Shirokuma Café (Closed)

又到聖誕又到聖誕，估唔到咁快又到聖誕節，亦估唔到白熊咖哩另一分支「白熊喫茶館」都推出左超抵食既聖誕餐。.二人及四人餐分別都係$268及$488，另加一收費。白熊咖哩就食過幾次，位於德福廣場二期既「白熊喫茶館」都係第一次食，據說所提供既食物同白熊咖哩會有少少唔同。.內裡環境都以木系做主調，簡約舒適。.先試了友人的咖哩咖啡，入口先滲出微微咖哩味，再來在喉嚨中帶點辛辣的味道，但不會很辣，頗易入口又特別。.餐湯: 忌廉粟米湯/味增湯 (2人餐可選兩客)我們一行數人也選擇了前者，金黃色的粟米湯，入口綿綿，帶有濃郁清甜的粟米味，小妹很快便飲光了。.輕食: 溫泉蛋櫻花蝦銀魚凱撒沙律/田園沙律 (2人餐可選一客)溫泉蛋櫻花蝦銀魚凱撒沙律在凱撒沙律上放了隻火喉剛好的溫泉蛋，刺破後再與沙律拌勻，再放上咬落脆卜卜的櫻花蝦銀魚，增添口感之餘，別有一番味道，味道不錯。.田園沙律以日式麻醬拌上粟米和蔬菜等，是比較常見的沙律款式，麻醬所帶出的味道多數不會差，但對比溫泉蛋那個，小妹較喜愛前者，也比較特別。.主食，主菜: 牛仔骨配咖哩汁/醬燒豬肋骨/吉烈大蝦/七味雞腿燒配咖哩汁 (2人餐可選一客)牛仔骨配咖哩汁一客四件牛仔骨，配上日式牛肉咖哩汁，味道帶點而不辣；牛仔骨肉質軟腍不韌，搭上咖哩汁後，味道比想像中夾。.七味雞腿燒配咖哩汁份量不少的雞腿燒，以七味粉調味，肉質嫩滑，簡簡單單的味道也不差。.吉烈大蝦 (四隻)熱辣辣的吉列大蝦，不是一般的吉烈炸蝦，這裡的連蝦頭都見到，食落啖啖肉，香口惹味。.主食，飯/意粉: 卡邦尼意粉/白汁海鮮焗飯/溫泉玉子牛肉咖哩飯/海鮮炒飯 (2人餐可選一客)卡邦尼意粉每條意粉都沾上濃郁的醬汁，意粉的質感也煮得剛剛好，裡頭也加了煙肉碎和芝士粉，想不到味道頗不錯呢。.溫泉玉子牛肉咖哩飯白熊咖哩主打咖哩，這次試的咖哩飯確實不錯。據說咖哩磚是先在日本總店製作再把它運來香港，所以水準穩定。牛肉咖哩飯入口很惹味，帶有微甜的咖哩汁，咖啡味香濃，再配以芝士一同焗製，面頭再加多隻溫泉蛋，拌勻後一同品嚐，更添惹味。.海鮮炒飯炒飯炒得粒粒分別，內裡有不少蝦仁、墨魚和大量蟹籽等，食落味道不寡，頗美味。.甜品，3.7牛奶雪糕: 可選朱古力/士多啤梨醬 (2人餐可選兩客)小妹點了士多啤梨醬的牛奶雪糕，入口超濃郁奶香，不過甜度如可稍為降低會較好。…Read More

好耐無見嘅朋友約小弟食飯聚一聚，無乜理由托手踭啫，況且，地點由佢定，最好就喺咁，唔使小弟依個掛名食家去諗。餐廳定晌德福嘅白熊喫茶店，都方便我吖，準時到無問題。德福一向旺，人流多，連帶好多食肆都生意唔錯，雖然，今晚喺閒日，依然見白熊有九乘幾滿，部份枱都翻到兩轉。餐廳一室以楓木為主，襯以仿磚牆，牆身又掛有唔少盆栽，樸實簡潔，予人溫暖安舒。雖然據知白熊以咖喱打響名堂，不過，亦有唔少其他菜式選擇，如奄列蛋炒飯、意粉、意大利包、三文治、窩夫、芭菲……，出品比較多元化，飲品都有唔少特色，路線走近於日式咖啡室，所以，取名「喫茶店」，覺得佢意思都喺唔想出品太局限 。餐廳剛啱推出「聖誕及元旦套餐」，定價又唔算貴，分2位（$268+10%）或4位（$488+10%），包湯、沙律、主菜、甜品及餐飲，主菜又多款式，兼且夠彈性。如果唔太大食嘅女生，點個二人份嘅相信3個人都夠食，絕對划算 。