Kane Tsuru Ramen (Min Street)

之前就已經來過這裡吃拉麵的，但發現這裡有我喜歡的鰻魚飯，而且網上查了一下發現原來是挺出名的，所以就剛好早放就來吃吃看了！活燒蒲燒鰻魚飯（２３８元）這個應該是這裡的招牌之一了，雖然誰都可能想不到為什麼鰻魚賣也是這間拉麵店的賣點！鰻魚是即叫即燒的，來到可以看到鰻魚肉非常厚，有超過１ＣＭ厚了，而且燒得外層焦脆，散發出濃濃的蒲燒香味！一口吃下去會感受到肉質的緊緻，但又有入口即化的感覺，外焦裡嫩的感覺，充滿鰻魚魚油的香味！再配上沾上蒲燒醬汁的白飯，吃起來鹹鹹甜甜的，非常惹味！這個鰻魚飯的質素真的非常高！黑豚肉（２串）（４８元）這個吃起來有點像煙燻豬肉的感覺，肉質偏瘦，吃起來肉味較濃，肉質結實，味道鹹香！…Read More

偶然嘅一次機會喺東京銀座試過雞白湯拉麵，一試難忘回港後一直也很記掛住，雖說香港拉麵店也頗多選擇，可是主打雞湯的沒有幾多間，而「金鶴」就是其中一間主打雞白湯的日式拉麵店，佐敦分店位於閩街，就在官涌市政大廈附近雞白湯拉麵招牌雞白湯拉麵賣相吸引，用赤雞熬製六小時以上嘅湯底非常濃厚，入口順滑，口感濃而不膩，香甜鮮美。配料有慢煮薄片鷄肉和豚肉、糖心蛋和新鮮炸起的牛蒡，非常足料。彈牙嘅粗麵掛湯能力高活燒蒲燒鰻魚飯每份鰻魚飯附有鰻魚湯和前菜，鰻魚即埸在店內烘烤，肥美肉厚，燒至外層焦脆，蒲燒汁如再濃d會更好後記：整體滿意，推薦鷄白湯拉麵，湯頭鮮甜，配料豐富…Read More

下午時分，落住微雨，來到呢間佐敦金鶴拉麵。入店先量度體溫，餐廳環境舒服，有日本感覺，播放悠揚日文歌曲，標注所有水使用有美國NFS安全食用水認證的濾水器，讓客人食得安心。安排坐在Bar枱位置，備有消毒酒精及紙巾，可以見到師傅煮食物。店員先送來一杯暖茶，十分胋心﹗我點了活燒蒲燒鰻魚飯$238和一枝波子汽水，等待蒲燒期間，聞到好香拉麵味，令人食慾大振﹗送上來時presentation好雅緻，有小章魚作為前菜，旁邊有醬汁，更有鰻魚骨昆布湯，湯內有蔥花、鰻魚骨、紫菜，咸香鮮味﹗鰻魚肥美，由於鰻魚即叫即燒，所以需要約15分鐘。上枱時發現鰻魚份量十足，燒得外脆內嫰。聽從店員推薦加入山椒粉，發現更添風味﹗波子汽水，飲落好有童年回憶﹗店員主動添加暖水，最後遞上牙線棒，服務不錯。…Read More

金鶴雞白湯拉麵（$98）首先試一啖佢既湯，奶白色，好濃郁，真係好似飲緊雞湯咁。配料有好大舊炸牛蒡、火炙叉燒、慢煮雞胸肉、糖心蛋等，配料份量好足夠！拉麵軟硬適中，叉燒同雞肉夠淋，但味道無特別，主要係佢嘅湯底出色，佢另外有一款極濃雞白湯拉麵，下次可以試吓！活燒蒲燒鰻魚飯($238)鰻魚係用新鮮白鱔，即叫即燒，所以黎到仲熱辣辣，食落表皮有少少脆身，咬落都算肥美，好香既鰻魚汁味，有2大塊鰻魚，十分足料！整個飯有配埋芥辣魷魚同麵豉湯比你，不過不失！整體價錢比較貴，但值得一試抹茶軟凍（$33）有4件，抹茶味重，口感煙韌，味道好好！.成間店坐位不算多，燈光較暗，但環境尚算舒服。見佢外賣有折好抵，下次經過會再試。…Read More

