Sushi Man (Under Renovation)

皓耐冇去鮨文，打去一聽已知我係陳生皓有人情味，1:30pm有4個客，坐得舒服😌，揀咗海膽杯omakase，首先上黑松露蒸蛋，一般、刺身：長崎鬚剃鯛+馬糞海膽，第一☝️次食鬚剃鯛感覺新穎，海膽新鮮、炭火鰤魚，肥美有炭火味、天婦羅帶子，皓熱不過有d韌、壽司🍣：三陸北寄貝，爽口、中吞拿魚腩，肥美、甘目鯛，爽、象拔蚌，爽，我鐘意貝類、島根縣池魚、燒吞拿魚腩，肥美、牡丹蝦、海膽杯，鮮甜，有三文魚子，醃得皓皓，卜卜脆、燒左口魚手卷，皓肥美滿足，魚湯皓熱但多薑味，甜品🍮靜岡蜜瓜🍈+puff，大滿足😌…Read More

今次經朋友介紹，去元朗盛名的"鮨文"嘗試人生第一次嘅Omakase，意即廚師發辦，即係對廚師嘅一份信任， 由廚師去挑選最優質及最時令嘅食材。我們準時六點半到達，店舖裝修簡樸，呈典型日式居酒屋風格。面積不大而中間有張吧抬可容納八至十人，再裡面就有兩張枱，而我們食Omakase當然坐吧枱係最合適不過。首先奉來茶碗蒸， 黑松露金箔蒸蛋， 賣相貴氣精緻， 濃郁的黑松露菌香味撲鼻而來， 蒸蛋非常滑溜，配合瑤柱香菇， 將一道平凡嘅料理變得不平凡。岩手縣廣田真蠔~ 新鮮大隻同飽滿，肉質爽脆帶海水味，蠔味重入口仲好creamy， 食一隻似乎有d唔夠喉，真係想再嚟多隻。😁左口魚同裙邊~左口魚魚身透白，肉質結實，魚油豐富，做刺身一流。 裙邊輕輕燒過， 油份更多， 入口更見濃郁甘香，魚味更濃。油甘魚刺身~魚腩位更是全魚最佳位置，油份極重， 肉厚滑嫩，除做刺身外，也適合用來燒，都一樣咁美味。非常吸睛的北海道毛蟹，金黃色蟹膏多到滿瀉，蟹肉飽滿鮮甜，配合蟹膏一齊食啖啖肉滋味無窮。池魚他他~表層鋪上金箔很精緻，而池魚加上蔥花，以減低魚的腥味，先用紫菜捲著切成細件的池魚吃，口感脆脆地幾特別，最後試下唔用紫菜淨食池魚，魚的鮮味更為突出，值得推介。左邊是中拖羅， 新鮮有光澤，油香四溢，入口即溶。右邊是燒大拖羅， 油脂最豐富， 高溫燒過後變得更香入口仲好味。烤香魚~一道栩栩如生的懷石料理， 香魚肉質細嫩，味道鮮甜沒有腥味。金目鯛壽司~ 微微炙過嘅金目鯛帶少許焦香味， 配合俄羅斯魚子醬， 有一種淡淡地嘅魚肉甜香 。沙甸魚壽司~ 魚油飽滿，脂肪非常豐富，師傅刻意放上薑蓉同蔥喺面去除腥味， 口感鮮味濃郁。北寄貝壽司~師父拍打一下後肌肉收縮會更好食啲，味道超鮮甜爽口又彈牙， 真係好新鮮好美味 。牡丹蝦壽司，大大隻的牡丹蝦新鮮肥美，配合熟蝦膏鮮味更濃郁， 蝦肉甘甜爽滑， 係我嘅至愛 。海膽杯~ 期待已久嘅海膽杯終於出場，滿滿的金黃色海膽 ，上面襯托了牡丹蝦，賣相非常吸引， 海膽質感軟綿，味道鮮甜無比，簡直就係人間極品。最後仲有靜岡蜜瓜，噴上Whisky，味道清甜多汁又有酒香，今次真係高質素又美味的晚餐。🍻…Read More

元朗係絕對有好多嘢食，不過你又有冇諗過係元朗食日本嘢？唔係放題仲要係Omasake喎！我今晚特別訂咗呢一間餐廳可以話一流！呢道每晚只係招待幾個客人！入去坐好之後就會問你有啲咩唔食得因為始終都係佢哋發版！開始師傅已經開始切呀Wasabi鮮淮山同千本漬蘿蔔！然後師傅開始每片八爪魚腳咁切！每次師傅都喺度介紹佢做緊乜嘢將會食啲乜嘢！八爪魚第一次見到每隻有成8-10KG嘅腳！去皮之後隻抓片加咗醬油，吸盤加入柚子胡椒！吸盤爽口都胡椒清新但帶點辣！有我最愛油甘魚上面加柚子味醬油唔肥但鮮再有網燒油甘魚油腩！嘩啲油甘到，我冇諗過燒小小仲好食過生食咁多，佢係會令到啲油容得快啲係口！燒青魚我以為係又”鞋”又有魚腥味。點知佢話係用稻草燒其實唔係全熟仲有啲生！做出嚟一啲都唔腥！食完啲熱菜Waitress攞咗一碟已經拆晒肉出嚟嘅凍北海道海蟹肉上面加上蟹膏、旁邊仲有碟醋！膏正唔洗講啦原來點啲醋係可以帶出蟹肉甜味！到我地平常人都鍾意食嘅Toro 師傅話Toro係背脊到胸口位置所以紅色嘅肉係慢慢漸變色嘅！Cama Toro，魚鮫位置，師傅問我食唔食得啦如果食得Wasabi就可以放多啲因為啲魚油係會令到Wasabi有種甜味！果然係完全唔需要咬下一放入口就入口即融！真係回味無窮！好大隻又肥生蠔呀係石蠔！有小小海水味鹹鹹地，配冲繩水雲(入面有醋，水雲即係海草)又一清新菜！真係refreshing!香魚、整條魚煎出黎慢慢食，出面好小食到，都幾多肉！到Sushi有 伊左目(岩海苔)，加醬油！沙甸魚，青檸汁(老實講沙甸魚我淨係諗起罐頭今次食生嘅沙甸魚都幾特別)！北寄貝好過癮師傅出嚟拍一下北極貝然後北極貝佢識郁㗎！原來拍一下後肌肉收縮係會好食啲、證明幾新鮮！赤綠魚、係關西魚王！加上柚子胡椒同飯入面有柚子皮！sushi 最後想三文魚子壽司可以清一清之前柚子胡椒啲辣味道！重頭菜式我期待已久海膽杯！用上北海道釧路馬糞海膽！師傅簡直好重手多個大半板嘅海膽放喺上邊！下面有小小飯上面加海膽再加上一隻鮮蝦做點綴！鮮到你唔信，不知幾想師傅俾埋個半板我食！食完個海膽有少少溜就上件白身魚手卷加千本漬！果然又一refreshing 手卷！然後再上白身魚湯！佢哋將所有魚頭魚骨煲成魚湯，一啲都冇魚腥味對女士們仲好好骨膠原嘛！哈哈！好唔捨得呀到最後啦日本蜜瓜個waitress仲問你可唔可以噴啲Whiskey上去呀！諗都冇諗過佢完全唔覺得有酒精味，食落去好甜好香又會有whiskey味！…Read More

