Nabe Urawa (The ONE)

秋意濃、涼風盛，最適合打邊爐，加上正值大閘蟹的當造季節，來到牛気任飲任食涮涮鍋就可一次過滿足兩個願望。卡位座位寬敞，坐得舒服，加上枱面又夠大，可以放到大量食物。今次就自選Lv.5 澳洲極上和牛+海鮮放題，成人每位$438，免費加時至120分鐘，還可無限任飲日本清酒及Asahi生啤，17:00前入座亦可享有每位激減$40優惠。醬料區集齊辣椒、日式炸蒜、七味粉、生蒜、青蔥醬油、芫荽、牛氣秘製山椒醬（辛辣）、青蔥、壽司刺身豉油、酸汁、日本鼓油、沙律油醋和芝麻醬。湯底選擇秘傳牛肉清湯，湯頭清澈，味道不會過鹹而蓋過食材的原味。由即日起至2023年11月30日，於官方社交平台留言，惠顧LV4或以上之套餐，並向店員出示該訊息，即可免費獲贈黃金大閘蟹一隻。大閘蟹即點即蒸，拆開蟹蓋，金黃甘香的蟹膏當然是亮點所在，鮮味濃郁，就如品味奶油般軟滑細膩。Lv.5放題套餐包括任食澳洲極上和牛、黑安格斯牛、SRF美國極黑牛、特選牛小排、Prime美國肩胛肉眼、穀飼牛肩肉、豚肉、雞腿肉等等。澳洲和牛色澤嫩紅，切得大小均一，脂肪比例平均。肉質細嫩富油香，就算不小心放在鍋內過久，也不會令牛肉變得過韌。豚肉肥瘦適中，雞肉滑嫩不鞋口，沒有絲毫雪味。海鮮配料同樣可以無限追加：爽脆水魷、大海蝦、青口、花膠、日本帆立貝及原隻鮑魚。帆立貝大粒肥厚，味甜富彈性，品嚐海洋最純粹的美味。原隻鮑魚鼓壯飽滿，口感緊緻彈牙，鮮味明顯。三文魚刺身顏色鮮亮，脂肪條紋清楚利落，魚肉豐腴細嫩。最近還有"蠔"気四重奏，今個星期為第三重「芥末焗生蠔」，焗蠔保持鮮嫩肉質，甘甜爽口，舖滿芥末醬，微辣惹味。用QR code下單有墨魚滑、蝦滑、手工白菜豬肉餃、手工韭菜豬肉餃、手打牛丸、手打黃金蝦丸、山椒拌魚皮、鮮柚楊枝甘露、壽司和迷你丼。自助區選擇繁多，供應麻吉燒、芝士包心丸、企鵝丸（墨魚丸）、黃金燒墨魚丸、芝士腸、雜錦小籠包、迷你竹輪、花枝丸、貢丸、福袋、日本雞蛋、豆腐、即食麵、拉麵、綠茶麵和葛絲等。黑白色分明的企鵝丸外型得意又趣緻，打卡一流。自助熱盤區有日式豬軟骨、燒賣、咖哩黃金燒、燒肉蘑菇包、碗仔翅、日本珍珠米等等。由農場直送數款本地菇菌及水耕菜，以有機方法種植，不含化學農藥或肥料，打造一場「Farm to Table 從農場到餐桌」的綠色餐飲體驗。蔬菜區有海量款式，包含羽衣甘藍、水蓮、南瓜、山藥、黑木耳、金針菇、海帶結、水耕日本人蔘葉、粟米、鮮冬菇、白蘿蔔、水耕石斛苗、京蔥、萵筍、番茄、鮮冬菇、生菜、娃娃菜...冷盤則有中華沙律、淮山漬、辛味醬漬枝豆和自助沙律吧。自助甜品提供木瓜雪耳糖水、豆腐花、泡芙、窩夫、軟雪糕機和棉花糖機。雪糕有兩款口味可選：秋祭期間限定的栗子奶油味和低糖牛奶味，還可以自行加上無花果乾和香蕉乾toppings。栗子是秋季當造的食材之一，栗子奶油雪糕瀰漫著濃厚甘甜栗香，質感軟滑，而且不算易溶。飲品同樣是無限量自斟自飲，種類算是多選擇，除了罐裝汽水之外，也有自助飲品機及茶包。門口更有小朋友至愛的棒棒糖任人自取。…Read More

