Kedai Kopi Semua Semua

4-10-2025（Sat）晏晝同老公離開將軍澳後，我記起始創中心有間舖賣小忌廉嘢，於是走去，但原來老公又有嘢去砵蘭街某商業大廈攞，咁先去攞嘢，而其實我係肚餓唔飽，於是攞完後，就嚟呢喥食少少嘢。我哋嚟到唔多人，坐低後睇menu，有$66.00嘅榴槤多士餅配雪糕，印象中好似同老公喺荃灣食過，翻查記錄，果然係，就係2025年2月2日提交，上次荃灣嘅呢篇食評 https://s.openrice.com/QrbT0CkbP00~ukrQAAA。咁今次我哋唔食喇，食$42.00嘅椰香咖央多士？好似普通咗啲，但睇到$48.00嘅海南鴛鴦燒麵包好似好吸引，不過鴛鴦係咩嚟？落單時問啲店員先。而嘢飲方面，我要$42.00嘅椰汁班蘭冰，老公要$42.00嘅薄荷桔仔梳打。決定咗後，就叫店員問問題，佢答咗唔知咩嘢，但好有禮貌，之後我哋用QR code落單。落完單，兩杯嘢飲到嚟，我揀椰汁班蘭冰少冰嘅，飲落，班蘭味出啲，亦有稍為腍咗啲嘅西米，而成個味道都唔太濃，亦唔太杰。4分老公嘅薄荷桔仔梳打呢？我哋都覺得酸咗啲，要加返多少少糖漿。2.5分最後海南鴛鴦燒麵包到嚟，見到麵包係朱古力色，亦見到有咖央同牛油，食落，麵包好夠脆亦有味，但唔知係咩味，唔飲似朱古力但好味嘅，而咖央醬就甜咗啲，加牛油嘅滑，成個係唔差。4.5分服務：唔錯，好有禮貌。抵食係2.5分…查看更多

去過蘇媽嘅其他分店先發現，鴛鴦燒麵包唔係間間分店都有🥲因為燒麵包真係超級鬆脆，所以之前一試難忘，特登要返嚟再食🤤燒麵包唔似普通多士，除左因佢係啡色之後，亦都因為普通多士唔係個個位都咁脆，但係燒麵包係成塊都極脆！😋中間有極厚又凍凍地嘅咖央醬同牛油配埋勁脆嘅麵包，雖然邪惡，但係我鍾意😍😂一坐低，侍應就已經斟定一碗肉骨茶俾我哋飲，肉骨茶好大浸藥材味，正🤤我哋叫咗一字骨，一煲大約有五至六條骨，每一條骨都有好多肉但啲肉質有啲似煲完湯嘅肉，有啲嚡🥲抵讚嘅係呢度嘅肉骨茶係可以免費任添👏🏻白飯係我哋另外再叫嘅，因為肉骨茶一定要配白飯先至正👍🏻菜式：- 海南鴛鴦燒麵包：HKD48- 一字骨肉骨茶：HKD108味道：🤤🤤🤤🤤🤤/5性價比：🤤🤤🤤🤤🤤/5…查看更多

🇲🇾相信大家對蘇媽都唔陌生反而我今次第一次食 覺得自己有少少遲💛 haha呢到味道幾正宗😛 而且價錢非常合理 份量都不錯而且空間大 餐廳設計幾有心思 我平日夜晚去都唔係好需要等位🤓聽講呢間係由小店開始 唔經唔覺已經有好幾間分店🤰🏻分別係旺角、荃灣、深水埗、沙田同埋尖沙咀三層肉肉骨茶($58)睇落去細細碗 其實豬肉份量都幾多 我約略數過都有6-8就😍 我見到餐牌仲有豬軟骨、一字骨、鳳爪等等而我就叫左最幸福既肥豬肉！豬腩肉好淋 肥膏同埋肉比例平均 同肉骨茶幾藥膳味幾夾 肉骨茶又甜又苦 仲有少少回甘味 高佬麵配仁當牛肉🍜 ($58)高佬麵原來係幼麵 個麵好彈牙 同埋重黑豉油味 但又唔會過份哋鹹 有少少似印尼撈麵味 我覺得如果配個無咁重口味幾肉會好少少 因為原本仁當牛肉應該都幾重口味 可惜牛肉味有少少比麵蓋過🥹同埋我個蛋無流心 有少少可惜 蛋汁撈埋個麵應該會幾正！馬來沙爹串燒🍢($52/3串)我個人覺得呢個正常發揮 沙爹汁幾香海南鴛鴦燒麵包🍞($45)食到最後發覺原來呢個麵包先係重頭戲🙈個咖央醬好重班蘭味 超級香口 成塊牛油好邪惡 而且黑糖味既麵包甜甜哋 簡直係最原始既幸福☺️ 味道：🚀🚀🚀🚀/5 📍 蘇媽.蘇媽馬來西亞茶餐室 (旺角)地址：旺角上海街618號地下G01號舖…查看更多

