Fujiyama 55 (ramen.tsukemen)

最近在網上經常留意到不少餐廳都以海膽料理招徠客人，不過小妹一向不太喜歡拋頭露面、隨波逐流。為了吃上一口新鮮甜美的刺身，也許值得大家排幾小時的隊，但我總是提不起「擔櫈仔霸頭位」的決心。適逢朋友強烈推介「富士山55」的海膽沾麵，又已經早早在餐廳找到位置，於是果斷愉快地向「富士山55」進發。下午3點，我姍姍來遲，終於到達餐廳。幸好不用排隊，可以靜靜地吃上一碗熱騰騰的拉麵，實在人生一大樂事。餐牌上有不同的特色拉麵可供選擇，例如櫻蝦油拉麵、名古屋撈麵、特濃豚骨沾麵⋯⋯每款拉麵均附有精美插圖，亦有文字詳細描述每款拉麵裡面豐富多樣的材料，令人食指大動。店內空間相對較狹窄，不過復古風格在視覺上頗特別，牆身亦貼滿店內的招牌拉麵，就我所見，最近的主打拉麵應該是「海膽沾麵」呢！先呷上一小口湯，湯底較為濃郁，麵身比較彈牙。麵條沾上濃濃的湯底，味道無法以筆墨形容，大家可以憑相片感覺到麵條沾上濃湯後的「化學作用」。畫龍點睛是爽口的加拿大海膽，品嚐到海膽刺身的鮮味，其甘甜亦與濃郁偏咸的湯底出奇的匹配。能夠在假日吃上一碗如此高質的海膽沾麵，真的讓小妹可以帶著愉快的心情渡過一個無需勞動的假期。- Thank you for visiting, and I wish you a pleasant day!感謝你的瀏覽，我希望你有愉快的一天！Thanks for your support…Read More

昨晚因他心血來潮要食沾麵，專登搵到黎哩度食沾麵，其實喺尖東站出都好近，唔洗喺紅磡出小店一家，餐牌2版睇晒，不過傳統日式沾麵舖係唔需要咁多花款，合理的點餐紙同其他麵舖一樣，可以因應個人喜好續樣揀一啲都唔平嘅海膽沾麵，要成$200一碗，海膽份量是合理的，不過就唔係話特別新鮮沾麵湯味濃，重口味必食，仲有淡淡嘅芝士味，不錯。不過整體略貴辛辣沾麵本身都會有跟半隻溏心蛋同2片叉燒，椰菜是另加$10的，咁樣就 $103了，真係唔係抵食我覺得不過，揀左中辣，我平時食得辣嘅都已經覺得辣咖喇，但係真係好濃辣味。麵質我揀左適中硬度，粗身得黎好有咬口，係唔錯嘅佢怕啲人會食得慢，啲湯凍左就5好食，所以枱上面都有電磁爐，食凍左啲湯都可以烘熱番，都幾貼心嘅設計不過整體平平庸庸，沒什麼特別，食過一次就好了。…Read More

就黎聖誔節適逢尖沙咀有聖誕節為主題既市集，又可以順便睇下燈飾感染一下聖誕氣氛，所以今日我就黎到呢度搵食喇。行完市集時間尚早大約6:00P.M.，已經急不及待要去試呢間以沾麵為主打既食店。呢間餐廳除左尖沙咀外，銅鑼灣亦設有分店，同樣係不設訂位，就到晚飯時間又怕太多人等位，所以都預早少少。一去到餐廳內約20-30個座位已坐滿，外面有2-3對人等緊位，等位時會有人拎ORDER紙比你揀定，令到廚師更容易掌握烹調時間之食餘，客人一入去坐低唔駛再花時間左揀右揀就有得食 店內地方比較窄，而坐既位置亦唔係太寬敞，所以都係預食完就要埋單離座。我地兩個人被安排坐響BAR枱位，一面望住師傅密密煮一面「品嚐」沾麵。用「品嚐」好似好誇張，但係見師傅咁用心去做個麵同湯底，個麵仲可以選擇不同硬度，所以每啖都想試真啲。黎之前做過功課見唔少朋友都推薦海膽，所以我地揀左豚骨沾麵 ($83)同海膽沾麵 ($188) 。豚骨沾麵 - 2塊日式叉燒、筍、唐心蛋及葱等配料。叉燒較薄略嫌不夠入味，但肥瘦適中心感不錯。沾麵湯底一般較湛濃郁令到本身比較淡味既拉麵沾上湯後會變得更惹味，但呢款既湯底較淡味，比較適合第一次試沾麵又或者較喜歡清淡既朋友。呢度有另外一款「特濃豚骨」沾麵，最岩鍾意濃味既朋友。海膽沾麵 - 3塊海膽、筍、溫泉蛋、葱及紫菜等配料，另外+$10 加木耳，傳統沾麵搭上木耳食起上黎有爽又煙韌既麵底口感會更豐富。而湯底就有極香濃既芝士味，配有紫菜及一少塊海膽。海膽手劵及壽司就食得多，就未試過海膽做配料既拉麵，暖暖地海膽味濃郁，配上彈牙既味道略淡既沾麵及香濃湯底岩岩好。聽聞如果未飽仲可以加飯撈落個湯底度，下次再黎 沾麵湯底比較容易放涼，值得一讚係枱面上有一個小電磁爐，放上去滾一滾又可以繼續食，天氣凍食幾耐都仍然暖笠笠。如果覺得湯底太濃亦可以請店員幫忙加鏗魚清湯，食完個麵先加湯既我順便將成碗湯飲哂，大家不妨都試下…Read More

