My Day

姊妹生日想找一間環境靚的餐廳慶祝，聽講主打提供婚宴場地的Ｍy Day環境夢幻，平日沒有婚宴亦有有提供石燒半自助餐，合晒要求，一於帶姊妹們來試試。＊＊＊＊＊＊＊＊＊＊＊＊＊＊＊My Day以白色和湖水綠作主調，環境夢幻典雅，如果婚禮在始舉行，絕對不比酒店失禮。餐廳外的平台可以讓新人証婚，粉色的花卉佈置加上透明膠凳，無論日頭或夜晚都咁靚！石燒半自餐由$428至$488，主菜有五款選擇，而沙律、小吃、湯和甜品則以自助形式供應。中西湯各一款。前菜有焗蠔、焗扇貝和炸春卷。涼拌小吃有海蜇、青瓜、鳳爪、水牛芝士和薯仔沙律，惺同時也有較飽肚的長通粉。沙律菜、配料和醬汁都有多款選擇。甜品和水果全部都細細件，可以每樣試少少。沙律菜很新鮮爽脆，我加了我最喜歡的粟米和煙肉。煙三文魚很大塊，鹹度適中，青瓜和海蜇都很爽口，鳳瓜如果再辣一點更好。粟米忌廉湯濃稠適中，入口順滑。多士烘得香脆，最適合用來配忌廉湯。海鮮拼盤($128/位)海鮮拼盤份量按人頭計算，每人有半隻波士頓龍蝦、青口、翡翠螺、蟹腳和大蝦各一隻。波士頓龍蝦幾大隻，啖啖肉，大蝦夠大隻蝦肉亦結實，青口不過韌和黏牙，翡翠螺沒有沙很有咬口，蟹腳很多肉有淡淡海水鹹味。海鮮整體雖然不算待別鮮味，不過$128/位有五款不同海鮮，都算抵食。石燒新西蘭羊架配香草燒汁($468)羊架有三大件，奉上時只有兩三成熟，食客可以把羊架放在預熱了的石板上燒至想要的熟成度。羊架旁還伴有薯蓉、青豆、香草燒汁和薄荷醬。石板奉上時非常燙熱，但熱力只能維持十五分鐘，所以要盡快把肉放在石板上燒熟。羊架騷味不重，肥瘦亦適中，燒至七成熟剛剛好。石燒肉眼扒配香草燒汁($488)肉眼扒有極隻手掌般大，份量十足，旁邊伴有薯仔、車厘茄、香草燒汁和芥辣。肉眼扒肉質軟腍沒有筋，個人覺得蘸芥辣比燒汁美味。主菜太大份，食完都八成飽，但甜品點都要試，就每款取了一件。我最喜歡焦糖燉蛋和奶凍，前者焦糖夠脆蛋味亦香，後者很香滑，蛋糕剛略嫌偏乾。最後餐茶點了凍檸茶幫助消化。總結，環境好靚好夢幻，食物份量非常多，味道雖然不算突出，但石燒有得玩有得食，非常適合跟女朋友或姊妹一齊來。…Read More

一班朋友gathering , 一早book 左6:30，點知話有fuction 所以改7:30，不過我地都ok . 坐低後，我地開始食半自助餐既食物，沙律，中西湯，煙三文魚，熱食，甜品，都幾好！不過吾知果日係米吾太多人，沒有再refill 煙三文魚了。Service 都幾好，成日幫我地斟水，收碟，幾有禮貌！👏🏻👏🏻👏🏻來了頭盤，海鮮拼盤，每人半個龍蝦，蝦，蟹腳，青口各一隻，一般啦，冇乜味。之後，我幾見open rice 推介魚柳聖子果個main course$368 . 最緊要係，七個人七月魚柳聖子main course 😓 真係feeling crazy ! 魚柳皮煎得幾香脆，魚湯在柳下，其實可以再熱D。整體尖沙嘴有個地方食下野，傾下計，都幾好。場地搞下簡單的婚宴都幾靚㗎！…Read More

