有啲嘢越耐無食，到突然想食嘅時候，嗰種一定要食得到嘅念頭就會越強烈！而今次就係Pizza🍕，但又唔想去連鎖店，就醒起之前行路經過嘅Pizza King，一直因為唔太就腳無試，難得今日有揸車又咁想食，今晚呢餐就試真佢。入到去店員都好nice主動遞餐牌俾我上車睇，Pizza🍕有13款，亦有多款炸雞翼🍗同意粉🍝，最後叫咗一個4人餐，計落價錢平咗百幾蚊，仲要外賣自取88折，齋講價錢真係好吸引！首先講下兩款Pizza先：🍕海鮮什錦至尊 ⭐️⭐️⭐️⭐️⭐️🍕加勒比風情 ⭐️⭐️⭐️⭐️⭐️我地買完都隔咗接近一個鐘先開餐，餅底依然好軟糯，唔需要用刀，用手已經可以搣開，本身自己幾鍾意食薄批，姐係幾乎好似餅乾咁薄同脆口，佢地嘅餅底厚少少，但係口感好好厚度啱啱好。兩款口味個人比較鍾意海鮮什錦，海鮮有蝦🍤同埋魷魚🦑，Mozarella芝士🧀同埋甜而唔酸嘅番茄醬🥫平衡得好好，滿足！食兩塊都唔夠喉哈哈！而加勒比風情望落去好似無咁豐富，但咬落去先發現係有蜜糖芥末嘅味道，加埋酸甜嘅菠蘿🍍同埋芝士煙肉🥓，一啖食到幾種層次，如果配料可以切再細啲口感會更好！三款雞翼：🍗鹹蛋黃醬雞翼 ⭐️⭐️⭐️⭐️⭐️🍗港式避風塘雞翼 ⭐️⭐️⭐️⭐️🍗熔岩芝士雞翼 ⭐️⭐️⭐️⭐️三款嘅肉都juicy，炸皮亦有水準，味道嚟講鹹蛋黃係最好，亦都係融合得最好，香口惹味唔會一味死鹹，避風塘嘅少辣亦都好開胃，反而熔岩芝士就稍為有少少可惜，芝士嘅味道同雞翼係完全分開。兩款意粉：🍝卡邦尼煙肉忌廉意大利粉 ⭐️⭐️⭐️⭐️🍝拿破倫芝士海鮮意大利粉 ⭐️⭐️⭐️兩款意粉口感偏硬少少，鍾意食軟嘅朋友要注意，卡邦尼整體較為優勝，個人覺得忌廉重手咗啲啲，食完覺得有啲膩，拿破崙就真係比較失望，材料確實豐富，可惜嘅係醬料唔多而且較酸。…Read More
