Tian Tian Hainanese chicken rice (New Town Plaza Phase III)

同好朋友行街行到攰，見到呢間海南雞店有個二人套餐幾抵，$328有齊湯、雞、菜、飯同飲品，一於試吓！🥗 水果沙律估唔到有我最鍾意嘅番石榴！加埋士多啤梨好清新，食完個口好舒服🍗 天天海南雞（中）雞肉真係幾滑，個皮薄薄哋幾好，點埋佢哋嘅醬汁好夾，兩個人食份量啱啱好🍲 杏汁木瓜花膠燉雞湯飲落好暖胃，杏汁味香得嚟唔會太濃，花膠同竹笙索晒湯汁，飲完成個人都舒服咗🥬 菠菜蕃茄炒蛋簡單得嚟幾好食，蛋夠滑，蕃茄酸酸哋幾開胃🍚 雞油飯朋友勁鍾意，話香得嚟唔油，仲要encore多碗白飯🍹 凍豆花恐龍美祿 $39幾得意嘅配搭，美祿味夠濃，豆花滑捋捋，飲完成杯都唔會太甜🍵 英式伯爵茗茶食完濃味嘢飲返啖茶，個口即刻清新返同朋友傾住計食飯，$328兩個人飽到上心口，都算抵啦！…Read More

之前去新加坡己經食過天天海南雞飯，雞油飯好香，雞就係海南食到的文昌雞，肉質滑嫩，今次搵埋朋友專登來新城市廣場食，平日6:30到吾洗等位，餐牌選擇多，我地兩個人叫左海南雞大份、小食拼盤、海鮮炒油飯、水果茶兩杯、海南雜菜煲。先來海南雞大份，擺盤好靚，令人食慾大增，海南雞雞皮晶瑩剔透帶爽口，食落去冇乜脂肪，雞肉滑嫰配以星加坡三色雞醬好味。跟著係小食拼盤，拼盤有炸蝦餅、炸春卷、串燒、炸蝦片，新鮮炸嘢味道質素正常。跟著係海南雜菜煲，原煲加蠟燭上，賣相吸引，健康菜式。海鮮炒雞油飯，有好多海鮮，帶子、蝦、上面舖左層蟹子，賣相吸晴。另外，叫左兩杯水果茶，消暑解渴。值得一提係呢到菜式擺盤同所用的餐具都好靚，下次會再試吓其他菜式。…Read More

同阿媽去一田買完野，佢一見到個招牌就話想食海南雞。結果當然唔只雞，阿媽叫左個新加坡米芝蓮2人餐，好多野食！蝦皮素肉鬆凍豆腐，豆腐凍凍嘅質感同埋素肉鬆香口嘅味道好夾，加埋少少醬油，味道幾好。其次係黑松露墨魚蝦多士，多士好香脆，餡料充滿黑松露同墨魚蝦味，一口咬落去，酥脆之餘又有豐富嘅口感，好味！鳳梨涼瓜乾貝燉排骨，排骨燉湯清澈又濃味，加埋鳳梨同涼瓜乾貝就更加豐富。一碗湯一啖飯，好屋企feel。海南雞係必叫架啦，去哂骨啖啖肉，有3種醬汁，配好香嘅油飯，個餐包埋好抵！個餐仲包括雜菜煲，同兩個飲品。奶茶同酸柑桔蜜都ok，最緊要滿足之餘又坐得舒服。…Read More

未係香港試過天天海南雞，又見佢係米芝蓮推介，於是喺沙田行街就入咗去食。星期五晚上都幾多人，等位等咗半小時，入座後服務速度都算快，店員幾勤力送餐同埋收拾碗碟。不過入座已經感覺到座位的軟墊太薄，坐落去會比條邊頂住，唔舒服。一開始，佢會比壺熱茶無，就算我轉咗做滾水，最後都收咗每位$9茶錢，其實呢間餐廳都主打飲西式飲品，我覺得冇必要收茶錢，有啲多餘。因為第一次食，就試左無骨雞海南雞細份、油飯細份。個雞份量都算OK，話晒價錢都唔平，最細分都已經是二人分，上碟時後發現，除咗汁醬以外，雞件上面會林有一個獻汁，食落其實有啲唔夾。雞的肉質一般般，冇乜肥膏，但係亦冇乜雞味。油飯係有調味過的，份量夠二人食，但是不夠香。我地仲叫左酸菜水煮魚，其實個湯同埋其他配料做得唔錯，酸辣適宜，可惜佢啲魚塊醃得過份鹹，失去左酸菜魚嘅滋味，不過其實都幾足料，所以呢個都可以一試。至於小籠包，就一盅兩件，佢有個醋插住咗喺小籠包上面，有啲新玩意，但其實食落同自己點醋冇乜分別，佢的皮過厚，所以大家都係唔使試佢。最後叫咗個美祿豆腐花咁嘅甜品，反而有驚喜，食完濃味嘅主菜，食佢做甜品也唔錯，而且價錢唔貴，推介。食完呢餐，我估我之後只會喺呢間嘢外賣「花好月圓」返屋企食，如果要食海南雞同埋酸菜魚，就應該唔會再返嚟啦。…Read More