完成了手頭上的工作，朋友生日將至，當然要搵個舒服的環境吃一頓，所以便相約到 My Day 吃一頓。餐廳採用半自助餐形式，既可選擇自己喜愛的主菜，又可到自助吧去選擇中西式餐湯、頭盤食物、鮮果、甜品，而且凡2位惠顧半自助餐，就送一客海鮮拼盤。西式湯水是意大利雜菜湯，一般，味道不差，但沒有驚喜。中式湯水是淮山杞子螺頭煲雞湯，火喉夠，用料十足，清甜滋補。又帶子又貴妃蚌，頭盤選擇這麼多，對於我這個有選擇困難的人，真的不知先吃甚麼好，最後決定先試試水牛芝士，芝士味不算太濃，再配上蕃茄伴著吃，清新。海鮮拼盤的量不算太多、種類還可以，有龍蝦、長腳蟹、蝦和青口。龍蝦的 size 都不算小，青口亦很肥美。最愛將海鮮拆肉後一次過吃，啖啖肉，滿足感十足。還未吃主菜，肚子已被填滿了不少。主菜終於出場，我們選擇了一客比較清淡的鱸魚柳及蟶子王，將魚柳煎香後用車厘茄黑水欖羅勒魚湯浸著，再加入用牛油來烹調的蟶子王，賣相一流，味道清淡中有絲絲羅勒的芳香，稍嫌魚柳肉質太實，蟶子王用了牛油來焗，當然不及一般用蒜頭豆豉來煮的惹味，但感覺亦不賴。另外一客主菜，我們選擇了脆卜卜的德國豬手，賣相亦出眾。豬手煮得剛剛好，皮脆肉嫩，仍能鎖住肉汁，不會太乾，我愛濃味，所以蘸些黑椒汁及芥辣醬，有少許攻鼻的感覺，更能將肉味提升。肚子已脹卜卜，但絕不能錯過甜品時間。左上的是意式奶凍、右上的是酒香葡萄麪包布丁、左下是藍莓芝士餅、右下是特濃朱古力蛋糕。各款甜品各有特色，甜度適中，不太甜，較健康，但奶味、芝士味、朱古力味都很濃郁。酒香葡萄麪包布丁較少吃，雖然酒香不太突出，但布丁軟滑清香。甜品細細件，我才可以品嚐較多不同的味道，滿足！滿足！最後來一杯香濃咖啡，為過頓晚餐畫上 一個完美的句號。…Read More

今晩在美麗華一期食通天搵食，看到宣傳牌才知道六樓有一間提供半自助晚餐的餐廳 - My Day。單點半自助食物吧只需 $288，半自助餐加主菜由$328起。另外凡二人惠顧半自助晚餐，即送精選海鮮拼盤。餐廳的佈置很寛敞，枱與枱之間有足夠的空間，感覺很自在。室外還附有結婚場地，佈置得很浪漫，更可以望到尖沙咀一帶迷人景緻。海鮮拼盤凡二人惠顧半自助晚餐，即送精選海鮮拼盤。二人份量拼盤有一隻龍蝦、兩隻阿拉斯加蟹腳、兩隻海蝦和兩隻青口。主角當然是原隻開邊龍蝦，蝦頭部份滿載蝦膏，蝦身多肉爽彈。自助餐湯區餐湯共有中西式供應，中式是准山杞子螺頭煲雞湯，西式是南瓜濃湯，並附有餐包。自助熱食區熱食區有炸春捲及咖哩角、芝士白汁焗帶子和煙肉洋蔥焗貴妃蚌。自助冷吃區這個區域有冷切拼盤、泰式無骨鳳爪、香辣芹菜伴海蜇、熏蹄、水牛芝士蕃茄沙律等。自助沙律區有多款新鮮沙律菜配合多款沙律醬汁，並有多款已調製的沙律，例如燒野菌沙律、雞蛋吞拿魚伴長通粉沙律、薯仔沙律配合桃煙肉等。