今日終於可以試到鮨文享負盛名嘅OMAKASE。鮨文位置尚算方便，喺正元朗中心點。我哋準時晚上七時到達餐廳，一入到去已感受到日式高雅格調，內裡大概只有16個座位。接下來店員殷勤地安排座位，入座後先奉上熱茶及毛巾抹手。Omakase即廚師發辦，呢個Culture個人覺得幾好呀，唔需要我哋再睇Menu煩惱食啲乜。廚師先放下前菜 - Wasabi餣制過嘅淮山同千本漬蘿蔔。淮山重Wasabi味，蘿蔔亦都好爽甜。第一味茶碗蒸蛋，蛋上舖上唔少嘅金箔，另有黑松露嘅香味。蛋蒸得好滑，入口即融。八爪魚爪食落好爽，吸盤內放咗柚子胡椒，更加帶出吸盤嘅鮮味。廚師話我哋知佢哋用嘅八爪魚大概8-10KG，真係好似手咁長。油甘魚涂上柚子配網燒油甘魚腩，先食冇咁肥嗰片，油甘魚切得厚度適中而且好新鮮；廚師叫食油甘魚腩時加少少Wasabi可更迫出魚味，講得一啲都冇錯，魚腩更是入口即融，Wasabi被濃厚嘅油甘魚味完全覆蓋。青魚係用上稻草燒嘅方法，皮脆肉滑，令人想一試再試。北海道毛蟹加上蟹膏，呢個真係做得太好了，新鮮唔在講而且味道帶有少少嘅海水味，另外點上附設的醋更帶出蟹肉甜味。中拖羅係中腹及尾腹段，肉質非常鮮美，豉油漬呢個配搭極佳。大拖羅係魚鮫位置，肉質肥美而不油膩，肉帶少少筋，最重要係入口即融。石蠔配冲繩水雲，見到已經覺得好吸引皆因隻蠔Size都頗大，食落有好重海水味，配上水雲（海藻）更添上不少色彩。香魚烤得內酥外軟，個皮真係好脆口。內裡比較多骨但骨肉容易分離，魚肉滑同啖啖肉的。壽司系列伊佐目壽司 - 魚身少少透明，配上岩海苔再加啲豉油，肥美得嚟又鮮味。沙甸魚壽司 - 配上蔥粒與薑蓉再點些青檸汁，這壽司咬落去油甘滿溢。北寄貝壽司 - 廚師表現咗北寄貝拍打前後嘅形態，拍打後肌肉會收縮。北寄貝非常爽口。赤綠魚壽司 - 壽司飯內有少少柚子皮，加上柚子胡椒，食落亦是非常肥美。從廚師口中得知赤綠魚係關西魚王。三文魚籽壽司 - 大量三文魚籽包喺脆脆嘅紫菜內，一咬落去陣陣魚籽嘅濃厚香味散發出嚟。海膽杯 - 據說用上北海道釧路馬糞海膽，海膽鮮甜，上面隻蝦亦好新鮮，底下配飯令人更加飽肚。白身魚手卷 - 魚肉幼嫩鮮甜，配上千本漬真是唔錯嘅配搭。白身魚湯用上魚頭魚骨餚制，湯味鮮甜而一啲腥味都冇。飯後果有靜岡蜜瓜，密瓜上噴上少少威士忌，令蜜瓜甜味更出色。…Read More

快到週年紀念了男朋友精心預約了這間餐廳給了我一個驚喜:)這間餐廳是廚師發辦的OMAKASE！師傅會按當天新鮮的食材再作烹調茶碗蒸茶碗蒸表面上帶有金箔，入口陣陣黑松露的味道，蛋十分日本蠔很大隻很鮮甜，而且好肥美池魚刺身左邊是網燒，右邊內裡包藏住一些蔥，兩者口感不同八爪魚師傅說是用白酒，麥茶烹調兩小時拖羅刺身左邊是中拖羅，加邊是紫蘇葉大拖羅，兩者入口即溶，魚油重，十分美味鹽燒金鯛魚皮十分香脆，但肉質十分嫩滑，十分出色金目鯛桑名大蜆壽司很大件，很爽脆，不會韌北海道蒸鮑魚：用清酒及昆布蒸四小時，鮑魚肉質軟彈，師傅還給了我們壽司飯，配合鮑魚肝醬十分濃郁三文魚子壽司入口味道鮮甜，不會很腥海膽杯是用赤海膽，很多很Creamy魚湯：用煎香白魚的魚頭，魚骨，十分鮮甜鰈魚手卷：師傅用火槍輕輕把鰈魚的表面燒過，很多魚油，很香口白玉蜜瓜在表面噴上威士忌，果味更突出…Read More

喜歡食的朋友相信對元朗「鮨文」食店，會有一定的認識，階因經常從各方也會接收到他的(廚師發辦)吸引力為左2018來個好開始，就同友人預約食「鮨文」先坐底稍一會後就先奉上茶碗蒸先暖胃，蛋滑溜溜，還有黑松露、金泊作點綴及調味，即刻升呢左真鱸，添加柚子皮海鹽作調味帆立貝，炸帆立貝配紫菜，第一次食很大粒的帆立貝，配上紫菜食又可減少油膩感毛蟹，師傅建議我地第一啖先食原味，第二啖可再點少少醋食:)鮪 Toro，燒一燒越咬越岀 Toro 味花魚一夜干，即日本仔咸魚，配上檸🍋汁鮨文推介食壽司最好用手食，因空心飯！不過亦可選用筷子食羽太選用俄羅斯魚子醬，還有礦物salt牡丹蝦用上北海道亦牡丹蝦，蝦膏、蝦籽，成隻🦐放返落我個肚度鮑魚e洒蒸，先食鮑魚，配上鮑魚肝醬，最後再用飯糰仔look哂d醬右口魚邊手卷，燒完迫哂油份岀來，倒埋魚油俾我地，入口即溶，今餐食左好多 Omega-3 落肚湯，白身魚頭、用魚骨熬湯:)海膽杯用海膽赤拍賣海膽壽司、濃郁海膽味，一分錢一分貨(網田杯以量取勝)果物，用皇冠頭靜岡密瓜x威士忌令呢餐畫上完美句號同友人都意猶未盡唔想走，同師傅繼續閑談，分享他的食材心得…Read More