見到fb既廣告，睇相覺得好吸引，放工即刻衝去試睇落門面細細，去到咁啱要等位，可以先填定紙仔款式唔多，我同fd都係要海膽沾麵再加啲配菜入到去，係就係細啲,不過坐落幾鬆動，等左5分鐘就有得食海膽肥美鮮甜，芝士湯底香濃，沾麵硬度適中。食完麵，仲有啲湯淨，仲可以叫個飯黎整芝士湯飯，正！唔講咁多，no photo no talk…Read More

話說我有一日見到朋友嚟呢度食海膽沾麵，佢張相為我帶嚟視覺嘅震撼，因此鍾意食沾麵嘅我，就懶係好好閒情逸緻相約我男朋友嚟呢度食。呢間野係南洋中心嘅橫街，咁啱唔使等位，所以我地好快就入到嚟。我二話不說，就叫左呢個海膽沾麵，當然俾我男朋友鬧到XYZ咁，一個Lunch，如果飲埋野嘅話，就二百蚊勒。所以建議大家以和為貴，夜晚先嚟食。 雖然等左一陣，但係佢個賣相的確無令我失望，一嚟到已經見到豐沃嘅海膽肉放左係沾麵同埋個沾汁嗰度!!! 口水直流~~~~ 先講下啲海膽，真係好新鮮，完全唔腥，而且份量十足，不過味蛋嘅流心唔係做得太好，而且個色都唔算浸左好耐醬油，有啲失色。不過三文魚籽都算多，每一啖都有佢地伴住，真係算係咁。賣相我覺可以好啲，而家放到好似有啲求求其其咁，唔似係平時日本師傅嘅對賣相嘅執著。其次講下個沾麵，老實講實在唔夠三田製麵咁彈牙，只能夠講普普通通，而且食得出好似煮得耐左，對個麵有少少失望。個人認為個湯係偏咸，完全遮蓋左海膽嘅甜味，紫菜放左入去都淋哂，完全唔知放嚟做乜鬼。不過咁講，又唔係唔好味嘅。男友就好慳家咁叫左個濃香櫻蝦沾麵食，老實講，一嚟到我真係俾個櫻蝦海嚇左一嚇~ 使唔使咁足料啊~ 而且個沾麵仲有叉燒，算係幾足料~ 個濃香櫻蝦沾汁真係好香蝦味，完全食到櫻蝦嘅甜味，雖然都係略咸，但係算係唔錯。最後我地兩個人食左nearly $300咁滯，一個lunch $300係真係貴左少少，不過食到咁多海膽都算係大滿足 !!!  …Read More

知道呢間沾麵已經一段日子, 但聽人講話要等好耐, 店內又好迫, 所以一直都未提起勁去試！今次終於的起心肝去試喇！大約8點去到, 前面有10個人, 等左20分鐘左右, 尚可接受！入去之前, 係門口已經派order紙去揀定先入到去之後, 比我想像中好, 唔算好迫, 仲要一坐低冇耐就已經整好有得食個海膽沾麵一拎埋來, 不禁嘩左一聲, 因為海膽既份量真係幾多下我習慣一來就會先試一啖個湯先, 呢度沾麵個湯汁好濃, 仲要食得出有海膽既味道由於海膽份量都幾多既緣故, 所以個麵有少少難夾, 除非你整散晒堆海膽啦除左海膽好多之外, 魚子既份量都唔弱, 老老實實講, 真係同張poster爭唔遠成晚美中不足既係試唔到個芝士risotto本來係order左既, 但食晒個麵時, 得返一啖湯汁問店員有冇得加湯, 因為order左個飯, 阿黑面店員竟然叫我取消個飯我第一次食, 鬼知係收我個湯去整wor, 人地以為係比個飯我自己加落去嘛另外, order左個餃子, 唔好食到連相都唔記得影 如果我再去食, 我諗我會專注食返沾麵就算喇對於一個鍾意食海膽既人來講, 呢個海膽沾麵真係令人好滿足！…Read More