自助甜品區多款甜品，熱情果朱古力慕絲、薫衣草慕絲餅、意式奶涷、酒香葡萄麵包布丁等等。主菜-美國燒肉眼扒（HK$398 w/Semi-buffet Bar)肉眼扒燒至五成熟，肉質鮮嫩多汁，肉味濃厚。炸薯條外脆內軟，還有露筍和蘑菇片，原汁原味的牛扒配合原味燒汁和芥末，又是另一種味道。至尊魚翅鮑魚蟹肉撈飯 （HK$398 w/Semi-buffet Bar)這個中式的魚翅撈飯，卻用了西式的擺盤，碟上先放上蟹肉魚翅，再放入鮮蝦炒飯，然後上面放上一隻鮑魚。食的時候，把炒飯拌勻魚翅，令每口炒飯索満蟹肉魚翅的味道。Coffee or Tea門面餐牌…Read More

英國朋友遠道來香港吃過港式美食後到最後一日來到這裡半自助晚餐每位三百多元起以粉色作主題的佈置一看就知道是婚宴場地沙律吧是自己形式沙律菜新鮮香脆醬汁選擇多尤以千島醬最美味但一些蔬菜譯名有誤Sprouts 應為cressRed onion應為beetroot除了蔬菜火腿和煙三文魚也不錯湯是豆蓉湯但有點過鹹席間侍者美來兩塊麵包像烤過的法包甜甜的非常美味海鮮拼盤氣勢十足眼睛大大的龍蝦很鮮甜海螺的肉異常肥美主菜方面我點了澳洲羊架賣相一流肉質軟嫩最重要的是是我要求我五成熟朋友的比目魚排非常柔軟可口朋友也吃得滿心歡喜最後送上的甜品拼盤精緻云云甜品中以藍莓芝士餅最順口最後吃點飯後水果在歡笑聲中送別再會之時可能又會是幾年後的日子了…Read More

MyDay其實是間婚宴專門店，若非朋友從網上得知這裡晚上會供應半自助餐，亦絕不會發現這裡更枉論在此享用晚餐。套餐包括海鮮拼盤、一份主菜、甜品拼盤、及飲品，價錢由$268至$368不等，另外亦有貼心地提供兒童餐選擇。自助區域提供各種沙律、冷盤、餐湯及水果。首先送上每人半份龍蝦、海蝦、翡翠螺、松葉蟹腳和青口，擺盤賣相華麗，質素不過不失，翡翠螺雖然肉厚但清洗得不夠乾淨，殻內仍有不少沙粒。香煎深海比目魚柳配原隻南非鮑魚 ($328)比目魚柳外皮煎得微脆，肉質亦不乾韌，鮑魚肉質彈牙，而青口亦比海鮮拼盤中的更加鮮嫩多汁，西芹頭忌廉汁更出乎意外地沒有我厭惡的氣味，配上綿密軟滑的紅花薯蓉飽足感大大提升。美國頂級肉眼扒 ($368)朋友點的五成熟肉眼扒份量甚大，肥美肉嫩，配以炸薯條、蘆筍、炒雜菌及一小碗沙律。甜品拼盤賣相絕對先聲奪人，款式之多有如下午茶套餐一樣，有抹茶卷蛋、朱古力布朗尼蛋糕、朱古力撻、藍莓芝士蛋糕、抹茶慕絲蛋糕、啫喱糖、士多啤梨奶凍、焦糖燉蛋、蝴蝶酥及芒果啫喱，當中最喜歡外脆內軟滑的焦糖燉蛋。因為本來是婚宴專門店，環境自然是豪華優雅，而且空間寬敞舒適，在此感受一下婚禮幸福感亦不失為一個好選擇。…Read More