朋友一早book定位黎到牛氣打邊爐，真係happy friday 我哋叫咗嚴選澳洲和牛，加埋一大約362蚊一個人， 用餐時間90分鐘， 打邊爐嚟講食嘅時候趕咗少少，套餐入面包澳洲和牛，魷魚，大蝦，青口，帶子，三文魚，雞腿肉 ，豚肉任食！ 自助區出面有各式各樣嘅丸類， 菜類， 雪糕 ，啫喱，甜品， 飲品亦都有好多款選擇牛肉入口即溶，肉質嫩滑唔太肥， 海鮮方面有虎蝦好大隻，啖啖肉夠彈牙又新鮮， 帶子大大粒，好味！三文魚刺身方面都幾新鮮，但係食食下發現有一塊魚鱗， 希望下次會有改善！甜品款式亦都超多， 奶凍，芝士蛋糕，芒果布甸，葡撻，啫喱，雪糕，棉花糖，軟糖乜都有總括嚟講餐廳環境唔錯 & 服務亦都算好…Read More

繼前兩星期行完薄扶林水塘家樂徑，今次再同老友入粉嶺行流水響郊遊徑，天清氣爽，行山真喺好正、好舒服。友人揸車，直達起點，減少交通、轉車時間，麻煩晒！所以，午餐就出返尖沙咀食，而依幾日天氣凍咗，真正有番啲冬天嘅感覺，故一於食番鋪涮涮鍋。選址The One嘅牛氣，一來食過有信心啲，二來商場有兩個鐘免費泊車。餐廳鋪位幾長幾深，一室木啡，柔和舒服，卡位佔多數，而卡位背做得偏高少少，唔使同隔離枱你眼望我眼。午市有多種套餐選擇，「午市精選套餐60分鐘放題」就最抵食，由$88到$188，指定肉類或海鮮（約100克），再加配菜、飲品、甜點自助放題，唔喺食肉獸嘅就啱晒，不過只限星期一至五（公眾假除外）。星期六、日、公眾假嚟到，就可以揀「午市90分鐘放題優惠」，由$128-$288共5款價位選擇，質素就一分錢一分貨啦，餐內全部肉類或海鮮無限制添加任食，其他配菜、飲品、甜點自助放題照有，唯一注意同枱所有人要點同一價位套餐。先睇睇有咩湯底，分別有7款，北海道昆布、蕃茄濃湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，款款都各有特色。原來，依家仲可以加$10變成鴛鴦湯底，划算到極，結果就揀咗蕃茄濃湯及三文魚味噌湯，前者蕃茄味超濃郁。如大多數涮涮鍋，點選好指定肉類或海鮮類套餐後，其他嘅配料就可以晌餐廳正中央嘅食物區任攞。有啲咩食？憑印象加相片輔助，大概有：芋絲、芝士腸、雲耳仔、嗚門卷、蕃茄、粟米、大蔥、魚蛋、娃娃菜、蓮藕片、秀珍菇、白蘿蔔、南瓜、銀芽、冬瓜、鮮冬菇、翠玉瓜、金菇、油麥菜、豆卜、餃子、公仔麵、拉麵、烏冬、蕎麥麵、薯粉……等等。