Jiu Fen Full (Trend Plaza South Wing)

好抵食既台式料理，懷舊滷肉飯$44滿滿嘅滷肉醬汁，好有台味，味道非常豐富。肥瘦比例適中，醬汁同肉嘅比例好平均。好好餸飯☺️ 名正言順既白飯小偷😂😂成碗清光光。 香酥雞扒滷肉飯$53雞扒偏簿，但係粉同肉既比例合理好香好脆，好滿足😌雞肉同滷肉既份量好足料❤️海苔肉鬆起司蛋餅$38睇到都知比既料一啲都唔孤寒😊每一啖都食到材料 蛋皮好有口感 唔會太硬但蛋皮唔太有味 要靠點醬料先至有味。😗九份芋圓$40仙草豆花芋圓❤️😍 芋圓超級煙靭 煮芋圓既時間應該控制得啱啱好粒粒都好平均 無硬左一粒粒粉仙草豆花都好有味 唔死甜…Read More

夜晚一家四人去食晚餐，等咗大約10分鐘，環境乾淨，但座位比較少。主要係用木色牆做主色，掛有舊式戲院油畫，再加上餐廳內會播放台灣經典金曲，10首有9首大家都會識唱，入到去就知道自己食台灣菜。食物選擇唔算好多，但係大部份都係大家去台灣會食嘅嘢。上菜速度快，落單之後幾分鐘就送到，雖然係快，但係冇影響到食物質素，食物夠熱，食物質素中上，再加埋喱個價錢，係一間性價比極高嘅台式餐廳。返食機會率極高👍🏻👍🏻…Read More

【Cp值高嘅台式餐廳🇹🇼九份飽】-無錯！小編又去咗屯門覓食😜今日約咗好耐冇見嘅朋友食飯同行街（天氣太熱啦🥵行商場係最佳消遣活動🤩）今日要介紹係呢間充滿台灣味道嘅餐廳🇹🇼🏮九份飽🏮🇹🇼-餐廳嘅裝修十足十台灣嘅九份老街掛著一排紅的燈籠🏮同埋牆上張貼左台灣電影嘅海報😍十分懷舊餐廳嘅木枱木凳好有台灣小店嘅feel~🤩不過餐廳不大😛繁忙時間可能會迫少少同埋佢人氣都幾高😝六點幾已經開始有人排隊😙但係幾抵食嘅😎等一陣都值得！-餐廳主打台式料理😙主食都係40、50蚊有交易🤩佢仲有唔同嘅台灣特色小食😍好似甜不辣、大腸包小腸、台灣香腸、地瓜球等等😝咁多選擇價錢又合宜😂小編同朋友都嗌咗好多嘢食🙌🏻-😋香酥雞扒魯肉飯$52呢個滿足左我又想食雞扒又想食滷肉飯嘅願望🫶🏻香酥雞扒炸得香脆😻值得一提嘅係個滷肉飯滷肉肥瘦相間油脂豐富😋滷汁氣味飄香入口即溶潤口滑嫩😚啲油脂滲透白飯🍚拌飯一流😏好味指數：🌕🌕🌕🌕🌑-😋紅燒牛腩刀削麵$62個湯清燉濃醇望落色澤豐盈🤩入落好順口同埋好香牛味牛腩半筋半肉食落軟腍🐮最鍾意嘅係佢個刀削麵😍麵條口感紮實Q彈有嚼勁❤️‍🔥好味指數：🌕🌕🌕🌕🌘-😋海苔肉鬆起司蛋餅$38❤️‍🔥呢個非常推薦❤️‍🔥蛋餅外脆內軟😻有淡淡蛋香🍳餡料豐富😋有紫菜肉鬆同芝士🧀仲可以點辣醬食用😏古早味十足好味指數：🌕🌕🌕🌕🌗-😋芋圓仙草豆奶$42三色芋圓顏色豐富🟠🟣⚪️地瓜圓同紫薯圓食落煙靭有咬口😻芋圓中間有芋頭粒🥰好驚喜仙草口感軟嫩可以輕鬆入口😍入面仲有紅豆同珍珠🫘唔錯唔錯！好味指數：🌕🌕🌕🌕🌘-全部飲品可以揀甜度和溫度十分貼心🫶🏻部份飲品跟餐加$10🤣不過真係好想飲珍珠奶茶所以冇揀到😂-😋招牌奶茶$20表面有細密均勻的泡泡🫧入口順滑滋潤帶有淡淡茶香☕️-😋胚芽珍珠奶茶$28奶茶口感幼滑🧋珍珠都軟糯Q彈仲有豐富嘅胚芽😙為飲品增加口感-估唔到喺屯門時代廣場會有間CP值咁高嘅台式餐廳😗食完「九份飽」真係「十分飽」😝係超滿足嘅晚餐🥰-📍九份飽 屯門：屯門屯隆街2號屯門時代廣場南翼地下22號舖九龍灣：九龍灣牛頭角道77號淘大商場一期地下G142號舖北角：北角英皇道93號錦平中心地舖💸人均消費：$120（嗌咗太多嘢食🤣）…Read More