平時食buffet都好難樣樣都食得哂，今晚來個半自助餐，一來價錢吸引，二來環境靚之餘，服務還好好。位於美麗華廣場6樓，交通方便，環境仲好靚，因為呢度也是歐陸氣派宴會場地，平時無活動時都有半自助餐供應，所以我地當然訂定位。餐廳環境優雅廣闊，很有空間感，果然做開宴會場地，周圍裝備佈置都充滿幸福感覺。也有Outdoor位置，同樣有埋地台位方便室外宴會用，而且我地早了點來，仲可以欣賞日落的迷人光線，到了晚上又有醉人夜景陪伴 ，真係好溫馨浪漫。半自助餐有自助沙律、頭盤、餐湯，之後有豐富的海鮮拼盤，接著是主菜，有7款選擇，價錢$268-368，連兒童餐都有，最後是甜品拼盤、咖啡/茶。自助沙律及頭盤不算很多選擇，但貴精不貴多，質素高且放得整齊乾淨，望到已經想食。火腿類的頭盤有齊5-6款，排得好靚，也有煙三文魚。沙律菜好新鮮乾淨，醬料有西式醬及芝麻醬，的確每款都想食，而我最喜歡食羅馬生菜配調好的各式沙律。另一邊是幾款調配好的沙律，多是以西式配搭，但有款螺肉青瓜就較中式，味道好好。生果類也有三款，全部都好甜好多汁。另一邊就放了一鍋南瓜湯，也是無限添。南瓜湯味道溫和又溫暖，微甜又順滑的湯配麵包很美味。但我更喜歡餐包，是烘的又暖又脆的無花果乾麵包，超好味。火腿的味道不會太咸，有微辣、有黑椒的香、有酸瓜等等，幾款都好味，我較鍾意煙三文魚，肥美油潤又香，嫩滑又健康的頭盤。沙律有少見的紅菜頭，清甜開胃；火雞片配橙也好清新，唔似食肉的膩感；螺肉配青瓜有麻油香。海鮮拼盤有龍蝦、青口、翡翠螺、海蝦及松葉蟹腳。海蝦好爽口，青口大隻厚肉，兩者也不腥。松葉蟹腳也有4大件很豪爽，蟹肉一絲絲好鮮甜。翡翠螺反而興趣不大，雖然好彈，但我發現沙律吧有已起肉切片做成的中華沙律，但美味又食得方便。每人有半隻龍蝦，有手掌咁大，肉質爽彈，龍蝦味頗明顯，連膏食更滋味。龍蝦鉗也不可錯過，好易將鉗肉拉出，肉質更結實彈牙，加點檸汁更帶出鮮味。法式燒乳豬配法國血橙燒汁 $328，法式做法同中式不同，雖然兩種做法都是會燒脆豬皮，但法式的豬肉不會乾的，所以多個享受，但配菜是較中式的菜芯，菜芯連味道都帶點中式醬油味，究竟中法味道夾唔夾？！立即開動。乳豬皮薄又脆卜卜，中間有層脂肪夾著，食落滿口油香，豬肉好嫩腍，肉味突出，而且好多肉汁，配血橙燒汁味道更提升，因為醬汁酸酸甜甜有果汁好夾豬肉，又可中和油膩。配菜不用沙律，用中式炒菜原來都好夾，感覺貼近港人口味。美國頂級肉眼扒（10安士）$368，伴美國蘆筍、沙律、香炒野菌及薯條，份量十足好豐富，而且用木板上菜更有風味。肉眼扒點了五成熟，粉紅色嫩肉好柔軟，加上油脂分佈平均，微微溶化開又閃亮著油光，令牛扒肉汁更豐富。雖然不太厚身，但牛味濃且口感實在，筋位也很少。與配菜味道合拍，我特別喜歡連野菌同食。薯條也保持得香脆，不會被肉汁浸軟。等待上甜品時，我地已經好滿足，但仍被生果吸引，火龍果難得甜的，平時自己買的都味道較淡。哈密瓜好爽脆，與西瓜同樣香甜多汁。