Gozen EDO Japanese Restaurant (Closed)

開心食放題，唔開心也食放題，放題係治癒心情的最佳良藥。御前大江戶日式料理位於食肆立林的觀塘亞太中心8樓，鄰近觀塘港鐵站，地點絕對方便。店內樓底好高好開掦，座位與座位之間闊落，而設計好日式，好像舒服版的日式居酒屋。這裏點餐是用平版電腦，既方便又環保，而且睇住幅圖點餐更加吸引，大大提升食力。平版電腦內亦會顯示截單時間及要離座的時間，好清晰。而最重要的是無漏單的情況，以我們點了又點來說，真係你點幾多就來幾多，超讚。首先，店員會送上一份磯燒時令海鮮盤，有五款特選海鮮，包括大大隻鮮嫩多汁的珍寶蠔，好香好濃滑的蟹味噌甲羅蟹蓋，又大隻又爽彈又新鮮的大虎蝦，鮮甜的活元貝及爽口美味的鮑魚。店員會首先簡介每款海鮮燒的時間，如果唔記得，枱上還有指示咭提示每款海鮮要燒的時間。當然一盤海鮮唔能夠滿足我們，我們還添加了以下無限任食的磯燒海鮮，原隻甜美的栗毛蟹，原隻燒完即刻食好過癮，每人食一隻就可以番本，更何況這栗毛蟹是可以無限任叫。燒過後的活刀貝，好鮮甜，賬卜卜的，而且無沙，我一個人都食了十隻以上。活海蝦爽口彈牙。還有不少得的磯燒鯛魚銅鑼燒，甜美的磯燒菠蘿及日本蕃薯仔。差點忙記介紹磯燒海鮮湯泡飯，現煮的海鮮泡飯好鮮甜美味。日式放題當然不少得刺身，這裏的刺身好新鮮，立立令。天然赤貝爽口鮮甜，油甘魚有濃濃的魚香，三文魚肥美，劍魚腩魚味香濃入口即溶，象拔蚌彈牙鮮甜，北寄貝爽彈，吞拿魚新鮮，鮑片爽滑，帶子好厚身口感好豐富。除了磯燒海鮮、磯燒有機蔬菜、磯燒鍋物、刺身外，還有壽司、沙律小食、燒物、天婦羅炸物、一品料理、甜品、自助食物，例如:飲品(不同罐裝、紙包、自製涼茶等等)、冷盤(例如八爪魚、螺肉、沙律菜等)、甜品(不同的雪糕雪條，迷李蛋糕)。總之就各式其式，食物種類之多，實在要好多個胃先可以款款試勻。…Read More

幾年前曾光顧御前大江戶一次食物質素挺好～～這次為慶祝節日，而再度光顧最大的變化是由畫紙仔落單變成用平板點菜～方便環保之餘..又能檢查有否漏單！而且今次還多了磯燒海鮮的部份愈來愈多的日式放題店有蒸鍋或磯燒海鮮來增添噱頭今次嘗過御前大江戶..就覺得海鮮質素比之前光顧的都優勝許多！！先有一木桶份量的海鮮，按人頭來配給數量這也是質素最好的海鮮，就只此一round啊！有珍寶蠔﹑扇貝﹑大虎蝦﹑鮑魚及毛蟹大虎蝦的肉質爽口彈牙！扇貝肉厚又嫩滑鮮甜～鮑魚新鮮爽脆～～珍寶蠔更是新鮮原隻上，燒前才撬開蠔殼毛蟹是細隻的，沒什麼肉，但蟹膏豐腴甘香！加上磯燒的焦香！正！！店員見我們不太懂何時要加上稀釋清酒更出手相助我們燒鮑魚！服務不錯～～～其後可任點追加其他海鮮我們就點了刀貝﹑黃金貝﹑帆立貝和海蝦等刀貝最為鮮甜，所以追加了不下一次！刺身質素也沒有退步！款款都夠新鮮！赤貝爽口帶甜三文魚﹑油甘魚﹑劍魚都是厚切！油甘魚帶甘香，而劍魚清甜！正！！壽司和軍艦的款式選擇都多醋飯酸度適中，飯質結實不鬆散！海膽手卷的海膽份量與手卷size合比例海膽味算濃～紫菜夠脆不會稔！此店營運數年，質素不退反進絕對值得再encore！！！…Read More

