Sushi Kin (Closed)

上次喺到食過午餐之後，一直想試佢嘅晚餐。雖然價錢貴啲，但佢嘅午餐CP值咁高，晚餐應該都唔會輸蝕!所以借另一半生日嘅機會，終於試到啦！果然無令我失望呀！準時6點到達 ，原來呢個時間係廚師最忙嘅，因為啲食材每日嚟個時候會送到，師傅都忙於處理食材。所以我地就一邊飲酒，一邊食d小食先。呢個過程一啲都唔覺得耐，因為望住師傅處理食材，就知道一陣食到嘅會有幾新鮮!如果各位唔想等咁耐又想食到新鮮嘅野就唔好book咁早，19:00就差唔多啦！清酒我地揀左一期一會，呢支易入口，女士一定好喜歡！佐酒小食有雞泡魚干、炸白蝦、燒拖羅腩筋。全部嘅味道都好好!特別係炸白蝦非常鮮味!唔會好油膩!雞泡魚干唔會太乾，燒嘅時間掌握得剛好!燒拖羅腩筋都係無可挑剔，因為呢個魚嘅部分一條魚只有好細嘅部份，好珍貴，咬落去好爽脆，雖然望落好似好肥咁，但完全係兩回事，如果有機會想再食多次!廚師發辦分三部份，首先係前菜。今次嘅前菜有白酒海鮮啫喱、南瓜沙律、煮螺。白酒海洋啫喱好特別，入面用料唔馬虎，有蝦肉蟹肉!南瓜沙律有少少醒味，非常醒胃。煮螺味道鮮甜，可以一食再食!仲有一個茶碗蒸，又係真材實料，有蝦有魚，好蛋好滑好正!第二部份係刺身魚生!由於有太多款式，我揀一啲比較特別來介紹!先來嘅係左口魚包魚，外面稍為燒過嘅左口魚包住生嘅左口魚!口感豐富、鮮味!從未食過!北海道厚岸蠔：我個人好少食生蠔，唔係唔鐘意，而係腸胃敏感，一食就疴!但呢隻一試難忘，鮮甜、creamy，唔腥!好正，好喜歡!龍蝦刺身：師傅即時喺旁邊嘅魚缸到拎起隻生猛龍蝦放喺我地面前，之後即劏做刺身，可以想像係幾咁新鮮吖!質咁彈牙!味道鮮甜!海膽杯：呢次用左北海道鹽水海膽，之前曾經喺東京食過，今次再試，一樣美味!呢隻海膽無咁濃味，配青瓜剛剛好，再加埋金箔嘅高貴，好好味!紫菜包拖羅刺身：呢個拖羅刺身係厚切架，就咁用紫菜包住嚟食，完全食到拖羅嘅鮮味，油脂均勻!最後一個部份係壽司，其實去到呢部份，師傅都知道我地都唔係好食得落，因為之前真係落足料架!所以只有5款壽司，我個人最鍾意海膽同三文魚籽，海膽用左另一款味道較重嘅，配紫菜最夾!三文魚籽唔會太咸，亦唔會腥，正!師傅好體貼，知道我地已經好飽，專登用最少嘅飯去整!最後嘅最後，當然有魚湯同甜品啦！雖然價格係貴左啲，但我覺得值，做人咁辛苦，俾自己食好啲啦！…Read More

友人簡左依間餐廳食Omakase同我慶祝生日，叫左個約1580定1680既set ,同開左枝一期一會720ml 餐廳裝修都係傳統野，坐得舒服，唔太嘈，師傅好在會關心你有無咩唔食，仲會教你點樣食會出味啲。員工細心，一個眼神就會過泥幫你。依個左口魚做前菜好開胃，個sauce 好好，加上個紫蘇花，一絕！泥左個生蠔，我平時就麻麻地日本蠔既，依個好ok 我就好中意食蝦既，依個真係好生猛，好似仲識旭咁萬眾期待真係依個金箔海膽杯，佢用左啲白蝦同海帶做底，唔係用飯，上面勁多海膽，簡直係無得頂！友人知道我中意食魚同貝類，師傅都特別集中，都唔多講，樣樣都好好食，睇下啲相就知位置所限，不能盡錄，但下個月已經準備食多次，我俾5星…Read More

