Nabe Urawa (Hysan Place)

已經連續多日努力運動🏋🏻係時候要獎勵吓自己增加protein🥚今日銅鑼灣收工超級無敵肚餓🤤見到牛気有泰式火鍋放題食🥩即刻約個肥同事仔🐡一齊去補充蛋白質🍳自助專區🌽粟米🌽南瓜🎃羽衣甘藍🥬超級新鮮選擇超多仲要係本地出品🇭🇰調味區🫙應該有嘅都全部齊全🧂最正有日本蛋🥚打邊爐加隻蛋令食物冇咁熱可以即刻入口👄咁就可以加快回本速度🤣SRF美國極黑牛🥩係日本和牛同美國頂級安格斯黑牛繁殖出產🐄🐂所以有日本和牛嘅油花🧈又有安格斯嘅牛味😋SRF 穀飼時間仲要比普通牛長多20個月😮所以每一片都要㗳真D🫢澳洲穀飼黑安格斯牛🐮脂肪會多少少 🤏🏻 我個人覺得牛味再濃一D😋其實兩隻都鍾意❤️但係當我已經食到八成飽嘅時候🆙我只有最後一碟食得落嘅quota🔁我會選擇佢🥩精選牛小排🐂平時一般打邊爐都會叫牛小排🥩雪花均勻有咬口👍🏻比以上兩款厚切D D🤲🏻海鮮拼盤刺身🦐有青口、帶子、花膠、大蝦🦞仲要係任叫任食😭食到我好感動泰式生蝦🦞泰國祭🇹🇭有點少得泰式生蝦🦐爽脆鮮甜😍我同肥同事每人四隻打開一下味蕾😂麻吉燒🧆最後黎返粒芝麻湯圓🍡放入泰式船麵湯底🌱外面辛辣🌶️裏面甜蜜💕低糖牛奶雪糕🍦臨走點都要整返杯雪糕🍧潤喉…Read More

近日流行網路的都市笑話，莫過於「屯門有牛」的傳言。那些網路瘋傳的牛照P圖，其實是在諷刺港人對屯門的誤解，一洗屯門「落後」、「次人一等」的形象。作為半個屯門人，自問並沒有「次人一等」的階級觀念，不過屯門始終是交通不便，尤其在我最關心的美食方面，確是比市區「慢人半拍」。在我的心水美食清單裏，不少也是盼望多時才落戶屯門，更多的是只聞樓梯響而已，喜愛美食的我就只好稍移玉步，向港島、九龍區進發吧！作為日式火鍋放題的狂迷，「牛氣」、「日牛」、「牛涮鍋」都是我的心水之選，可惜這三個品牌遲遲未落戶屯門，說是屯門有「牛」，日牛火鍋的選擇卻是少得可憐。這天難得出城過海，到銅鑼灣購物之際，發現希慎廣場新開了一家「牛氣」，之前光顧牛氣就只有旺角、尖沙咀兩家九龍店選擇，如今連港島區也有分店，作為新界人實在太羨慕港九居民了。作為牛氣的死忠粉絲，無論旺角店、尖沙咀店都光顧過不少回了。銅鑼灣店同是走年輕、型格路線，店內有小牛擺設作飾，用餐的卡位寬闊而舒適。牛氣的晚市放題由$178起，價位按牛肉質素及肉品選擇而有高低之分。這晚很想吃海鮮關係選了澳洲和牛、海鮮放題($388/位)，雖然近日為着健康刻意減少食量，但遇然的放肆也是無妨的吧！對壽喜燒情有獨鐘的我，幾乎每次都以此作為湯底，但老公不好甜膩的湯底，幸而我倆都想試試新品波士頓龍蝦頭配豬骨湯。侍應先以薑片、牛脂起鍋後，再放入帶羔的龍蝦頭，最後注入昆布豬骨湯底便成。龍蝦湯不走重口味路線，以龍蝦頭、蝦膏帶動湯頭的鮮甜，到尾聲時以鮮湯輕灼蔬菜，最能體味那鮮中帶甜的海鮮氣息。牛肉海鮮上桌前，先送上三文魚刺身，新鮮肥美，非一般行貨。