Greenland Spicy Crab

約了舊同學食飯，尖沙咀最就腳，有人來過覺得這裡地方及食材用料都不錯，所以今晚一於在這裡相聚。餐廳地方寬敞，有大檯也有窗邊卡位，更有包房，確是相聚聊天的好地方。這裡主打雖然是海鮮，但其實其他小炒也很出色！《黃金流沙蝦球》～嘩！ 單看賣相已嘩聲四起，外圍是黃金流沙蝦球，中間是一杯芒果雜果沙律，賣相別樹一格 ！外脆內嫩的大蝦彈牙爽口， 鬆化香口 ，再配以冰凍的芒果沙律，口感刺激豐富😋《避風塘炒蟹》～這裡的招牌菜，香噴噴的炒蟹令人垂涎三尺，蟹肉吸收了蒜香味道，令新鮮蟹肉香惹好味，風味濃厚， 色香味俱全，必食 👍🏻《古早銀芽炒粉絲》～銀芽清爽惹味，粉絲質感輕盈軟綿，滋味滿分！《飛天水東芥菜》～芥菜爽甜，鹹香惹味《食神炒飯》～另一招牌菜， 賣相相當別緻 。以意大利米、蟹子、蝦粒、雞蛋絲等食材料炮製而成，視覺和味蕾同得享受！最後當然要食招牌甜品《海苔脆脆》～香甜脆脆加海苔絲，入口即融，簡單好味。超滿足的晚餐，有地方特色又不失自我風格，食材用料上乘，價錢大衆化，超讚 👍🏻…Read More

朋友生日，大家都好鐘意食海鮮，當然要嚟試下呢間得獎食店我地一行8人，book咗大VIP房，房入面可以唱卡啦ok。店員都好Nice好好招呼，座位寬敞，環境不太嘈吵前菜 黃金豆腐非常好味，外脆內軟。鎮店之寶避風塘炒辣蟹-$588一隻可以選擇大中小辣，蟹肥美多肉，相中o既係一隻龍蝦一隻肉蟹，我覺得肉蟹比較出色。避風塘拆肉瀨尿蝦-$328一隻我諗唔少海鮮愛好者，都同蕃薯妹一樣，就係好鐘意食蝦蟹類海鮮但係又好唔鐘意剝殼特別係瀨尿蝦！剝起上嚟真係好麻煩~ 呢度ga瀨尿蝦係拆肉先烹調，啖啖肉，一試就愛上了！黃金流沙蝦球-$28一隻呢個係店員超推薦菜式，亦係呢間舖得獎菜式，店員叮囑一定要襯熱食。咸蛋黃味好香，蝦球新鮮彈牙。潮式酸菜水煮魚-$128魚肉好滑，平時食酸菜魚都係魚片，已經拆件，少見有食店係全條魚上。豉油雞-$328一隻莞香粒粒炒粉絲-$88乾煸四季豆-$88其他菜式例如乾煸四季豆、莞香粒粒炒粉絲，都好味。豉油雞一般，太乾。海苔脆脆-$48其實即係炸蛋散，上面舖咗少少海苔。又甜又香脆。最後店員奉上超級大壽包，好壯觀為朋友生日畫上完美句號。…Read More

成日食西餐既我地，今次難得去食中菜。黎到尖沙咀既翠林辣蟹舫，好似好出名呢，一出𨋢門見到既簽名牆，唔少紅星都黎過！脆脆米浸花膠一碗有很多花膠呢，我地3個都夠分，個湯味道好濃，感覺上好補呢。鮑汁鳳爪平時少食鳳爪既我，覺得都唔錯，幾入味又易咬。黑松露意大利菇龍躉球這個菜式我很推薦，龍躉很surprise，肉質很鮮嫩，外脆內軟，滿分。連伴碟既菜都鮮甜，可以食哂！白雪紅梅骨有啲似咕嚕肉既小炒，好有鑊氣，但伴碟的生果令整道菜沒有熱氣既感覺，多吃幾口都唔怕。香辣醬油蟹今晚既主角，每台都必點的。店員會提供蟹鉗同手套，加上本身已斬件，食得幾輕鬆的。蟹炒得很香口，肉質結實，微辣幾惹味，感覺有酒就完美了。海苔脆脆必食推薦，朋友話係蛋散，我第一次食，睇落係炸但完全唔油，加埋海苔同蜜糖少少甜，幾好味呢，食到停唔到口。…Read More