呢個餐廳一直想食好耐,今日見唔係好多人排隊,就入去食😍海南鴛鴦燒麵包麵包烘得脆口,麵包裏面夾滿牛油同咖央醬,呢款麵包味道較甜椰香咖央多士多士烘得香脆,椰香味好濃,裏面夾滿咖央醬,好邪惡😋…查看更多

依間人氣馬來西亞餐廳好受街坊歡迎，分店越開越多👏🏻「蘇媽蘇媽」係馬拉文「乜都有」嘅意思，而餐牌的確有好多款馬來西亞傳統菜式，餐廳裝修亦有種令人去左南洋嘅錯覺🤩雖然食物份量唔算大，但由於多油同多香料，所以女仔可能未必食得哂一碗已經飽左🤣食物好食同性價比高，下次會再去試其他食菜式👍🏻🐮🍜 仁噹牛肉撈米通粉 $𝟞𝟞 (𝟙𝟘/𝟙𝟘)仁噹起源於印尼，係混合椰奶、香料、辣椒醬、黃姜粉等製成嘅辛辣醃肉，係馬來西亞常見。依款餐牌推薦配油麵，不過我轉左做米通粉，吸哂啲仁噹汁好好食，牛肉質地好淋，大推介🥰🥘🍜 湯咖喱米通粉 $𝟞𝟚 (𝟠.𝟝/𝟙𝟘)咖喱湯好香，雖然餐牌上只係mark一條辣椒嘅辣度，但食開譚仔四小辣嘅我唔係太handle到😂米通粉彈牙，但配料只有墨魚卷、豆卜同薯仔，我覺得唔太夠，有少少空虛感🌀🧈🍞 海南鴛鴦燒麵包 $𝟜𝟝 (𝟙𝟘/𝟙𝟘) 麵包嘅顏色燒得幾靚，配牛油同斑蘭超邪惡但好好食！🌟 Follow @gfgm.hk on Instagram for more 🌟…查看更多

已經係唔同分店食過幾次旺角都多位裝修懷舊有特色座位唔會好逼而且平日夜晚去唔使等位個人鐘意飲肉骨茶所以每次去都有叫佢有好多款配料簡可以簡返自己鐘意既肉同佢肉骨茶無限添湯 抵👍🏼今次簡左棒棒骨佢啲肉都唔會鞋又易甩骨唔會食到好狼狽枱面有教點樣調醬肉配埋啲醬好好味串燒醬夠多同肉唔鞋食完會再想食2人每人3串都覺得唔夠🤣呢個菜好食👍🏼出面好少有都係我每次必點唔係次次都有不過今次啲菜有啲老🥹包整得好脆而且牛油同班蘭醬都好多比例啱啱好又成為我每次必點佢啲飲品都好飲夠濃味兩人點左4樣加一杯飲品已經好飽如果有肉骨茶都已經可以唔叫飲品員工都好友善👍🏼👍🏼👍🏼推薦推薦…查看更多

