倫哥係我少數會encore嘅放題雞煲, 原因係佢多野食得黎, 唔會俾啲垃垃圾圾野你, 食材算係有質素。一黎到有個刺身拼盤濕下口，正常，牡丹蝦係大隻, 不過有啲腥雞煲唔辣真係唔好食, 所以奉勸各位, 唔食得辣都唔好叫唔辣, 起碼少辣雞都算多肉，辣就唔係好辣，即使去到大辣，仍然入到口兩個雞煲各自添食一次之後, 就轉打邊爐梗係要轉佢嘅招牌溫泉雞鍋，啖湯係正，好香椰子味, 濃郁, 不過你睇佢就乾塘咁款，一人分得一啖仔再上就係預定的海鮮盤同兩碟牛頸脊海鮮盤真係好大堆頭, 有蜆, 花甲, 蟶子, 鮑魚, 象拔蚌仔, 脆鯇骨腩同腩片, 海蝦, 帶子真係食哂都唔使食其他了海鮮則質素參差, 本人唔係太好甲殼類, 只吃了花甲和蝦, 還有我鍾意的脆鯇骨腩，花甲和蝦係正常鮮甜, 骨腩都幾脆。可能真係太大堆頭，其他人食食下，就認為帶子和魚腩片係一般, 可以不吃其實, 有冇得唔要咁多呢, 因為真係唔係人人樣樣啱食, 可能會浪費牛肉店員話得一隻，但兩碟好似個樣唔係好同我睇樣係有唔同, 食的時候也覺得有唔同, 不過就唔知邊碟打邊碟再添要加錢, 牛肉不是任食, 但食哂其實已經好夠老實講, 真係食哂佢俾你已經好夠, 其他邊爐料只點了午餐肉, 炸魚皮同響鈴。…Read More
今晚去到呢一間，同以前嘅食物份量都差唔多，冇乜點變。但係呢一間分店呢，嗰個清潔到啊⋯⋯就略為欠奉，
尤其是洗手間好嚇人。大廳的地板「癡癡粒粒」很邋遢！
相信人手不足，員工忙過不停！食物整體新鮮，而部分火鍋物不是全部任食，但飲品無限任飲
丶唯一同朋友食生日蛋糕時🎂最令人驚喜😱全場播晒生日歌！😅
椰子嚮螺燉湯，湯淸甜美味, 好滋補鮑魚冬菇，鮑魚彈牙美味，東菇炆得腍身惹味
雞煲太吸引，上枱時大家掛住食，唔記得映相添
食埋滋潤甜品，呢餐好滿足
雞煲，蒸海鮮，刺身，火鍋！！！！
兩個人都可以在一餐之內食勻哂～～立即俾你地睇下～～首步曲：雞煲呢度都好講究，個煲上左之後唔好即刻打開黎食呀，要跟足倫哥指示喔～！睇相都覺得好惹味吧～～焗左兩分鐘，Ｄ香味超勁呀～～店員幫我兜勻個煲，成間店都聞到雞煲香！
來來回回２分鐘２分鐘咁焗左幾次，終於食得～～好多肉喔～～嗯～～好香好惹味，有點兒熱氣咁啦～～我地叫左ＢＢ辣，但朋友話覺得有Ｄ辣～臨尾仲加埋呢條牛柏葉同魷魚落去，撈埋Ｄ汁，好味過出面食一串串果Ｄ街頭小食～差Ｄ唔記得左講佢個前菜，涼伴木耳及四季豆，辣辣地～幾開胃的～仲有側邊的任飲吧～好多選擇喔～最ＢＵＹ佢個暖嘅５花茶，甜度剛好，好似平時在涼茶鋪煲咁好飲！我地飲左兩大壺呀～一人一壺！仲有各式汽水～第２步曲：刺身盛食完雞煲，就送上肥美的刺身盛俾我地降一降溫，真係超新鮮同肥美，隻蝦好大隻下～～極速食哂～～第３步曲：蒸海鮮 ＋ 燉湯其實都忘記左呢個套餐包蒸海鮮的，無啦啦有人端上一碟大青口，覺得幾驚喜喔～～又幾鮮甜播～怕你唔夠營養，食蒸海鮮整多個足料燉湯俾你補一補～～飲落應該是冇味精的～Ｉ ＬＯＶＥ ＩＴ！第４步曲：打邊爐食到呢到，覺得有半飽了，原來好戲再後頭，店員奉上醬料架示意，火鍋大餐正式揭開序幕！掛住食，唔記得左影果個好正好正的花蟹湯底添。。。入面有一大隻花蟹，朋友成隻食哂話好鮮甜同新鮮喔，下次想試埋佢個龍蝦湯底（加＄３０）火鍋但料有新鮮炸魚皮，剛剛炸起仲熱辣辣，脆卜卜，一上枱就俾我地食左一半
拎黎淥就緊係正到爆啦～放落湯果下已有ＧＧ聲～～要好新鮮炸起的先可以有呢個效果！呢碟海鮮盤又係超鮮～～每樣人頭計一人一隻， 大滿足了～勁鮮甜又冇沙～處理得好乾淨嘩，估唔到呢個半任食餐咁瘋狂，有齊哂想食的食物， 菜， 手切肥牛，丸，響鈴，餃子，真係你諗得出都有，除了海鮮用牛肉，其他都係任食的！天呀～我只係食枱面呢度都未必食得哂～～３００零蚊點解可以咁多野食架～～～！！！
ＯＭＧ！仲有自家製鮮墨魚滑同鮮蝦滑，鮮甜彈牙到不得了，幾飽都食埋佢，呢度真係應有盡有！超級抵食！最終章：甜品時間，嘩～是暖暖的燕窩燉奶，仲要好有水準呢～！我完全想像唔到呢個廚房的ＷＯＲＫＬＯＡＤ有幾大，可以做到咁多好野俾食客～！不容易～埋單真係３百頭一位，去邊到搵呀？！
佢哋話呢間俾其他貴$30,每位$308,都係任飲任食，啤酒另外收費，蟶子、黄金蚌、象拔蚌BB和牛頸脊免費一轉，其後想再食就要收費，前菜兩碟，無限添加，送酒正！首先上左個刺身拼盤，睇樣好新鮮好大件
西蘭花鮑魚，西蘭花就比較瘦削，但都算爽口，鮑魚就可以一口食哂，食落幾軟滑粉絲蒸象拔蚌仔，粉絲吸收左蒜蓉和海鮮既鮮甜味，象拔蚌口感彈牙爽口鮮甜
到打邊爐加左$30選左龍蝦湯底，隻龍蝦幾大隻，好鮮甜，爽口彈牙啖啖肉每兩人免費一碟牛肩脊，如要添加$30碟，牛好嫩滑，好濃牛味
海鮮拼盤一碟，有蝦、花甲、象拔蚌、鱔片、龍躉、蟹柳、蟶子、脆肉鲩、蚌，樣樣都好新鮮，而且咬落唔梅又冇沙墨魚膠和蝦膠好彈牙足料唔係溝粉