呢個鋪頭係叫拉麵鋪 但係入到去店員都係推介鰻魚飯😂😂😂·活燒蒲燒鰻魚飯 $238呢個係即燒既 要等大概20分鐘 食完個拉麵就岩岩好😂佢個鰻魚好味 超厚又無咩細刺 而且佢個調味同油份都控制得好好🤤 美中不足係個飯無咩汁🤨·金鶴雞白湯拉麵 $98佢有個特濃既 但我地驚太重口味就叫左普通呢個😉個湯底唔錯 不過D配料同麵底我就無特別中意啦🙊🙊·#rbyeat#rby佐敦·📍佐敦閩街3號地舖…Read More

推薦指數：🤩🤩🤩🤩佐敦一向多好野食 ，今次就黎試頗有人氣的金鶴拉麵啦！位置係佐敦站同柯士甸站的中間，要一讚的係店內環境舒適、店員服務態度好好！😀👍🏻同朋友BOOK好位一去到就有位啦，我地嗌左雞白湯沾麵同埋生燒蒲燒鰻魚飯🤤雞白湯沾麵一到就見到滾燙濃郁的雞白湯底，半熟蛋同慢煮雞肉係另外碟上，而拉麵亦都分開一個碗上，自己可以按自己的喜好去沾雞白湯的份量。😋個雞白湯比想像中濃味同杰身，麵條的軟硬度適中剛好，沾住雞白湯底一啖「雪」入口，爽呀！食麵就應該係咁「雪雪雪」先得！而慢煮雞胸肉質淋滑，雖然味道好啖但配埋濃味的雞白湯，所以係岩岩好！而溫泉半熟蛋當然係不可缺少！😚但今晚另一期待的係莆燒鰻魚飯🤩，因為我同朋友都好鐘意食鰻魚，所以見到有呢個鰻魚飯立即二話不說就嗌啦！即點即生燒鰻魚飯，鰻魚份量十足，厚身得黎但燒到表面焦脆，一啖鰻魚一啖飯放入口，感覺到鰻魚油香係口中爆發✨。個鰻魚仲熱辣辣，真係岩岩即燒好就送上黎☺️兩個人一齊SHARE沾麵同鰻魚飯係岩岩好呀。滿足哂一次過試到金鶴的兩大招牌菜！…Read More

自己鍾意食拉麵，平日亦會定時定候去食，近期就愛到九龍區覓食，今晚與朋友來到這間佐敦區十分有名的拉麵店，進駐了九龍區，還要在佐敦比較入一點點的位置，很多人都說它的雞白湯是多麼的神，當然要來看看吧。 晚上，店內的客人不算太多，於九龍區的店鋪動輒要等上半小時，所以這晚不用等位...這真不錯。 【金鶴拉麵】位於 佐敦閩街，旺中帶靜。到達門口黑色門面，不過正在裝修中所以有點被檔了，神神秘秘，掛著暖簾已被設計所吸引...入到店內，光暗成一大對比當中慢慢透出一陣醬油香，魚油香...應該是人氣鰻魚飯的香氣吧！另外這裡有掛畫由金箔整成，相當名貴。我倆選了吧枱坐低，因為可以＂欣賞＂制麵和燒烤過程，除吧枱位，仲有方桌座位，可容二至六人。看看餐牌，簡而精，主打雞白湯拉麵，令我想起從大阪開過來的拉麵店 - 「座銀」，亦是主打雞白湯拉麵，但「座銀」價錢不便宜，有時在社交網站，見到朋友不時光顧，我也試過一次都是好吃到不得了。所以今次都是點餐廳有名的雞白湯拉麵以及活燒蒲燒鰻魚。再加一客餃子。🔹煎日式餃子相信即時進食及不即時進食也不夠香脆，脆一點會更好，味道還是不錯的，因為餡料夠多，又夠juicy。雞白湯之奧義店員道「金鶴雞白湯」，採用日本赤雞煲製，熬，了六個多小時所以湯底香濃而不膩，入口綿滑 。🔹金鶴雞白湯拉麵 $98入面有「慢煮日本雞胸、火炙叉燒、溏心蛋、炸牛蒡，加上膠質豐富的濃雞湯」吃罷的飽足感。在我面前就是雪白的湯，湯底打到起泡，濃得起膠，不過沒有「座銀」的那種濃厚度。慢煮過的薩摩赤雞肉，柔軟嫩滑，質感取勝。火炙日本黑豚腩肉叉燒肥瘦適中，散發陣陣油香，肉質鬆化。半熟玉子，葱絲不俗，玉子非水汪汪但都好有味。炸牛蒡不要浸湯吃，因為本來的香脆可口才是皇道，吃下來沒有積聚太多油份，可以當小吃添喔。最後要說是麵條...如果再粗身一點我會更喜歡，呢度嘅麵條煙韌爽滑，質感就不算太實在但勝在拉麵掛湯能力強，吸收到湯中精華，啖啖都非常滿足配雞白湯很合拍喔。在日本時，我也會找鰻重來吃，今次拉麵店也賣起鰻魚飯，實在要試一試。🔹活燒蒲燒鰻魚飯 $198漆盒中，烤得油亮帶焦邊的鰻魚，熱呼呼的烤鰻魚好吸引。襯熱吃先唔記得。用可出日本的高級台灣鰻魚，每日新鮮劏活鰻，再好有心機咁人手逐條起骨，確保鰻魚食落啖啖肉。呢個位真係好加分，朋友怕吃骨，所以覺得更加貼心呢。鰻魚烤至金黃油亮，每份鰻重都用上1/4條鰻魚，亦有有3cm厚，肉質肥美又厚身，一食落去，鰻魚的甘香味超出亦會滲出陣陣焦香的鰻魚醬香氣，拌飯吃別是滋味，鰻魚油份加鰻汁的鹹甜更有陣油香！帶有焦邊的鰻魚，個個位特別有口感又多汁有彈性。呢度仲特意選用日本七星米，所以米質不算黏身，充分了吸收魚油的精華。拉麵店裝修有放心機看似絕無平價拉麵店的格局。令你坐得舒服又放鬆，這裡的雞湯本身的香味略為內斂，並不是大鳴大放的那一種，如果你喜歡輕巧味道但帶出鮮味應該會喜歡【金鶴拉麵】的雞白湯，另外活燒蒲燒鰻魚飯是我本人非常推介的，可以說是在我心中排名頭兩位的高質鰻魚飯，一試難忘。愛食日本菜的朋友下次到佐敦時不妨試試這小店吧！…Read More