火鍋未開動前先吃些餐前小食打打底，自助餐桌有各式炸物、咖哩飯、碗仔翅等供應，推介碗仔素翅，當然不會是真翅吧，但翅湯鮮味濃郁，如能加點紅醋便圓滿了。之後便是「混醬」時間，胡麻醬是日牛涮鍋的最佳配搭，但在火鍋配料眾多的情況下，豐富多樣的醬料確是不可或缺的。然後是琳瑯滿目的飲品區，韓式飲品、本土楊協成、汽水啤酒，還有為不愛凍飲的客人而設的熱飲區呢！雖說主角是極上和牛海鮮，仍是要到自助餐桌挑選喜歡的火鍋配料。既然肉品已是任點任食的，那蔬菜、丸類、麵食是自助餐桌的主角。 每次來到牛氣，最欣賞的就是野菜方面有很多選擇，例如有日本長蔥、生菜、娃娃菜、波菜、南瓜、節瓜、蘿蔔、金菇菜、蓮藕、各式菇類等，而且通常都清洗得乾淨，吃起來也份外爽甜。丸類從來是貴精不貴多，芝士南瓜丸、墨汁丸、帝皇蟹柳、魚蛋、墨魚滑，都是些特色的丸類，而且味道也相當不錯。麵食方面不要錯過抹茶冷麵，美味之餘吸湯能力亦佳。海鮮拼盤是任點任食的，拼盤的內容物有海蝦、扇貝、生蠔、海螺，鋪得滿滿的，吃上一盤已是大大的滿足，也免卻了追加的等候。每款海鮮都很新鮮，扇貝厚肉鮮甜、海蝦爽口彈牙、生蠔漲滿鮮甜、海螺甜爽帶膏。不過牛氣嘅主角永遠都是牛肉，是日牛放題中質素最高的一家。一向對日式放題的牛肉信心不大，通常只會點最基本的牛肉套餐。但自從嚐過牛氣極上澳洲和牛後，便改變了的對日牛放題的偏見。一大碟極上澳洲和牛排列得工整， 而且是難得的厚切，牛肉不會因堆疊而纏作一團，涮起肉來便更快熟方便。油脂分佈均勻有致，油花極豐， 牛肉夠嫩牛香亦足。每碟極上澳洲和牛份量很多， 兩人用餐吃上一、兩碟已經很足夠。除了澳洲和牛外，不好牛的還有精選巴西雞腿肉、特級美國豚腩肉可選，肉質嫩滑，跟和牛同樣出色。吃過海鮮拼盤和澳洲和牛已是全飽，面對自助餐桌上的日式甜點、雪糕、焦糖燉蛋、牛乳布丁、中式糖水、綿花糖、軟雪糕......卻已是無力再戰，但還是抵擋不了百福豆腐花的魔力，老公就當了一次「 大細路」，用七彩配料自製香芋軟雪糕，玩得不亦樂乎。屯門有「牛」只是個傳說，不過屯門在飲食上「落人之後」倒是真的。敢說牛氣是全港最好的一家日牛放題， 倒是日盼夜望牛氣能開到屯門，那就免卻了騎牛出城，過海吃「牛」之苦了。…Read More

約咗個舊朋友食飯，知佢喺食肉獸，亦都算識食，所以，諗過一喺食日式燒肉，一喺食日式涮涮鍋，仲要揀放題嗰類，因為，睇朋友身形就知幾擦得吓，放題點食都喺一個價。天氣轉涼，燒肉又比較熱氣，最終，一行3人就選定希慎嘅「牛氣」，貪其水準有保持，食材選擇多。入到餐廳內，原來地方幾大，一室木啡，柔和舒服，卡位佔多數，而卡位背做得偏高少少，唔使同隔離枱你眼望我眼。我哋被安排坐得較入嘅卡位，更靜侷，方便我哋傾偈。晚市有多種套餐選擇，由$178-$378，視乎所揀嘅肉類級數，以及有無配海鮮，餐內全部肉類或海鮮無限制添加任食，當然大前提喺唔好嘥嘢啦，其他配菜、飲品、甜點自助放題食邊款套餐都包，唯一注意同枱所有人要點同一價位套餐。