次次經開都成堆人等位, 終於等到佢開多幾間分店, 人潮少咁啲啲🤏🏻<招牌砂煲茶老鼠粉>好好食👍🏻有肉碎, 蒜粒, 銀魚仔, 豬油渣...食落好香好惹味🤤唔知關唔關肚餓事啦食完會想一啖接一啖繼續食😗粒蛋就no comment~撈左落去消失得無影無蹤😂呀!!仲有啲粉條條都好入味又有咬口😬我冇去過馬來西亞唔知地唔地道啦~但真係好好食兼會想encore🙌🏻<檳城福建蝦麵>蝦味極濃🦐之前去新加坡食過同款食物, 味道好似~ 一飲啖湯會比佢驚艶一下"嘩好濃喎"🤡上面啲料好普通係普通豬肉同普通有啲膏既蝦💁🏻‍♀️佢menu括號"油麵"&"辣"📜油麵好掛蝦油真係好夾👐🏻辣就好少好少🤏🏻入口好勁蝦味之後先有少少辣味出, 如果係想食辣先想叫咁就諗都唔好諗啦🙃冇試過既好推薦試下😋<海南鴛鴦燒麵包>午餐黎講好似食得有啲多, 但好彩有叫呢個鴛鴦麵包🍞真係幾好食😋個包好脆, 脆到一路食一路跌到成枱麵包碎🙊牛油唔算好香, 食到佢既texture又冇味, 所以食落一啲都唔覺得有罪惡感😂😂咖央醬好甜, 我覺得甜度岩岩好(平時飲手搖都未必洗減糖既人類), 但朋友話佢係馬來西亞食既再甜啲🤡我唔知啦下, 但比大家參考下~ 佢真係好適合做下午茶, 三點三食到佢我會好開心🤤<馬拉沙嗲串燒>普通💁🏻‍♀️佢可以揀豬牛雞自由配搭~ 我覺得豬串燒最好食, 純粹口味個人喜好😗三串既肉都唔會鞋同乾算係咁啦😉係個沙嗲好普通, 食到花生但花生味唔夠, 我需要花生呀🥜沙嗲醬份量好多既, 都有正常沙嗲味, 冇太大要求嗌黎過下癮都ok既😶<怡保白咖啡&檸檬薏米水>除左檸檬薏米水偏酸, 都冇咩comment啦😅本來驚蝦麵會辣先叫杯野飲, 橫掂加配平幾蚊~ 但蝦麵唔辣呀😂------------------------------總括黎講好食, 會想再食😌推薦老鼠粉&蝦麵&包包, 推薦哂😂😂…查看更多

平日返工咁沉悶，都想搵返啲民間小食過下癮。今日黎左呢間又開新分店紅到不得了既東南亞餐廳食lunch 過下口癮。因為黎到發覺餐牌既食實在太吸引，可惜胃容量好有限，所以其實我係專登分開兩次黎食，試完先寫食評🤣🤣先講野飲，美祿恐龍:相信十個有八個黎得嘅都忍唔住會叫呢杯邪惡嘅飲品🤣確實又真係好好飲。本身美祿同奶都沖得好濃，加埋厚厚既美祿粉，真係想唔好飲都難🤣啖啖朱古力味~唯一係如果唔鍾意咁甜嘅人，可能就會嫌佢太甜。不過我自己好OK😂人哋都落到咁足料你仲怕咩肥🤪椰香咖央多士: 中意食咖央醬，偏甜口味同唔中意鮮牛油既朋友仔可以食呢個~咖央多士算係standard菜式黎，比出面食既麵包烤得算好脆。不過我個人都係比較推介另外一款😂如果你有quota又唔介意食鮮牛油的話，一定係食下面果款先夠過癮。海南鴛鴦燒麵包: 呢個多士我真係黎兩次都食足兩次😂實在太好食。麵包啡色係因為係焦糖麵包，聽聞係每日空運到港的。而且麵包係烤到勁脆，脆到分唔出邊度係麵包皮同麵包肉，果然加左焦糖既麵包烤出黎係特別啲。另外呢款多士咖央醬相對冇咁多，所以會冇咁甜，但佢就多左塊厚鮮油。而味道有幾好食就真係唔洗講😂又脆又香，濃濃既脂肪味同咖央醬既甜味溝埋，食每一啖都係天堂~真係要放低手機食，好好感受呢個味道😍🤩呢個真係絕對次次黎都要食！魚仔蘿蔔糕: 蘿蔔糕份量都唔少，而且煎出黎超級熱，所以食既時候要小心燙親。蘿蔔糕本身都好幼滑同淋身，出面煎到有少少焦脆。但重點係個魚仔醬好香。味道有啲似XO醬，但咸香味更加出，而且都有啲辣。呢道小食真係好有東南亞feel，夠哂exotic同惹味，不過都有啲咸，中意重口味既人士一定要叫！怡保雞絲湯貴叼: 呢個雞湯貴叼真係建議大家唔使試。因為真係超級淡口味😂雖然雞絲都幾彈牙，但係湯底真係好清。雖然係有特別嘅清湯味，不過個feel真係好似病人餐咁😂黎得食東南亞菜就唔好食嘅個🥲檳城福建蝦麵: 身為一個鍾意蝦膏湯底嘅人士，點可以唔試呢個油面! 果然冇令我失望，蝦湯味非常之香濃，有少許辣味，夾埋油麵食超級正。上面仲有半隻蛋一隻蝦同埋兩塊魚片，兩塊豬腩肉，加埋芽菜同通菜，同埋炸蒜頭，香到不得了！呢個麵值得encore！招牌砂煲老鼠粉: 呢個粉其實係豉油王銀針粉，上面有肉鬆，銀魚仔，蛋，炸蒜等等。可以揀生蛋或者熟蛋。上菜既時候超級熱辣辣，出哂煙。味道方面就中規中矩，食唔出特別香or惹味。不過勝在份量夠大份，兩個人食勁飽。總括而言蘇媽整體食物質數都唔錯，冇中伏但又唔係道道菜都好驚艷。裝修好復古懷舊，坐得唔算超逼，上菜都幾快。雖然冇一食哂野就俾佢收碟趕走，不過呢啲餐廳仔都唔係適合久坐。價錢方面都係大概100鬆啲一位，對我黎講係屬於回頭率都係高既餐。希望佢會開多幾間分店！Price: (Lunch ~$120/pax.)…查看更多

