Le Bristol

在黃金海岸酒店的附近，又唔想食自助餐，想食好少少的西餐選擇似乎比較少。最後選了法國飯店，一早book了枱。遲左少少黎到，餐廳一早預留左枱，黎到後男友話想坐外面，經理十分好的幫我們把原來book了枱的位置轉到外面去。坐外面的感覺的而且確會chill d，但唯一的缺點就係要睇下你附近的枱有無人食煙了。二話不說就點了個海鮮set來食，然後仲點了一個main course，埋單都係$700-$900，而且坐出面望海好悠閒，呢餐好抵食，環境唔錯，服務亦都好好，值得一讚…Read More

香港人生活忙碌 適當時候應該輕鬆一下今晚 又搵到籍口食餐好了😁悠閒地逛完黃金海岸 順道吃個法國大餐先環境係非常舒適又浪漫的 重點唔會太多人叫左二人套餐 頭盤來個海鮮拼盤有生蠔 田螺同大蝦 不過份量偏少蜆肉忌廉湯 味道偏淡 蜆肉三兩隻😅當然少不了配湯嘅餐包啦 法包仔黑毛豬沙律 羅馬菜夠爽甜 配上黑毛豬口感唔錯 😙主菜㨂左黑松露蝦肉意大利飯黑松露嘅香味同忌廉包圍住軟硬度適中嘅意大利飯 口感一流重夾雜住蝦肉 層次感立即豐富左👍🏼重有炭燒肉眼扒 7成熟岩岩好 分量亦不少入口牛味香濃而且好juicy 表示滿意👍🏼很可惜呢個套餐並沒有包括甜品 美中不足不過整晚被浪漫氣氛包圍住 算唔錯😁…Read More

2.22係我同男友既Anniversary，男友今日要OT，只可以係食晚飯時見面。我地兩個屯門友又再去屯門既拍拖熱點──黃金海岸食晚餐，不過今次我講到明唔想再食酒店自助餐，所以男友就安排左去法國餐廳食~我地叫左個2人餐，有1個海鮮拼盤、2個前菜（揀左田螺薯蓉&黑毛豬火腿沙律）、2個湯（蜆肉周打魚湯&龍蝦湯）同埋2個主菜（黑牛肉眼扒&帶子青口扁意粉）。首先上既海鮮拼盤，d海鮮好新鮮，原本我都唔太食生蠔（因為之前係某酒店buffet中過伏），不過呢度既生蠔又真係好鮮味 ，但想食多隻都冇呀，1人只得1隻… 之後就到前菜，不得不讚，個田螺薯蓉超好味 ，田螺好有咬口，薯蓉就超香超滑，我忍唔住食左成3分2，只留返1/3比男友，男友只好食黑毛豬火腿沙律（個人覺得呢個味道普通）。到湯，周打魚湯好一般，不過都頗足料。而龍蝦湯味道就好怪 ，我飲左幾啖已經唔想再飲…但待應見未飲哂，就唔會收隻碗，咁即係亦唔會上主菜…為左個主菜同為左唔好做大哂鬼，唯有飲埋佢…終於捱到飲哂d湯，等到最令人期待既主菜上喇！黑牛肉眼扒好入味又鬆軟，推介 ！而帶子青口扁意粉就好失望，帶子竟然有陣酸”叔”味 ，但我地費事叫佢換喇，食埋d扁意粉算。埋單$6xx，好貴，如果唔係一年一次既大日子都唔會係d咁貴既餐廳食……Read More

我對屯門完全不熟悉，難得今晚可在黃金海岸酒店過夜，便趁機在鄰近的商場找餐廳吃頓晚餐。黃金海岸商場的餐廳也算幾多元化，週末晚遊人多的是，我和朋友最終選了法國飯店Le Bristol，但要等超過30分鐘才可入座。選擇Le Bristol，是被它門口掛著的$488 六道菜二人餐所吸引，那就看看質量是否超值啦。如果餐飲也計算在內，這套餐共有七道菜。打頭陣的是「海鮮拼盤」（Seafood Platter)，有生蠔、海蝦、青口各兩隻  據店員說，生蠔是南非的，尚算新鮮和多汁，也沒有很重的腥味。而青口也很厚肉和鮮味。但海蝦就相對太細隻了。前菜一： 「香煎法國鵝肝」(Pan-Fried Goose Liver)兩百多元的套餐，不能期望有頂級鵝肝吃，但這塊鵝肝確是水準之上，入口軟綿綿兼滑溜，只嫌味道不夠香濃。 前菜二： 「煙三文魚凱撒沙律」(Caesar Salad with Smoked Salmon)這沙律的菜顯然不夠豐富，沒有一般的沙律菜，三文魚只得一塊，芝士也少得可憐，唯一最讚的是生菜，好爽好新鮮。餐湯：「蜆肉周打湯」(Clams Chowder)湯很香滑，很Creamy，味道適中，但蜆肉就得兩三粒，少了點。主菜一： 「炭燒美國頂級肉眼扒」(Grilled US Prime Rib Eye Steak)牛扒我要求Medium的，也總算合符我心意，熟度恰到好處，肉汁多而帶些少脂肪，所以肉質鬆軟而滑，確實燒得很不錯。主菜二：「蕃茄汁蜆肉天使幼麵」（Angel Hair with Clams in Tomato Sauce)蜆肉湯沒有蜆肉，但這主菜就大大隻蜆給我了，蕃茄汁豐富而香濃，令蜆肉帶點甜甜酸酸的。而天使幼麵很爽口彈牙。蕃茄、蜆肉和麵都配合得不錯，都很入味，是整晚最滿意的一道菜。餐茶為凍檸茶可惜套餐不包甜品，且我們已飽了，便決定不另點甜品。這二人餐的質和量都不錯，食材選料也在水準之上，以每位消費約$250來說，吃到如此的法國大餐，算是超值。這樣的菜單，加上海景，香港市區可能要至少三、四百元一位，所以這餐廳的定價合理，適合週末或節日來慶祝。最後來個溫馨提示，最好預先訂位。…Read More