小編久唔久就會想食台灣嘢，今次為大家介紹一間價格親民又好食嘅餐廳，就係位於屯門市中心嘅九份飽啦。我地叫咗海苔肉鬆起司蛋餅、炸甜不辣同埋紅燒牛肉麵。⭐️ 海苔肉鬆起司蛋餅餡料裝得滿滿，因為包得好扎實，所以分開幾兩三啖咬都唔會散開。肉鬆+芝士，my favourite，正。🤤⭐️ 炸甜不辣第一次食甜不辣，口感好得意，煙煙韌韌。Q彈嘅炸魚餅，灑上椒鹽，調味剛剛好，搞到小編一舊接一舊好快就食曬。😋⭐️ 紅燒牛肉麵上次嚟呢間食咗紅燒牛肉米粉，今次試下麵。牛肉就一如既往嘅軟腍，而且數量都唔少。而粗身嘅手打麵的麵質QQ有嚼勁，大推。👍🏻好食又平嘅小店當然就會好多人排隊。餐廳亦都接好多外賣單，所以大家記住要預多少少時間等候啊。…Read More

足足三年無踏足過台灣🇼🇸為咗暫時慰藉下爆發嘅思鄉之愁🤯成日都周圍搵台式餐廳🤣搵下搵下就係屯市發現咗之前係九龍灣都想食嘅「九份飽」😍人流都幾多下😳不過流動率都算快，排咗陣隊就有得入座喇～🔹台灣擔仔麵（$45）🔹台灣擔仔刀削麵（$55） 想當年係台灣食「度小月」嘅擔仔麵，細細碗的的骰骰幾好食，今次係到見到有啲懷念就試下啦～ 兩碗都唔算大碗（但比印象中食過個碗大🤣） 從外表睇刀削麵比油麵大碗（可能係錯覺🙈）刀削麵好彈牙好食🤤油麵煮得剛好 無淋爛 用咗蝦仁、肉燥、貢丸、半隻滷蛋、雪菜、芽菜同芫茜做餸 蝦仁彈牙，肉燥偏咸重味，貢丸爽口，滷蛋入味 整體味道唔錯😋其他配料就正常發揮啦～ 湯底好香😍一上枱第一時間就聞到佢嘅香味🤤唔會過咸 好食👍🔹香酥雞排魯肉飯（$52） 雞排唔算大塊但勝在啖啖肉 脆博博😋 魯肉肥瘦適中，食完會黏嘴，滿滿嘅膠質🤣🤪 同擔仔麵一樣嘅滷蛋😋食到一半再食埋半塊醃蘿蔔可以refresh下再食小食😛🔹海苔肉鬆起司蛋餅（$38） 多數見台式餐廳都會將蛋餅每條分做四件方便食用，但呢到就只分成兩件，食一件都有飽足感🤣不過我鍾意～🥰 俾好多肉鬆😳👍海苔都夠，每啖都有海苔同肉鬆味 正🤤 相比下芝司好似唔算多🧐某幾啖隱若都有芝士味但唔係好出 蛋餅個底有少少脆😍，比起成件都係淋身嘅 我更鍾意食脆脆地嘅蛋餅所以好啱我😋 旁邊有附辣醬，點埋嚟食少少辣幾過癮～🔹鹽酥雞（$38） 食台灣菜又點可能遺忘佢呢！即炸勁熱（氣）夠邪惡😙 調味好香，炸粉唔厚唔油膩，食完都唔覺得成口油👍🔹凍百香果紅茶🔹凍鳳梨紅茶（跟餐+$10） 圖左百香果 右鳳梨🍍 兩杯顏色一樣，唔靠飲管顏色分基本上唔知係邊杯😂😅 以為會有果粒點知原來係無 兩杯嘅紅茶味都幾重，少許蓋過生果味，百香果味道突出過鳳梨所以我百香果紅茶＞鳳梨紅茶😗 比較下飲品有啲遜色 唔太特別，不過仲有特飲嘅 無試到我就唔知佢地質素喇～😛總結:整體而言係個唔錯嘅餐飲體驗，會再去食😚不過餐廳面積真係好細，枱與枱之間距離好窄，基本上係背對背🫣店細但人流多所以會出現店員趕客嘅情況，食完一陣就會即刻收碗，亦時不時係客人附近行下睇下，會有少少壓力😅🔖九份飽 𝗝𝗶𝘂 𝗙𝗲𝗻 𝗙𝘂𝗹𝗹📍屯門屯隆街2號屯門時代廣場南翼地下22號舖 …Read More

