.不過不失,有啲好大隻,有啲超細隻,不過係開好晒先出,開得差,真係瞉邊好多瞉碎蝦,蜆都ok,但輪住出,唔係成張枱一次過放出黎瀨尿蝦同咸蟹仔最好味,螺真係唔得..好"un"蟹腳放響壽c吧,好幼個種,無味無肉,每次淨係比2.3條你,拎多條都黑面咁款熱食都算多,夠揀,但都係試唔晒咁多甜品唔評喇,自助式,見啲啫喱,蛋糕比人筆到一舊舊爛晒,都無試到係個芝士蛋榚真係最好食結論 : 無限時間最好,6點幾食到差唔多10點..地點就腳,響廣華隔離,YMCA 1樓地方唔大,又唔算太嘈,但都係試一次就夠…Read More