為了彌補老公🍋在白色情人節上的失望，這晚就由我來接他下班🖥再帶他去食大餐🍣！一早訂好了位置，早了點上去，已經看到了長長的人龍了😱，店員都忙著輪流領我們到位置上💦。2100了🕘，店內還是有滿滿的食客😋。雪櫃內有很多不同款式的飲品🥤，啤酒🍻也有，甜品🍨也有。除了餐單上的，店內還提供了自助的食品🍣。每位都會有的海鮮盆🦐，有鮑魚、蟶子、生蠔等，用作磯燒煮食🔥，加上早準備好了的清酒🍶、海鹽的，鮮甜的海鮮只要經過輕輕一燒，已經鮮味十足👍🏻。刺身🐟方面亦不失色，種類很多，亦很新鮮😍。店內更提供大量不同的食品🍡，有燒的🔥，有熟食🍲，有炸物🍤。總知：每人$300左右💵，已經能享盡刺食🐟、壽司🍣、磯燒🔥等，絕對是物超所值👍🏻！…Read More

自從在日本的磯丸水產吃過海鮮爐端燒後，一直對磯燒海鮮念念不忘，特別係嗰味磯燒蟹蓋，蟹膏的鮮味更加係諗起都流哂口水當然喺香港都有試過去一些磯燒海鮮的日式食店，但價錢動輒要五六百蚊一位都頗貴，一次喺觀塘嘅午飯時間收到樓下姐姐派發的一張傳單，放題只需$298+1、星期一至四更抵至$278+1，梗係即刻打去book啦，不過都要等一星期，唔緊要啦！更加証明係好嘢先咁多人食嘛Book咗星期四晚嘅9點，已提前10分鐘去到，正如所料的人山人海，但店員安排得井井有條，我準時9點鐘已可以入座了(加分):)甫坐下，店員即詳細解釋各項需知，這裡落order全部是用平版電腦的，有效率之餘亦免卻浪費紙張夠哂環保店舖環境~四周掛滿日式燈籠甚有氣氛，唯一美中不足就是餐桌的面積太少了，當放上海鮮盤時所剩空間已很少……出面有一自助區，放滿了冷熱小食、沙律、生果、甜品、雪糕，多個汽水櫃更放滿啤酒汽水及各式紙包膠樽飲料，尤如入咗間便利店一樣甫坐底不到一分鐘，店員便將今天每枱一份的海鮮盤送上,有活鮑魚、大虎蝦、甲羅蟹蓋、珍寶蠔、活元貝，聽講海鮮的種類是每晚不同的，最主要看當天最新鮮的才揀選，果然是不時不吃喜吃海鮮的朋友不用擔心，因為電子餐牌上還有6款海鮮是免費任點的，分別有海蝦、翡翠螺、青口、魷魚、刀背、帆立貝首先把蟹蓋放上爐面加熱一會，然後再利用叉子把鵪鶉蛋、蟹肉等材料跟蟹膏混勻，熱力令配料的色澤迅速變成灰綠色，跟住就可以拎起蟹蓋食了，蟹膏質感綿綿的，比較黏口，帶點咸香又帶著一絲微甜，而蟹肉絲就為蟹膏增添了一點口感及鮮燒蠔通常會用大量的蒜蓉及葱粒封頂燒，無疑係幾惹味嘅，不過就將蠔嘅本身鮮味完全掩蓋了，咁如果唔加配料的話又應該點燒先至好食呢？