雖然舊曆新年已經過左，朋友們相約團拜，他話今餐要食豪尐，全年都有Luck 😂餐廳雖然細細間，放左兩張吧枱，可以容納十多人，亦可以近距離看到師傅表演黑松露茶碗蒸，一點點金箔，非常吸精碗蛋入口滑溜，而黑松露香慢慢滲出，好味道岩手縣石蠔，大隻又厚身，新鮮爽甜，有口感，加左柚子及酸汁，更為惹味鱆紅魚表面微微燒過，炭香味濃，原來慢慢細嚼，魚味更濃:)海膽帆立貝，帆立貝原來炸過，香脆美味，加夾鮮味海膽一齊食，一冷一熱，口感好奇妙炭燒黑松露竹纖魚，用左炭燒方法，將魚油迫哂出來，口感豐富又唔膩鮑魚一尐都唔靭，咬落幼嫩多汁，比起刺身鮑魚，味道更為鮮甜，蘸了鮑魚肝醬汁，又是另一種鮮味將壽司飯和醬汁混在一起進食，一試難忘，十分惹味由於用左吞拿魚鮫魚肉製成，咬落外面香脆，而入面魚肉非常幼滑好想encore滿滿海膽杯，新鮮甜美大大啖入口，好満足魚湯稠身，鮮味十足店員為哈密瓜噴上whiskey, 甜味加埋酒香，非常夾今晚大家既盡興又滿足…Read More

一向都鐘意食日本野，今次再黎到哩間行高質路線既日本餐廳食時令日本料理，仲有可以坐喺師父面前邊睇邊食邊聽講解，仲可以同師父直接交流，喺香港有哩d環境同服務真係好難得嫁…黎哩度都係食師父預先set好既套餐。鮮淮山、醃漬蘿蔔、鮮磨芥末…每位客人一坐底，師父就會即刻整擺喺係面前。哩度既芥末食得出係磨出黎而唔係溝粉開，因為佢唔會好攻鼻好辣口，但就有好香既芥末味！茶碗蒸…面頭係散有金箔同蟹肉傑傑地既汁，底下就有勁滑既蒸蛋、菇、菜絲同埋帶咸味既小帶子。鰤魚…姐係野生油金魚，師父話佢身長有成80cm！分別係加左柚子同網燒，個人比較鐘意食後者，食到炭燒味之餘，厚身咬落更有質感，魚油脂亦好豐富！松葉蟹…拆肉蟹加蟹膏，記得要拌勻食！蟹味本身已經好鮮，蟹肉配醋食可以更加帶出蟹既鮮味。中拖羅…食落滑身，唔加任何配料都好味。拖羅鮫位…用火槍輕燒過，師父建議可夾少少wasabi，果然味道會變得鮮甜，魚肉好軟熟，油分好重。正！白子…都係燒過，質感淋身軟滑，仲有養顏效果！女士要食多幾粒喇！珍蠔：蠔肉鮮甜，口感半爽半軟滑，底下有海藻，食完飲啖茶會有少少回甘感覺，不過如果蘸太多豉油的話會太咸。鮑魚：配鮑魚肝醬，肝醬好濃郁，鮑魚微暖，質感一d都唔會韌，最後用舊飯沾埋淨底既肝醬就冇嘥野喇。三文魚子壽司…師父建議首先好似飲酒咁淨食魚子先，咁就可以食到魚子既鮮甜味同埋喺口腔爆汁既感覺。原來食完面頭既魚子，師父會refill魚子一次嫁！魚子味道果然好鮮甜，零"醒"味，唔會過咸，輕輕一咬就爆汁！海膽杯…好好好好多海膽呀！面頭仲有隻鮮甜既中蝦，底下就鋪左壽司飯。海膽壽司…有兩款，冇紫菜既係用左川村海膽，有紫菜既就用左木村海膽，我就鐘意食川村多d，因為味道比較鮮甜，不過好似話木村係高一級既，但我哩次食到既係川村好食d皇冠蜜瓜：有冇人會諗到咁食蜜瓜？！噴whisky哩下真係好surprise,而且仲係要仲好食過唔噴！噴左whisky既蜜瓜更香甜，本身甜蜜多汁既蜜瓜依加仲多左一份酒香，但又完全冇whisky既嗆喉感，認真高招！…Read More

今日約了朋友在元朗吃飯，她帶我來到鮨文，一間很出名的日本餐廳，終於有機會來朝聖。*Omakase ($1850)師傅說大概一星期就會換一次MENU，而今個星期就是這樣的。$1850一位的Omakase其實一點都不便宜，但食物真的超豐富，吃到最後已經不太吃到了！食物的取材都比較特別和高質。-茶豌蒸先來一個茶碗蒸暖暖胃；蛋好滑溜，表面有少少芡汁，中間有少少蟹柳，味道適中。例牌地有香菇*岩手蠔師傅說這是岩手縣小長井的真蠔；蠔肉爽口，蠔味好濃且鮮甜，帶海水味；而且蠔味是在喉嚨附近才散出來，想起都很回味！這裡開始就是刺身*平鱸(右) 平鱸的肉質比較軟身，魚肉味比較淡，可沾酸汁食。*真鯛Ｘ厚岸海膽吃完一個淡味的，再吃這個比較濃味的真鯛；真鯛愈咬味才愈出，所以師傅建議我們多咀嚼幾下；果然，咬得愈耐，魚的味更加突出；如果咬兩口已經吞，就真的浪費了，第一次吃刺身吃得那麼有層次。*毛蟹師傅說現在是吃蝦蟹的季節，所以菜單有毛蟹； 蟹肉拆了出來，上面有蟹膏，而旁邊伴了一條蟹棒；吃蟹不用自己動手真的很幸福呢～這個毛蟹可以配上土佐醋，中間的木魚花味可以帶出蟹的甜味！*赤身吞拿魚因為我們都不吃白子，所以師傅就換上另一款菜式；角切的赤身吞拿魚，配上淮山和紫菜，加了少少醬油，味帶點咸；很特別，而且很健康呢！*拖羅右邊的是中拖羅，肉質淋身一點 ，而且魚味都濃郁一點；左邊的是大拖羅，比較重油份；所以師傅灑上了岩鹽，再用火燒一燒，變成火炙，再卷紫菜食，中和一下油膩感。*花魚一夜干原來一夜干是日本的咸魚，不過因為只是醃一晚 ，所以不會太凋；加檸檬食可以中和一下咸味；旁邊燒過的日本番薯很甜呢！食完刺身和一品料理，就輪到飽肚的壽司；順帶一題，因為壽司是師傅手握的，比較軟身，為免夾散，所以要用手食*目仁奈 師傅說目仁奈是石川縣的名產 ；魚肉質感比較實一點，魚肉味淡一點，配上甜煮紫菜，味道不錯。*金目鯛金目鯛是一種東京灣的深海魚；魚肉味比剛剛的濃，而且很重魚脂味；配上梅醬，酸酸的，中和一下肥膩感。*桑名大蜆這個桑名大蜆超大隻的，是飯的兩至三倍；桑名大蜆輕輕煮過，是半生熟的狀態；入口很滑，而且爽口。*酒蒸鮑魚這個是北海道的蝦夷鮑，用了酒蒸了四小時；鮑魚彈牙，很鮮味；這個是鮑魚肝醬，其實平時都會怕污染了而不吃；但因為這是養殖的，所以肝可以食得；鮑魚肝醬是用人手壓的，加左蛋黃煮，質感很creamy；不想浪費心機，所以師傅握了一小個飯團給我們伴醬食。*三文魚籽平時食三文魚籽，帶點咸咸的；鮨文則自家醃，令魚子有酒香和偏甜一點。*海膽杯用上了大概三份二板海膽做的海膽杯，真的很震撼；這種赤海膽比起以前吃過的更鮮甜，真的很想再要一杯！*海膽壽司除了海膽杯，師傅還用了浜中出的赤海膽握了一件海膽壽司；浜中的赤海膽比起剛才的海膽更高一級，是比起鮮甜更鮮甜！*右口魚邊手卷左口魚其實已經很入口即溶，原來還有一個更入口即溶的右口魚邊；師傅用來做手卷，燒過的右口魚邊，因為纖維比較少一點，所以是更加入口即溶。配上少少飯和紫菜，肥膩感少一點。*湯平時飲麵豉湯說真的飲到有點悶；鮨文的湯用上了刺身用的白身魚煎香再煮湯，一點鯹味都沒有。*果物靜岡皇宮牌的青肉蜜瓜，噴上了whisky，味道清甜！…Read More