我的熱檸茶都特別靚，因為用玻璃杯，而友人的咖啡也有另外裝開的奶，感覺好優雅。不得不讚呢度服務周到又貼心，由頭食到尾，都會勤快添水清理乾淨，上菜速度也配合客人。甜品拼盤送到，打從心底裡「嘩」一聲，好靚好公主感覺，有多款甜品唔知由邊度食起，瘋狂影相完就開始食啦。我同友人的選擇次序都唔同，其實喜歡點食都得。我先食較淡味的蝴蝶酥，微甜不膩又香酥，很脆口好配咖啡。接著食濕潤的芒果布甸，不過太水太散，味道可以，只是質感不太好。還有小朋友喜歡的jelly，質感偏軟身，不會太彈，青檸味酸酸甜甜好清爽，再飽都可以食埋其他甜品。抹茶卷蛋很輕盈，茶味清新，我較喜歡濃郁茶甘的味。士多啤梨奶凍好好食，既香滑又濃厚的奶味，配士多啤梨醬味道剛好平衡，還有點椰奶味。可惜朱古力曲奇已不脆，應該放久變潮了。最好味都是藍莓芝士蛋糕，芝味濃重又滑溜，餅底又香。而朱古力布朗尼蛋糕也好味，難得仍加入合桃增加口感。…Read More

夜晚如果要去酒店食buffet閒閒地都要八百蚊左右，對於食得不太多的我來說，真的不化算。所以人均消費$350的半自助餐更加符合我的要求。一走進My Day，而且服務很週到，拍得住五星級酒店！因為同時都是婚宴的埸地，所以感覺很舒適。落單之後，就先去享用沙律BAR同頭盤。*自助沙律、頭盤及餐湯有穀物餐包配牛油；個人覺得夾住煙三文魚食真的不錯。有菠蘿、西瓜和哈蜜瓜；今日的菠蘿和哈蜜瓜都甜，西瓜稍為遜色。Cold cut有成四五款可以揀，每種都不會太肥和太咸，味道適中。沙律吧只是吃了這一小碟，紅菜頭很甜，值得推介。*海鮮拼盤每人有半隻龍蝦、海蝦、翡翠螺、松葉蟹腳和青口。個人推薦翡翠螺和松葉蟹腳。翡翠螺超！厚！肉！而且爽口彈牙；松葉蟹腳有海水味，帶點咸咸的。*香煎深海比目魚柳配原隻南非鮑魚($328)兩片比目魚柳加一個南非鮑魚，再有三隻小小青口作伴碟。比目魚柳煎得剛好不會太熟，魚肉仍然保持滑溜；南非鮑魚爽口彈牙，沒有太多的調味，原汁原味的。*意式蒜香意大利粉配巴黎牛油燒帶子($298)朋友點的*甜品拼盤一個拼盤，數一數有成十一款甜品，每款都的的式式，可以一次過試哂不同的口味。抹茶mousse tart、朱古力mousse杯、奶凍和朱古力蛋糕都是個人比較推薦的。抹茶mousse tart抹茶味重，幼滑不太甜，帶少少甘；朱古力mousse杯幼滑，帶點酒味，朱古力味都濃；奶凍奶味濃，幼滑，魚膠粉量不會太多，雖上面的醬偏甜了一點；朱古力蛋糕比起brownies那款更好食，朱古力味濃一點。*Fruit punch帶點酸酸的，不會太甜。…Read More

