海南雞專門店

喺太古康怡廣場食午餐食到厭曬，所以專登行到黎西灣河太安樓搵食。之前放工都行嚟過太安樓食嘢，今次就試好出名嘅海南雞飯，午餐時間真係好多人，排隊都排左差唔多10分鐘，不過我都覺得係值得嘅👍🏻👇🏻餐牌有中文、英文、日文，幾貼心，方便遊客睇啊！之前上網睇過海南雞飯只係38蚊，想多啲雞就加10蚊，不過我見份量都唔算係多好多，所以我就叫左海南雞髀飯($52)，唔差幾多錢，不過份量多好多👍🏻😆而且係雞髀肉啊！啖啖肉！仲有自家製嘅醬汁，一款係醬油加薑蓉，另一款係有少少辣辣地嘅，雞肉配上醬汁好惹味！另外有送一杯冬瓜雞湯，湯味夠濃又無味精，仲有粒粒冬瓜食添啊！😋而且係檔仔對面仲有位比大家堂食，有冷氣，不過大家食完飯就記住幫手清理好自己檯面嘅野先走啊！😆…Read More

太安樓的招牌海南雞飯，他們提供普通海南雞和海南雞髀飯。本身覺得兩者味道上不會有大分別，可惜來到時只剩下雞髀肉，唯有試下海南雞髀飯。油飯有點鹹，飯粒可能都因為油份過多的關係變得黏身。因為是街頭小食，所以不會太多要求，但如果醬汁可以令上就會更加好。海南雞肉肉質鮮嫩 ，而且有油香，食落亦都不會有碎骨，是不錯的廉價晚飯選擇。 第一次試了他們的橄欖汁，感覺頗清新，甜甜酸酸的，最好用來清清海南雞的油膩感。橄欖汁的橄欖味其實偏重，所以各位要有心理準備，但作為開胃的飲料確是不錯。…Read More

西灣河的蘇豪東好多人都聽過，但西灣河真真正正的（街坊版）美食發源地非太安樓莫屬。太安樓地下是一個非常舊式的小型商場，業權非常分散，早年又管理不善（甚至可能無法有效管理），環境非常惡劣，無牌小販佔據商場內的通道；由於是私人地方，政府各部門無法作出檢控。印象中，直至10多年前，通過政府各部門、區議會及時任的大廈業主立案法團攜手協力整頓，情況才得以受控。直到今天，這個舊式商場的環境總算得以為人接受。講開又講，太安樓極有可能是香港第一個「劏舖」商場，最少有幾十年歷史！近日經常在西灣河出沒，決定逐步進擊太安樓。今晚因緣際會一家三口要食外賣，就由筆者這個一家之主肩負起買外賣的責任。於是，同一晚進擊了太安樓三間食店。小女兒對飲食有點要求（其實即是揀飲擇食），太安樓內的眾多食店當中，應該只有這一家「海南雞專門店」啱她胃口。將近走到店舖，已經見到一條10多人的小人龍。外賣檔口細細個，非常典型的太安樓「劏舖」，大部份面積做了廚房，剩下的空間只剛剛足夠安置一個斬雞的砧板位；其實砧板位已經佔據了商場行人通道，只不過管理公司沒有嚴格執例吧。雖然鋪頭細細，人氣一點也不輸蝕，既有香港本地雜誌訪問稿，也有電視演員專程幫襯，甚至有日本旅遊雜誌介紹。原因非常簡單：「平」。睇睇掛在外賣檔門口頂棚的價錢，就知道究竟有多便宜。你可能會話：「$30 一盒海南雞飯係平，都唔算係超級平啫？」但翻查 2012 年開業之後一直到 2014年的價錢，原來只不過是 $20 一盒海南雞飯！小店確實人氣高企，外賣檔口的正對面就開多一間「海南雞自助餐室」。堂食客人可以排隊落單之後，自己拿着碟飯行去對面舖開餐；其實整個過程與外賣沒有分別，只不過是「先外賣，再堂食」。今晚揀了海南雞髀飯跟餐湯（$43）。翻查兩篇分別上載於 2012 及 2014年的食評，同樣套餐只售 $28。那些年可以兩年沒有價格，估唔到只是四年光景，竟然加價50%！究竟是租金及食材來價加幅強勁？抑或餐廳老闆眼見客人源源不絕，大幅加價謀取更高利潤？這盒飯其實唔係好大，而且所謂雞脾只是表面厚肉部分的半脾，並沒有包括雞髀骨部份的底半脾；了解實際情況之後，抵食度由爆燈位減分，但其實依然抵食。雞皮表面唔夠光滑，望落去亦唔夠油潤、太啞色，賣相唔夠吸引。至於那一杯餐湯，清澈中帶一點淡黃色，望落去對辦，但原來味道非常淡。估唔到飯粒竟然有雞油香味，只是略嫌硬了一點點，但質素已經超出預期。雞肉賣相麻麻地，味道又如何？雞肉切得細細件，兼且冇骨，可以一啖一嚿，有誠意。浸煮海南雞的白滷水的調味相當好，雞肉夠入味、唔會過鹹，兼且還滲出淡淡的香料味道。肉質夠嫰滑，始終唔係新鮮雞，不可能苛求雞肉彈性，但以這個價錢來講，又實在很難挑剔。海南雞飯的質素確實相當不錯，未至於超級好食，但綜合價錢一拼考慮，實在係抵食兼美味的心水選擇之一。…Read More

海南雞專門店係太安樓其中一間人氣店，每次嚟到門外總係排咗一條人龍。見到人哋碗海南雞飯好似唔錯，饞嘴嘅心又被挑起咗。呢次我哋買咗海南雞飯同海南雞髀飯，分別在於雞髀比較多肉，就咁睇好似最少多接近一半。雞肉已經去骨，啖啖肉食得更加方便。肉質稍薄唔厚冇肥膏，食落皮脆肉嫩滑，口感滿意。油飯粒粒分明，配上薑蓉、甜豉油同辣醬一齊食就仲濃郁惹味，當中仲有少少切條青瓜。隨雞飯仲有杯冬瓜湯，入面有唔少冬瓜肉，食完雞飯之後飲都幾消滯。雞飯嘅表現好出色又唔算，份量對女仔嚟講適中，男仔單食一份就可能偏少，不過以廿幾至三十幾蚊嚟講水準合格有餘，加上流量大，食物幾乎係啱啱煮好就賣，除非本質太差，如果唔係要唔好食都難。…Read More