之前有朋友食過「鮨文」，話食材高級、質素超班，小妹聞名不如見面，今晚終於約到友人一齊食高檔次日本料理舖頭位於元朗內街，舖內座位唔算太多，入面全部坐bar枱，可以睇住師傅整刺身、壽司。坐底後，侍應遞上餐牌，入面係一個set，問我地有冇乜嘢唔食，我地話冇，師傅就開始喺我地面前整刺身師傅風趣幽默，一邊製作刺身、壽司，一邊同我地傾計，好互動第一款遞上叫茶碗蒸，賣相好靚，蛋上面有金箔襯托，食左一啖，蛋好滑，又有蝦既濃味，入面仲有冬菇、元貝仔，令到茶碗蒸多一份鮮味。再上就係白子，個樣好似迷你豬腦，試左一啖，好creamy，質感好得意，我地問係乜，師傅笑笑口話魚既精囊,我地真係孤陋寡聞，不過又唔抗拒，今次真係第一次食鰤魚背及鰤魚腩，師傅在鰤魚背刺身上配上柚子醬汁，突顯左刺身既鮮味，另外，鰤魚腩用火炙燒過，果種魚油香真係香到不得了，食落去比想像中更好食鮑魚配鮑魚肝醬，鮑魚肝醬係用鮑魚內臟製成，我初以為會有苦味，食左一口，又無喎，甘甘地，好濃既鮑魚味，碟上有一小飯團，係for我地點埋d鮑魚肝醬食，師傅叫我地唔好浪費，真惜食到食黑睦，配上俄羅斯魚子醬，加上金箔，特別帶出一份矜貴，師傅話依盒仔魚子醬要成二仟幾蚊，笑住叫我試真d，我當然不付所托，新鮮黑睦刺身配上魚子醬，好夾好美味炸太刀魚，師傅話依款魚矜貴在要逐條逐條釣上岸，唔係用網捉，重要係遇啱季節先得，今晚有幸食到，真幸運～炸好既太刀魚，魚肉好嫩、好滑牡丹蝦壽司，上面加左用蝦殼特別調製出黎既豉油，好美味左口魚手卷，師傅話左口魚最好食既部分就係魚鰭位附近，因為係左口魚郁動最多既位置。師傅用火炙燒，魚油漏出碟上，師傅唔浪費，將碟上既油倒埋落手卷，食落去一啲都唔漏，手卷佈滿魚香油，真係想食多舊拖羅（鮪魚）有中拖羅及大拖羅之分，我自己比較喜歡食中拖羅，魚味重d我期待已久既主角出場，就係赤海膽杯，師傅用左半板海膽製作而成，海膽非常新鮮，完全唔漏，果種鮮甜，簡直非筆墨所形容甜品：有亮點，侍應在蜜瓜上噴左啲whiskey ，冇諗過原來咁夾。今晚真係遇到好多人生既第一次，多謝師傅教識左我地咁多刺身知識，氣氛真係好好～真係要比五星星…Read More