走進餐廳以為去咗中式婚禮飲宴，很多圓枱而且佈置典雅高貴，設計白色為主。semi buffet 有少許沙律、生果，欣賞他的豆湯味濃我們總共六人叫了六個晚餐，有一個海鮮拼盤、雜錦甜點，不過最後飽了也吃不完。海鮮一般，翡翠螺有很多沙，龍蝦亦不是太鮮味，長腳蟹還可以，不過可能雪得久了很多水:(燒乳豬有很大的肉味羊架味道不錯👍帶子意粉有少少辣味，很開胃咖喱雞就一般了。鱈魚薯蓉也不錯👍最後來一個甜品拼盤，賣相都好吸引，不過味道一般了，而且太飽亦都吃不完，總括來說，試過一次便夠了。…Read More

今日和太太想食浪漫的晚餐, 上網找資料, 於是便決定往尖沙咀My  Day 食半自助晚餐, 我們主菜點了墨魚仔蕃茄乾扁意粉和法式燒乳朱配法國血橙燒汁；這裡有自助沙律吧, 自助沙律吧有忌廉湯, 紅菜頭、煙三文魚、鷹咀豆、煙肉薯仔、青蘋果西芹和蜜瓜水果。忌廉湯好香滑好香濃, 入口即熔；紅菜頭好爽口、煙三文魚好香、鷹咀荳荳味香濃、煙肉薯仔薯仔好粉好腍, 煙肉香胞；青蘋果西芹新鮮爽口；蜜瓜食落清甜；食完沙律吧的食物, 之後職員奉上海鮮拼盤, 海鮮拼盤有半份龍蝦, 海蝦、翡翠螺、松葉蟹腳和青口, 整個拼盤份量十足, 好足料,。龍蝦食好大隻, 食落新鮮鮮甜；海蝦共8隻蝦好彈牙；翡翠螺共4隻肉質鮮甜；松葉蟹好足夠大大隻, 蟹肉爽口鮮甜；最後青口共4隻, 有2隻雄性,2隻雌性, 青口肉質鮮甜, 入口即熔, 味道爽滑, 整份海鮮拼盤十分新鮮, 食落醒胃；主菜墨魚仔蕃茄乾扁意粉墨魚仔食落新鮮彈牙, 蕃茄乾食落鮮甜, 甜度適中；火箭菜食落新鮮開胃；扁意粉食落爽滑, 配上胡椒食落惹味, 整份墨魚仔蕃茄乾扁意粉口感十足, 食落醒胃；法式燒乳朱配法國血橙燒汁乳朱燒得香脆, 乳朱肉質鮮甜, 食落有油花啖啖肉, 法國血橙食落酸酸甜甜很醒胃,能中和乳朱的油膩, 而燒汁配上乳朱一齊食, 食落口感十足, 整份乳朱好足料, 食落脆卜卜, 配上血橙一起食, 好惹味；食完主菜食甜品拼盤, 甜品拼盤份量十足, 有多種甜品, 有綠茶蛋糕,Jelly、焦糖焗蛋、綠茶柚子餅, 忌廉芒果杯、黑朱古力蛋糕、牛油餅乾、藍莓芝士餅和忌廉奶凍等, 份量十足, 綠茶蛋糕食落綠茶味濃, 蛋糕好軟綿, 食落不油膩； Jelly有提子, 青蘋果和菠蘿味甜度十足；焦糖焗蛋熱辣辣, 蛋味好滑, 焦糖甜度十足美味；綠茶柚子餅柚子味清甜, 綠茶味香濃, 適合不嗜甜的朋友；忌廉芒果杯芒果好鮮甜, 忌廉打得好滑, 入口即熔；黑朱古力蛋糕黑朱古力味濃, 蛋糕細細粒, 容易入口, 入口即熔；牛油餅乾好香脆；藍莓芝士餅藍莓鮮甜, 芝士餅味道香濃, 口感十足, 最後忌廉奶凍, 奶凍甜度適中, 食落香滑美味, 整個甜品拼盤賣相精緻, 甜度適中, 十分美味；最後餐飲凍奶茶茶味香濃, 好香滑。總結餐廳環境浪漫, 視野開揚, 這裡原來是證婚的場地, 環境浪漫舒適, 有婚宴講台和candy corner , 可進行婚宴場地, 餐廳食物美味, 沙律吧款式多選擇食物美味, 主菜份量十足, 尤其是法式燒乳朱配法國血橙燒汁食落惹味香脆；海鮮拼盤份量十足, 而且十分新鮮鮮甜；甜品拼盤款式多之餘, 但甜度不會太甜, 餐廳食物質素甚高, 這裡適合情侶聚會, 求婚或紀念日好地方,值得再來的浪漫情調餐廳。…Read More