.呢間過江龍米芝蓮餐廳開左好耐，但一直冇機會試，見啲食評普遍都係幾好，咁行開沙田就過黎食個lunch啦！天天文昌雞飯套餐 ($88)正宗係海南島出名好食既雞係文昌雞，文昌雞既特徵係雞皮偏白色，如果係走地雞，雞肉嫩滑得黎又結實，同埋煮完都唔覺肥膩，帶清甜雞香味，唔似香港啲雞咁軟身冇咬感的。天天既文昌雞都嫩滑冇肥膏，雞肉未去到好結實但都唔錯既，略嫌少左雞香味。食新加坡既海南雞飯一定配備三色醬料(薑蓉、黑醬油、辣椒醬)，我食雞最愛點薑蓉😋油飯都粒粒分明，油膩感唔重還好，雞油香略為欠奉，但overall都ok既。迷你海南雞飯拼肉骨茶套餐 ($118)雖然係迷你海南雞，但雞既份量都唔少架，我食落感覺海南雞比文昌雞既肉質更淋身、軟身少少，雞皮都一樣好滑，但我偏好文昌雞多啲。肉骨茶既味道偏重胡椒味，但比例冇過量，一字骨熬得啲肉好淋、夠入味。湯入面仲有豬肚、枝竹、豆卜，豬肚好滑又新鮮，好食的。整體黎講我覺得啲食物質素都中上既，雖然冇好驚艷既感覺，但都真係可一試既。餐廳環境又舒服，地方寬敞，冇限時，食物又上得快👍🏼有機會既話我都想去新加坡食正宗地道既海南雞飯🤤.味道 ★ ★ ★ ☆ ☆環境 ★ ★ ★ ★ ☆服務 ★ ★ ★ ☆ ☆價錢 ★ ★ ★ ☆ ☆…Read More

知道香港一路有天天海南雞，但做既形式就同新加坡唔同。香港就完全係餐廳格局，當然價錢都upgrade咗唔少😂當然雞係最好食，都幾淋，雖然唔算好滑😛我最欣賞係佢個油飯，好香好正中，但感覺唔會好肥膩，軟硬適中🙆🏻‍♂️以前食過其他炸物，就覺得比較油，所以今次叫既野都好唔錯，適合一家大細去食🤗個人覺得佢d野食都偏大份，叫少少都可以share食😋水果茶勁大杯，少少甜，但好抵飲，建議share飲😚…Read More

終於終於我食到啦! 黎到呢度又點少得「天天海南雞」，餐廳好貼心，提供例牌和半隻供客人選擇，因為今次我地得2人所以選了例牌，但例牌份量都蠻多的!雞肉超級幼嫩超滑，配上3種不同醬料更增加風味，而我比較喜歡配甜醬油。如果配上辣醬，建議跟青瓜一起吃，帶點辣又帶點清新。海南雞的好朋友-「可石鍋雞油飯」也超讚呀!由於用石鍋盛載同有木蓋，所以保溫一流，而且雞油好香，唔經唔覺食完一碗又一碗。 除了海南雞出色之外，「鹽磚和牛」都好正，每一粒都好軟身同好香牛味，配上少少鹽，簡簡單單都好味道!同埋用埋粉紅色磚做碟子，吸精程度大增呀! 新加坡菜我另一最愛是「古法肉骨茶」，份量都超大份，肉骨茶足足有4大件肉骨，每件都好軟身，豆卜和支竹吸曬肉骨茶的精華再放入口，簡直回味無窮! 最最驚喜是「松露蝦多士」，件件都鋪滿松露醬，蝦肉份量都好多和好彈牙，每一口都可以食到蝦肉，同埋多士內有墨魚肉更加口感。 本身想試埋甜品，但因為太飽了食不下，所以留番一下次再食啦! 不得不提，餐廳座位好寬敞好舒服，同埋每一台都提供一個茶壺方便客人隨時自行添茶，而且茶好濃和好香，食完一餐咁豐富的新加坡菜再飲番杯好茶做結尾，完美!…Read More

放工約父母食海南雞，以前同父母係新加坡旅行時食過，係香港就第一次試這間店。我地點左半隻海南雞、二人份油飯、炒椰菜花同蠔餅。原本我地打算點串燒，有6串，豬牛雞各2串，不過父親食牛肉會敏感，而我同母親又一般所以落單時問侍應可否轉其他肉，怎料我想開口講“我想問可唔……“未講到一半侍應立刻“不可以“回應我，勁嬲，態度仲要超差，真係隔住個口罩都知佢係黑口黑面不過，其他侍應態度良好嘅。講返食物，海南雞雞肉好滑，連雞胸肉都好似脾咁滑；油飯份量足，我地本身食量唔算多，所以足夠；椰菜花加左類似馬拉盞炒所以很惹味；蠔餅香脆，值得一試…Read More

正宗星洲口味，海南雞滑，脆腩、菜花雙炒、雞油飯值得一推，有水準，會再幫襯 食物有水準地方環境優美嚟香港都可以食到咁好味嘅海南雞飯值得推介 海南雞的雞肉嫩滑有雞味。酱料微辣惹味，我不吃辣也能接受。海南雞飯套餐附送的雞湯鮮甜，有陣陣的雞香，應是用雞骨烹調而成。這個海南雞飯是我吃過最好吃的海南雞飯! Excellent .... exactly the same as the one in Singapore…Read More