朋友帶我食生日飯，仲要係omakase，好期待，唔知有咩食呢？入到去 waitress 送上 menu， $1850一位，好多嘢食，有成18款食物，好期待，如果有嘢唔食，仲可以出聲，我就咩都食，所以無改茶碗蒸第一款送上嘅就係茶碗蒸，熱辣辣，面層仲有金箔，材料豐富，有蟹肉、滑子菇、小乾貝等，呈半透明狀，清清哋，仲好香蛋味，食慾大增八太魚原來八太魚即係石斑，中式嘅就食好多，刺生就真係第一次，色澤潔白粉嫩，油脂豐富，配上柚子汁，好清香，好醒胃稚鰤鰤魚係野生嘅油甘魚，深粉紅色，油脂分佈平均，仲輕輕用炭火網燒，好滑，又甘香，仲有炭燒味添秋刀魚食食吓，廚師問我哋食唔食紫蘇，當然食喇，原來係呢道菜嘅食材，用紫菜包住紫蘇葉、大量薑絲、芝麻及秋刀魚，紫菜只係包住半條秋刀魚，可以清楚見到半條閃閃爍爍嘅秋刀魚，賣相已經好吸引，一咬落去就食到爽脆嘅紫菜，所有材料出奇哋夾，秋刀魚肥美，配上其他食材又有一種清新嘅感覺北海道帆立貝帆立貝加上薄薄嘅炸漿輕輕炸過，再用爽脆嘅紫菜包住，再加上海膽，對我來說好新鮮，一次過品嚐冷熱脆軟嘅感覺，對比大又好有層次感毛蟹賣相吸引，隻碟已經好靚，一絲絲手拆嘅毛蟹肉在下層，上面就係金黃色嘅蟹膏，蟹肉味道鮮甜，蟹膏濃郁，唔洗點醋都已經好好味糖蕃茄食完咁濃味嘅蟹膏，廚師安排了兩片糖蕃茄清一清，有12-15度糖份，配上岩鹽，鮮味更突出白子細細碗，賣相吸引，唔好話我知白子係乜，入口緊緻爽滑，綿密滑嫩入口即化，仲好肥美添拖羅一共有兩件，一件中拖羅，一件大拖羅，中拖羅上面掃了些醬油，入口滑溜，一尐渣都無，仲好鮮甜，喜歡wasabi嘅加少少，一流，大拖羅就輕輕燒過，油份已經出晒，上面有少少京蔥碎同埋燒過嘅魚油，所有嘢融為一體，仲入口即溶，可以來多件就好了食完前菜同 sashimi，接住出場嘅係壽師真鯛乳白色嘅真鯛，油脂分布平均，仲好滑，又甘甜，配上岩鹽或橘子汁更進一步將鮮味大大提升金目鯛廚房上碟前加少少岩鹽，再輕輕一燒，熱力令脂肪溶解，再加啲俄羅斯鱘魚子帶出鮮味，十分肥美，仲帶有少少焦香，上面嘅金箔，令佢更名貴深海池魚好多地方都有深海池魚，不過就第一次有人教點樣先可以食到佢嘅鮮味，原來好簡單，就係咬多幾吓，由於用炭燒燒過，所以一入口就感受到佢嘅肥美同炭燒味，再咬多幾吓，魚味出晒，仲好鮮甜，完全係另一個層次白蝦細細隻嘅白蝦，大約6cm長，全人手去殻，仲要連醬汁都係由蝦汁煮成，一口吃下原來已經食咗超過25隻，蝦味濃郁，又鮮甜鮑魚原隻鮑魚上碟時已經切成細細件，清甜煙韌，旁邊仲附上醬汁，一個好特別嘅醬汁，由鮑魚肝製成嘅汁，顏色雖然唔太吸引，不過有咗佢就錦上添花， 鮮上加鮮，廚師仲話唔好浪費，比一粒小飯團我哋，叫我哋放粒飯團去鮑魚汁到碌幾吓，吸晒所有醬就食，好食到呢！仲唔浪費師傅問我哋要海膽杯定係海膽壽司，咁當然要問吓有咩分別先喇，海膽杯份量十足，賣相一流，海膽壽司就以質量取勝，竟然係咁，就每樣一個海膽杯飯上面放滿海膽，仲有一隻大蝦，果然吸引，其實我覺得有些似雪榚杯，海膽呈深橘色，件件分明，望住廚師放上去，有成半板咁多，碗底仲有飯，鮮甜又甘醇海膽壽司一共有兩件唔同品種嘅海膽，宮崎赤海膽同秋山馬糞海膽，兩款都係拍賣海膽宮崎赤海膽呈淡金黃色，甜度低，海水味重秋山馬糞海膽顏色較沉，好香，好濃，好甜，好creamy，喺拍賣會上排第六名，要成$4000一板，果然重質右口魚邊手卷好喜歡食右口魚邊，喜歡佢夠肥美，廚房先將魚輕輕燒過，魚油出晒嚟，佢仲好小心咁將魚油倒返入手卷內。一交到我哋手，又提醒我哋要小心食，怕魚油係會漏出嚟，實在太多油，所以點小心都有幾滴留咗枱面，魚邊即係魚嘅背部，肌肉較多，所以好爽口，又有魚香，一試難忘！三文魚子好特別嘅三文魚子，自家用柚子汁醃製，廚師話食嘅時候要雙手握緊，再倒轉放入口，咁就唔唔跌咁多，入口後，再慢慢咬，好特別，一尐腥味都無，先滲出海鮮味，再有清甜嘅柚子味！湯再來一碗魚湯，係由白身魚煲咗超過兩個鐘而成，奶白色，骨膠原重，好鮮甜，好想飲多碗北海道赤肉蜜瓜上碟前，店員問要唔要加威士忌，好威士忌嘅我又點會錯過，原來威士忌就在旁邊嘅噴水壼內，輕輕一噴上碟，一口咬下，瓜薄，實淨有咬口，有時食日本瓜我覺得太甜，甜到有些假，呢個就剛好，仲好清甜，唔知係咪因為噴咗威士忌呢？從來無諗過元朗有間咁高質素嘅日本餐廳，食材新鮮，廚師好有心機，又講解清楚，山長水遠嚟都好值得…Read More

