Spicy Drucken (The Boxes)

長假期前夕4月1日，是我第一次去新田這地方，位置是比較偏僻，個人認為比較適合揸車人士，我們一家四口預訂了當晚檯，一到步就馬上坐低，看餐牌要了肉蟹放題餐$338一位，另外加龍蝦$168一隻。不消一會，溫泉蛋及老火湯就送上，蛋黃很漿口，很濃的蛋黃香，滿足。湯試了一口感覺很足料，而且飲到有些藥材味，但礙於我體質不能喝太補的湯，所以沒飲下去，但這湯是很不錯的。當大家還沒飲完湯，粥底已馬上準備，除了珍珠米外，有些南瓜粒、芋頭粒、豬骨等等。第一個先蒸雞，每種食物都有指示蒸幾多分鐘，蒸雞味道意外是帶點甜味，也算滑的，可能肚餓，很快就吃完所有雞件。再來蒸些沙白、花蛤、蜆，當晚沙白質素一般，花蛤是最鮮最好吃的，蜆仔太細沒什肉食也是一般。蒸龍蝦，肉質彈牙，鮮味十足，也有些羔，羔味甘香，龍蝦鉗的肉也一樣好吃，絕對是必吃之選，雖然要另加錢追加，但也是物有所值的，喜歡食龍蝦的不要錯過。再來是今晚放題的主角，肉蟹，斤兩是偏細隻的，任夾任食當然不可能很大隻，但隻隻都羔多肉鮮甜，非常好味好味道的蟹當然要encore完又再encore，要食幾多就夾幾多，夾好放在膠桶再交給職員，拿去幫你洗乾淨去鰓去內臟，但我發現在蟹池夾上來的都是羔蟹，雖然餐是寫肉蟹，但其實我是比較喜歡食羔的，所以也沒介意，蒸好吃下來都是滿滿的羔，肉也是鮮甜非常，一直吃一直吃，也忘了自己食了多少隻蟹，最後因為疫情下餐廳需要收晚上十時，粥底幫我們打包兩大碗，翌日早上當早餐，簡單加熱後就食得，味道當然是鮮味十足。…Read More

同老公拍拖去咗元朗新田購物城食海鮮蒸氣鍋，好在訂咗位，等咗一陣就可以坐低，餐廳安排咗我哋坐室外，餐廳好貼心咁借咗蚊怕水俾我哋噴，好快已經坐滿人，冇訂位嘅已經入唔到，餐廳有提供小童高椅，如果訂位嘅時候說明可以預先預留。因為老公同我都好鍾意食蟹，所以我哋一早已經醉心個肉蟹放題2.0😍，落咗餐之後，店員示意我哋自己去捉蟹，開頭都有啲驚，見到啲蟹爬黎爬去，好新鮮，我哋捉蟹嘅時候會睇吓個肚有冇黃色，希望可以遇到好多蟹膏。之後店員幫我哋落咗個海皇粥底，我見到有鹹豬骨、芋頭、南瓜等，跟住上邊擺咗蟲草花蒸雞，之後有一張說明書會話俾你聽每樣海鮮同埋食物要蒸幾多分鐘。仲俾埋個溫泉蛋同老火湯我哋。捉完蟹俾店員洗，佢會俾埋其他海鮮我哋。急不及待咁樣蒸咗蟹食先，睇嚟手勢唔錯🤣蟹膏好鮮甜，不過有一兩隻膏唔算好多。店員洗蟹需時，預好時間，就可以再食多啲。另外一讚嘅係鮑魚，真係好新鮮，係個海鮮盤到嘅時候仲識郁，蒸完即刻食嗰種鮮甜味係不得了🥰細粒嗰啲蜆都係我最愛，叫店員上左兩次，又整得快又好鮮甜。最後有埋個糖水做完結，真係食到捧住個肚走🤣…Read More

呢晚入左新田食嘢，之前朋友介紹話有間食海鮮唔錯，而且又有得免費泊車，所以就趁happy Friday黎試下！我地揀左$268嘅龍蝦海鮮套餐侍應話龍蝦同蟹都可以自己去揀不過我地唔熟手，最後都係叫返侍應幫我地揀佢又好好，揀完會拎返比我地睇下o唔ok先黎嘅係是日老火湯同溫泉蛋老火湯唔知係咩湯，但好足料，又有淮山池實，感覺好養生紅棗杞子蟲草花蒸雞醃得夠時間，好入味，雞都嫩滑跟住海鮮餐黎喇！帶子仲去埋腸同裙邊👍🏻龍蝦、鮑魚、蟹都好嫩口，鮮甜，蟹又薄殼，唔錯沙白、花甲、蜆份量都多，咁多隻入面得一隻唔開口，算靚同新鮮👍🏻海鮮食到咁上下，都想食返小小蔬菜第一次食蒸海鮮有得蒸埋蔬菜，感覺幾好，食返少少菜無咁罪惡感重🙈食到尾聲就係食粥底嘅時候喇好足料，又鮮甜可能餐廳都知往往粥底都會食唔晒，好浪費所以侍應都有主動問我地，話可以打包拎走最後有埋腐竹薏米糖水做結尾，好飽好滿足！…Read More