答案就係燒嘅時候記住喺枱面拎支透明嘅液體噴一噴落去了，其實呢支係清酒嚟㗎，咁會比較易熟d，同埋咬落去d蠔嘅時候會食到蠔嘅鮮甜同陣陣嘅酒香，好夾㗎溫馨提示:我見隔離枱剩燒嘅時候，燒至蠔殼燶了且發出黑煙但蠔肉仍然是生的:，各位飯友請小心喔，所以噴小小清酒或將燒刀甲時剩低的水撓於蠔上燒係最穩陣的方法名符其實的大虎蝦，長過一支膠樽ooo，愈新鮮的食材就應該用最原始的方式烹調，不需醃製更加能夠食到食物的鮮，尤其是海鮮、將原隻生猛的海蝦放上爐燒，唯一要留意係當蝦的兩面已轉呈橙色時就表示熟透了，千萬不要過火啊，食嘅時候可加丁點兒海鹽，味蕾就能夠享受到蝦的鮮甜爽很多人都分不清馬貝及刀貝的分別，因為其花紋顏色均相似，都係肉質爽甜而無沙的，我亦請教過相熟的海鮮檔才得知:原來馬貝係較大的，肉身較厚所以最適合豉椒炒、而刀貝較小則適合白灼或油鹽水烹調，今日我就將刀貝逐隻逐隻的放在火力較小的爐邊燒，靜靜地等待卜一聲的爆開，當殼剛開啟嘅時候就係代表僅熟而最嫩滑嘅時機，此時切勿手忙腳亂喔，要小心翼翼用鉗將佢夾起放進碟子，但記僅要保持平衡地將殼入面的汁液精華完整地護送到口中，那份鮮甜的感覺保證令味蕾繞樑三日，而最正的是刀貝肉爽甜而無沙，幸福的感覺就係咁簡單跟住就試下呢度嘅壽司先，order咗一個海膽手卷， 嚟到嘅時候我同友人立即雙望而笑， 點解咁迷你嘅我第一次見到咁Q嘅手卷, 不過可以一啖將整個手卷放入口感覺好正，而海膽非常新鮮、鮮甜可口焦糖芝士三文魚腩、火炙左口魚裙邊、油甘魚、北海道帶子，各款的壽司及刺身即點後好快就到，效率非常之高，而質素比一般的放題為高，好新鮮好鮮甜，令我不斷的reorder,回本有突呢總括嚟講~餐廳環境不錯，侍應有禮貌，服務效率高，上菜速度快，完全冇漏單( 很多放題餐廳都做不到)，食材夠新鮮及好味，價錢仲要只係三百幾，難怪晚晚大排長龍， 我同友人都讚口不絕，下次一定再約多啲朋友食多次…Read More

係網上見到好多好評嘅御前大江戶，本來只係做日式放題，但近排就加左磯燒海鮮，立即吸引力大增！！就約埋朋友黎見識一下，由於好多booking所以我地凈係book到食夜d嘅時段～不過隔離有apm可以行住街等。。。上到去個場好大，大得黎又好空擴，一眼望晒，上面仲有好多日式燈籠，同埋會嗌咪教我地燒野，而且用平板電腦落單，總之成個感覺就好唔同平時嘅放題，值得一讚😆食物方面刺身好新鮮啊，三文魚好肥美，有好豐富嘅魚油～正！ 甜蝦入口即融又好鮮甜，帶子都好大粒！！因為要留肚食其他野，就每款都淺嚐就好了。另外有我最愛嘅壽司，呢度嘅創佢壽司都幾特別，特別好味啊！帶子黑松露好夾，我本身超鐘意黑松露嘅味道！同埋呢個芝士三文魚壽司，燒到微焦，個塊三文魚腩入口即溶，食到咁好味嘅壽司真係好幸福！！萬眾期待嘅海產來了～有海蝦，元貝，蠔，聖子同蟹蓋仲有蜆同螺～海蝦最正！肉質實而甜美，而且仲可以無限追加，如果唔使拆殼我一定會食好多好多隻～ 另外元貝同聖子都唔錯，非常多汁，海水嘅精華係晒個殼度包住燒，燒完即食勁新鮮，而且肉質爽脆，落小小鹽食就已經好好味。不過蠔同蜆，我就麻麻啦～蠔清潔得唔夠乾淨，蜆就太咸啦，食完一隻食唔落第二隻了。出面自助小食位有其他熟食，唔食生野嘅屋企人都唔使驚。口水雞嘅辣唔錯，幾惹味。蟹柳瑤柱伴西蘭花就非常足料，瑤柱味道唔算好重但以量取勝，求其一羹都好多野食。螺肉同鳳爪都係出面小食枱拎嘅，螺肉好辣，但又辣得好惹味，小小一碟已經食到我不停飲水。反而鳳爪就冇平時食咁辣，味道淡左啲啲。豆腐沙律，好清，汁係麻醬，冇咩特別。生蝦都幾爽脆，而且又係辣得好過癮！後面係特別嘅創作壽司，粉紅色個舊係豆紙，可以連埋一齊食，感覺好特別。鹽燒雞翼 以為一隻咁叫 點知黎左兩串有四隻牛柳粒 肉汁豐富 可以試試佢～出去拎野飲見到好壯觀嘅海膽手卷仲有飯後甜品 好多款可以揀…Read More