經過蘇媽.蘇媽馬來西亞茶餐室門口， 見到排長龍非常感興趣😙，即興入去試下。 店內有兩層幾闊落，但座位就比較迫夾。 本身想飲肉骨茶， 但又想食其他菜式，所以下次先再試肉骨茶吧！ 🥢最後點檳城福建蝦麵$62、 仁嚐牛肉撈麵$62、 海南鴛鴦燒麵包$42、 椰汁班蘭冰$36、 馬來西亞拉茶 $17。 ▫️仁嚐牛肉撈麵🍜 ～ 嘩！牛腩好多🤩， 牛筋好腍， 薯仔又好入味， 整體都好正。     ▫️檳城福建蝦麵🍜 ～ 未食已經聞到有好香的蝦湯味， 配菜有豬腩肉、蛋和蝦， 麵的份量不算多， 湯底鮮甜帶點微辣，好味。 ▫️海南鴛鴦燒麵包🍞 ～ 麵包烘得好脆， 醬和牛油都搽得厚厚的， 配埋拉茶，的確好味。 ▫️馬來西亞拉茶☕ ～ 拉茶的味道好似馬來西亞當地的茶檔， 入口順滑又香，必飲。 ▫️椰汁班蘭冰🥤 ～  香滑濃郁的班蘭味，又唔會好甜。 價錢適中， 味道不錯， 但要有心理準備會排長龍。😁…查看更多