早幾日去完古洞河上鄉就轉場去元朗新田購物城繼續搵野食🍽原來由古洞過去好近，聽見好多人話由嗰度踩單車過嚟，而且只要消費滿$100就可以免費泊車3⃣️小時🚗 就算過咗鐘都只係$10/小時～一見到呢間海鮮蒸氣鍋有海鮮池，比你自己夾新鮮生猛嘅龍蝦、蟹、蝦、蠔同鮑魚，就即刻俾佢吸引咗入去😍我哋點左人氣龍蝦海鮮餐 ，已經包括🔟款海鮮、老火湯、溫泉蛋、任食新鮮蔬菜、蟲草花蒸雞、海鮮粥底同埋甜品。 份量好足夠，我哋連個粥底都食唔曬🙈老火湯飲落去真係🈚️落味精，當日係五指毛桃海底椰，夠曬清潤👍🏼不得不提嘅係，紅棗杞子蟲草花蒸雞🐓好好味，仔仔勁鍾意，好適合小朋友食。由於啲海鮮係新鮮夾上嚟，勁鮮甜同重鹹鮮味，本身攞咗啲醬返嚟都無點過😋 龍蝦好厚肉，連觸鬚都🈶️肉食🦞聖子超大隻，蠔肉好creamy，總之就係正啦😍😍原來星期日有live Band，聽住歌食嘢好正🎶🎵而且店員雖然好忙但都好有禮貌，keep住幫我地收起啲殘骸😂 …Read More

今日坐朋友車遊車河，我哋揸車黎到元朗嘅新田購物城（The Boxes）。第一次過黎呢度，見到入面燈火通明，有一條街嘅食肆喺度，一場黎到，一於入去揾嘢食😋後來先知元朗有巴士可以黎，搭的士或者揸車就粉嶺嗰邊比較近～我哋揀咗一間叫醉辣鮮嘅餐廳，係食蒸氣海鮮嘅😛 價錢都好吸引，只係百幾二百蚊就有半自助形式嘅蒸氣海鮮餐食❣️餐廳分咗內外兩個部分，坐出面可以食煙。唔食煙嘅我哋就揀咗室內，方便拎嘢食同醬料嘛👻 七點幾入座嘅時候冇乜人，得一兩枱客，仲以為包場添。點知後來越食越多人，到咗八點已經全場爆滿😲呢度有幾款餐揀，分別就在於龍蝦同蟹嘅份量。我同家姐揀咗冇龍蝦同蟹嘅「醉辣鮮海鮮餐」✨，只係$198一個人咋！除此之外，仲有個兒童餐同一個肉蟹放題餐比你任捉蟹😱餐廳都算闊落，入面有幾個水缸放龍蝦、蟹、其他海鮮。仲有drum set同結他，唔知咩時間會有live band睇呢，雖然我去嗰晚冇live music，但呢度仲有個大熒幕播music video，好正好有氣氛。真係估唔到唔洗返大陸都有呢啲餐廳，食物質素高、地方闊落、價錢超值👍🏻👍🏻醉辣鮮海鮮餐 （$198）✨首先送上有老火湯，當晚係椰子豬骨湯，椰子味超級香，飲落好香甜，仲食到幾舊豬肉骨😋之後有温泉蛋，佢係就咁食嘅，亦都可以選擇加喺其他嘅度，例如最後食粥嘅時候加埋。鍾意食蛋嘅我一樣好滿意🤗海皇粥底入面有粥、芋頭、南瓜粒。店員一上菜就幫我哋倒曬落蒸爐度，最後先食嘅。蒸海鮮嘅汁滴埋落個粥度，食落好鮮甜，加埋粉嫩嘅芋頭好正🤤同粥一齊黎嘅仲有雞肉～呢個店員會問你想唔想而家蒸，ok嘅話佢就會幫你放上去，順便教埋你點蒸其他嘢。雞肉8分鐘就蒸好，一打開蓋聞到超級香！雞係十萬分嫩滑，而且好入味，仲有啲蟲草嘅香味，第一樣餸就驚艷到我😭❤️菜同醬料都係自助、任拎嘅。菜方面，有金菇、雞脾菇、冬菇、生菜、翠肉瓜、蕃薯、粟米。我全部都有食😛蔬菜類蒸完好淋身，既健康又好食。我最愛嘅係翠肉瓜，食落感覺清新脫俗而且肉汁豐富🤣生菜點醬食都好夾好啱！呢度除咗有一般打邊爐見到嘅醬料，佢嘅辣醬仲係店員多次推介嘅，原來呢度嘅辣醬係佢哋自家製嘅，入面有辣椒，仲有蝦米仔🤤真係好好食！怕肥嘅我平時食新鮮海鮮都好少點醬，但呢個醬我真係忍唔到手🙈主角海鮮終於都到啦，omg! 有蜆、超大扇貝、飽魚、超大隻蟶子、本地生蠔、花甲、蝦... 呢個係咪人間天堂？😭❤️我想講我係唔鍾意食蠔嘅人，打冷絕對唔食蠔餅，但呢隻我覺得好鮮甜，我加埋醬汁食仲好味！飽魚、扇貝、蟶子超大隻，又juicy又超甜，家姐仲落咗蒜蓉一齊蒸扇貝😋啲蝦都好甜，連花甲同蜆都好肥美...另外嘢飲方便係價錢唔包咖，要飲就要另外叫，呢度係由茶、汽水、果汁至酒都有嘅。就算係最平呢個餐，淨係食海鮮都食到好飽。加少少錢仲可以任叫呢啲海鮮... 任食鮑魚扇貝... 呢間餐廳真係蝕住做呀，下次再黎拆返個龍蝦餐先😆！…Read More