日式料理嘅吸引力真係好強，但係好多人會覺得離不開都係個幾款？近年流行OMAKASE廚師發辦就好岩香港人，crossover傳統日本烹調方式同新派創意手法。今次去到位於銅鑼灣黃金地段開平道Cubus 12樓嘅和食料理「鮨金 Sushi Kin」。呢間高級嘅日本料理餐廳，除左名為「鮨金」外，成間餐廳都以金色為主，絕對可以用金碧輝煌去形容。「粉櫻、翠竹、金鮨、茶梅、木蘭、金菊」係鮨金嘅六款OMAKASE，無論係刺身、火鍋或或定食嘅類別都有，適合唔同喜好嘅朋友仔。今日我就揀左以刺身同壽司為主嘅「金鮨」同埋以和牛鍋物為主嘅「茶梅」。當然唔少得日本清酒，點左Sushi Kin自家嘅「鮨金」，飲落口甜中有醇香，店家有唔同款式嘅酒杯比大揀，我呢隻杯真係好似倒轉嘅富士山！仲點左雞泡魚乾同枝豆送酒。「金鮨」嘅頭盤係三款小食，味道由淡至濃：菠菜伴蟹肉、一口芝士炸物、東風螺，味道各有千秋。八款刺身包括池魚、帶子、游水車海老等等，全部都好新鮮，海老仲係由魚缸直接拎出黎做刺身。另外仲單點左大拖羅、金目鯛魚刺物等。左口魚上嘅紫蘇葉花帶有淡淡清香，令左口魚更有口感。厚切大拖羅加上金箔作為點綴，更有氣派，而且食落口脂味十足，非常肥美。海膽杯簡直係一件Art work，杯中加有金箔，杯上仲有一串蕃茄作為擺切。海膽甘白十足，入口即溶。而壽司包括油甘魚、馬糞海膽、吞拿魚，每一件都望落精緻、食落滿足。另外嘅「茶梅」有六款上盛和牛，A5西冷、A4肉眼、A4牛頸脊、A4肉眼蓋、A5冧肉、美國安格斯小排，全部都有2大件，配上香濃立魚湯湯底。鐘意食牛嘅朋友絕對要試下！呢個dinner真係色、香、味俱全，職員仲要好細心，會按照唔同食材換上唔同嘅熱茶。如果預早訂台，仲可以坐係壽司吧台睇住師傅造壽司，會令大家眼前一亮。依家仲有Asiamile嘅優惠，👉🏻逢星期一每消費$1就賺到1里數👈🏻，又食到好野又賺到miles真係好抵！…Read More

六月第二個星期一晚上，炎熱下雨。跟密友最近見面多了，大家也愛吃日本料理，一如既往，她已經預先訂好座位。餐廳以金色為主調，營造金碧輝煌的華麗風，空間寬闊，坐在吧台，整體環境感覺舒適。我們選了$1580的金鮨刺身及壽司套餐，先上前菜三點，蕃茄果凍以蕃茄汁跟肉混合白酒製成，酸甜爽胃；廣島蠔肉質鮮甜嫩滑，配合以昆布，木魚碎制成的果凍，甘香可口，菠菜沙律混合胡麻醬，腰果跟松子，味道比較濃，留在最後吃比較適合。北海道厚岸生蠔，厚岸湖為日本唯一一個能夠全年供應生蠔的養殖地，擁有孕育肥美生蠔的原始條件，果然多汁而鮮美，回甘持久。伊佐木刺身上面有紫蘇葉花，可以加上花芯一起吃，燒汁混合漬蘿蔔蓉，師傅把魚皮輕灸逼出油份，入口帶微脆魚肉卻香滑，提升口感層次。深海池魚捲碎呑拿魚腩，融合深海池魚的爽口嫩滑跟拖羅的魚油香，加上魚子醬的鹹香提升魚香味，夾著的芽草營養豐富，增加爽嫩度。刺身三拼有北海道海螺，配合岩鹽鮮甜爽口；師傅處理章魚時候拍下肉身一下令其收縮，加上點點芥末，口感爽身彈牙，最特別的是一串章魚吸管，現在為止還沒有試過吸管刺身，入口的那個硬脆度非常驚喜。