約咗人嚟到尖沙咀美麗華六樓嘅My Day，呢度係俾新人擺酒或舉行宴會嘅地方。如果無包場嘅話夜晚就會提供半自助餐，呢晚我哋就嚟試試。場內色調用淺綠同白色為主，佈置充滿西式婚宴氣氛。除咗大圓檯之外，亦有多張長方形檯。餐廳仲有戶外位，可以俾新人晌呢度舉行證婚儀式，而且仲有開揚嘅尖沙咀鬧市景。然後就睇睇自助區嘅食物，主要係頭盤同沙律，分別有薯仔沙律、紅菜頭沙律、辣肉腸長通粉同多款冷切肉，另有幾款生果、羅馬生菜、紫生菜、青瓜、車厘茄、粟米、黑橄欖、鷹咀豆、煙肉乾、烘麵包粒、芝士粉同四款唔同口味嘅醬汁，俾食客自己調配沙律。肉眼所見，當晚嘅冷切肉至少有五六款。餐廳提供嘅係半自助餐，其中一啲食物係限額嘅、一啲食物就可以去自助區任意享用。入面嘅主菜就係每人一份，價錢由二百幾至三百幾左右，其中兩款兒童餐就唔洗一百，另設加一服務費。海鮮拼盤，分別有龍蝦、海蝦、翡翠螺、松葉蟹腳同青口，數量方面係按人數發放。當晚嘅龍蝦幾大隻，翡翠螺肉厚彈牙，青口嫩滑，松葉蟹腳鮮鹹，其餘四款嘅質素唔錯，如果可以任食就好喇。另外，仲有麵包多士。自助區嘅冷切肉幾香口，我最鍾意加咗彩椒同黑椒嗰兩款。蔬菜都幾爽嫩，而生果類嘅菠蘿、哈密瓜同火龍果都幾香甜多汁。餐湯方面，呢晚係青豆湯，質感都幾creamy。然後就上主菜嘅美國頂級肉眼扒，餐牌寫有十安士重，仲用露筍、炒雜菌、沙律同薯條伴碟，同埋跟咗黃芥辣、茄汁同燒汁點嚟食。法式燒乳豬配法國血橙燒汁，伴碟嘅甘筍同加咗番茄醬嘅雜菜有解去肉類膩感嘅作用。餐飲就揀咗熱檸茶，餐後飲幾消滯。食完主菜，侍應就拎咗一份甜品拼盤嚟，同海鮮拼盤一樣每款嘅數量都係按人數發放。呢個拼盤有啲似英式下午茶，賣相討好。甜品名係我憑外觀同味道嚟估，紐約芝士蛋糕、藍莓芝士蛋糕口感滑；布朗尼入面有榛子果仁，朱古力味濃郁中帶甘澀；綠茶蛋卷嘅綠茶味唔重，但口感唔錯；原味同綠茶曲奇細細件咁，都幾鬆脆。椰汁奶凍香滑；芒果布甸質感唔硬，幾唔錯；焦糖燉蛋甜味唔高；杞子桂花糕整到成個心形，味道清清甜甜；啫喱糖就色彩繽紛。 （附上影片，openrice要電腦桌面版先可以睇到）…Read More

好友生日，想食西餐，又想地點方便大家，所以決定去尖沙咀。我地一行十大一小，每次食西餐大多數係長枱，因為太遠，所以未能夠可以同所有朋友仔傾到計，My Day有大圓枱就唔駛驚👍🏻。晚上主打semi-buffet set dinner價格大約$268-$368，包前菜、餐湯、海鮮拼盤、主菜、甜品及餐飲😱，用銀聯卡簽賬仲送紅酒一支🍷🍾！如果仲用埋open rice訂枱仲有9折👏👏！咁抵點都要試試啦！不過大家留意，餐廳晚上10點就打洋，如果一大班friends想傾耐D, 就要早D去食嘞！…Read More