家後

香港人氣餃子店多的是🥟但以芝士蛋糕聞名的餃子店就應該只此一家☝🏻甚至有不少顧客會特意前來訂購原個蛋糕，就算說這是一間烘焙店亦絕不為過🤣———————————————————————日式餃子皮薄得來口感煙韌😄底部煎得十分香脆金黃✨內餡洋蔥比例相當多🧅味道香甜，相對地豬肉味道就稍為偏淡☹️整體調味不多，主要以食材原味道為主🙂整體調味相當清淡🌱各項食材中以菇菌香味最為突出🍄‍🟫椰菜粒口感爽脆，但粟米份量偏少🧐未能感受到粟米餃應有的清甜🥺最後是每枱必點的芝士蛋糕🧀如圖所見，蛋糕中間呈軟心半熟狀態🤤質感細滑creamy，味道簡單直接🤗不會太甜，頗有水準但就未算有太大驚喜😗———————————————————————這件「被餃子耽誤的芝士蛋糕」雖然未如傳聞所說的那麼驚為天人😅但作為一件飯後甜品，仍然足夠令人滿意😇…Read More

脆薄餃皮餡夠多，足料家的味道🥰・・・・・・・・・・・・・・・・・・・・🥟 雙拼煎餃8隻  HK$42 (雙拼+$2) ＞ 洋蔥豬肉餃、香菇粟米雞肉餃・味道：洋蔥豬肉重紫洋蔥香😋，香菇粟米好甜，每一個配料味道都好出！餡料肉類同菜類係1比1👍，肉類冇乜點醃，以肉原本鮮味為主，但真係有肉鮮味唔係冇味的，yum yum欸🫡・口感：洋蔥好脆口但唔生。個煎餃好脆，薯片級脆度🫡皮薄餡多🤘🥟 雙拼湯餃8隻  HK$38 (雙拼+$2) ＞ 韭菜豬肉餃、白菜豬肉餃・味道：韭菜好香好重味，白菜正常發揮～湯底係屋企煲湯嘅款，雖然唔知咩湯XD・口感：好surprise湯冇浸到餃皮脹晒，仍然夠薄冇粉感👍🍜 豬骨湯上海麵 HK$16 (套餐加配價)・味道：正常款啦，好幼身嘅上海麵，肚波男友塞飽自己用des哈哈・口感：可能太幼身，冇咩口感～🍰 日式手作芝士蛋糕 HK$28・味道：啫係巴斯克蛋糕～芝士味好濃👍，唔算甜，好食的。係食到一半我就滯到食唔落😥但可能係本波太廢XD・口感：中間軟身但未去到好cream一pat pat咁，本波覺得係理想狀態🫡，唔鍾意啲太流心好易好膩ฅ●ω●ฅ・・・・・・・・・・・・・・・・・・・・🤰性價比：高～🤰9衝度：9衝～🤰結論： 經過絕對可以一試，不過唔排隊先去🥵因為太熱又太多人排隊，去咗3次先成功食到(┛`д´)┛・・・・・・・・・・・・・・・・・・・・…Read More

-{深水埗人氣餃子店🥟}🤤煎餃🤤 ($44)Overall脆皮😜唔算油洋蔥豬肉餃: 好甜同淋嘅洋蔥🥰比較香口同特別😛芫荽豬肉餃: 好重荽😜仲要好多汁唔錯😋👖褲評: 7.8/10🤤湯餃🤤 ($40)韭菜豬肉餃: 重汁同平時嘅差不多 不過厚啲皮！白菜豬肉餃: 有啲啲薑味😗唔太啱口味👖褲評: 7.3/10🤤開心果芝士蛋糕🤤 ($33)好香開心果醬🤫後韻好強下😍不過焦香味少左~👖褲評: 8.3/10好可惜冇得試日式飯糰🥲不過芝士蛋糕都出色☺️好想試焙茶味🤓性價比: 9/10服務: 8/10環境: 7/10🚩 家後 🚩地址: 深水埗基隆街211號地舖…Read More