紫海膽又稱白海膽，為海膽中等級最高，海味非常濃郁而且甜中帶清新，咸鮮在口腔久久不散，實為極品；北海道黃粟米可以即食，甜度超過17度，非常清甜脆嫩，沖繩苦瓜漬格外入口，佐酒一絕。池魚刺身相對深海池魚的油份較少，拌以薑芽，蔥花，再加上紫菜，突出魚的鮮甜味。竹籤魚刺身魚皮先經火灸，加上自家調柚子胡椒汁，有輕微酸辣，而且竹籤魚肉厚，口感非常綿密豐盈。O拖羅刺身為吞拿魚近魚骹位置，像磚塊般的厚度，金箔片顯示華貴氣，魚油多得難以夾起來，可想而知滑溜程度。入口魚香極鮮，滑膩即化，芥末有解膩作用，油香久久不散。鹽燒香魚，香魚為鮎魚，魚肉帶黃瓜香味而得名，肉香而刺少，所以鹽燒最適合。可以沾上旁邊帶酸味的香魚汁，本人就比較愛吃原味，鮮嫩醇美，配底下的淮山絲跟海帶更帶風味。赤貝壽司，赤貝入口爽脆鮮甜，壽司米為新潟縣白米，米醋採用白菊醋，酸甜度適中。火灸左口魚邊先火灸，掃上醬油，魚邊油脂多，肉質爽彈而結實，入口近乎即化。鰹魚壽司，鰹魚魚味濃郁，不用沾醬油，配上香蒜塊直接吃，濃郁的香醇在口中化開。火灸赤鯥魚，赤鯥本來就以白肉拖羅見稱，經過火灸後魚油更加滿溢，軟綿香口富彈性，實是舌尖上之嫩滑。火灸大拖羅跟剛才的部位不一樣，這是魚筋比較粗的位置，所以也是採用火灸方式把筋融掉，因此魚油極高，半入口已經溶化。湯為鱲魚湯，鱲魚即鯛魚，本身肉味鮮美鮮嫩，店家再加上梭羅魚熬製，魚味更加鮮香濃郁，營養價值高又暖胃。有別於一般堆成小山的海膽杯，店家以Martini杯盛載，用上鹽水海膽，由於只以海水浸著，故最能保持海膽的鮮甜。中間一層是虎山灣白蝦，肉質彈牙晶瑩剔透，最底部是米飯，一勺到底，口感綿密鮮美，無比精緻，圍著杯邊的金箔跟店名互相呼應。最後的甜品是朱古力白酒Mousse，白酒清香，朱古力甜度適中，配上草莓粒酸甜，三種味道層次再次為味蕾帶來另一種享受。…Read More

第一次嚟試Omakase，叫咗個翠竹set前菜胡麻豆腐︰豆腐、秋葵及麻醬混成混醬放喺蓮藕上，最頂仲有兩粒腰果，脆脆綿綿口感番茄白酒啫喱︰有上層白酒、下層番茄，味道偏酸，酒味唔太濃雜菜雞肉卷︰外層鬆脆，入面夾住紫菜蘿蔔及雞肉刺身北海道右口魚: 4片薄切上灑咗啲柚子乾，加上紫蘇花及四季紅，魚味淡淡但愈咬愈出味，加少少酸汁，魚味更濃郁活赤貝鮮甜又爽口，連裙邊都唔會浪費，包喺紫菜青瓜卷入面，原來裙邊比一塊塊仲爽口㗎！瑩光魷魚每年3至5月嘅瑩光魷魚都係最多膏，之前只係試過生食，但今次就玩二食！生嘅加咗薑茸及芝麻，啲膏多到不得了，好香好滑；熟嘅就係蒸嘅，仲加咗啲酸麵豉，再用竹籤插住，賣相口感都好唔同，熟嘅膏就好似蝦膏蟹膏咁嘅味道，兩種都好正！池魚池魚堆內加咗薑、蔥及芝麻，廚師再俾多兩塊紫菜我哋包住食，魚味超香濃，油脂甘香！！！海膽杯賣相震撼，最底層係青瓜片，中間係富山白蝦，最頂層係北海島根室海膽，鮮甜口感好幼滑，好香濃，連埋白蝦食口感一流！超級滿足！大拖羅第一次食方形大拖羅，一塊加咗鹽昆布及黃菊，另一塊就加咗wasabi及岩鹽。咁樣食令到件拖羅一啲都唔膩，同埋不論加幾多wasabi都唔覺攻鼻㗎喎！食完後滿口都係魚油但又唔會好膩嘅感覺真係正！豚肉泡菜卷豚肉肥瘦適中，加埋泡菜咬落好juicy帶微辣壽司小肌魚：肉薄而且好多細骨，所以不論點煮都唔係特別好味，但壽司師傅加咗鹽及醋後，就變成極品材料喇！