唔夠半年 又再黎食蘇媽喇 真心掛住肉骨茶🤤唔遲唔早 時間岩岩好 等兩張枱就入得✌🏼今次都係食返旺角分店 因為咁岩就腳😂其實都想試下其他分店會唔會口味上有唔同既因為每間個廚師都唔同 可能味道上一樣都會有唔同🤔 一如既往 入到黎都係好熱鬧好多人🙈每次呢一種氣氛 都好有處身係馬來西亞🇲🇾茶室既感覺😌加上店舖周圍既裝飾 會令到你更加投入🤩-🔸免費肉骨茶 坐低之後 依舊都會送上一碗肉骨茶☕️味道依然 藥材既味道好濃郁 啖啖甘香🤤無論去到新加坡/馬來西亞 佢地既肉骨茶都係免費添飲但飲得太多都會飽 所以適可而止喇😌雖然佢係免費 但絕對唔會因為咁 就溝到淡某某俾你👍🏼由佢上枱到飲埋落肚 個陣香味都依然會徘徊住😋-🔸百吉爹肉骨茶配捧捧骨 呢個肉骨茶 相比起開頭飲個個會淡口少少🤏🏼如果真係好怕藥材味既朋友 我都建議佢地試呢個👍🏼藥材味唔重 但都保留咗肉骨茶既味道☕️揀左方便易食既捧捧骨 沾上茶香 入晒味🍖而且肉質好腍 所以一咬就已經離肉反而個豆卜先係最精髓 因為佢完全吸晒個肉骨茶既精華🤤一咬入口就爆湯 要吸水一定係搵豆卜😚-🔸招牌砂煲老鼠粉 一開蓋真係好香嫁 入面有成5-7種配料😍有啲我都唔係好食得出係咩 不過就好惹味襯佢仲熱要撈咗隻蛋先 連埋其他配料一齊撈🥚一郁動佢 個啲香味就走鬼晒出黎 忍唔住一路撈一路食🤣銀魚仔好香 仲啲脆脆口既野都幾有口感🐟佢有缺點既 真係如果凍咗食的話會比較油啲所以襯熱食就會好好多喇🤔-🔸馬來黑叉燒 一路都覺得佢呢個味道好好食 雖然佢都係叫叉燒但同平時燒味店食到既港式係兩回事🤓因為店舖選用咗腩肉 所以會燒到啲油香出晒黎🤤不過略嫌今次呢舊有啲太肥美 所以食多兩舊會腬🤭-🔸海南鴛鴦燒麵包 麵包相當之脆身 唔知點解食到一陣咖啡既味道🍞內裡夾住好厚既咖央醬同牛油 仲有種斑斕香味🧈係肥嫁喇😂不過因為麵包有咖啡/焦糖味所以更加帶出左咖央醬同牛油既味道 每一啖都是邪惡🤣-正宗既味道同配搭 唔係好多地方可以食到👍🏼久唔久食一次其實都可以滿足到去旅行既願望✈️下次真係要試下第二間分店睇吓係咪一樣質素喇😎-🧸🌞C.ookingbear推介指數 👉🏼👉🏼8️⃣🌟…查看更多

自從今年一月份品嚐過蘇媽之後，便一直對它念念不忘，所以今天我們又來吃晚餐了，上次我們已經嚐試過肉骨茶和白咖哩麵，所以今次便點了餐廳另一些招牌菜~砂鍋老鼠粉和「辣死你嗎」，以及再次品嚐海南鴛鴦燒麵包 可惜這次食物的味道簡直讓人失望頂透，水準嚴重下降，完全品嚐不到以往的風味...No.1【海南鴛鴦燒麵包】$42這份鴛鴦燒麵包明顯不是即叫即製，因為上桌的時候已經沒有任何餘溫，由於它已經變得冷冰冰了，所以內裡的牛油根本不能溶化，同時咖央的味道亦比較淡，感覺上就只是吃一份厚切鮮牛油多士，而且牛油的味道更十分膩，完全嚐不到任何馬來西亞的風味No.2【招牌砂鍋老鼠粉】$88所謂的老鼠粉，其實即是銀針粉，而今次砂鍋內的配料只有雞蛋、小魚乾以及其他調味料，然後將它們攪拌便可以食用了老鼠粉的質感都算爽口彈牙，而且亦完美滲透了調味料的精華，所以每一條老鼠粉都十分五味俱全，有滋有味，可惜由於沒有任何肉類的關係，導致味蕾難免有些單調，重點是它的價錢略貴，個人寧願加多 $4品嚐肉骨茶算了No.3【辣死你嗎配烤雞脾】$68雞脾烤得過熟令到質感變得相當粗糙都算了，同時亦欠缺肉汁，肉質非常乾巴巴，而且雞脾更完全沒有任何味道，淡而無味的，烤雞脾都可以煮得這麼難吃，真的令人「真心佩服」！至於參巴醬則只是微辣而已，老實說和「辣死你嗎」還有一大段距離，而且它的份量更十分少，根本不足以用來伴全部的椰漿飯，另外椰漿飯亦沒有什麼椰漿的香氣，我們感覺上就正在吃白飯一樣，這份「辣死你嗎」簡直是全場最難吃的菜色價錢方面，海南鴛鴦燒麵包 $42，招牌砂鍋老鼠粉 $88，辣死你嗎配烤雞脾 $68，餐廳不用加一服務費，最後兩人總共 $198總結來說，今次食物的味道和上次相比簡直是差天共地，完全是天淵之別，上次我品嚐到濃濃的馬來西亞情懷，吃完之後我會想回頭再試，而今次則只是茶餐廳的水準，過去的食物質素已不復再了...…查看更多