當日係尖沙咀睇完戲已經幾夜下，突然醒起佐敦一間唔錯既拉麵，就同埋友人一齊去再回味～由於友人未食過金鶴拉麵，就叫左我之前食過，十分推介既一款拉麵－金鶴雞白湯拉麵！依款雞白湯拉麵係我冇係其他地方食過既味道，好濃郁既雞白湯！配上脆口既炸牛蒡，因為慢煮而嫩滑既雞肉，肥瘦得宜既叉燒，火侯恰好既糖心蛋，一碗拉麵有唔同既口感店員仲好細心咁提醒我地牛蒡要先食，淋左就冇咁好食，而雞肉因為低溫慢煮所以食落口只係微溫狀態，好細心友人食完都大讚，我都十分impress開業左一段時間質素冇下降另外我今次終於試到上次食唔到既鰻魚飯！果然有驚喜活燒蒲燒鰻魚飯其實係一個set黎既，鰻魚飯再加上一份伴菜同一碗湯～伴菜應該係芥末八爪魚，開胃；湯就清清地，可以解膩～主菜鰻魚飯十分吸引！鰻魚好厚肉，燒得剛剛好，外脆內軟，肉質嫩滑唔鞋口鰻魚份量比我想像中多，幾大條下，可以一啖食晒肉同飯，唔會最後淨番晒啲飯香噴噴既鰻魚汁浸落熱辣辣既日本米，令人一口接一口！美中不足係份量有啲少，唔夠侯啊我地食落之後先發現九點後入座有全單8折，即刻好抵食！…Read More

咁岩網上見到有Youtuber介紹，而且愛麗絲同男朋友又係沾麪fans，所以決定去食！！地點其實都幾唔就腳，不過如果係美食就另當別論～～愛麗絲叫左金鶴白湯沾麪($138)，而家望番個湯，成個芝士火鍋咁麫條經過冰鎮處理，唔係間間沾麫店都有架！麫條粗身有彈牙，非常掛汁。溏心蛋煮得岩岩好，有甜甜既醬油味，碟果兩個半隻係新客送既叉燒vs雞肉我就prefer雞肉啦～～因為慢煮所以好嫩一d都唔鞋口！湯係濃厚既雞湯味，一d都唔咸，唔怕口渴。通病：由於麫經過冰鎮既，所以個湯好快就會俾佢沾凍左，美中不足！如果冬天食就一定更加扣分:(愛麗絲男朋友叫左招牌活燒蒲燒鰻魚飯($198)新鮮即劏，即叫即燒，食落帶點焦香。鰻魚勁厚肉又有彈性！！充滿油脂！！份量細左d。好想encore呀！！下次出糧，用埋佢而家個優惠下午茶黎食埋佢個拉麪！！另外再食多一次鰻魚飯！！等我～～…Read More