餐湯有兩款：味噌湯及忌廉粟米湯，無理由唔試晒架！ 味噌湯傳統日式小木碗盛載嘅味噌湯，朋友話味道不俗，麵豉味幾香濃。 忌廉粟米湯粟米湯就當然唔喺罐頭嗰啲啦，個忌廉湯入口幾順滑，粟米味亦都突出，味道清甜天然。 溫泉蛋櫻花蝦銀魚凱撒沙律 4人餐可以揀兩客沙律，最直接就兩款沙律試晒。依個沙律喺晌基本餐牌中嘅廚師推介嚟，個配搭都幾特別，西式嘅凱撒沙律加入日菜元素：溫泉蛋及櫻花蝦，淋上日式沙律汁，清新開胃，帶點濃濃蛋黃香；最有趣添加咗大量銀魚薄條，就好似常見嘅木魚刨絲咁，香脆得增加口感「脆」味 。 田園沙律 多款新鮮蔬菜以簡單醋汁調味，對比之下，田園沙律就顯得平實，但用料仍然食得出新鮮度。主菜分兩個類別，第一類主要喺肉類：雞牛豬蝦，而第二類則飽肚嘅粉麵飯，視乎食2 / 4人餐，再晌每個類別選擇1 / 2客作為主菜。 牛仔骨配牛咖喱汁 一客有4件牛仔骨，既然喺牛仔骨，當然配番牛咖喱汁。咪睇啲咖喱汁烏卒卒，始終喺日式咖喱，唔會太辣，而且香得嚟帶點甜味，而牛仔骨煎得頗甘香，肉味挺濃，質感仍都軟腍而富肉汁，比想像之中好喎。 醬燒豬肋骨 雖然唔喺晌美式餐廳，但啲燒豬肋骨做得一樣有水準，一客同樣有4件，件件都既大件，又烤焗得焦香。因為豬肋骨應已搽上燒烤醬，所以唔蘸咖喱汁一樣咁惹味，咬落肉嫩帶油香，越食越滋味。 溫泉玉子牛肉咖喱焗飯 輪到另一類別，小弟覺得咖喱焗飯喺鐵膽嘅選擇，因為白熊嘅咖喱磚由日本總店製作，空運到香港再加工，質素自然穩定兼有質素。以日本肥牛入饌，配以牛肉咖喱汁，加芝士再烘焗，咁都已經非常吸引嘞，但加多一隻溫泉玉子，流緊口水未？將蛋漿、咖喱跟白飯撈勻，讓美味滲在其中，每口飯真喺美味無窮 :) 。 海鮮炒飯 若稍嫌白汁焗海鮮飯及卡邦尼意粉較為大路，依個海鮮炒飯應該頗有吸引力。飯粒炒得尚算分明，內裡混入細細粒嘅墨魚及蝦仁，最正喺加入大量蟹籽，令個飯食落有種卜卜脆嘅口感 。 軟雪糕新地 最後上場嘅甜品喺以北海道3.7牛乳所做嘅軟雪糕新地，可揀士多啤梨口味或朱古力口味，其實都只喺淋上士多啤梨漿或朱古力漿而已。小弟揀咗後者，朱古力漿形成一絲絲「脆皮」，至於啲軟雪糕十分軟滑，極重奶香 。若然士多啤梨新地加粒士多啤梨，朱古力新地加片Oreo，賣相就更好睇！套餐包指定飲品，包括玄米綠茶、咖啡（凍 / 熱）、巨峰乳酸特飲，亦可加$10轉其他飲品。小弟一向貪新鮮，乜都想試，當然要試吓佢哋啲咖喱咖啡啦。 巨峰乳酸特飲 因為加咗乳酸，朋友話味道幾清爽，巨峰味亦唔會太「藥水」，又OK喎。 日本抹茶紅豆雪冰 冰凍嘅抹茶雪冰絕對醒腦，抹茶味清香唔俗氣，雪冰混有不少紅豆碎，有別一般嘅紅豆粒，整體幾好飲。 雜莓雪冰 雜莓雪冰比抹茶紅豆雪冰更醒神，因為唔單只夠冰凍，而且，雜莓嘅酸香味非常明確，雪冰嘅質感亦都打得綿細。 榛子鮮奶咖喱咖啡 招牌嘅鮮奶咖喱咖啡有3款口味：榛子、焦糖、雲呢拿，今次就放棄至愛嘅焦糖味，改飲榛子先。將忌廉跟咖啡攪勻，口感頗柔滑，其實榛子味唔會太突出，不過，晌醇香嘅咖啡中慢慢滲出微微嘅咖喱味，感覺又真喺幾得意 ，夾得嚟唔會有種古怪嘅感覺，值得一試。閒談間，大家講吓旅行，講吓工作，當然，唔少得一句聖誕快樂啦。白熊嘅鮮奶咖喱咖啡的確幾有特色，整體食物嘅水準又著實不俗，相信有力繼續大展雄圖。…Read More