本應喺90分鐘放題，依家中價嗰兩款就加時到120分鐘，而最貴嗰兩款就更加不設限時。既然難得咁耐無見，就梗喺揀款無限時嘅「極上澳洲和牛+海鮮」（$378+10%）慢慢嘆，並滿足友人識食嘅要求。論到涮涮鍋，先介紹吓有咩湯底，分別有7款：北海道昆布、蕃茄濃湯、博多豬骨湯、昆布辛口地獄湯、韓式辛味泡菜湯、三文魚味噌湯及壽喜燒甜醬油湯，款款都各有特色。原來，依家仲可以加$10變成鴛鴦湯底，划算到極，結果就揀咗北海道昆布搭蕃茄濃湯，兩者都喺健康湯底。當一入門口，就已經見有食物區，近門口嘅喺冷盤小食、沙律、甜品、軟雪糕機，啲小食同甜點仲做得精緻的骰。如大多數涮涮鍋，點選好指定肉類或海鮮類套餐後，其他嘅配料就可以晌餐廳正中央嘅食物區任攞。有啲咩食？呢個就喺我哋揀牛氣嘅原因，因為除款式多之外，又有不少特色配料，而且，試過你就知水準高，唔喺酒樓百零蚊任食火鍋可比。涮涮鍋嘅生料後面，就喺醬料區， 有日式醬油、酸汁、胡麻醬、辣椒、炸蒜、辣椒蘿蔔蓉、長蔥、七味粉。小弟就唔喜歡太雜，醬油、蔥、炸蒜就夠喇。另一邊嘅凍櫃，放滿多款汽水、果汁自由取用，側旁更備有啡茶，怕生冷又健康少少，玄米茶或凍頂烏龍喺理想選擇。小弟本身都幾鍾意飲嘢，尤其喺火鍋呀、涮涮鍋呀，所以，成晚都飲咗好幾罐。但臨尾，食咗大大碗雪糕，嚟一杯玄米茶真喺舒服晒。走到食物區尾，有數款熱食供應，例如煲冬菇蟹肉素翅、忌廉湯、咖喱牛肉……等等。今回有對手，同老友涮唔少肉，食得好飽，所以，就無試佢哋嘅招牌咖喱牛肉飯喇。沙律自助餐又好，放題又好，小弟餐前必食嘅喺沙律，除咗添啲素菜平衡吓，主要喺幫助開胃，等一陣可以食更多嘢。一盤沙律菜，加幾款配料及3款醬汁，唔可以跟自助餐嘅規模比，但隨意配搭吓有啲蔬菜落吓肚就夠喇！冷盤小食喺等朋友嘅「涼」伴，隨啲拎咗啲中華沙律、味咐螺肉及八瓜魚，細細份，其實都喺貪過吓口癮。冬菇蟹肉素翅平時好少「掃街」，故甚少食街邊嘅碗仔翅，自從戒埋魚翅，就更加無食過翅。難得呢度有啲素翅，攞一小碗過口癮，翅湯內非常足料，味道唔失禮。極上澳洲和牛+海鮮 $378呢個套餐喺全店最貴嗰款，但就包晒所有涮涮鍋嘅肉類同海鮮，睇睇餐牌嘅內容，就知淨喺食佢哋都已經值回票價啦。挪威三文魚刺身三文魚厚切，件件肥美，入口油潤鮮味，唔錯。不過，刺身始終唔喺今晚嘅主角，但套餐已包，就當然要試埋。為方便多少少「無時間觀念」嘅人，餐廳俾咗兩位1分鐘及3分鐘嘅漏斗，前者喺用嚟計涮肉類嘅時間，後者就計海鮮，不過，小弟都喺隨自己喜好多啲，尤其啲靚牛，啲湯夠滾半分鐘都夠呀！同時間已上咗幾盤新鮮食材，先介紹吓盆海鮮拼盤，有日本帆立貝、日本廣島蠔、日本魷魚、嚴選大海蝦、紐西蘭青口及加拿大翡翠螺，我哋一行3人，就先嚟樣樣3件，睇落啲帆立貝同廣島蠔特別靚仔。帆立貝、魷魚、翡翠螺帆立貝厚肉鮮甜，咬落少少彈牙，魷魚烚完縮埋一炷，味道唔太特別，但啲翡翠螺好爽口，有點柔韌，沾點醬油寧舍好食。