朋友閒時最鐘意跟住餐廳排行榜周圍搵食，有次行到呢間好評十強門口，可惜撞岩落場時間，一直念念不忘要再黎，今日我就黎陪佢還個心願。活燒蒲燒鰻魚飯 ($198)炭燒香氣撲鼻而來，表面焦香微脆更加正中我死穴，急不及待夾開鰻魚，就發現同平時食開既唔同。 如果你習慣軟糯至可以輕易以筷子斷開既肉質，可能會愣然呢度既鰻魚不論皮肉都好有彈性，絕對唔係傳統日本食到入口即融個種，反而係似彈牙既燒白鱔串燒，甚至近乎脆肉鯇咁爽口。 緊緻有回彈既魚肉同時有香醇既油脂，同稍稍沾上濃厚燒汁既七星米一齊放入口，魚油同米香交織出和諧樸實既美味。我最欣賞燒鰻魚既火候控制得岩岩好，焦脆得黎仲好有肉汁，近乎叉燒窿邊既甘香酥脆令我好滿足。 平心而論，份量係同想像中有點落差，以此定價會預期係重量級3cm厚原條鰻魚，最後發現正常女仔食量都可以ko，厚度亦屬中等，但一試無妨。雞白湯沾麵 ($138)首先讚一讚雞白湯上台時起哂泡好夠熱，用比湯麵粗身既麵條沾湯，掛湯力唔錯，口感亦幾煙韌。 雞白湯濃厚有奶香，真係感覺到包含左赤雞既精華，雞味濃郁鮮甜。 配料揀左火炙日本黑豚叉燒+慢煮日本薩摩赤雞胸肉，前者有輕微火灸香氣未算入味，後者好軟滑，整體不過不失，未有太大驚喜。沾麵湯由於唔係石鍋咁上、麵條亦經過冰鎮，所以凍得比較快，個人覺得凍左會有少少腥。但少有地menu已經寫明可通知店員加熱湯底，過程流暢，大致上全程都食到熱辣辣既沾麵，抵讚。 最後可以加鰹魚湯調淡沾麵湯就咁飲，湯底會變成以魚味為主調，一個價錢食到幾種味道都唔錯。醬漬日本糖心蛋 (Free, 原價 $12 x2)一坐低就見到大大個QR code寫住做會員即送糖心蛋或汽水，即時dl app用入會既100分換左客糖心蛋。 入味就不在話下，半熟蛋漿creamy又有蛋味，朋友話係成餐最好味喎，所以連埋沾麵附有既一隻，前後共兩隻糖心蛋佢都輕鬆啪哂，足見有幾正。唐揚炸赤雞 ($33)新鮮炸起，雞皮好香脆，嫩滑有肉汁。不得不提服務貼心得過份，成餐起碼添左廿次茶，直到埋單一刻依然飲到熱茶係感覺良好既。…Read More

喜歡吃鰻魚，今天來到佐敦吃一間朋友介紹的金鶴拉麵，除拉麵外，聽說那裡的鰻魚飯亦很岀色。師傅製作拉麵時一絲不苟，我們點了一個飯，一個拉麵。首先來的是拉麵🍜，賣相很吸引，上面的是炸牛旁，挺特別，香脆可口。有兩片叉燒和雞肉，叉燒半肥瘦，雞肉嫩滑。拉麵硬度適中，是我喜歡的幼麵，雞湯底濃郁且厚，掛於拉麵上，超好吃，幾乎喝掉整個湯底，亦不覺膩。至於鰻魚飯，因為鰻魚是即燒的關係，所以等的時間比較長。看見師傅很有耐性地把魚骨鉗岀來，燒的火候亦剛剛好，鰻魚厚身，肉質嫩滑，滿滿油香。日本飯粒粒分明兼有咬口，整體真得很不錯。侍應親切有禮，亦會主動添水，有機會再來。…Read More

今次帶媽媽吃拉面，金鶴主題果然有一副金鶴畫作，很配合店名，座位挺舒適，沒有一般拉麵店太狹窄的情況。我點了一客雞白湯拉面，拉面材料也很豐富，上面的炸牛蒡很吸睛，很香脆，除了叉燒脂肪分佈平均，還有雞肉，脂肪不多但口感很嫩滑，雞白湯很香濃，拉面沾上雞白湯，盡吸湯汁。我媽點了活燒蒲燒鰻魚飯，因爲即燒的關係，需要等候15分鐘左右，它很厚身，有六大件，魚皮很滑，滿有骨膠原～而且它很新鮮，肉質厚實而且軟滑，蒲燒程度剛好，燒得十分入味，飯粒選用日本七星米，有嚼頭。另外小吃點了一個日式唐揚炸雞，很香脆，雞肉嫩滑，滿有肉汁～總括來說，食物、服務都不錯。…Read More