友人說想食蟹，以前食過橋底那間，感覺一般聽聞這間不錯，便三人行來試個究竟一出LIFT已看見門口的簽名牆，原來不少名人也到訪過包括廚藝出眾的鼎爺，和在內地紅得發紫的CHEF NIC鮑汁鳳爪 鮑汁味濃郁，熱辣辣時食口感軟腍冷掉肉質會變得煙韌，建議熱食較好食黑松露意大利菇龍躉球黑松露味香得來柔和，沒有遮蓋龍躉的鮮味龍躉肉新鮮，肉質彈牙配上啖啖肉的燒烤蘑菇，滿足香辣醬油蟹蟹已斬件，蟹味鮮甜三人每人都能夠食到三大件，和平分享香辣醬油只是微辣，醬油很惹味，單食的話味道會偏鹹，但用來送飯是無得輸白雪紅梅骨 是很夠鑊氣的一道小炒酸酸甜甜的醬汁食完濃味的醬油蟹食是令味覺有重新的感覺脆脆米浸花膠想不到脆米浸在湯裡還有點微脆的口感上湯清甜，花膠厚身，食時感受到有豐富骨膠原這無疑是女性養顏恩物海苔脆脆勾起了童年回憶食時超級鬆脆，很久沒有食過如此高質素的蛋散甜度又剛好，味道令本人感動總括而言，味道的確不俗，感覺比橋底的好服務態度慇懃，值得一試…Read More

最近好友因為韓文考試，連續幾個星期也在圖書館中渡過。但是忙裏也要偷閒，趁著星期日，特別讓他到尖沙咀吃一餐蟹宴，為他家加油。翠林辣蟹坊位於尖沙咀亞士厘道。尖沙咀地鐵站A出口出發不用十分鐘便到。地點十分方便就腳。我們一行二人共點了幾樣小菜一起分享。 香辣醬油蟹(⭐⭐⭐⭐⭐)一場嚟到當然叫了這裏的招牌蟹。由於之前試過了避風塘炒和黃金流沙這兩種烹調方法，於是這次便叫了小辣香辣醬油蟹。餐廳用的是越南大肉蟹，大隻而且新鮮。一份大約有六至七件，兩個人分享剛剛好。而且師傅十分細心，事先已經將蟹肉斬件和把關節敲碎。這一來令蟹更加入味，另外也方便了我們品嚐。一吃上口便知道上等貨，肉質結實，啖啖肉，絕無欺場。相比起避風塘和黃金流沙兩種烹調方法，香辣醬油炒沒有那麼乾身，但依然那麼惹味，有點兒像XO醬，又有點鹹香，層次感豐富。雖然這是肉蟹，但是蟹蓋的蟹膏也不少，吃起來較為結實。唯一美中不足是我們花了太多時間吃這個醬油蟹，吃完的時候其他菜也涼了。下次一定要記住先吃蟹，之後才點其他餸。潮式酸菜魚(⭐⭐⭐⭐⭐)相比起近來大行其道的深圳酸菜魚，這個本地菜明顯更勝一籌。首先，廚師是用龍躉片，吃起來肉厚而且彈牙。相比起常用的桂花魚，龍躉的味道較為重，配合微酸的湯，更能帶出魚肉的鮮味。而且值得一讚的是酸菜湯不會太油，沒有太多味精，喝起來十分暖身，冬天一流。濃湯雞配花膠(⭐⭐⭐⭐⭐)一開始想叫濃湯雞煲翅，但環保原因最後叫了濃湯雞配花膠。真材實料的靚湯一喝便知是龍與鳳，濃湯膠質十分重。可能因為沒有放金華火腿的緣故，雞湯喝起來十分清甜，而且不會口乾。一份大約有四至五片花膠，十分厚身，女士的養顏恩物。另外跟湯的半隻雞是另外烹調的，吃起來十分鮮嫩，而且不會太肥。香辣福菜花(⭐⭐⭐⭐💢)還叫了個福菜花，要吃一點蔬菜平衡一下。福花菜屬於十字菜科，營養價值豐富，簡單的配合辣椒乾炒一炒已經十分好吃。海苔脆脆(⭐⭐⭐⭐💢)最後點了海苔脆脆作甜品。這個脆脆有點像蛋散甜品，吃起來鬆化可口。而且廚師巧妙地加了海苔，有點鹹味，減少油膩感，令人停不了口。總括而言，翠林辣蟹坊食物質素高，而且款式令人驚喜。下次有機會經過尖沙咀也一定會再來。~~~~~~~~~~~~~~~~~~~~~~~~翠林辣蟹舫 尖沙咀亞士厘道24-38號24-38號推介菜式：香辣醬油蟹、潮式酸菜魚、濃湯雞配花膠👍🏻地點方便 👍🏻小菜惹味👍🏻新穎菜式…Read More