廣島蠔、大海蝦、青口估唔到啲蠔烚完仲咁大隻，而且，蠔味都頗濃，大海蝦鮮甜彈牙，又夠大隻啖啖肉，青口亦食得出靚貨，入口鮮甜，唔會韌到好似擦紙膠。極上澳洲和牛一大盆極上澳洲和牛非常養眼，老友睇見都心郁郁，好想即刻放入口，的確，油花分佈細密而平均，如雪花般綿密細膩，色澤鮮紅唔會瘀瘀黑黑。片片切得夠薄，輕輕灼十數秒就夠，入口真喺脂香滿溢，肉質嫩滑得緊要。老友大讚超好食，所以，臨尾都再「安哥」半份獨享。嚴選澳洲和牛油脂跟「極上」嘅差唔多，同樣整體都算分佈平均，如果唔喺店員講，都有少少難分辨。輕灼就可以入口，口感腍滑，而又不失肉味。極上美國牛小排色澤比起上述兩款和牛紅啲，油脂亦比較多，但分佈無咁平均，雖然口感一樣柔滑，油脂感較重，肉味卻稍濃。嚴選美國牛肩肉牛肩肉切得更薄，油份明顯就少好多，故入口脂香無咁重，亦唔喺食其油香，反而，肉質帶點韌勁，感覺好唔同。精選巴西雞腿肉雞腿肉要求安排唔好太多，相對牛肉，雞同豬肉就要灼耐少少。雞腿肉肉質意外咁嫩滑，一啲都唔嚡，又啖啖肉，皮下脂肪亦非常少。特級美國豚腩肉成日話肥豬肉，但啲豚腩肉一啲都唔肥，仲切得薄到透光，雖然喺豬肉，因超薄而無需要灼太耐，啲豚腩肉估唔到又喺好嫩滑。火鍋配料涮吓肉、涮吓海鮮，期間就穿插吓其他火鍋配料，因為款式多，實在試唔晒，但蔬菜就必不可少。之前講過，佢哋勝在連其他用料都不賴，幾款菜都好新鮮，個人推介啲丸類同墨魚滑，款款有特色，食得出唔喺溝粉貨色，唔好同我講跟「佳寶」嗰啲平嘢比。我咃都食唔少蔬菜嚟平均番吓，真喺一碟又一碟蔬菜架。詳細就唔晌度唔多講，總之就樣樣食啲，而啲蔬菜都頗新鮮。甜點 - 第一回大多數涮涮鍋專門店甜品都喺獨沽一味「軟雪糕」，但牛氣就多元化好多，晌飲品個凍櫃放咗啲，沙律枱度又放咗啲，又一大座軟雪糕機，全部夾埋有成11款，除咗啫喱粒，留咗肚要試勻佢。第一轉拎咗啲的骰甜點，包括焦糖燉蛋、牛乳布甸、3款和果子、椰汁黑糯米及南瓜露。當中，燉蛋唔算好滑，卻喺蛋味超濃，而最得歡心喺布甸及南瓜露，前者柔滑而奶香突出，後者寫明喺用上名古屋南瓜，香滑而富南瓜味。甜點 - 第二回西瓜味、芋頭味軟雪糕拼泡芙，泡芙不過不失過過口癮，而兩款軟雪糕口味獨特，兩款我都覺得好食。好彩無用雪糕筒，因為都溶得幾快，而軟雪糕機旁仲有好多配料可添加。 Movenpick雪糕讚好牛氣嘅面書，即送上Movenpick雪糕，無理由錯過架。朱古力味特別香濃，內裡仲有朱古力碎片，口感軟滑。品牌始終喺唔牌，質素有一定保證。無咗時限，真喺食得更暢快，唔需想住要回本急住食，結果，我哋7:00pm入座，食到差唔多10:00pm先走。老友大讚食物具質素，就連其他配料一啲都無欺場，佢後勁凌厲，臨尾仲添多一碟極上澳洲和牛，超滿意咁離開。…Read More