回到香港沒多少天，一直趕Essay，但沒有靈感，毫無頭緒。辛辛苦苦擠出一千字左右，看著尚有三兩日時間，打算應友人臨時之約後再做也不遲。結果？還是不安心，頓時爆多幾百字，果然越不得已的時候效率就越高。到時到候出門口，約正開門時間，以為自己準時，豈知友人早在門外等著。　　歸港後外食第二餐，不像先前飲茶咁港式，倒是來點日本風情。只去過銅鑼灣店，第一次來尖東店，店內格局當然有點分別，但共通點係要霸位。我倆斯然入坐，不忘留位俾公務繁瑣都仲趁空檔趕緊黎既朋友，嚴格而言是前輩。沒多久，小小店面已經至少半滿，不禁有點驚訝……（利申：少在平日午間出尖東覓食）。　　齊人就馬上開飯，主角先殿後，懶係賣關子，來份煎餃子　$31（五隻）開場。煎得帶點金黃，只有少許油光，皮脆而餡不乾澀，微甜，味道也夠自然。沾醋，酸酸地更開胃，久違既正常既日本野啊……（講真係得宿舍果位日本朋友整得好食，之前去挪威食左一餐壽司之後已無興趣再挑戰）。　　一見個名就鍾情，立馬要個近排推出既黑松露帆立貝撈麵　$168。講起富士山55，除左沾麵，就係芝士飯，但原來仲有後續，新登場既竟然係撈麵。清甜軟彈的貝肉是為亮點，以晶瑩鮮味的三文魚籽作伴，愛出風頭的半熟蛋今次比下去了。跟沾麵不同，醬汁早已埋藏在豐富食材之下，靜待我們將其均勻拌好。本以為不算十分粗身的麵條浸汁一定軟軟爛爛，事實上還算煙韌。醬汁稠度剛好夠黏上麵條，不會太濃太膩，更進一步添上黑松露醬的幽香。　　再次豪食海膽沾麵　$188，和半年前在銅記店食時一樣價位。細嫩鮮甜的海膽基本上係跣入口，然後要分點時間去細味甘美的餘韻。麵條還帶點咬口，沾汁濃郁，鹹中……咦？唔同左，唔只打碎入沾汁，而家有埋原片海膽。沾汁味道甚濃，重口味啱我，唔只係用黎沾，而係舀起大啖大啖當湯飲。　　轉眼即逝的午飯時間，只想說感謝友人相約，讓我吃到又華又實的一頓。話說近排生日，係，係近排，係成個月，係成個月都係我既（霸氣）。今餐食咁多麵，實夠長壽，毫不費吹灰之力……我指食果下，唔係減肥………Read More

又到左週末，當然要對自己好一些，慰勞下自己！身為海膽控既我，一早bookmark左呢間拉麵店好耐，因為有海膽 x 沾麵呢個組合！ 夜晚七點多到，全埸差不多坐滿食客，好彩我地早到，唔係就要外面排隊等候喇! (因為到我地八點幾食完，就見到店外既人龍) 我地被安排坐bar枱，可以近距離見到師傅整野食。略嫌座位坐得有點狹窄，坐得唔太舒服呢。 等左陣，萬眾期待既海膽沾麵終於上場！面頭鋪左三大塊厚疊疊的加拿大海膽，海膽上面灑左大量粒粒都咁飽滿既三文魚子，仲有半隻味蛋同醃製過既筍。賣相方面已經令人未食先興奮，垂涎欲滴啊! 第一啖梗係先食海膽吧！加拿大海膽本身味淡，比起其他品種的海膽少了一份甜味，但我卻喜歡creamy和厚厚的質感，一大啖放進口裏，海膽的鮮味充斥著整個口腔。然後夾起了一小束拉麵，把拉麵沾上用龍蝦和海膽熬製的金黃色濃湯......雖然吃不出湯底的龍蝦海膽味道，但湯底十分重口味，有著鹹香鮮味，夠杰身。掛上了濃湯的拉麵煙韌彈牙,比烏冬更有咬口，加上脆卜卜的的魚子，鮮甜美味，令人不禁一啖接住一啖咁食！ 另外，我地仲叫左櫻花蝦沾麵，配料有叉燒、筍、蔥同味蛋。叉燒一般般，有d鞋。碗內有青檸比食客擠落d叉燒，可以一解肉類既肥膩。 櫻花蝦湯底很香濃，原因係食店係湯面上鋪滿慷慨分量既櫻花蝦乾，每夾一束麵都會有櫻花蝦黏上，既有𡁻口又有咸鮮味道。 基本上，兩碗沾麵既分量都偏小，食完都唔太飽同埋淨底好多湯汁。結果就追加左個芝士飯。個飯係用淨底既湯汁去煮，加上芝士粒同粉。用匙羹撈起，尚有點拉絲效果。但芝士味過濃，下次唔飽的話，都係加麵好過。 總結黎講，食完個沾麵真係好滿足，岩哂重口味既我，但如果麵既分量可以多返些少，叉燒可以用火槍燒一燒，相信會更加十全十美！…Read More