另一邊嘅凍櫃，放滿多款汽水自由取用，側旁更備有啡茶，怕生冷又健康少少，玄米茶或凍頂烏龍喺理想選擇。此外，有煲冬菇蟹肉素翅，不過，就唔見曾光顧過旺角店咁有啲壽司小食，可能喺午市就唔搞咁多嘢，但趁湯底未滾起時，頂一頂肚食碗素翅都唔錯。沙律之但喺，餐前小弟就較喜歡食啲開胃嘢，所以揀咗沙律。一盤沙律菜，加幾款配料及兩款醬汁，唔可以跟自助餐嘅規模比，但有點醒胃蔬菜落吓肚就夠喇！餐前開開胃，可以加強戰鬥力。食涮涮鍋如打鞭爐，好多人對醬料都好睇重，但小弟就偏向食番食材嘅原咪，醬料都喺純粹過吓口癮，但點都介紹一下。「混醬」區晌入門口左邊當睇處，有日式醬油、酸汁、胡麻醬、辣椒、炸蒜、辣椒蘿蔔蓉、長蔥、七味粉。小弟就特愛以炸蒜、長蔥配胡麻醬！既然食午市比晚市平，加上老友都算喺旅遊日本嘅達人，經常食好嘢，對食材質素喺有要求嘅人，所以，揀嚴選澳洲和牛套餐，$288包澳洲和牛、牛小排、牛肩肉、牛胸腩肉、多款海鮮、豚肉、雞肉及三文魚刺身任食任涮。挪威三文魚刺身刺身唔喺今日所食嘅目標，但套餐包又送到上枱，食得就唔好嘥。挪威出品自己唔會差得去邊，色澤鮮艷有光澤，入口油潤鮮味，唔錯。嚴選澳洲和牛油花分佈細密而平均，如雪花段綿密細膩，片片切得薄，輕輕灼幾秒就夠，入口真喺滿口脂香，又不失肉味。極上美國牛小排色澤比起澳洲和牛深，紋理清晰，但脂肪亦唔少，故口感一樣柔滑，油脂感無咁重，但肉味濃，所以，友人鍾意佢多過上面嘅澳洲和牛。極上美國牛肩肉、嚴選美國牛胸腩肉牛肩肉感覺偏向似牛小排，無咁多油花，入口脂香無咁重，但肉味絕不遜色。而牛胸腩肉則側似似哋平時食牛肉咁，油脂相對喺最少。所以，幾款肉都有唔同特性，正所謂各有所長。海鮮拼盤先嚟一份大海蝦、紐西蘭青口、日本魷魚及加拿大翡翠螺，唔夠喉可以再點。海鮮質素真喺正喎，尤其大海蝦，夠大夠爽，味道鮮甜；青口、魷魚及翡翠螺亦不俗，所以，整體海鮮食得出用料不賴。特級美國豚腩肉豚腩肉切得薄到透光，脂肪唔太多，雖然喺豬肉，亦唔需要灼太耐，啲豚腩肉估唔到幾嫩滑，配三文魚味噌湯效果唔錯喎。精選巴西雞腿肉雞腿肉灼過後，肉質意外咁嫩嫩滑滑，一啲都唔嚡，又啖啖肉，皮下脂肪亦十分之少，沾炸蒜搭胡麻醬，非常惹味。涮啲肉類、海鮮期間，我咃都食唔少蔬菜嚟平均番吓，真喺一碟又一碟蔬菜架。詳細就唔晌度唔多講，總之就樣樣食啲，而啲蔬菜都頗新鮮。放醬料張食物枱尾，仲有白飯、炒飯及咖喱牛肉，啱晒啲「飯桶」，不過，小弟就留肚食番啲甜點，所以，影低相做個記錄，試就無試，味道如何就不得而知。當然，上述提過嘅公仔麵、拉麵、烏冬、蕎麥麵、薯粉等亦都無幫襯。甜品飲品個凍櫃放咗啲甜品，沙律枱上方亦都有啲，全部夾埋大概6、7款左右，款款都做得的的骰骰，試咗當中4款：焦糖蛋糕、牛乳布甸、泡芙及紅豆麻糬，始終甜品唔喺佢哋重點，質素只可以評為不過不失，純過吓口癮都OK嘅。 