今日趁著同仔仔去尖沙咀做體檢，之後順路去食炸雞，一解思韓之念。
講到韓國炸雞，識食一定係去「李家」食，而且仲要堂食。「李家」位於山林道，由彌敦道源住山林道行入去，接近最尾轉彎位置，並不難找。我同仔仔去到，一入到餐廳已有位高大嘅「奧巴」歡迎我們
。隨著餐廳播放箸韓國MV ，聽著韓國歌曲，立即如置身韓國食店，心情開心曬:)。時間尚早，大概5:30pm左右，所以並不是太多人，無需等候已經立即有座位。餐廳大概有70個座位左右，裝修簡約又帶點韓風。餐廳招牌食品炸雞，當然一定要食，我哋最後揀咗「半半炸雞」，即半原味加半甜辣，可以一次過食齊兩個口味
。炸雞份量十足，價錢都只係$168，真係十分抵食
。炸雞即叫即炸，堂食先至食到佢熱辣辣嘅風味。炸雞外脆內軟，入口爆汁，滋味無窮
。配埋杯冰凍啤酒，完美組合
。結果叫一支Kloud啤酒係吾夠喉嘅，所以再叫多咗杯 Stella 。去親韓國，「海鮮湯」同「海鮮蔥餅」都係我同仔仔必食嘅，今日要解思韓之念，所以當然唔少得。「海鮮湯」用料十足又新鮮，除了常見洋蔥、椰菜絲、大大隻蝦、魷魚之外，仲有青口同半隻蟹添。海鮮味超鮮甜。最鍾意個湯上枱滾熱辣，香辣鮮甜，超級滿足。阿仔就話個「海鮮蔥餅」的蝦好大隻，而且吾會煎到太干，好好味喎。等食之際又睇吓餐牌，忽然我同仔仔雙眼不其然同時發光，就係被我哋見到有款「酥炸魷魚鬚+年糕湯套餐」。嘩～ 不得了，唔使諗唔該要一份。酥炸魷魚鬚有三大隻，卜卜脆又係送啤酒一流。份量真係唔講得少。兩個人食咁嘅份量 ...... 不會太過份吧！
諗諗吓，吾好話旅行，其實近大半年出街食晚餐都好耐無啦。所以，今日難得可以同仔仔偶然放縱一下，一次過滿足曬食韓國餐嘅願望
。後話，其實咁多嘢食真心食唔得曬㗎，阿媽教落有衣食，加上咁好味，不能浪費。正打算打包剩餘半碟煎餅同幾件炸雞，店員已經好細心問我要不要打包，值得一讚
。如果想食傳統地道嘅韓國炸雞及其他韓國美食，推介大家要嚟「李家」。絕對唔會令你失望。…Read More
