Wing Kee Restaurant

天氣熱還熱，但我家食飯是不分秋冬的。。。老媽子一句:「我要食煲仔飯！」星期五晚，我就拋夫棄子，放工又去慈雲山榮記茶餐室開飯~~~（雖然慈雲山真係唔就腳🙈🙈🙈）一行6人加個小朋友，叫4個煲，再叫個炒菜。茶記嘅裝修，但內有乾坤。嚟到，只為食邪惡煲仔飯！流浮山金蠔蝦乾煲仔飯金蠔同蝦乾超超超超好食呀！！金蠔鮮味度勁高，蠔身飽滿。每一啖都係蠔香。用煲仔飯嘅煮法都唔會煲乾金蠔，咬時還有蠔汁慢慢滲出。飯底有蠔汁同蝦香，勁正。記住上枱時焗耐d，咁先有飯焦！我一個人食咗半煲！！！(所以我地叫左2個 XDDD)四川麻辣牛肉煲仔飯估唔到可以變煲仔飯。充滿麻香，入口唔辣但愈食愈辣，會食上癮。我同妹夫2個食得辣之人KO咗大半~牛肉唔鞋，真係估唔到。潤腸滑雞煲仔飯我飽到發棄咗，但我爸話好食！同埋話滑雞堅滑~ (我忍唔住笑咗，GAG來的嗎？XDDD)全家人都話好滿足！好飽！專登嚟食都絕對值得！！拍得住15年前嘅九龍城添樂園。超級回味，下次我要同老公再去！…查看更多

天氣又凍返, 所以突然煲仔飯癮起~~記得朋友介紹過呢排大熱既茶餐室有得食煲仔飯；咁岩去開九龍塘睇戲, 就上去試一試啦!!!外貌係一間懷舊既茶餐室, 估唔到見到有幾款新派既煲仔飯；而且都坐滿客人, 睇黎大家都係為左個邪惡芝士煲仔飯而來 (都幾多人叫喎)一黎到我就比呢個【流浮山金蠔蝦乾煲仔飯】吸引左~~傳統瓦煲煲仔飯, 熱辣辣上台!!!飯上面放有3隻金黃又脹卜卜既金蠔；仲有一堆勁香既蝦乾鋪滿飯面, 隻隻蝦乾都又大隻架!!老板仲教先將金蠔放開, 將蝦乾跟飯及豉油拌勻先食味道會更好"*果然, 蝦乾及金蠔既鹹香味已經滲哂入飯底~~每啖都有蝦乾既味道, 最重要既係佢有脆脆既飯焦；好容易就刮到出黎, 食完真係會愛上!!朋友就叫左個豉汁白鱔煲仔飯~~成個飯面都鋪滿白鱔片, 數落都有成6-7舊, 都幾多下喎!!加入煲仔飯豉油再焗佢一陣就食得"*肥美既白鱔片配埋豉汁既味道已經滲入飯裡；就連Ｄ豆豉都好好味, 用黎送飯一流~~同樣有埋脆卜卜既飯焦, 鐘意食白鱔既一定要點!!而且呢度既煲仔飯餐會跟埋每日例湯：係老火湯黎架, 日日唔同, 夠哂火喉"*…查看更多

見電視雜誌吹得咁行, 身為香港人梗係要追風啦 本身都好鍾意芝士乜乜乜既我地, 特登山長水遠去試下個芝士煲仔飯有幾邪惡.夜晚八點半左右到, 好多人排, 老闆娘講明要等既, 大家食得煲仔飯都知唔係炒個飯咁簡單, 都預左要等既.所以見有人聽到要等半個鐘就走左.我呢D咁有誠意既梗係食唔到毋寧死就因為有人走左, 所以好快到我地.Order左三個招牌煲仔飯1. 芝士煲仔飯 $682. 流浮山金蠔蝦乾煲仔飯 $1283. 火焰玫瑰肥牛煲仔飯 $128個芝士d味好濃, 但又唔漏, 一落場半分鐘比我地三隻餓狗清哂就知幾好食 !之後到金蠔蝦乾, 可能我地仲年青人口味, 感受唔到雜誌講到D蠔有幾貴haha 不過個飯焦係特別好食:)最後到玫瑰肥牛, 見老闆灑聖水咁落D牛肉到, 再點聖火果刻真係嘩左出黎, 好有睇頭喎哈哈個肥牛睇落去得D肥牛加飯, 以為好DRY,  平時同韌既食物講拜拜既友人, 今次佢算係相當驚喜. 因為D牛唔乾唔韌, 仲好香牛肉味, 真係阿婆都食得對於全新界區既我地係遠左少少, 不過下次食煲仔飯就會諗起呢到 !  U WIN!…查看更多