加咗醋及柚子後，食落肥美肉質細嫩！賣相都好靚，好似織網咁嘅形狀！北海道活帶子：加咗岩鹽及青檸汁，咬開仲有一絲絲嘅肉油甘魚：肉厚肥嫩，口感細緻甘甜，油花均勻入口即融竹簽魚：又名梭子魚，春天至夏天先食，皮上有斑紋，魚肉油分少，不過魚皮就充滿油脂，輕輕燒過後啲魚油超級超級多！再加少少松露醬，肉質細膩，食到滿口油！喉黑：又名赤鯥，魚身光亮，魚皮滑溜，肉質鮮甜，被日本人視為刺身中嘅極品！燒過後脂肪豐滿，加少少芽蔥，食完冇咁膩！魚湯白色嘅魚湯一睇就知道非常足料，飲落非常有魚味甜品係雪糕，仲有多種味道可揀，好開心！坐得舒適而且服務員態度良好，廚師對每種食材都瞭如指掌，好似上咗一堂omakase咁！…Read More

今晚又想食壽司又想食魚生，所以選擇了翠竹，可以試到6款刺生、5款壽司，同埋一款和食先來前菜胡麻豆腐︰最上面有一粒腰果，之後有由豆腐、秋葵及麻醬混成的胡麻豆腐放在一片蓮藕上，好開胃番茄白酒啫喱︰有兩層，上層白酒、下層番茄，酸酸哋，不過不太覺有酒味雜菜雞肉卷︰外層脆脆哋，仲有紫菜同紅蘿蔔，不同的食材，大大增加口感同層次6款刺身開始北海島右口魚扇型嘅碟，分兩隔，上面放了4片薄切嘅右口魚，魚片上已灑了些柚子乾，配上紫蘇花和四季紅，下層是酸汁，仲有些辣椒蘿蔔茸，先吃了一片什麼也不加，清清的魚味，帶有些柚子香，之後把魚片卷上紫蘇花和四季紅，再點了些酸汁，魚味更濃，還有些紫蘇花香，四季紅本身有點辣，所以唔食得辣嘅就唔好放太多了活赤貝兩片活赤貝旁配有由赤貝裙邊做成的紫菜青瓜卷，先吃紫菜青瓜卷，清甜爽口，再吃活赤貝，點少少醬油，更鮮甜。瑩光魷魚每年嘅3至5月都係食瑩光魷魚嘅月份，最多膏，今次係二食，分別係生同熟，生的配上薑茸同芝麻，入口好滑，好多膏，熟嘅係蒸的，還加了酸麵豉，口感完全不同，而且比生的更甜。池魚一片片的池魚，還加了薑、蔥同芝麻，仲有兩片紫菜給你包往池魚食，原來紫菜都有分底面，魚唔好放响滑嗰邊，咁就唔會一邊食一邊掉下來，真係好多謝廚師嘅温馨提示，包好放入口，先來的是香脆的紫菜，接著是鮮甜的魚味，而且魚味越咬越濃海膽杯賣相好靚，最底層係青瓜片，然後放了富山白蝦，最上層係北海島根室海膽，一啖又有白蝦，又有海膽，味道濃厚又鮮甜，仲好CREAMY大拖羅兩件切成方形嘅大拖羅，一件上面放了鹽昆布同黃菊，另一件放了wasabi同岩鹽，先食放了鹽昆布同黃菊的那一件，鹽昆布中和了大拖羅的肥膩，再食放了wasabi同岩鹽的那件，呢件更鮮，原來wasabi同岩鹽係可以提升魚味。食完刺身到和食，係豚肉泡菜卷，好JUICY，少少辣，又甜甜五件壽司分別有小肌魚、北海島活帶子、油甘魚、竹簽魚同喉黑喉黑又叫赤鯥，炭燒後上面加上芽蔥，魚油豐富仲有些蔥香小肌魚係屬於江戶前壽司，仲加了醋同柚子，肥美又有清新嘅柚子香北海島活帶子加了岩鹽和青檸汁，肉厚鮮甜油甘魚油脂分佈平衡，肉質甘甜， 口感油滑幼細竹簽魚又叫梭子魚，係春天至夏天嘅，炭燒後再加上松露醬，鮮甜得來好野美味喉黑又叫赤鯥，炭燒後上面加上芽蔥，魚油豐富仲有些蔥香最後再來一個魚湯同甜品，滿足…Read More