建榮特色桑拿菜火鍋店

Open Now

Now Closed

同婆婆去食飯，喺番婆婆收工附近搵餐廳食，揀左地道風味大排檔。個日有d 雨，好彩呢間大排檔係有得遮頭而且仲有室內冷氣既座位揀。潮式煎蠔餅（$128）蠔仔大大隻，啖啖肉，煎炸得好脆口，就咁食已經好有蠔仔味，如果想重口味d 先點埋個汁。勝瓜沙白豆腐魚湯（$128）好清甜既湯，而家時令適合食勝瓜，清熱解毒消暑😋個魚湯好奶白色，煮得好好，呢個湯好有營養。海皇雜菜煲（$138）諗住叫個雜菜煲，乜都有得食下，個煲一上枱，婆婆即刻嘩嘩聲，因為真係勁多料，勁大煲，超抵食啊😍😍胡椒湯底配各式雜菜，海鮮，仲有蝦米等，仲有粉絲，超豪華的享受🥰🥰 諗住佢d蝦唔會新鮮la，點知都幾好食，蝦肉都好結實😋 湯底都好正，忍唔住都會飲幾啖，越飲越暖胃🥰2個人食唔到太多野，婆婆見到隔離枱有辣子雞又話想食，但實在食唔到太多又唔想浪費，所以已經諗定下次有家人生日時會再黎呢間食💓

小店位於建榮熟食市場內，主打多款大排檔風味嘅特色中菜😍 非常適合同一班朋友嚟呢度聚餐💞 環境方面都係一般大排檔嘅格局但勝在有冷氣房間，夏天都可以食得好滋味🌻 唔怕出到一身汗🫣 🐟 薑蔥火腩白鱔煲 $138一上枱就聞到好香嘅薑蔥味🥹 白鱔肉質非常肥美，夠嫩滑而且完全唔腥～ 火腩啖啖肉，鹹香惹味，配飯一流💖 十分推介！超級好食😭🍲 海皇雜菜煲 $128 有蝦🦐 蜆🐚 魷魚🦑 蟹柳🦀️ 木耳🍀 菇🍄 菜🥬 同粉絲🍜 湯底較重白胡椒味但夠清淡，飲完都唔會覺得頸渴～ 整體口感豐富😛 份量十足，健康得嚟又好食，大推😗🐮 黑椒茄子牛仔柳煲 $98雖然唔係用煲裝住但食到最後仍然保持到熱辣辣🫣 牛仔柳有成7-8舊☺️ 肉質鬆軟，鮮嫩多汁，加上黑椒汁食起上嚟香中帶辣😆 同牛肉十分般配😊 茄子香口惹味而且份量都唔少🍆 整體炒得好有鑊氣～ 大排檔必點小菜🥰

黎到大排擋必點既菜式難得試到間整椒鹽鮮魷係咁好食 炸脆香口得黎 用既鮮魷都好新鮮最後比我地成碟清哂 椒鹽味剛剛好 唔會特別咸煲仔類我地就簡左雜菜煲，用料新鮮 成大煲 差d食唔完 特別喜歡佢加埋蜆同蝦令d菜好鮮甜再黎睇下大排擋炒野功力我地就叫左小炒王好香好惹味 d蝦乾炒得好入味 絕對推薦最後我地唔知原來每碟份量咁大叫埋佢地招牌菜 呢個整睇得出都好有心機牛腩夠淋 牛香味不得了呢味脆皮炸牛腩真係無得輸！牛腩醃得入味，而且炆得淋！睇圖就知係炸到金黃色，外層好脆卜卜！可惜食唔哂兩個人 太大份店員都好好人 幫我地打包埋下次會叫多d朋友去再食呢間餐廳比我感覺係超有人情味 好多街坊都去幫襯 一到夜晚就好熱鬧 又近市中心絕對推薦