終於黎到一直好想試嘅鮨文食Omakase 個人認為廚師發版除左係食到最當造最新鮮嘅材料 仲有同師父嘅互動真係會學到多左好多關於日本料理嘅野～🤤雖然價錢係貴 但真係性價比好高！可以比味覺去日本一轉旅行～真係咩都抵番哂！所以我都異常期待呢次嘅Omakase～呢度原來岩岩改左setting 變成兩邊嘅吧枱 大概坐到15人左右話哂都第一次食Omakase 就想咩都試下 所以我揀左$1850嘅套餐～坐正係師父前面 係絕佳嘅位置啊！茶碗蒸打頭陣端上嘅係佢地招牌茶碗蒸～上面淋上一層帶濃稠帶重黑松露香羹狀高湯☺️ 而埋係下面係燉得超嫩滑嘅玉子 入面材料超級豐富！白子之後係白子～ 師父先賣個關子唔話我地聽住係魚嘅咩部位 想我地客觀試清楚個味道先😳質感帶creamy而有唔會太鬆散 口感順滑～最後揭曉係鯛魚嘅精囊 比我想像中易接受啊！😂😂新鮮程度令到做到一啲腥味都無 香味非常濃郁！而且上面嘅明太子同帶清新味道嘅柚子醬油令去卻左魚腥味！好食啊！😋鯛魚嘅雞子係依家11月至2月正係最時令嘅時候 對女士黎講有滋陰養顏嘅作用～岩哂我地呢！ 而夏天就會用燒嘅方法去食河豚雞子！鰤之後嘅就係鰤魚一魚兩味～ 呢個名對我地都好陌生 原來其實係80cm以上大型嘅油甘魚～😂😂前面一塊係以柚子去醃漬 而後面係以炭火網燒前者食落感覺非常清新 去卻左油甘魚油份重嘅油膩感 而後者食落非常香口 有陣陣炭烤香味！😙秋刀魚到呢較為重口味嘅秋刀魚 係北海道直送 因為秋刀魚係比較其他魚更易腐壞～用直送嘅方式運黎香港可以保持肉質同埋新鮮度～上面加上日本嘅白蔥～清爽感好好味😊帆立貝之後嘅係北海道帆立貝天婦羅 咬開呈一絲絲纖維狀足夠交代佢新鮮程度～☺️炸起黎粉漿唔厚 剛剛蓋住帆立貝 帶香脆口感！上面用上白海膽 真係超級鮮甜但相對其他海膽會較為清淡 但回甘味超高 所以真係好好味啊！🤤師父話捲住嘅係出自係日本有一百年歷史嘅老店丸山海苔 即使經過一段時間暴露係空氣出面仍然可以保持到佢嘅脆度～一啖夾埋真係大滿足！❤️❤️毛蟹係用左來自北海道嘅毛蟹！上面用上毛蟹嘅蟹膏 入口帶淡淡栗子香～蟹肉帶清新嘅鮮甜味道～🦀銀鱈端上呢碗係海膽醬銀鱈魚 海膽醬用左海膽加上忌廉、牛奶同牛油熬製而成味道鮮甜帶牛奶香滑口感 而銀鱈魚係微微燒至焦香 味道相對清淡😌配上較濃味嘅海膽醬一齊食係超完滿嘅感覺～鮪之後師父搬出一大條嘅拖羅 因為係養殖嘅吞拿魚 自然肉質比較肥美～見到佢肉脂分佈紋理超靚 真係睇見到流哂口水！🤤☺️師父首先切左拖羅嘅筋部 之後再用燒嘅方法將佢嘅質感變脆抽走當中嘅水份而師父話拖羅嘅筋部係最重肉味～所以真係好期待！😍吞拿魚油潤肥美～色澤超鮮豔 充份表達個份新鮮！而筋部果然油脂充份 經輕輕灼燒表面之後逼哂出黎～ 入口瞬間即溶 完全無渣無筋 好滿足～～之後就到我最愛嘅壽司部份！每一款魚生同飯嘅比例都係剛好 醋飯呈淺啡色～有淡淡嘅醋香 味道唔會太濃 恰好帶出魚生嘅鮮味黑陸第一款係東京都靜岡縣特產嘅黑陸魚 上面加上清新怡人嘅柚子胡椒作調味～食起黎感受到魚嘅鮮甜清香～☺️鰝䰿 跟住係鰝䰿 其實係深海池魚再次用上炭火網燒 有陣陣嘅炭燒香味～本身見佢好重油脂 但食落真係肥而不膩！而呢款魚骨膠原超重 真係好岩女士食～👍👍真鯛輕輕用火槍燒灼表面 令到有種說不出嘅香味！而上面再加上一撮黑松露點綴 夠香之餘又唔會過份搶鏡～牡丹蝦到左我最愛嘅蝦牡丹蝦😍本身真係極其愛佢嘅爽甜～係蝦上面師父再加左北海道黎嘅蝦子係呈藍綠色嘅蝦子 原來係北海道嘅水夠凍先令到佢可以有咁嘅顏色😳上面嘅蝦子咬落好爽脆 配埋牡丹蝦口感會豐富左好多🤤清酒蒸鮑魚因為用左日本清酒去炆煮 真係聞到陣陣酒香🤤師父話呢種呢蝦夷鮑 蒸完真係好爽而且超腍💓三文魚子上面淋上滿滿嘅三文魚子😳比起出面嘅三文魚子更加彈牙 充分說明其新鮮程度預先用左甜酒豉油醃製整整一天 食落滲出陣陣酒香 比坊間嘅多左一份香甜味道🤤令我食唔停口海膽杯最最最最招牌嘅海膽杯 每一份上面都蓋上滿滿嘅海膽 每一啖都係超creamy嘅texture 係舌頭上散開超鮮甜感覺😍😍滿足感真係UPUPUP!❤手卷用左右口魚邊 燒過嘅右口魚油份全部逼哂出黎 有入口即融嘅感覺 但好神奇地真係油而不膩 配埋塊超爽碎紫菜真係極高嘅享受💓雖然黎到尾聲 仍然戰鬥力強勁～可以食哂成個手卷！湯貼心地奉上薑湯 飲落好舒服～可以食完生冷食物後暖一暖胃☺🤤👍果物係北海道赤肉蜜瓜 上面稍稍噴上威士忌 酒味令蜜瓜入口額外清甜☺…Read More