呢座廣場樓上開左好多唔同食店, 行經呢個舖位見門口放滿花藍, 應該係新店開張, 門口笑容燦爛既姐姐熱烈招呼介紹再望下呢個燈箱...........哦...原來係食日式火鍋放題剛岩肚餓指數甚高, 放題?! 岩數喎!  食店面積都幾寬敞, 以黑色為裝修主色, 比人種型格及幾高檔次感覺, 坐得都幾舒服!呢度既套餐由$178 - $378, 而選擇套餐($288)已經可以包埋海鮮類湯底8選1, 由清淡既昆布到濃味既壽喜燒 (加$10)都有, 驚喜發現有個棉花糖湯底 (加$20), 好夠創意!係我地諗緊要邊款湯底好之際, 侍應口頭推介呢個用先爆香龍蝦頭蕃茄再加湯煮返滾, 等佢一路滾起, 龍蝦頭中既膏同油就會滲出黎, 當然先飲頭啖湯.............嗚......好香龍蝦味呀, 果然無介紹錯 (每日供應10客咋, 點選最貴價果2個套餐仲可以無需另加錢, 但要比錢都係$20姐......抵比喎!)除了肉類及海鮮類係落單送上, 其餘火鍋配料如菜, 菇, 丸, 烏冬麵類等都係自己拎碟出去拎, 種類咁多, 究竟我可唔以試晒呢到每樣配料呢?! (哈...哈........)唔想火鍋咁悶?  可以去拎沙律, 前菜, 壽司飲品都照顧埋, 汽水/啤酒/特飲, 以及茶/咖啡都有你以為咁就完?! 仲有熟食比你食住打, 打住食, 務求令你個咀每一刻都有野食...................我地點左極上澳洲和牛+海鮮放題 ($378/位)套餐已包埋挪威三文魚刺身, 過下口過癮都唔錯!特級美國豚腩肉, 一D都唔肥喎, 烚完口感仲幾嫩滑, 唔會變成瘦肉片, 呢款不禁要黎多round!套餐亮點 - 極上澳洲和牛出場, 賣相擺盤吸睛, 肉色鮮艷明亮, 唔會暗瘀色令你睇見都唔想食; 食得和牛就唔會介意佢D脂肪, 烚完食肉同脂肪既比例岩岩好, 切成薄片更容易控制生熟度, 基本上15秒內就可入口, 肉質嫩滑可口!偏好肉味較濃既可以試呢款極上美國牛小排, 切得大塊過和牛片, 又係好快烚一烚就可以, 肉味濃郁過和牛, 真係澳洲同美國牛既大比拼!套餐另一亮點當然係呢個海鮮拼盤, 食材包括日本帆立貝, 日本魷魚, 日本廣島蠔, 大海蝦, 紐西蘭青口及加拿大翡翠螺, 陣容強勁!  推介必食大海蝦, 夠大之餘D肉夠結實彈牙; 廣島蠔烚完都唔會變成蠔BB, 蠔味幾出!食完主食, 唔知點解飽極都仲有"位"留比甜品架喎, 呢度甜品都有唔同款式, 絶不欺場, 例如泡芙, 朱古力蛋糕, 芒果黑糯米, 豆腐花等, 仲有自助軟雪糕機, 有不同toppings比你加, 每樣食D都好似去左甜品放題咁樣呀!Like 佢 facebook/關注IG 並發佈有關相片, 仲可以送你MOVENPICK迷你雪糕杯/三文魚刺身一客限時任食90分鐘, 可恨呢度食物太多, 胃口未能一一招呼晒; 侍應服務態度良好, 不時主動加湯及收碟, 放心.........................我一定會再令自己變成更強"餓底"然後再返黎既 :)…Read More