Namdaemoon Three Korean Restaurant

雖然大家都總係少韓國嘢嚟嚟去去都係嗰幾味，但事實上我又好鍾意食韓國嘢，因為我覺得每一道菜都真係好好食而且愛甜辣。而近來尖沙咀金巴利道韓國街，有一家頗具特色的韓國餐廳——南대(大)門3號，呢間小店屹立咗喺韓國街，足足有11年，走進這裡，你會立即感受到一股濃厚的韓風。雖然餐廳的裝潢簡約，但每一個細節都流露出韓國的文化魅力，讓人彷彿置身於首爾的小巷中。這次我們點了幾道招牌菜，首先是海鮮辣豆腐湯。這道湯品不僅熱辣鮮香，還有著滿滿的海鮮和嫩滑的豆腐，每一口都是味蕾的享受。緊接著是泡菜煎餅，外皮酥脆，內餡則是泡菜的酸辣，讓人忍不住一口接一口。當然，怎能不試試他們家的飲品呢？柚子燒酒是必選之品，清新的柚子香氣與燒酒的微醺完美融合，讓人陶醉其中。最後，我們還點了一份牛肉粉絲。這道菜裡的牛肉嫩滑多汁，搭配著Q彈的粉絲，在口中演繹了一場美妙的味道交響曲。南大門不僅僅提供美味的韓國料理，更是一個讓人放鬆的好去處。無論是與朋友小聚，還是獨自一人來享受一頓美食，這裡都會讓你感受到滿滿的韓國情懷。下次有機會，不妨來這裡一試，體驗一下這片韓風小天地吧！…Read More

尖沙咀有條韓國街 叫得韓國街當然有勁多間韓國菜🤣但見到好多間價錢都唔平難得史努比揀咗間大件夾抵食嘅人均around $100-200最重要系份量足又好食😆一於推薦比大家😝.店員似系韓國人 不過廣東話好流利 溝通0障礙🤭.首先嚟咗啲前菜有泡菜、酸蘿蔔同埋西芹腸仔泡菜爽脆 酸酸辣辣咁好開胃😚其他都唔錯～👍🏿海鮮辣豆腐湯 $85唔好睇佢賣相好似平平無奇咁 其實好好食!湯嚟嘅時候好夠熱 仲喺度滾緊😳入面有一隻大蝦同埋好多蜆麻麻辣辣好惹味🤤但又唔會蓋過咗蜆嘅鮮甜豆腐超級嫩滑😳而且份量足值得一讚嘅系佢唔系死鹹或者死辣嗰種辣得好過癮😝食落亦唔會覺得好油膩不過就咁飲就會偏鹹但配埋白飯一齊食就perfect la😆珍珠米煮得夠硬身粒粒分明 同個湯一齊食勁加分!!味道: 8.5/10性價比: 8/10👍🏿雜菜炒粉絲(牛肉) $90大大碟粉絲 份量好足😳未食已經聞到好香麻油味粉絲食落煙煙韌韌有咬口🤪調味適中 帶輕微嘅辣炒得夠乾身 食落唔會覺得好greasy👍🏿牛肉夠淋身唔會韌不過就冇話好濃牛味😗另外仲有大量嘅木耳、洋蔥、蘿蔔絲等等嘅雜菜索晒啲汁夠晒惹味味道: 8/10性價比: 8/10👍🏿辣芝士炒年糕 $98澎湃嘅芝士😍求其夾一件都拉到絲年糕軟糯得嚟夠煙韌調味啱啱好 辣中帶少少甜味唔系死辣或死甜👍🏿辣得嚟食落幾香幾過癮另外仲有好多魚糕～甜辣年糕配上mozzarella cheese嘅鹹香口味豐富 令人食唔停口🫣真系好邪惡😈😈🤤味道: 8.5/10性價比: 7.5/10♡ 汽水 $15呢度嘅汽水都頗貴但食辣野媽媽👩🏻唔可以冇嘢飲🤣性價比: 5/10總結史努比幾推薦呢間比大家食物高質而且性價比高😆我哋都覺得佢嘅水準比起之前食嗰幾間韓國嘢都要好👍🏿值得一試不過要留意翻佢個名同附近幾間韓國菜都幾相似唔知系咪姊妹店😂😂但想試呢間記住系南대門3號 系3號🤣整體評分：味道: 8.5/10環境: 7/10服務: 8/10衛生: 8/10抵食: 8/10回頭率: 7.5/10…Read More