如題今日去了旺角店的蘇媽蘇媽。經過的時候竟然沒有人排隊，那就直接進去了。平時經過都超多人的！！我光顧的時候有下午茶餐滿足我這個心大心細甚麼都想試的人。由於之前來吃過一次，都是吃肉骨茶同埋喇沙。今次我點了下午茶三重奏，燒麵包雞翼同埋滷肉卷。燒麵包中間夾着牛油和厚厚的咖央醬，超美味的！！我覺得比起出名的咖央多士層次更多，更美味！雞翼味道一般，普通的蜜糖雞翼，不過不失，夠熱。最後的滷肉卷是敗筆，超難食x_x 無肉，勁多粉同芋頭蓉。真的是食之無味、棄之可惜！…查看更多

平日8點幾去到等左3個字就入座，店舖面積都幾大，有兩層，環境都算舒適，唔會好逼。等緊位已經俾佢嘅燒麵包吸引住，門口帶位嘅姐姐話係飛機貨，唔知係咪指塊麵包。鴛鴦燒麵包入面有斑斕醬同牛油，加埋外脆既焦糖麵包，咬落去既口感真係好正！絕對為左佢返轉頭再食但斑斕冰來講就比較普通，冇乜特別。大雜會入面好足料，肉骨茶做底都幾濃味，不過食完真係會好口渴今次兩個人食唔到太多野，下次會再想試埋佢另一款咖央多士同埋麵食…查看更多