      最是人間留不住，美人辞鏡花辞樹。      昔日初踏職場的同路人，轉眼間已各散東西，雖常有聚舊之心，奈何大家終日營營役役，要遷就彼此日程，難度之大，任務之艱鉅，做過的人自然明暸。前前後後約了幾個月，終於集天時﹑地人﹑人和成這一頓放題。      這家放題剛開業不久，晚市分兩個時段 : 1800-2030 和2030-2300。週末每位$248，另收加一，要想吃得最多，首要準時。所以我們大約六點就準時入座，放眼所見，能容納過百的場地已經有不少客人，看來很旺場。          吃放題自然是貪新鮮﹑多花款，這家算是我吃過食物種類比較多的，不過都是普通食材。食物紙由ABCDEFGHIJK一直排到L，要全部看一次都要十來分鐘。掀開厚厚的食物紙簿，看到說可以一試手磨山葵，躍躍欲試，一問，侍應說現在已經沒有了，只能點現成的醬料包，店家提供這款質感偏稀，味道較淡，那也只能將就一下了     至於飲料則要自己要冰櫃去取，都是常見的罐裝可樂﹑橙汁﹑鮮奶忌廉﹑烏龍茶﹑CC檸檬等。刺身篇                 食放題先食刺身是常識吧。首輪選了甜蝦﹑左口魚邊﹑希靈魚﹑三文魚﹑象拔蚌﹑北寄貝﹑響螺片﹑帶子等，全部都蠻新鮮的，首推左口魚邊，肥腴甘香，加上魚類刺身中少有的爽口口感，個人大愛的刺身選擇。帶子體積偏小，但不減鮮甜。貝類也是一如預期地爽口，大愛象拔蚌，忍不住再三encore       另一個很喜歡的泰式生蝦，雖然放題吃泰式生蝦有點不文不類，但好吃就可以啦，正不正宗也無所謂。鮮蝦加上生蒜﹑辣椒，入口鮮美，辣勁十足，好吃又開胃，大愛。壽司篇      壽司紙有四大張，包括普通壽司﹑創作壽司﹑火炙壽司和卷物軍艦四類。吃放題，特別是這種中低端價位的，創作壽司多半沒什麼可觀之處，甚至很可能是伏。這次的創作壽司水準意想不到的高!我們點了黃金花之戀﹑蟹棒龍蝦沙律玉子﹑豆紙牛油果鰻魚﹑岩鹽白松露油甘魚和千禧塔，前三者水準都不錯。      黃金花之戀即是海膽三文魚壽司，海膽自然不是上乘貨色，不過也不會像內地出品那樣苦澀，甘甘甜甜，配合新鮮三文魚，美味又好吃。     蟹棒龍蝦沙律玉子，個人很喜歡日式甜蛋，但吃放題吃玉子壽司，兩大块甜蛋加一團飯，感覺很飽。這個創作壽司小小一块甜蛋，加上蟹棒和龍蝦沙律，一次過滿足我三個願望，玉子的甜配合清淡的蟹棒，龍蝦沙律又增添清爽口感，一口氣吃了兩件!    豆紙牛油果鰻魚，豆紙包著鰻魚碎和牛油果的混合物，以蟹子﹑沙律醬作點綴，外型讓我聯想到日式燒賣。