最近，有朋友約我到位於九龍灣德福廣場 2 期 <白熊喫茶店> 一嚐日式聖誕節晚餐，預祝聖誕！ 由於，我們約在 7:30 餐廳等，有朋友先行到達取桌子！ :)  白熊喫茶店有別於白熊咖哩，前者菜色加入西式口味，帶給食客驚喜及新鮮感！ 店子裝潢簡約舒適，以木色為主調，色調柔和！:)當我們見到聖誕節套餐的餐牌時，大家也很雀躍！  由湯、輕食、主食、甜品、飲品，$268/ 2位 或 $488/ 4 位！相當超值呀！ (期間限定：直至 1月1日)在十多度的寒冬之下，總想點杯熱飲來溫胃！  提供：Smoothie 雪冰、咖啡、招牌咖哩咖啡或茶；可是，熱飲選擇不多！ :(  如果，可增添多款熱飲選擇會更好！在眾款飲品當中，我的首選是抹茶特飲，店方無供應抹茶系列的熱飲，只好選擇抹茶雪冰！ 日本抹茶紅豆雪冰 (原價 $32，跟餐轉特飲 +$10)入口冰涼得令人有點打冷震！  通常坊間的抹茶紅豆特飲中，紅豆偏甜，抹茶帶甘！店方的出品有別於坊間的紅豆抹茶，這裡的紅豆攪碎，混合其中，整杯甜度平均！ 跟餐不用加錢的飲品，包括：玄米綠茶/ 咖啡/ 巨峰乳酸特飲(跟餐轉特飲 +$10)有朋友則勇於嚐試口味獨特的招牌咖哩咖啡！  湯 (味噌湯/ 忌廉粟米湯)*2人套餐可選 2 客/ 4人套餐可選 4 客忌廉粟米湯意想不到忌廉粟米湯是我們全枱 8人，最受歡迎的！  鮮黃色的粟米湯，香甜滿載！  混合了一些粟米粒及忌廉，令質感更滑溜甜美！一試愛上！  輕食 *2人套餐可選 1 客/ 4人套餐可選 2 客溫泉蛋櫻花蝦銀魚凱撒沙律火候剛好的日本溫泉蛋，流心蛋黃拌勻新鮮爽脆的沙律菜，富有蛋香！色澤更為吸引！  特別一提的時銀魚，口感好像食粥表面的脆卜卜的薄脆！  整體著重口感多元化！帶出驚喜！  田園沙律色彩繽紛的田園沙律，拌勻芝麻沙律醬，帶有酸香更開胃！  相比前者溫泉蛋櫻花蝦銀魚凱撒沙律，田園沙律口味較濃一點！ :)  主食 (主菜)*2人套餐可選 1 客/ 4人套餐可選 2 客牛仔骨配牛咖哩汁新鮮的牛仔骨軟腍入味！  日式咖哩汁是甜辣，因此容易入口！就算我怕辣也接受得到！ :) 醬燒豬肋骨一送上桌子，肉香撲鼻！肉質夾雜脂肪，香口惹味！  教人回味無窮！七味雞腿燒配雞咖哩汁雞腿以七味粉來提升味道！惹味微辣！七味粉的口味層次更豐富！  雞腿嫩滑而啖啖肉！ 吉列大蝦 (4件)即叫即炸！口感鬆脆之餘，仍是熱辣辣！  美中不足的是大蝦爽度一般及淡味！ :(  主食 (飯/ 意粉)*2人套餐可選 1 客/ 4人套餐可選 2 客白汁海鮮焗飯賣相毫無吸引力！  白汁清淡得來總算夠味，讓大家清一清味蕾；日本米卻煮出來軟腍，缺乏應有的口感！ :( 海鮮炒飯賣相色彩繽紛，賞心悅目！  配料包括: 蟹籽、蔥粒、八爪魚粒、…，混入黑椒粒作調味，味帶微辣！ 比前者白汁焗飯，不論在口味上抑或口感上，都是截然不同！優勝得多！ 溫泉玉子牛肉咖哩焗飯把溫泉蛋弄穿，流出蛋黃，猶如火山熔岩般流下來，相當澎湃！ 咖哩香濃而不辣帶甜，香口惹味！  牛肉以日式咖哩汁提升味道，食得滋味無窮！卡邦尼意粉當意粉一送上桌子，芝士味香濃撲鼻！  芝士味濃郁！意粉軟硬適中略帶煙韌，很是討好！大家也食得滿意！ :) 雪糕用上 3.7 牛乳，香甜軟滑！奶味香濃！ 發覺淋上朱古力醬及士多啤梨醬，兩者口感大有不同！前者變得脆身，令雪糕也較為挺身！  後者則相對較容易溶！其實！整份聖誕節套餐好抵食，大家都食得飽肚又滿足！ …Read More