暢和號 (翠怡花園)

今日做完功課落樓覓食 遇到間可愛小店 就來試試佢地嘅海南雞～但係唔想食飯 就叫做海南雞撈麵雞肉好滑 而且唔肥膩 推介推介～之後仲叫多個香茅炸雞扒 好重香茅味 雞肉唔柴 好味😋隔離個汁好正！同雞扒好夾～夾埋一齊好好味😋今日叫嘅甜品係經典嘅椰汁西米糕 都好抵食 食唔晒仲可以順手帶走哈哈哈哈最後哩杯龍眼冰就真係無得彈了 清清爽爽之餘 龍眼肉仲好大粒 我最後將D龍眼肉都食都乾乾淨淨哈哈哈哈哈哈 飲落唔會好甜但係又好夠味！門口貼滿晒店裡面推介嘅嘢食 經過都可以睇到一清二楚 😋…Read More

大埔街坊推介嘅海南雞飯！由九龍市區特登搭車入嚟大埔試一試喱間暢和號，叫咗個二人餐，超豐富。$178會半包隻雞，任選一款配菜、小食、兩個飯、再包兩碗湯，當然某啲特別菜式要額外加錢。首先佢嚟嘅半隻雞真係好足料，嚟到都已經知道兩個人未必食得哂，再加上佢一大兜嘅菜，果然大埔食嘢真係特別唔同啲好有街坊人情味。但係值得一提嘅就係佢嘅秘製芝麻蝦多士，真係要趁熱食，同埋超級脆，每一啖呢你會見到啲蝦呢係鋪滿喺個多士上面，每一個位置都會有蝦肉，加上芝麻配搭起上嚟特別香口，嚟到一定要必點必試。都係各自加咗少少錢，轉左杯特飲，同埋泰式奶茶同龍眼茶。飲品方面就不過不失啦都唔錯。當我食到已經飽到上心口嘅時候唔記得咗原來仲有甜品，就係椰汁西米糕，佢呢個椰汁真係好濃郁，配搭個西米超好味，椰汁真係好正好正，大致上$200，食到好飽之餘仲要打包走，果然係大埔街坊推薦嘅餐廳。…Read More

原本諗住試海鮮類 但店員話今日無供應所以就嗌咗佢哋招牌嘅海南雞🐥暢和招牌海南雞喇沙 $78+$5麵類有米粉 油麵 拉麵 滲滲 亦可以+$5轉菜底選擇好多任君選擇 我就嗌咗菜底喇沙湯底香料味好濃郁好突出 啱哂想食重口味嘅我！唔肯定菜底會唔會變 但今日跟嘅就係生菜口感爽脆鮮嫩無苦味或者菜葉變黃嘅狀況配料有啲芽菜 豆卜 魚片同埋半隻水煮蛋 選用嘅越南芽菜肥嘟嘟脹卜卜好爽脆鮮甜魚片有三塊份量都唔錯豆卜就絕對係喇沙必備 好似個海綿咁索哂個惹味嘅湯底😋雞皮同肉嘅比例同一般食到嘅唔太一樣 大概係6:4 皮下脂肪比較少雞皮都比較淡黃色 所以唔會好油膩配搭嘅三色醬分別有蒜蓉醬 黑醬油同埋酸辣汁雞肉點完醬又有新風味 黑醬油甜味為主 酸辣汁就帶到啲新衝擊🥤泰式傳統奶茶 +$12 (跟餐價)鍾意呢種用透明樽裝著嘅嘢飲 感覺更乾淨衛生鍾意佢茶味比奶味濃 唔會甜的過份之餘帶少少茶嘅回甘香氣食完一餐後飲都ok…Read More

最近都去開大埔做嘢，放lunch 就揀左呢間試下 叫左海南雞，香茅豬扒蝦油撈麵，芝麻蝦多士，炸蝦餅同泰式奶茶上菜都幾快👍🏻海南雞：👍🏻必食 ，雞肉好嫰滑，雞皮應該有冰鎮過，好爽滑 香茅豬扒蝦油撈麵：豬扒好大塊呀😍啖啖肉好正，蝦油撈麵都好滑溜，份量唔少，幾抵食。芝麻蝦多士：小食類嘅必食推介🤤超多芝麻，好香👍🏻而且炸得好脆口，蝦肉位好厚👍🏻好滿足泰式奶茶：茶味夠濃，又夠滑。用黎送炸野真係一流而且價錢都好貼地，我見好多學生黎食，應該學生仲有優惠。整體都幾抵食👍🏻可以一試…Read More