前排約左好耐冇見嘅朋友食飯 當然想食好d🤗之前有食過呢間日本餐廳嘅其他分店都覺得唔錯所以就決定encore🤓.唔知係咪有新餐單定間間分店都用唔同菜單以前只有單點冇套餐所以今次見到有套餐就想試下.💫 御夕食 一人前 (竹) ($178).🌟豆腐野菜沙律沙律菜夠晒新鮮🥗 而且仲有好滑嘅豆腐同鮮甜嘅車厘茄配埋麻醬真係好夾.🌟刺身三點 / 海蝦天婦羅前菜都有幾種選擇 今次我同朋友就點左唔同嘅菜色我就食左天婦羅 包括海蝦🍤、南瓜🎃同秋葵炸得唔錯 又唔會食到成口油.🌟豚肉味噌湯味噌湯仲落左豚肉 令到個湯嘅味道更濃郁.🌟極上四色刺身丼見到色彩繽紛嘅刺身丼已經流晒口水🤤 而且仲好豐富四色刺身分別有蔥花吞拿魚蓉、三文魚、海蝦、帶子仲有塊紫蘇葉 食材新鮮 份量都幾多🍚.🌟果茶凍果茶用啤酒杯裝🍹侍應上餐飲嘅時候差d以為佢上錯🤣果茶好夠味好清新 食左咁多肥美嘅刺身 揀佢就啱晒.🌟日式甜品老實講甜品真係有少少失望🥲因為佢只係普通嘅維記雪米糍如果係用個靚杯裝住雪糕/日式和菓子就好啦😛.餐廳好有日式風情 以木作為主題 感覺好温暖舒適而且仲有d昭和風嘅poster同啤酒樽做裝飾真係好似居酒屋 大家都可以多多支持呢間餐廳💛…Read More