位於旺角上海街既蘇媽.蘇媽餐室，主打馬來西亞風味菜式，由旺角站A出口或C出口行去餐室都只係2-3分鐘左右，非常方便。今晚就由小編與老公努力試試先。餐室位於活化建築群內，由於有大光燈關係，門口非常清晰辨認到，而且門口兩旁掛起既兩副對聯，盡情展示佢地既拿手菜式。試想像咁直接推薦佢地既食品，足以證明佢地製作食物上既信心。「串燒 肉骨茶 椰漿飯 樣樣好食」「拉茶 白咖啡 桔仔冰 杯杯好飲」可能係因為活化建築群關係，入面既裝修都係以數十年前既地道懷舊風味為主，不論響枱上既筷子筒﹑柱上既掛畫﹑甚至牆上掛有以前穿梭大街小巷既單車。雖然坐位每兩人就設置間板下會比較擠迫，但店員都會貼心既盡量響附近搵未有既櫈以方便你去放袋，同時令你用餐既體驗可以增強。 餐單內食物種類繁多，大致分為肉骨茶類﹑湯麵類(喇沙﹑咖哩麵)﹑椰漿飯類﹑小食類及飲品類。(而小食類為今次小編推介，因為款式多而貼近於星馬街頭所見到既小食款式，下面再詳盡介紹)本身小編呢排努力搵食關係，胃口上都差左，但去到呢間餐室門口而聞到肉骨茶味個陣，為食模式又再次啟動喇。與老公一齊晚飯關係，所以都忍唔住叫左5款食物+1杯飲品共享：1) 肉骨茶(棒棒骨) ($84)：當你點菜既菜單有肉骨茶的話，店員佢地就會即刻響柱邊拎起預熱既肉骨茶水壺，並每人奉上1碗肉骨茶湯俾你享用。熱辣辣既肉骨茶藥材味唔算太濃，小編就覺得以淡藥材味而肉湯味為主會較易令人接受。同時當你飲到1半左右個陣，真正內有配料既肉骨茶就奉上到你枱面喇! 肉骨茶內有3條棒棒骨﹑6-8舊豆卜﹑以及1小札既金菇。棒棒骨唔算煮得太淋，所以食個陣仍然有肉味 (但當然唔好以為會有陣陣既鮮肉味)，但坦白講因為棒棒骨無咩肉骨茶味，似乎唔係長期浸於茶內既感覺。 但熱辣辣既話真係好開胃，推薦!2) 湯咖哩米通粉 ($55)：米通粉與平時通心粉唔同 - 米通粉會比較長身而接近韓式年糕既長度，但又比韓式年糕為短，所以與咖哩湯一齊食就會令每粒通粉都滲入到咖哩湯既香味。可能係因為湯咖哩既關係，所以咖哩會比較淡味，而配料上有魚餅﹑豆卜﹑腐皮卷，都係比較淡口既菜式。所以飲完肉骨茶再食米通粉個陣，會稍為令人覺得太淡口。不過魚餅滑身所以好味，豆卜就當然滲入咖哩湯而香口，腐皮卷就不經煎香而原條直接放於湯內，所以比較淡口。3) 海南鴛鴦燒麵包 ($38)：其實於餐單內同時間有兩款多士 (另一款為咖央多)可以選擇，但見到鴛鴦燒麵包既字頭就當然試試啦! 鴛鴦燒麵包上碟後，小編理解到既係咖啡多士配咖央醬及鮮牛油。唔好以為換成咖啡包面味道會差唔多，但其實食落去咖央味會更強。當然趁熱食既時候，多士仍然保持脆感，同時牛油因為咖央醬「保護」住出面麵包既熱力而唔會即刻溶解。4) 魚仔醬撈啦啦 ($48)：撈啦啦呢個字響餐單睇到個陣覺得好得意，但原來啦啦(La La)響馬來西亞文就係解蜆類食品 (就好似餐單內辣死你嗎 (Nasi Lemak)就係解椰漿飯。所以用魚仔醬去撈新鮮煮熟既蜆仔個陣，食起黎就好有鮮味 (小編就覺得避免魚仔會搶去蜆味，最多只可以1條魚仔配1隻蜆咁食)。5) 玻璃魷魚配通菜 ($52)：享有完肉類食品後，都要食少少菜類食品吧! 馬來西亞既通菜相關菜式不嬲都係高質素既，而呢款玻璃魷魚配通菜就將通菜煮熟，中間放入6-7件切粒魷魚，再淋上辣油，所以食個陣最好用魷魚拌菜咁食，否則分開食既話就會因為一啖淡口一啖辣口而覺得好唔慣吧!6) 椰汁斑蘭冰 ($33)：用椰汁口味為主，再加入斑蘭醬去加色，再現以中粒尺寸西米於底部增強口感。味道黎講偏濃，但用黎解膩既話都係好選擇! 原本仲想點更多飲品 (包括拉茶等)試試，但2個人享用5款菜式已經太飽了，還望下次經過其他分店個陣再享受多次肉骨茶同其他飲品吧! 小編相對比較少享受星馬菜，但如果以體驗過既肉骨茶質素去考慮，蘇媽.蘇媽真係值得推薦俾大家去試試! (按: 人均消費$155只係因為小編與老公太為食而點了比能力多既食物，人均價我相信$100都應該會食得好飽吧)…查看更多