17.03.2022 星期四九份飽今日幫同事farewell，宜家開supermini party只能自己一人一份，唔可以分享；同事介紹咗呢間「九份飽」，完全唔知道開咗呢間台灣餐廳，睇佢啲餐單又唔貴，所以大家齊齊試吓。餐單都幾豐富、幾多選擇，主餐包括有魯肉/排骨/牛腩/台灣擔仔，分別有飯、米粉、油麵同刀削麵；多種起司蛋餅和各款小食；仲有甜品和飲料。紅燒紅蘿蔔牛腩刀削麵：我自己就揀咗紅燒紅蘿蔔牛腩刀削麵，紅蘿蔔和牛腩都好入味和濃味，刀削麵睇落不太多，但食起嚟都夠晒飽。可能因為咁濃味，成個下午都幾飽同幾口乾。海苔肉鬆起司蛋餅我跟同事一人半份蛋餅，本身已經分成四件，所以可以一人一半，我自己好鍾意食海苔肉鬆，份量夠哂多，好好味；蛋餅外賣始終會淋，相信堂食會好食好多，有機會要去餐廳再試。 滷青菜$20，有折，份量唔算少，抵食；因為刀削麵湯底夠味，所以我叫餐廳走汁，食嘅時候放湯食好好味。香酥雞扒魯肉飯：同事叫呢個飯，話好食芋圓仙草豆奶甜品九份芋圓同芋圓仙草豆奶比較受歡迎，同事食芋圓仙草豆奶都話好味，下次想試吓粟米起司蛋餅同事話較淡味，我估海苔肉鬆會好味啲蜂蜜綠茶熱、荔枝鳳梨冷、百香果紅茶 熱、伯爵紅茶熱/冷同事話飲品正常，叫主食加$10就有各款台式飲品，真係抵飲，而且可選擇0、3、5、8、10甜度，很體貼呀。伯爵紅茶若揀0分甜度，就係好濃無甜味嘅紅茶。食物味道佳，價錢合理，惟一就係早上一早已下單，中午時份Deliveroo也派了外送員到餐廳等候，結果等了40分鐘先至可以拎，時間管理欠佳。…Read More

位於屯門市中心的「九份飽」有一點九份老街的影子，店內掛滿燈籠，牆上掛著舊式電影海報，配合昏黃的燈光，充滿九份的懷舊氣息，主打台灣地道美食，菜式選擇多元，早餐蛋餅、各式粉麵、小食&甜品等…海苔肉鬆起司蛋餅台灣人的傳統早餐就是蛋餅，煎至酥脆嘅外皮口感帶點煙韌，裏面夾著海苔、肉鬆&起司，再沾一點甜辣醬食紅燒牛腩米粉牛腩有四大件，非常軟腍入味，蘿蔔清甜，湯底濃郁，配搭台式米粉再加入酸菜點綴， 非常滋味滷味拼盤拼盤包含豆腐、雞蛋、豬耳、雞翼&牛肚，滷味香甜入味Q Q地瓜球口感酥脆又帶Q，灑上話梅粉，一個接一個食唔停口後記：假日午後都係坐滿曬，等around 30 mins，等位期間已經預先睇定食乜嘢，入座後就交上order form，食物5-10mins 就嚟，食品即製，新鮮熱辣整體滿意，非常讚…Read More

朋友之前推介過「九份飽」給筆者，當她得知餐廳在屯門開分店時，更是第一時間告之筆者。既然如此，週日便過來一試。新餐廳總是特別受歡迎，尤其是商場內本身缺少台灣菜的餐廳。所以在1點多的午巿時段，餐廳門外大排長龍。擔仔麵是當地南部名物，粗麵有煙韌口感。拌上肉燥和醃菜末後，整碗味道變得更香。湯底味濃不膩，帶魚香。碗內還有蝦仁、肉丸和滷水蛋作配餸。蛋餅餡量頗多，裡邊都塞滿海苔肉鬆。煎至香口的蛋餅皮做得薄身，除了滿滿的海苔肉鬆，咬開還會感受到起司的味道。蘸上台式醬油膏和辣醬，更加滋味。炸到非常脆口的鹽酥雞，如其名一樣，入口充滿濃濃鹽香鹹味。同時也有微微的九層塔香，當下覺得好地道，好有親在夜巿的感覺。湯內有百頁豆腐、貢丸和爆漿魚丸，其中百頁豆腐口感特別，帶點煙韌感。湯頭鹹香，亦加入了青菜一起熬煮。但稍嫌份量有點少。一碗有芋圓、珍珠、紅豆、豆腐花和仙草，甚為豐富。芋圓有很多，分別有芋頭和紫薯2個口味，口感Q彈煙韌。豆腐花夠滑溜。新張期間用$10就可以食到，非常抵。飲品可以由0至10分去選擇甜度，對習慣走甜的筆者來說，無疑是值得加分的一環。奶茶較重奶香味，拌勻oreo餅碎後，就會多一份曲奇甜香。由於點了0分甜度，整體沒有出現到死甜的情況。…Read More