在網上看到富士山55推出了海膽沾麵，便去朝聖。海膽沾麵（$188）的賣相讓人口水直流：三大片鮮橙黃色的海膽，圓圓飽滿的三文魚子。海膽新鮮甜美，個人建議單吃，不須配紫菜，以免掩蓋了海膽的甜味。比海膽更好吃的，是用龍蝦及海膽熬製的沾麵湯底，好濃郁，跟平常的湯底不同之處是，鹹鹹的湯底中帶著海鮮的鮮甜，麵條掛上湯汁非常美味，讓人一口接一口吃過不停。由於湯底上桌時不算熱，建議用桌上的電池爐加熱後再沾麵會更好吃，冬天就是要吃熱呼呼的東西才舒服。朋友點了櫻花蝦拉麵（$88）都很不錯，大量櫻花蝦乾舖面，吃得過癮。吃過海膽沾麵後加$20，用沾麵湯底煮芝士飯，但我吃一口便後悔呢，芝士味完全掩蓋湯底的海鮮甜味，浪費了如此出色的湯底，如果店家可以只加飯不加芝士就好了。…Read More

朋友推介富士山55 的海膽沾麵, 海膽的樣子看來確是十分誘人, 加上朋友親身試過, 吸引到我們去吃。平日夜晚六點多已要排隊, 皆因店內座位不多, 只有二十多個, 吃完後已八點多, 排隊的人更多了。富士山55 原來都是排隊熱店店內有沾麵和拉麵, 大家多是選沾麵, 比較特別。牆上有牛介沾麵及期間限定的海膽沾麵, 還有熊貓吃了會發怒的辣沾麵/拉麵, 這幾款都是原本menu無的。介紹沾麵的吃法。海膽沾麵 $188海膽有三大片, 肥美豐腴, 鮮甜, 香濃; 三文魚子部分較硬, 但大部分屬正常, 一咬正破, 有獨有的咸鮮味而不過咸, 沒有腥感。半熟蛋味道普通。麵條粗得如烏冬, 沾麵汁據說用上龍蝦製作, 所以有湯蝦湯的味道, 也有些細碎海膽在內, 濃香得來有少少咸和膩。濃香櫻蝦沾麵 $88叉燒好薄片, 半肥半瘦, 合格。櫻花蝦湯有很香濃蝦味, 好鮮味, 有驚喜, 湯內除櫻花蝦仔外, 有些椰菜片, 整個感覺較為清新。櫻蝦湯和海膽海各具特色, 各有所愛。煎餃子 $28餃子皮略厚和靭, 試過就好。日式芝士雜坎 $20可以選擇用哪個湯底來弄, 我們選了海膽湯底, 濃濃的芝士味道, 濃稠的質感, 十分邪惡, 加上海膽一起吃, 簡直是人間極品。不過吃完麵又吃飯, 而且芝士飯會膩, 最後也吃不完, 淺嚐一下也好吧。之前在西九龍吃過一間排隊沾麵店, 發覺湯底咸得很, 難以接受, 從此不太敢吃沾麵。遇上富士山55令我對沾麵改觀, 沾麵湯不是只得咸味, 可以很豐富多變, 加上海膽更是創新, 難怪可以吸引這麼多顧客, 我也想再吃呢。…Read More

是咁的有一日睇完新假期介紹，就好想食海膽沾麵 當日排左一小時先有得入，但唔打緊，好吃就可以了。入到去，個位逼到呢救命，怪就怪香港租貴喇。 賣相唔錯，拉麵彈牙。 沾麵湯真心咸，一上枱湯已涼（根本逼到冇位返熱），海膽食落口又有腥味（唔新鮮） 如此，就奉獻左我第一次食沾麵⋯如果大家怕咸，我諗呢間唔岩你 …Read More