泰洋星海南雞飯

約了朋友放工後飯聚，朋友在元朗上班要OT，一於到元朗接她收工再去晚飯。近年元朗食肆越開越多，就算每天試1間，恐怕花2年也未能試完。今天想吃泰菜，朋友便帶我去一間小店，聽說海南雞飯做得十分出色。店舖不大，有上下2層。我們坐下層，點了海南雞飯，古法鹽燒烏頭 及 後上芒果糯米飯 。海南雞飯先到，雞肉色澤金黃，肥瘦均稱。一碗有6件雞，伴泰式辣醬 及 青瓜 賣相吸引。雞肉嫩滑沒有雪味，吃到雞的鮮味。飯粒雖然是黃色，但不是平常吃到的油飯，比較健康。烏頭大條入味，肉質不算嫩滑，燒得有點過乾。沾隨魚附上的泰式辣醬同吃味道OK。糯米飯有紅、白、綠、藍色。紅和白是我們平時吃到的紅米和白糯米，那綠 及 藍色是什麼?  細問之下原來是班蘭 及 蝶豆花，色素天然，我們都放心食用。芒果未到最甜，但口感跟本時吃到的有點不同。有點似Jelly般的Q彈感，是泰國芒果的特色嗎?糯米飯只屬一般，但店主特意替糯米飯染上不同天然色素的確有心思。吃完晚飯再轉場吃糖水繼續girls talk~…Read More

上星期某天好友食家"乜都放入窿"特登千里迢迢黎到師傅屋企, 玩左兩日一夜, 真係令師傅非常開心! 既然入得黎玩, 當然唔少得食啦, 而好友食家"乜都放入窿"仲特登搵定一間食店喺元朗, 準備同師傅齊齊撐枱腳! 而當晚由於要到宵夜時段先會開餐, 所以好友食家"乜都放入窿"仲特登睇下間食店開到幾時, 原來係凌晨兩點, 咁就實食冇痴牙啦!由於師傅唔係真係好知個正確位置, 為免亂行一通, 於是攞齊架撐先出發; 落左車沿路不斷搵, 又要用下gps不斷睇地圖, 不斷睇自己身處嘅位置, 幾經辛苦終於搵到間食店; 去到門口竟然發現落閘放狗, 師傅同好友食家"乜都放入窿"都不明所以, 甚是失落; 但呢個時間都要醫肚, 咁點算好呢? 於是師傅提議黎呢間食店, 皆因師傅試過唔錯, 值得同好友食家"乜都放入窿"一試, 於是就黎左呢度! 去到呢間食店發覺好少人, 師傅仲以為又打烊, 幸好唔係, 立即同好友食家"乜都放入窿"坐底, 再即刻睇下有咩想食; 大家商量一陣後, 最後一致決定柯打一客海南雞飯, 細嘅泰式拼盆, 酸辣肉碎粉絲, 同埋一碟炒通菜, 再每人一杯飲品! 唔使等好耐, 海南雞飯率先登場打頭陣, 其實師傅都唔係第一次食呢度嘅海南雞, 但唔知點解每次食都覺得咁正, 海南雞嘅肉又鬆又滑又冇骨, 水準堪稱一絕, 再配上秘制醬汁, 香香辣辣甚是惹味, 至於油飯色水對辦, 就略嫌不夠香, 淡口少少, 但配上秘制醬汁, 撈飯都一樣好掂, 呢碟海南雞飯絕對係必食推介; 泰式拼盆有燒豬頸肉, 咖哩角, 雞翼同埋炸蝦餅; 豬頸肉燒得乾身, 而且入口爽而不油, 真的不錯; 咖哩角就炸得香脆, 內裡咖哩味甚香, 師傅就幾欣賞喇; 雞翼相對一般, 不過亦算滑身同唔乾身; 炸蝦餅就好香蝦味, 蝦餅十分爽口, 而且炸完亦唔油膩, 真的不錯! 至於酸辣肉碎粉絲真的酸酸辣辣, 入口開胃惹味, 肉碎同粉絲份量甚多, 粉絲唔會過腍或過硬, 入口清爽, 真的非常之正; 最後係炒通菜, 通菜嫩綠唔老, 炒得亦唔油, 收貨! 期間師傅覺得份好似唔多夠咁, 但好友食家"乜都放入窿"話可以過去食甜品, 所以才沒有多叫!總括黎講食物質素絕甚佳, 服務殷勤友善, 環境就麻麻地, 皆因坐街邊, 而價錢大眾化, 埋單大約百七, 每人都係幾草野, 抵食; 師傅最開心係喺鄉下地方都有啲咁出色嘅泰國菜, 特別係海南雞, 真係一絕; 所以笑臉係一定要比, 師傅好肯定一定會再黎, 亦希望好友食家"乜都放入窿"滿意啦!…Read More