Lam Hung Kee Aquatic Development

近呢次食海鮮火鍋放題. 除咗海鮮外,聽講佢哋嘅麻辣雞煲同椒鹽瀨尿蝦都好正, 咁就黎食下~ BOOK 左位時間岩岩好... 黎到就叫咗份麻辣滑雞煲,面層有唔少芝麻帶有香味~ 雞肉好嫩滑,麻辣味好夠喉,芝麻嘅香味令到個麻辣雞嘅味道更加突出~ 呢個係正既。咁另一個令我哋印象深刻嘅係佢哋嘅超巨型椒鹽瀨尿蝦~ 啲蝦好大隻,肉質彈牙又香口~ 呢個既椒鹽嘅味道啱啱好,~ 我哋每人食咗成隻蝦,真係好鬼難忘。海鮮火鍋放題嘅主角始終都係海鮮~~  d海鮮都好新鮮,份量唔少.... 食到好飽~ 我地對海鮮同以上既食物都好滿意~ 啲海鮮新鮮,雞煲同椒鹽瀨尿蝦都好正,CP 值亦都極高~ …Read More

我喺條街行行下,突然見到間餐廳,望落去好似好普通嘅海鮮檔,但係餐牌一睇,嘩！成堆海鮮任你揀,價錢又唔算貴,即刻決定入去試吓！我叫咗個海鮮火鍋放題, 落單無耐大約5minutes 成枱都係海鮮！有大頭蝦、鮮甜嘅扇貝、爽口嘅魷魚,仲有啲我平時都唔敢叫嘅海膽！最正係有個胡椒豬肚雞鍋底,個湯底又濃又香,飲落去暖笠笠,真係好舒服。每樣都分類講一講la .. 胡椒豬肚雞鍋個湯底真係一絕！胡椒味香濃,豬肚又炆得夠腍,成個湯底都吸晒啲海鮮嘅鮮味,飲到停唔口。海鮮蒸氣放題呢個就主打la！自己揀海鮮,自己蒸,成個過程都充滿樂趣。啲海鮮蒸完之後,鮮味十足,完全食得出佢哋嘅新鮮。安格斯牛肉好嫩滑,一放入口就溶晒喺口裏面,配埋個海鮮湯底係絕配。大頭蝦：講到呢隻大頭蝦,我真係食到唔停la！啲肉又彈牙又爽口真滿足。…Read More

我早排經常做運動飲食上都好多節制。。。終於可以同朋友放縱一下。。。過嚟食大餐！呢度啲嘢都好平靚正，而且款式又多真係睇到眼花繚亂我哋叫咗幾個招牌菜，包括特色豉汁鱔片籠仔飯、麻辣啫啫雞、椒鹽瀨尿蝦同埋海蝦。豉汁鱔片籠仔飯 $58呢個飯真係物超所值！鱔片好嫩滑，豉汁好惹味，同埋飯煲都好香口。麻辣啫啫雞 $88呢碟雞好香口又開胃，雞肉好嫩滑，麻辣味啱啱好，唔會太辣。椒鹽瀨尿蝦 $198/隻呢隻瀨尿蝦真係好正！椒鹽味好香，蝦肉好鮮甜，食完口腔內有嗰種回甘嘅味道。…Read More

尋日我哋一家五口去咗食飯，係我親戚介紹嚟嘅。佢話呢間餐廳嘅海鮮好新鮮，性價比又高，所以就帶咗我哋嚟試吓。我哋叫咗蒜蓉蒸元貝、無骨沙薑雞飯、臘腸海蝦籠仔飯，同埋佢哋嘅招牌海鮮蒸氣火鍋放題。啲元貝好大隻，蒸得啱啱好，啖啖肉。沙薑雞飯好惹味，雞肉勁嫩滑，沙薑味配合得岩岩好。海鮮臘味籠仔飯都好正，臘腸同海蝦都好多料，送埋嘅豉油都好香。最正嘅當然係海鮮蒸氣火鍋放題啦！我哋叫咗龍蝦扇貝等等。啲海鮮全部都好新鮮，睇得出係即煮。龍蝦好大隻，肉質鮮甜彈牙。生蝦好爽口，食落好鮮味。扇貝好肥美，啖啖肉。花蟹好膏香，蟹肉好嫩滑清甜。我哋用蒸氣火鍋嚟蒸海鮮，煮出黎有海鮮嘅原汁原味。蒸完海鮮之後嘅湯底仲更加鮮甜，用嚟煮粥或米線都係一流。…Read More

去咗食海鮮火鍋放題，真係超滿足！佢哋嘅選擇真係好多，而且價錢又平，真係抵食夾好味。我哋叫咗一份黃金蟹黃飯，份量十足，而且蟹膏味道濃郁，真係好香口！我平時都唔太鍾意食蟹膏，但佢哋嘅蟹膏真係好新鮮，完全冇腥味，送飯食一流！之後我哋就開始食海鮮火鍋放題。佢哋嘅海鮮整體都好新鮮，我特別鍾意食佢哋嘅生蠔，隻隻都好肥美，啖啖肉。紅蟹嘅蟹膏都好多，食落好滿足。海鮮之外仲有好多其他配料，蔬菜、丸類、餃類等等，選擇都好多。我哋食咗成兩個鐘，都仲有好多嘢食未食晒。…Read More

聽朋友講呢間餐廳有好多種類嘅套餐，我哋就叫咗個海鮮火鍋放題。首先叫麻辣雞鍋，辣度啱啱好，唔會太辣，雞肉好嫩滑，仲有陣陣嘅芝麻香味，真係好惹味！我哋仲用個湯底煮咗啲烏冬，吸晒啲湯嘅精華，真係一流！跟住上嚟嘅係椒鹽瀨尿蝦，金黃色嘅外表好吸引，蝦肉好大隻，啖啖肉，啖啖鮮。最後就係主打嘅海鮮蒸氣火鍋，有龍蝦、扇貝、大頭蝦等等。啲海鮮真係超級新鮮，龍蝦肉好彈牙，扇貝好鮮甜，大頭蝦啲肉好結實，真係食到停唔口！…Read More