聽講呢間拉面店長期都要排隊，情況好似東京無敵家一樣。對於我咁耐無返鄉下嘅人，黎食返碗面一解思鄉之情。餐廳中午2:30 last order，所以我天真地以為2:00黎就唔洗排長龍，點知2:00一樣係排晒長龍。餐廳嘅裝修好有日本風格，好親切，坐向bar枱望住廚師煮面，係一種享受。餐廳雖然叫金鶴拉面，其實除左主打拉面之外，鰻魚飯都好出名。既然排左咁耐隊，點都試晒2樣主打名物。雞白湯拉面好快就上枱，炸牛蒡放在面上，好有藝術風。雞湯好白好甜，唔似豬骨湯咁油膩。拉面好Q，粗幼適中。雞肉應該煮得剛剛好，好滑，感覺似慢煮雞肉咁，好有雞味，唔會好老。叉燒超大塊，肥瘦適中。鰻魚飯嘅鰻魚鋪滿了整個飯盒，鰻魚好厚，燒得好香。望上去以為會比較乾，但咬落去竟然好滑，魚肉就好似係蒸一樣，帶少少彈牙，而且好juice，外皮燒得好脆，呢個外脆肉軟嘅口感實在太美妙，同日本嘅水準一樣。食完出黎餐廳己經中場休息，所以先可以影到呢張無人排隊嘅鋪面。…Read More

之前經過門口，見門口經常都有條隊，所以一直卻步無試到。呢晚男朋友收工後話想食呢間，作為一個好女友我都想男朋友收工後可以即刻入座有得食，所以7點30左右去到排隊。當晚係星期六晚，前面有3組人排隊，其實都係等左大約25分鐘就有位。唔算太耐，ok 啦。第一次食，當然試下佢地既招牌：「活燒蒲燒鰻魚飯」同「金鶴雞白湯拉麵」「活燒蒲燒鰻魚飯」: 鰻魚size都幾大，夠哂厚身，鰻魚汁無彷間一般咁甜，鰻魚在店中即劏夠新鮮，所以鰻魚味比出面彷間食到既更突出。值得一提係佢用火槍將鰻魚外皮燒得有少少脆身，外脆內嫩，但同時食到魚皮滑溜帶膠質，口感一流。鰻魚飯另外會跟一碗鰻魚肝湯同漬物，當晚既漬物係芥辣八爪魚。「金鶴雞白湯拉麵」: 打卡一流既拉麵，上枱時店員都有主動介紹返上面個堆係牛蒡絲。拉麵識食一定係試湯底先，雞白湯湯底好濃郁，呈奶白色，雞味重，飲完唔口渴拉麵識食一定係試湯底先，雞白湯湯底好濃郁，呈奶白色，雞味重，飲完唔口渴牛蒡未浸湯前脆脆的，甜甜的，好過癮。兩片雞肉嫩滑不鞋口。兩片半肥瘦黑豚肉叉燒層次分明，帶脂香。半隻溏心蛋，有水準，有一定流心而不會太稀。拉麵粗身，質感煙韌。整體無論係鰻魚飯定拉麵都屬高水準之作，雖然價錢唔平，但值得一試…Read More

近來聽唔少朋友話有間白雞湯拉麵唔錯，今日就黎到佐敦食 (想食既朋友可能要早d黎, 星期六6:20pm 已經出現人龍😂😂)雖然佢叫金鶴拉麵，但係名物除左雞白湯拉麵之外仲有蒲燒鰻魚飯，咁我地當然係兩樣都食哂佢啦🤩🤩😋率先黎既係雞白湯拉麵，白色湯底雞味突出，感覺有d似中式雞湯，但味道更香濃，麵質偏硬同幼身有咬口，仲可以揀雞肉同叉燒配搭，整體味道唔錯😀😀❗️不過最令我地驚喜既係蒲燒鰻魚飯，一黎到蒲燒既味道，已經令到食指大動，一打開成吋厚既鰻魚，真係估唔到咁肥美👍🏻肉質燒到非常鬆軟，蒲燒都好入味，唯一係魚邊仲有少少碎骨，進食可能要小心d，不過味道真係一流，真心推介😋😋🔹活鰻蒲燒飯 ($198)🔸金鶴雞白湯拉麵 ($98)- openrice做緊$68午市優惠🔴Follow Instagram: Foodmarker.hk…Read More