之前喺度食過壽司lunch，覺得要我山長水遠咁入嚟食真係冇乜特別。嚟到10月，要同旗袍老師慶祝生日，問佢想喺邊度食，佢竟然話想食呢間喎，既然係咁咯，我俾多次機會呢間餐廳，試佢個晚餐omakase我哋叫咗$1850一位嘅omakase，開始之前有問我哋有乜野唔食，睇咗menu之後，我只有白子係唔食嘅，師傅話會轉另一款俾我茶碗蒸熱辣辣嘅茶碗蒸實在吸引，頂層鋪滿金箔，獻汁濃郁呈半透明狀，睇到入面嘅材料豐富，有一絲絲嘅蟹肉、滑子菇、小乾貝等，一路食仲出緊煙，蛋香濃郁八太魚即係石斑魚，加咗柚子汁，多一份清香嘅味道！第一次食石斑魚刺身，色澤潔白呈粉嫩，肉質細膩，魚脂豐富不過唔食落唔會好油膩，作為打頭陣嘅刺身非常適合稚鰤最鍾意食鰤魚！即係冬天先有嘅大油甘魚，仲係野生㗎添！白色嘅脂肪細紋平均散佈喺色澤紅噹噹嘅魚身上，輕輕用炭火網燒過嘅鰤魚入口柔軟滑溜，肥美甘甜，網燒味道輕到唔會蓋過超濃郁嘅魚味，食完之後都仲有好油潤嘅感覺 秋刀魚入秋之後嘅秋刀魚至為肥美，用紫菜包住紫蘇葉、大量薑絲、芝麻及秋刀魚，爽脆嘅紫菜只係包住半條秋刀魚，可以睇到銀色薄皮閃閃生輝，證明條魚非常新鮮多油份；一咬開先食到薑嘅清甜味，雖然有好多薑但一啲都唔辣，跟住有好濃烈嘅紫蘇味道，最尾先食到秋刀魚嘅油香，魚肉清爽嫩滑，魚味激重但會一試難忘北海道帆立貝先將帆立貝輕輕炸到微黃，由於炸漿非常薄身，所以食落去會覺得層炸漿都好似係屬於帆立貝咁樣，已經二合為一。等呢道菜嘅時候等咗一陣，係因為帆立貝啱啱炸起，非常新鮮熱辣，入面咬開肉質係一絲絲，只有新鮮嘅帆立貝先會有呢種絲絲嘅鮮嫩口感，急凍嗰啲係會有僵硬嘅口感；先用紫菜包住，旁邊再加海膽，一冷一熱一脆一軟，對比好大好有層次中拖羅同中拖羅排排企，睇落油份冇大拖羅咁誇張，但咬落滑身無渣，魚味好濃郁，加少少wasabi食一絕！！！大拖羅由於油份超高嘅關係，所以先燒一燒，油份會更加香濃，就咁睇啲油已經多到反晒光，上面有少少京蔥碎，再落啲燒過嘅魚油，咁樣京蔥就會同拖羅融為一體，原汁原味；魚肉軟嫩無渣，一咬真係即化，完全唔捨得食！！！！！！毛蟹賣相已經贏晒，下層係一絲絲手拆毛蟹肉，上面鋪滿金黃色一點點嘅蟹膏，蟹肉味道鮮甜，蟹膏濃郁，燒毀晒以前食蟹肉嘅憶記...... 師傅話點啲醋會更好味，不過我覺得就咁食已經好正！糖蕃茄本身已經有12-15度糖份，配上岩鹽食鮮味更突出，師傅話當佢係水果食就OK喎！食完拖羅食返少少蕃茄，消滯就啱喇，雖然我一啲都唔覺滯！白子話說我食過一次白子，真係頂唔順，不過今晚試咗一啖之後，我竟然想再食多幾啖！白子係乜野，無謂多講。口感超肥美，柔滑豐腴帶甜，一啲腥味都冇，仲要入口即化，老實講只要唔好諗佢係乜野，係真係會食上癮！牡丹蝦由於一開始我話唔食白子嘅關係，所以轉咗食牡丹蝦。顏色艷紅，蝦尾嘅造型吸引，蝦肉香甜，不過無論你幾好味都好，我竟然都係念念不忘白子....... 有啲後悔第一吓就話自己唔食！食完8樣之後，壽司出場了真鯛唔好睇佢個樣呈淡乳白色就代表佢冇料到，細心睇其實脂肪滿布，入口滑潤，愈食愈甘甜，岩鹽及橘子汁更加將佢嘅鮮味大大提升！金目鯛魚面加啲岩鹽再燒脆，熱力溶解皮下脂肪，入口非常香口帶少少焦香，除此之外，再加啲俄羅斯鱘魚子，鹹鹹哋帶出金目鯛嘅鮮味；至於金箔，其實可落可唔落，純粹係影相靚啲深海池魚先用炭火網燒燒到皮下脂肪及油份爆發！師傅提我哋記住要不停咁咬，咬到唔停，否則只會食到網燒味，咁就嘥晒喇！聽佢講，咬頭嗰10吓都係有好香濃嘅網燒味，但之後啲魚味係湧出嚟㗎，肉質鮮美細滑，味道非常鮮甜，而且係愈咬愈有味道，咬到大概50吓之後，魚肉都差不多溶化晒了，先非常不捨咁將佢吞下白蝦富山最出名嘅就係白蝦，每隻身長約六cm左右，都係人手去殼。呢個壽司用咗超級多嘅白蝦，目測有超過25隻，食落非常甘甜；醬油都唔會嘥，係用蝦汁煲成，真係食落去只有濃郁蝦味，包你食到蝦蝦笑鮑魚旁邊嘅醬係用我哋平時丟都丟唔切嘅鮑魚肝製成，但日本水質美好，所以佢哋煮日本鮑魚的話，係唔會丟走個鮑魚肝㗎！師傅叫我哋先就咁試試鮑魚，口感清甜煙韌，超正；跟住再點少少鮑魚肝醬，簡直係錦上添花；最後師傅俾一粒小飯糰俾我哋，梗係要將粒飯糰不斷咁碌不斷咁碌，吸晒所有醬先食啦，食落一啲都唔腥，鮮味爆發！海膽杯師傅問我哋想要海膽杯定係海膽壽司，佢都好老實咁講，前者係重量，後者就係重質，咁就當然係每樣一款啦！海膽色澤呈橘色，粒粒分明，用咗大約成半板海膽，多到差唔多跌！平時食海膽總係要慳住慳住，但食呢個海膽杯完全冇呢種感覺，可以一塊塊夾起慢慢食，再一口氣撈飯食，再一塊塊夾返嚟食，再撈飯食，都仲有好多海膽，好有五餅二魚嘅感覺，食極都仲有！！！！雖然係重量，但啲海膽都唔失禮，味道甘醇，非常鮮甜！宮崎赤海膽食完重量嘅海膽，食返重質嘅海膽先。赤海膽呈淡金黃色，味香不過甜度較低，海水味豐富秋山馬糞海膽顏色較沉，但香味濃厚，比宮崎赤海膽甜好多，入口超creamy滑膩。喺拍賣會上排第六名，要成$4000一板，果然名不虛傳！右口魚邊手卷左口魚食得多，印象中右口魚好似都係食過幾次，皆因全部都係野生，魚穫有限，供應非常唔穩定，今晚有幸食到！先將魚油燒出，再將魚油倒返入手卷內。師傅話真係要小心食，因為魚油係會漏出嚟㗎，話口未完，我已經滴咗幾滴落檯面！由於係魚背邊位，係郁得比較最多嘅肌肉，所以口感爽口滑溜有嚼勁，食完成口都係油，濃郁甘香非常難忘！三文魚子師傅話食完了，但我好記得隔離嘅客人係有食三文魚子㗎，我最鍾意食又點會忘記呢？師傅即刻整返俾我食，係佢哋用柚子汁自家醃製，仲叫我要雙手握緊，再倒轉將所有三文魚子倒入口腔，確保一粒都唔會跌！輕輕將每粒色澤橙紅半帶透明嘅三文魚子咬破，滲出嘅海洋鮮味，加上清甜濃郁嘅柚子味，冇腥味而且鹹味都好低，好特別湯奶白色嘅魚湯，骨膠原勁重，女士一定要飲多啖！白身魚煲咗超過兩個鐘，魚鮮味十足，入面仲有一塊魚蛋，好滿足！北海道赤肉蜜瓜店員話可以加威士忌，不過我冇加了。瓜皮夠薄，食落瓜身實淨有咬口，多汁清甜可口味道濃郁，食晒啲肉再用羹刮吓刮吓，飲埋啲汁，一滴都冇浪費！雖然埋單要$4000，不過食材新鮮高質，而且師傅解釋得非常清楚，亦都令我對呢間餐廳完全改觀，值得我山長水遠嚟元朗食…Read More