橙紅色的豆紙也可以食用的，一口一個, 吃起來很方便，牛油果和鰻魚都是肥美香滑的食材，相得益彰。     吃放題個人是很少吃普通壽司，不過友人中有不吃生食的，於是點了大量的海鰻壽司和火炙三文魚壽司。海鰻看樣子像是星鰻，不算十分肥美，差不多就是爭鮮的質素。個人反而挺喜歡黑松露帶子，這款帶子明顯比刺身的肥美，入口有強烈的黑松露味道，雖然不是極品，但也不會一股煤氣味，不錯的選擇。     手卷只點了海膽手卷一款，以小小的手卷來說，海膽比例算是不少，好此道者可以一試。料理﹑燒物篇           料理繁多，當中個人最滿意鐵板帆立貝，帶子大小是刺身﹑壽司三者之中最大的，配以牛油﹑燒酒﹑味醂，鮮甜又不失口感，一客兩個，個人可以消滅一客。      另外大推廣島焗蠔，小小的不算很大隻，但酸乳酪加洋蔥，衝擊味蕾之餘很creamy!     燒菠蘿也是不錯的，菠蘿很新鮮，微微一燒更突出本身的甜度，甜甜酸酸的，加上菠蘿本身的酵素可以分解蛋白質，開胃消脂，個人放題必吃。     有優亦劣，點了客蟹王粥，名字霸氣，看樣子也好像沒有偷工減料，但全無蟹味，只是用頭頭尾尾充撐場面。炸物篇           女孩子對天婦羅頗有顧忌，只點了小小一盤，有青椒﹑蝦﹑紫薯和南瓜。炸漿頗薄，剛好覆蓋過蔬菜本身，個人覺得紫薯即便炸過依然不失本身甘甜，澱粉質很重，淺嚐不錯。       芝士年糕一向是放題必點的，軟糯的年糕炸到外脆內軟，一定要趁熱吃，輕輕一咬，看到芝士流出來，芝味香濃，好吃!甜品篇           轉眼兩個半小時的放題時間已經接近尾聲，杯盤狼藉，對放題的甜品沒有多大期望，畢竟每人還有一杯免費的Haagen daz 雪糕呢，所以就隨便點了幾款分享，有一口泡芙，迷你咖啡杯﹑黑森林切餅和木槺布甸，全部都的的骰骰的，多嚐幾款也不礙事。不過木槺布甸，淡而無味；幾款的忌廉都打發得不夠，口感不夠輕盈，未至於難吃，但不點也不會可惜。      甜品的重點自然是每位一客的Haagen daz 雪糕，有香蕉﹑朱古力﹑咖啡﹑曲奇忌廉﹑士多啤利和雲尼嗱六個口味，大廠出品，一貫細滑，在大家都飽到不行的情況下，個人會選咖啡或士多啤利口味，沒有那麼甜，不會膩上加膩。      最後因為有朋友是十一月生日，只要預訂時先說明就會獲贈一個壽司蛋糕，以混入蟹籽的壽司飯作底，飾以魚生卷成的“花朵”﹑甜蝦和海膽，賣相不俗，可惜味道一般。                                                                                                                                           闊別放題一段時間，沒想到一試就試到一家不錯的放題。故人重逢份外讓人欣慰，今日一別，下次再聚恐怕最快也要一年半載之後。人因為經歷而成今日的自己，辞鏡的美人自有一份時間饋贈的睿智，離蒂的鮮花，流水相送，不知將有什麼際遇? …Read More