All Day Chicken Lab

呢間餐廳全日雞實驗所一直都收藏着，一直等機會過嚟試吓！曾經睇過佢嘅報道，佢曾經喺深水埗開店，報道了有關店主怎樣堅持，去要做好出色嘅海南雞，所以一直上嚟試吓！特登過去北角試吓，不過地點有啲難搵，餐廳匿埋喺一個屋苑basement嘅food court入邊，好處係完全唔需要排隊，直接入去，就可以落order！當日係一個中午，只有六七個人，大把位，呢度係先俾錢，就等通知取餐。我特登加咗錢，叫咗大份嘅海南雞，仲特登加咗個肉餅。計埋相當經濟實惠！先講海南雞，啲肉好嫩滑，真係幾好食！完全唔覺得好肥！另外碗油飯亦都好出色，難得係碗湯都唔錯！但係最難得嘅，嗰個肉餅！真係好重瑤柱味，真係好好食！今次食到好飽，好滿足，下次一定會再嚟幫襯！…ดูเพิ่มเติม

全日雞由2021年由西九龍中心搬咗嚟現址.不知不覺已經兩年多.其間我嚟過三至四次.因為我住喺荃灣.所以並不會時常過嚟食.講真句暫時並未有人超越佢嘅海南雞好食.皮下脂肪比例少.皮爽肉嫩香滑.可以話係我嘅食過最好食嘅海南雞.今日在炮台山附近食下午茶.食完專程過嚟賣番半隻返屋企食先.依家改咗用獨立保鮮包裝.保正更加衞生！🚶🏻‍♂️👉📌全日雞實驗所 (北角)北角和富道21-53號和富薈地庫B50號美食廣場C1及C2號舖…ดูเพิ่มเติม

聽聞呢間海南雞在西九龍時係排隊店，而家搬左去北角，一於試下先，外賣左1隻海南雞+2碗香飯，先講包裝半隻雞1pack，包裝非常企理，雞非常嫩滑，醬汁好香，值得回購…ดูเพิ่มเติม