蒸蒸日上倫哥私房菜 (Closed)

其實我都唔係普通人份量，但係倫哥先嚟一個雞煲，再換爐打海鮮邊爐，真係唔係正常人可以食得曬既份量！不過係好味既，啲姐姐又nice!首先一坐低就比兩款前菜，另一個係涼拌唔知咩豆，由於太好食，好快俾我清咗唔記得影相。木耳就一般。 之後又有鮑魚同冬菇做前菜，冇諗過會有，算係bonus ？味道OK。之後同朋友超滿意個湯！未見過打邊爐會送過高質既蟲草花瘦肉燉雞湯，超足料，普通食既雞（唔知咩品種所以叫普通雞）同烏雞都有，每人一盅，好甜好正，好可惜冇得叫多，不過我會再因為個湯再去㗎，希望出名之後唔好改變啦！之後就上雞煲，兩個人有半隻啦應該，味道OK但唔夠入味，雞有啲唔夠淋，而且我叫中辣都好似小辣咁....整體都OK，不過勸大家千祈唔好係哩part食咁多！！之後就到重頭戲海鮮邊爐啦姐姐會睇我地食完味未幫我地換爐，雞煲冇曬，轉打邊爐，但係一上就係番茄薯仔湯底，唔知會唔會有其他湯底？雖然哩個都OK，但冇問我地就算啦。個海鮮拼盤有幾樣係唔可以任食而且每人只得一隻按人頭俾既，包括象拔蚌，蠔，帶子同蟹（唔明起碼都一人半隻啦，但佢係俾半個蟹蓋同半個身同一邊蟹鉗俾我兩個，咁點分呢），其餘可任食既海鮮包括龍躉，翠肉鯇，蜆，蝦，花蚧。其實都好豐富同埋全部都新鮮又大隻，300一個人真係抵。除左海鮮，仲有墨魚滑同蝦滑，墨魚滑好正，蝦滑唔係彈牙個種但都好足料我幾鍾意既質感。唔知可唔可以refill, 但我已經飽飽地。個牛又係好驚喜，因為完全冇期望主打海鮮會有咁高質既牛，雖然唔可以refill，但唔知加幾錢就有，好正，唔係一般任食可以有既質素。其他任食既嘢都係姐姐自動拎俾我地，其實我想有任食點單紙囉，因為唔係樣樣我都想食㗎嘛。姐姐做緊promotion, like fb 就有得抽獎，見到隔離真係抽到好似$500即時俾，我地抽到6個送一個既優惠券同埋買xo醬有平既券，但一罐xo醬要120蚊我比較想買前菜涼拌x豆既醬，希望之後可以有，因為我真係停唔到咁食個豆環境有啲逼，而且難搵。希望你地做得好有多啲生意但又唔好咁多人發現之後要排長隊啦…Read More

與媽媽阿姨們慶祝媽媽生日 一早訂左枱唔洗等 由於系星期四同太子店 收費系$288+1 一位雞煲啲雞食得出系算新鮮 叫左小辣 個人認為辣度適中 整得不錯 非常入味但佢比較麻煩 上左菜 但仲要炒四次 等10分鐘先食得所以我地食左一轉已經轉打邊爐等火鍋湯底期間上左燉湯 味道還可以 就系油左少少鮑魚不算大隻 所以我整個食 感覺系un.... 味道一般 沒有好濃既鮑汁 不過都明白 始終唔係主打牛肩肉好正好有牛味可惜只得一碟蟶子 — 好爽口好鮮甜 想encore不過唔系任食蟹 — 系蟹湯既蟹 好多膏 不過其實等左好耐先有湯底 生蠔 — 雖然細隻 但好鮮甜都系無任食魚片 — 有幾款 煮完吸左湯都幾好味 有任食仲有蜆 蝦 鮮魷 水魷 都有任食 得蝦同魚片有再叫最後有個甜品 不過麻麻地 飲品任飲有幾款 平時個幾隻汽水 道地既荔枝紅茶同冬瓜菜 蘆薈飲品 同自家製涼茶 但要自己行去雪櫃拎 但其實得一條路又窄又要上菜 雪櫃隔離又系出菜位 繁忙時間都有啲難度…Read More