綠茶軟雪糕甜品或者普普通通，但個軟雪糕真喺幾好食，成部雪糕機擺晌度等你慢慢搞，有原味及綠茶口味。啲軟雪糕頗軟滑，既有牛奶香，又有綠茶味，個雪糕筒亦好脆口，所以，一個人獨佔食晒佢。食完，真喺咩燥熱都無晒。藉機分享埋少少流水響郊遊徑之旅，成條徑4.4公里，約需2小時，不過，中段喺大斜路，超過30°、40°不斷上斜，行大概半粒鐘，叫做辛苦多少少，但一啲都唔難。其中，流水響水塘有一邊嘅林木，景觀幾靚。（註：多謝友人嘅四葉妹妹又做住特約模特兒！）基本上個涮涮鍋90分鐘都夠晒時間食，但由於我哋行完山過去都比較晏，食完剩低嘅客人都唔多，所以，都任得我哋坐晌度傾偈，無話要趕你走。此外，整體嚟講，服務、食物補充……等都好到位，食材質料又有番咁上下！天朗氣清行完山好舒服，又食咗一頓超豐富嘅午餐，真喺好戲連場。…Read More

小弟愛吃放題，亦戀上火鍋，最好當然是兩者兼得。最近以火鍋放題主打的《牛気》，在尖沙咀 The ONE開了新分店，當然要去試試。走進店內，佈置典雅，環境舒適，坐得舒服。任食放題 90 分鐘，有5款不同牛肉和海鮮選擇，價錢由 $178 到 $378 不等。此外亦有七款不同湯底選擇，有北海道昆布湯、番茄濃湯，三文魚味噌湯、昆布辛口地獄湯、韓式辛味泡菜湯、壽喜燒甜醬油湯和博多豬骨湯。今餐豪食，就選了個全場最貴的$378餐，肉類有極上澳洲和牛、美國牛小排、牛肩肉、美國豚腩肉、巴西雞腿肉，海鮮則有帆立貝、廣島蠔、大海蝦、紐西蘭青口、日本魷魚、加拿大翡翠螺及三文魚刺身，湯底要了博多豬骨湯，任點任食，還有其他自助火鍋配料，任君選擇。另有各式醬油可自行配搭。坐下先來個三文魚刺身，厚切三文魚入口新鮮嫩滑，吃了幾片，意猶未盡。再來主題牛気沖天，叫了極上澳洲和牛、美國牛小排和牛肩肉，實行三牛會粹。三牛都色澤鮮紅，肉紋分明，賣相吸引，放進火鍋輕輕涮涮即熟，肉質相當嫩滑，牛味充沛。跟來海鮮有帆立貝、廣島蠔、大海蝦、紐西蘭青口、日本魷魚、加拿大翡翠螺。整體海鮮水準不錯，大海蝦尤其大隻，肉質鮮甜兼爽口彈牙。其他火鍋配料有墨汁墨魚丸、魚滑、鱈場蟹棒、鳴門卷、芝士腸、台灣香腸，菜蔬有粟米、雲耳仔、銀芽、冬瓜、蓮藕片、南瓜、金菇、唐生菜、翠玉瓜、芋頭、娃娃菜和油麥菜。面食有手打烏冬、芋絲和公仔麵。其中雪白的魚滑和墨汁墨魚丸特別味鮮可口。另外還有牛肉炒飯、咖喱牛肉，小吃炸餃子、螺肉、墨魚仔等。各式飲品，甜品如法式焦糖燉蛋、北海道牛乳奶凍、雞蛋布丁、啫喱、軟雪榚等當然不在話下，想清清腸胃更可選用自助沙律吧。今餐牛気沖天，印象材料上盛，物有所值，感覺良好。…Read More