Omakasa，是作為所以壽司愛好者都想接觸到的一個終極層次，是為壽司界的最極至享受。今次我就來到一間人人聞風而至的頂級壽司店-【鮨文】，一嚐其終極的美味。由於它的名氣之大，我老早就要打電話來訂枱，其他想walkin 的朋友真的不用想，一定無位。店內十分整潔光猛，以木為主調，幽雅特緻。本來我們想要求坐到Bar欣賞壽司師傅的功架，但因為位置都一早full了，唯有下次。Omakasa有幾個價位，今次我們食的是 $1800 的Omakasa，完全沒有留手。其實我們見到$1800價位的Omakasa份量還蠻多的，講真我都怕吃不完。不過千山萬水才訂到位就決定要食豪一點。先來一個香噴噴的茶碗蒸，一打開碗蓋，香氣已經源源不絕地送入鼻腔，刺激著我的嗅覺。蛋上有好多蟹絲和黃泊作點綴，既高貴又引人入勝。吃一口蒸蛋，蛋滑味香，蟹的鮮香味和瑤柱粒的鹹香充滿口腔。岩蠔比想像中要大隻許多！本以為大隻肉質就會稔身，但完全超出預期，它的肉質好爽口彈牙，味道帶有少少海水味，不太鹹，奶味突出。毛蟹 ＆ 拖羅師傅精心炮製的兩片拖羅，一片用上柚子汁去調味，帶出魚的魚味，開胃醒神。另一片用網燒過，魚香和魚油更出。毛蟹的肉絲加上蟹膏的鮮香味，入口回甘，食的時候可以蘸上柚子汁。海膽帆立貝天婦羅我們在享受前一道菜的時候，師傅就端上了這個海膽帆立貝天婦羅，說可以先吃這個。海膽本身凍食，帆立貝天婦羅就熱騰騰的，一凍一熱的口感好過癮。海膽鮮甜，巾帆立貝雖然是炸，但外脆內嫩。拖羅三點我就最愛吃吞拿魚，所以這個拖羅三點十分吸引我。食的時候有次序，先食中拖羅，之後食面脥，最後食大拖羅。中拖羅以柚子汁提味，肉質鮮嫩，味道香甜。面脥的部份就卷著BB蔥，上有芥末的根部，甜甜的又帶有少少辣。最後的大拖羅油份比較多，入口油香四瀉，魚肉入口即溶。鴨胸、鱧魚和白梅貝一碟三味，鴨胸燒到帶少少焦香，但同時肉質保持嫩口。鱧魚非常可口，雖然它是鮭魚類，但食落似鰻魚的味道，可能用燒汁燒的關係。白梅貝整整一顆好吸引，肉地好彈牙，味道也甜美。突然師傅端來一個小甜點，原來用來清味蕾，食一下道美食。握壽司共有三款，分別有池魚、赤鯥和北寄貝。所有壽司的飯和魚肉的比例都好恰當，飯的握度適中，入口不會硬實。池魚甜美，赤鯥因為燒過，油香迫了出來，加上魚肉上面的魚籽，味道鹹中帶鮮。北寄貝爽口，鮮甜就不在話下。鮑魚配鮑魚肝醬鮑魚切成磈，旁邊有一小碗用鮑魚肝部磨成的肝汁，用來蘸鮑魚食。肝汁帶有少少的鹹味，所以鮑魚不用調味，而且鮑魚用質好嫩實，整體的感覺不錯。飯是用來最尾蘸肝汁食的，味道可以用一個字來概括：鮮！海膽杯期待已久的海膽杯終於出現，好多海膽在飯上，一隻大甜蝦在面！海膽好奶滑細嫩，甘甜回香，吃完感覺好滿足。魚湯奶白的魚湯好重魚味，好像魚的精華都在裡頭，每一口都有濃濃的奶香味。吞拿魚蓉手卷紫菜好脆身，吞拿魚蓉非常細滑，麻香十足，飯也有調味過，握力適中。最後的水果是噴上whisky的密瓜，好香味又juicy，水份滿滿！甜度十足，為今日劃上完美句號。有生之年可以品嚐如此美食，人生一樂也。…Read More

【鮨文】作為一間高級的壽司店，它並沒有虛張聲勢地座落在高價地段，反而是隱身在元朗的小小街角內。它的名氣之大，吸引各路饕客來到一嚐師傅的出色手藝。為了要在一賭其風光，我早在兩個月前就訂枱了。店內麻省雖小，但五臟俱全。我今次沒有上bar枱，反而坐在餐廳的角落，以期待的心情享受著。今次我們的目標是 $1800 的 Omakasa，正所謂大有大食，一於來一次盡興的。茶碗蒸熱騰騰的一碗上枱，一打開碗蓋香氣四溢，除了濃濃的蛋香，還有蟹的鮮香味。矜貴的賣相盡是吸引，黃泊混在其中作裝飾。蛋蒸得好香滑，裡面有瑤柱粒和蟹肉，鮮味十足。岩蠔十分大隻，足足有我手掌大。雖然大隻但蠔肉非常爽脆！入口彈牙爽口，尤其蠔邊更是清爽，加上檸檬汁，鮮味更加特出。它不是海水的鹹香，而是有濃濃的奶油香。毛蟹 ＆ 拖羅拖羅是野生的吞拿魚，所以肉質特別實正。師傅一片加上柚子汁，而另一片是燒過，燒過的拖羅油香更甚。毛蟹起肉之後混上蟹膏一同食用，慾仙慾死的鮮香味在口中力久不散。好欣賞師傅的刀功，拖羅切到厚薄均勻。其肉質上盛，完全吃不到有筋。海膽帆立貝天婦羅海膽鮮甜甘味，質感creamy，帆立貝天婦羅炸到香脆可口，內裡肉質嫩滑！兩者一凍一熱，十分有趣的配搭，但同是又互相補足。拖羅三點一點三款，賣相好精緻。粉紅色的中拖羅，用油子汁作調味，入口即溶，油份滿滿。之後就食吞拿魚的腦脥肉，卷著芽蔥，去一去油膩感，上有芥末的根部作調味，肉感好嫩滑。最後食最肥美的大拖羅，因為大拖羅的魚油比較豐富，所以燒一燒過後食會更能帶出其油香。鴨胸、鱧魚和白梅貝鴨胸燒到好香口，但又保留了肉質的水份和肉感。鱒魚其實都是鮭魚科，它的肉感比較彈牙，燒完之後十分香口，魚邊焦香，芥末根部的碎粒調味，甜甜辣辣的提昇了魚不少鮮味。而白梅貝大粒而且肉甜，肉質新鮮彈牙，食完還可以食其下面的昆帶，可以降膽固醇。中間食一個小甜點過場，清一清味蕾。之後就食握壽司，有三款，分別由右至左為池魚、赤鯥和北寄貝。赤鯥先用火𤆥燒香，將魚脂迫出，同時亦使魚皮帶有嚼感，魚身入口魚油香濃，我十分喜歡魚身上面的魚籽，鹹香味好鮮明。池魚精瑩通透，鮮甜味美。北寄貝吃著帶有果香，質地彈牙煙韌。這些握壽司的飯疏密有致，入口不會一舊舊。鮑魚配鮑魚肝醬鮑魚十分軟身鮮味，質感鮮嫩！旁邊有一小碗由鮑魚肝磨成的醬，十分清甜，可以把鮑魚蘸上這些肝醬再送入口中。最後可以把飯混上醬再食，當飯吸收了醬的鮮，簡直是美食。海膽杯如次澎湃的視覺效果！滿滿金黃色的海膽鋪滿了整個碗，上面有一隻大大隻的甜蝦。海膽好甘香、creamy，份量之多令人一飽口福之慾。魚湯湯頭好香甜，奶白色的湯說明了它的真材實料。每啖湯都香濃，感覺像在飲濃縮了三倍的魚湯。吞拿魚蓉手卷魚蓉好髮化，魚肉混合了芝麻，所以麻香味十足。最後食份水果這頓omakasa就完滿結束。這個密瓜真的多汁香甜，噴上威士忌作調味，酒香溶入果肉，但又不會嗆，大大增加了密瓜的甜。食完這頓omakasa直覺美食的層次真的可以去到一個神才能觸及的位置，而鮨文正是一個可以讓我一嚐極至的美食，今晚的到來簡直不枉也。其次值得一提這裡的服務真的十分貼心，不時有人來倒茶。如果有任何人問我推薦一間壽司店食omakasa，鮨文是也。…Read More