金巴利道又名韓國街，集合多間韓式美食餐館🇰🇷今次到訪嘅「南대門3號」正正係其中一間💕由韓國人主理，體驗正宗平民韓式料理❣️.正於午市時間，門口有熱情韓國店員招徠👋🏻想食咩寫係紙仔再遞俾店員，唔怕語言溝通問題😌點菜後無幾耐就送上韓式前菜，有泡菜、涼拌芽菜、涼拌茄子🥢.🍴海鮮辣豆腐湯💰$85經典韓式料理🇰🇷熱騰騰湯底配以豆腐、雞蛋、蜆、蝦，配料與湯比例五五比，非常豐富😚湯頭入口充滿海鮮鮮甜且帶辣香，嫩豆腐更入口即融🤤當然唔少得將白湯撈入湯中，飯粒吸滿湯汁再一口吃掉，超滿足☺️.🍴鐵板烤雞肉蓋飯💰$89將雞肉、椰菜、洋蔥、紅蘿蔔絲，加入韓式辣醬炒香🔥雞肉相當入味，唔好以為紅卜卜會好辣，其實甜辣味比較多😙份量都幾多下，送飯一流😆.🍴海鮮煎蔥餅💰$143大大塊煎餅金黃香脆😛入口先脆後煙靭，內裡夾雜八爪魚、魷魚、香蔥等配料，蘸埋魚露增添鹹香😙.平時睇韓劇嘅韓式料理，呢度正正可以食到😋正宗地道，直頭同韓國食到一樣🤓…Read More

📌 南대門3號 - 尖沙咀金巴利道65-67號太平洋大廈地下3號🗓(13/12) 星期二 ⏰ 晚上7點左右 💈特式：今日又途經尖沙咀韓國街，揀左間門面最有韓國風嘅餐廳去食，睇返英文譯音應該係叫南大門3號，上Openrice一睇，佢係尖沙咀都有幾間分店，我今次去呢間我估應該係3號分店掛，但發現2號店原來只係係隔離。🥩🍔🌭🌮🥗🥯🥘🍲🍝🍣🥟🍤🍱食物：今日雖然只有兩個人食，但唔知係咪因為天冷特別覺得肚餓，所以就叫左一個海鮮辣豆腐湯，一個雪濃牛骨湯同一個鐵板炒豬肉，等我又同大家講下🇰🇷味道先。一坐低就有4小碟前菜食，4款都好好食，問過職員仲可以無限refill的，其中最推介係個泡菜同韓式榨菜。海鮮辣豆腐湯 - 韓國食品中我都幾鐘意呢個海鮮辣豆腐湯，我覺得佢嘅存左就好比泰菜嘅冬蔭公咁受人注目，呢個海鮮辣豆腐湯只係$85，仲要包埋個飯，價錢方面就認真唔貴，味道帶香辣濃郁，材料亦都好多，同行朋友唔係太好辣，但結果比佢飲左大半有多。雪濃牛骨湯 - 同行朋友唔想每樣菜式都叫辣，所以就叫左呢個雪濃牛骨湯，佢都係包埋飯，但真心驚食唔晒，所以就叫左佢唔洗上個飯，呢個湯一上枱已經聞到好香牛味，湯底呈奶白色，飲落清清地又唔油膩，個d牛肉佢地係選用半肥瘦嘅牛腩，好香肉味，份量亦好多，我覺得比兩個中式麵舖嘅淨牛腩仲要多。鐵板炒豬肉 - 呢個都係我其中一個鐘意食嘅韓國菜式之一，佢用鐵板上，上枱時仲熱辣辣，份量都好大堆頭，食落味道好香濃，用嚟送飯一流，d腩肉係連皮嘅骨腩位，皮位煙靭，又帶軟骨，真心正。☕️🍵🥤🧋🍺🍷🥃🍹🧉🍾🍶🥛飲品 - 餐廳有韓式燒酒/啤酒及其他罐裝汽水同韓式飲品。🍽環境：餐廳環境好有韓式氣氛，位置都鬆動，衛生/整潔方面做得唔錯，裝修都係比較樸實，枱面空間都夠，上晒菜都仲有空間，坐得好舒服。🤵🏻🤵🏻‍♀️🤵🏻‍♂️服務：大部分員工都真係韓國人，普遍都係用英文溝通，但服務態度都好好，熱情主動，除左同客人打招呼外，亦會盡力介紹菜式同講解食材等等。💰💸價錢：叫左兩個主食湯鍋同一個鐵板小菜，埋單都只係$333，為返都係$100左右一款食物，價錢都算幾合理。🐲💬總結：我覺得佢地食物質素都幾高，而且食到佢地個種韓式傳統味道，價錢都幾抵食，我相信我會再嚟試埋佢地其他食物。推薦指數：❤️❤️❤️❤️❤️…Read More