自從我沒有在旺角上班之後，便很少踏足旺角區了，難得今天我和老公來到這裡逛街，當然立即嚐試這間朋友推介的餐廳 ~ 主打馬來西亞菜式的「蘇媽」這間餐廳除了最熱門的肉骨茶、叻沙和咖央多士之外，還有一系列少見和獨特的馬來西亞菜式，所以我們分別各自點了幾款主食、小食和飲品來品嚐一下No.1【肉骨茶 (一字骨)】$108雖然新加坡和馬來西亞分別各自有肉骨茶，但是兩者無論是賣相抑或是味道都是有點不同的！新加坡的肉骨茶看起來比較清澈見底的，味道則是比較重胡椒口味，至於馬來西亞的肉骨茶由於加入了黑醬油，所以看起來烏烏黑黑的，而且味道更比較重藥材味，就好像以下這碗「蘇媽」肉骨茶一樣雖然它的外表黑漆漆的，看起來完全不開胃的樣子，但是它的味道卻相當有驚喜！由於肉骨茶加入了當歸、黨蔘、肉桂、杞子等藥材，所以滿口都充斥著濃濃的藥膳味道，藥膳的餘韻更在口中久久不散，讓人唇齒留香，一試傾心！最後加入排骨後，味道立即更上一層樓，肉骨與中藥熬燉萃取而成的湯底，苦中帶甘，甘中有鹹，最後更嚐到淡淡的清甜味，整體的味道有點像台灣的藥燉排骨，而且排骨的肉質亦非常柔軟嫩滑，鮮美多汁，口感豐富而飽滿，美味得讓人吮指回味，鳳髓龍肝！No.2【檳城白咖哩麵】$55這間餐廳除了常見的叻沙湯麵，還有坊間少見的白咖哩湯麵，而且麵條種類亦非常多元化，可以按照個人喜好而選擇油麵/米線/米通粉/河粉/老鼠粉等等，而老公當然選擇了他最愛的油麵雖然它稱為白咖哩麵，但是當它和參巴醬混合在一起之後，無論是賣相抑或是味道都和叻沙十分相似我們小口品嚐的時候，整個口腔中都充滿著啖啖香甜可口的椰奶和微辣的白咖哩氣息，每一口都滋味濃郁，惹味非常，讓人齒頰生香，難以忘懷至於油麵一向都是老公的至愛，皆因它的吸湯能力非常出色，叻沙湯底的精華能完美滲透進油麵中，所以每一條油麵都變得五味俱全，有滋有味，濃郁醇厚的椰奶咖哩氣息更在口中持續散發出來，香味四溢，餘味在嘴中久久不散，我們都吃得不亦樂乎，箸如雨下美中不足的是，白咖哩麵的配料味道便比較一般了，魚蛋的質感略為軟淋一些，稍為缺乏了爽口彈牙的口感，而且它和蝦、蛋一樣，都是沒有任何味道，淡而無味的，而豬紅更嚐到有點異味，令到整道菜色失去了少許分數No.3【海南鴛鴦燒麵包】$38咖央多士便見得多了，這份海南鴛鴦燒麵包我們卻是第一次看見，貪新鮮的我們當然立即點一份來嚐試一下雖然它的賣相和常見的咖央多士有點分別，但是它的材料和味道卻和咖央多士十分相似，同樣都是咖央醬配上牛油，只是換了不同款式的麵包而已雖然多士是即叫即製的，但是不知道為什麼上桌時卻已經冷卻了，不過多士依然十分香脆可口，有著鬆脆的口感，配上清甜的咖央醬和微鹹的牛油後，鹹甜交織，香甜軟糯，細細回味，咖央，奶油，多士，混合後的濃濃氣息迴旋在口中，甜甜的，香香的，口感細膩而延綿，餘韻悠長，美味得讓人久久縈繞！No.4【椰香咖央多士】$28對比起堪稱一絕的鴛鴦燒麵包，咖央多士的味道便略遜一籌了雖然多士的質感非常酥脆香口，但可能是牛油份量不夠多的關係，導致不足以中和咖央醬的甜膩氣息，最後我們整個口中都充滿著濃濃的化學甜味，所以個人建議大家只嚐試海南鴛鴦燒麵包便可以了No.5【似水榴槤】$45這間餐廳的榴槤飲品和坊間不同的是，它真的是採用了大量榴槤果肉來調製飲品，我們每一口都嚐到啖啖香甜可口的榴槤果肉之餘，濃濃的榴槤香氣更迴旋在口中，甜甜的，香香的，甜香四溢，滋味非常，讓人食隨知味，甘旨肥濃價錢方面，肉骨茶(一字骨) $108，檳城白咖哩麵 $55，海南鴛鴦燒麵包 $38，椰香咖央多士 $28，似水榴槤  $45，餐廳不用加一服務費，最後兩人總共 $274總結來說，這間餐廳的叻沙和肉骨茶的味道簡直完美得無懈可擊，並且充滿著濃濃的馬來西亞風味以及情懷，甚至比起馬來西亞本地的餐廳有過之而無不及， 如果大家十分懷念馬來西亞的味道，不妨來到這裡「望梅止渴」一下！…查看更多