我唔是打手!我唔是打手!我唔是打手!因為好重要，所以要講3次!之前由一位老友係whatsapp post左張傳單出黎，見到$268一位任食海鮮火鍋無限時，任食海鮮無限時喎?心諗唔_係呀，今時今日仲有呢咁好既野咩，咁真係要試試佢，幾經辛苦終於約到班朋友，早3日前book位已經話得返太子果間有位，唔理照殺book左6點半，一行7人浩浩蕩蕩向太子出發，一入門口見到有幾個獎狀，火鍋大王至專大獎，乜咁把炮既咩? 坐低之後其實冇人食過，都唔知點叫，好快阿雪姐(偷偷地望到佢名牌)已經送左2碟小食黎，辣辣地既豆(唔知叫咩豆), 又幾好食，好開胃，之後收銀枱既哥哥已經問我地雞煲要咩辣，其實有d奇怪我地唔係黎食海鮮火鍋咩，點解會有雞煲，不過唔理要左一個小辣一個大辣，因為我地7個人分左2個煲，雞煲未到之前有鮑魚同聖子食!?原來人人黎都有得送一人一隻，食埋岩岩好雞煲到，因為我自己係可以食得好辣既人，所以2個雞煲我都覺得唔辣，不過就好香幾好食，唔錯，如果辣返d就perfect池喇。食完雞煲開始我地海鮮火鍋，我地加左30蚊要左龍蝦湯底，因為分2煲既關係所以龍蝦開邊，每煲半邊，湯底幾得意有西瓜同南瓜一齊煲，一黎個海鮮拼盤，真係好正，排得靚之餘望落係堅新鮮，有花甲，海蝦，鮮魷片，帶子仔，刀貝，象拔蚌仔(其實唔係咪，不過個樣好似)，鯇魚片，仲有其他丸類有種丸第一次食成粒黑色，朋友話係墨汁丸，韮菜餃，魚皮餃。食完一盤又一盤，我地食到第唔知4定5盤再嗌既時候，我同收銀枱哥哥講海鮮盤同其他丸同餃樣樣都要d，佢答我“好肚餓?” 哈哈! 我話係呀, 佢即刻樣樣都幫我落order, 咁做生意先留得到客，我一定會返黎再食，希望唔好black list我地(因為我地嗌左好多盤:()，仲有漏左講一開始送唔止鮑魚同聖子，仲有2揸西瓜汁，唔錯幾好飲，飲完西瓜汁仲有其他汽水都係任飲，啤酒就另費，今晚食都我地個個嗌飽都唔洗3千蚊，一人大約$326，唔錯唔錯，I will be back!…Read More

早在太子開鋪之前，已經從同事口中聽過倫哥，聽聞好多海鮮，對於我呢個海鮮迷就一定記住了。前排路過，竟然見到開左係附近，所以更加想一試真偽。但要試食都要D緣份同耐性，因為唔係即Book就有，試左兩次，終卡可以同老公挑戰一下什麼是真的假不了。店面不算大，剛開鋪，店員忙碌準備中，雖然唔係金碧輝煌，但都算雅致。一坐低，已經有人招呼，表示野飲可自取，但會先每人送一個西瓜汁俾大家，大熱天時，有原隻西瓜飲，係爽既👍🏻👍🏻👍🏻之後先上兩隻鮑魚，個汁濃淡適宜，鮑魚有咬口，亦算入味。但總不及下一味既 蒜容蒜聖子，聖子手掌甘長，蒸既時間岩岩好，亦有鮮味，食到同老公讚不絕口，單係即叫即蒸呢份心意已經可貴。由於兩個人，無緣嚐雞煲，只試左蟹窩。蟹的份量不算太多，但厚肉新鮮，海鮮拼盤按每日新鮮入貨，菜單可能有些唔同。海蝦實肉，鑽石蜆大隻，一咬落去，就係我最愛既海鮮鮮味🍻🍻手打丸亦同樣見功夫，粒粒爽口彈牙，墨丸令人回味無窮，值得再三Encore 👍🏻牛肉雖然我無食到，但老公話嫩滑無筋，佢一個人都輕易食晒一碟。除左海鮮之外，最令我驚喜係千島醬丸，內有醬香同芝士味，咬落口感豐富，唔算太喜歡食丸既我都食左幾轉。餃子老公亦是滿意。但相對炸魚皮 響鈴就未算有大驚喜，蔬菜盤種類亦可以再增添，但食料新鮮，服務亦加分，有位叫阿雪既待應既勤快又醒目，我望左望隔離台既小食，她已馬上主動問需唔需要攞俾我😋😋最後食左兩小時未停過，已經飽到上心口，下次我地會同朋友黎再戰江湖💪🏻💪🏻💪🏻…Read More