👨🏻👧🏻都好鐘意食餃子，同埋可以成日呃自己餃子唔係好肥姐🤣大約12點去到，離遠已經見到門口一堆人，不過都係等左大約十五分鐘➤ 👨🏻叫左洋蔥豬肉餃(湯煮)，跟餐仲有2隻麻辣雞翼- 一上台發現湯底係赤小豆煲粉葛，👧🏻最鍾意飲湯，一下俾佢飲哂，應該無咩味精，飲完成碗都唔口渴，但餃子就味道普通。➤ 👧🏻叫左煎菠菜豬肉餃，跟餐配日式飯糰- 煎得香口唔會油，但餃子味道都係普通，反而個日式飯糰味道有驚喜👍🏻。➤ 綠茶芝士蛋糕、芝士蛋糕- 一食就知點解係等位個時啲外賣全部都係買蛋糕唔係餃子，味道好濃好香但又唔會漿口👍🏻。…Read More

家後係一間奇怪嘅餃子舖，又賣餃子又賣芝士蛋糕。舖頭位唔多，有啲迫，衛生未算好好，但cp值唔錯。*湯餃（8隻）$38粉葛赤小豆湯有家的味道！叫雙拼+$2叫韭菜豬肉餃、白菜豬肉餃，餃子size正常，豬肉新鮮，白菜比較普通，韭菜就係經典味道。煎餃（8隻）$42
煎餃都係叫雙拼+$2，洋葱豬肉餃、芹菜豬肉餃。雖然係半煎炸嘅方式，但係唔會炸到硬掘掘，炸到脆脆。洋蔥用紫洋蔥所以非常甜，好有驚喜，芹菜都好食，完全冇腥味。開心果芝士蛋糕 $33質地好順滑，微微焦香，開心果味好香濃，但又唔會蓋過芝士味，$33真心好抵食。…Read More

叫咗個湯餃同煎餃湯餃的湯底 用左粉葛湯去煲 都吾錯 煎餃好食 😋 佢可以煎出日式餃子的做法 但又唔會好油膩 好鎖住肉汁叫左雙拼 洋蔥豬肉餃子鍾意佢的菜多過肉 唔係好鍾意食豬肉 坊間好多店舖都會用於豬肉包餃子 好厭倦 但鍾意佢既可以多菜少肉 又可以煎到脆薄另一個系雞肉餃 餡料豐富 價錢又唔貴 系平民之選…Read More

經過唔同人嘅介紹變到越嚟越多人慕名而嚟🙊 有時都好猶豫唔知好唔好介紹🫢呢間餃子店偏家庭式啲，口味都係一般傳統餃子配搭，另外都有唔少麵、飯同小食選擇，仲有最重要嘅係甜品——芝士蛋糕！ 真係第一次見餃子店有芝士蛋糕食🤤•🥢 煎餃 $42/8隻 (雙拼+$2)煎餃其中一面會煎到金黃好脆，另一面保留返少少煙韌嘅皮，皮薄，而且唔會好油，不過煎完個皮會脹起，令到咬開之後睇落無咁飽滿，但其實都好足料嘅～📸 香菇粟米雞肉餃：第一個揀嘅味，粟米甜甜地加埋雞肉都好夾，做餃子餡唔會伏😌📸 韭菜豬肉餃：每隻韭菜份量好似唔太平均，但韭菜味幾濃📸 洋蔥豬肉餃： 洋蔥餃咬落爆晒汁💦好juicy，不過用咗紫洋蔥，青洋蔥味都幾濃•🥢 湯餃 $38/8隻 (雙拼+$2)湯底係中式粉葛湯，飲落好甜👍🏻 餃子皮薄，而且煙韌，湯餃煮完個皮會縮咗，所以每隻都幾飽滿，湯餃就揀咗兩款清啲嘅菜肉餃～📸 雲耳椰菜豬肉餃：雲耳唔多，主要都係椰菜嘅甜味📸 白菜豬肉餃：呢個白菜係大白菜，而唔係深綠色嘅白菜仔，所以食落會清甜啲😌但同椰菜就有啲似😂•🥢 日式手作芝士蛋糕📸 原味 $28/1件估唔到餃子店會有芝士蛋糕食🤩 芝士蛋糕係巴斯克芝士蛋糕嚟，面有焦糖嘅燶面，中間有流心😍食落好綿密又好滑，可以媲美cafe質素！📸 開心果味 $33/1件平時食開心果甜品都係食落有淡淡嘅開心果味，但呢個嘅開心果味好突出，加埋芝士蛋糕嘅texture感覺更濃郁！另外仲有抹茶味，但果日去到就賣晒啦😢…Read More

家後 (深水埗) @homey_dumpling 深水埗小店雲集😋❤️性價比又高😍（但我從未去過大南街的cafe🤣）［洋蔥豬肉餃 $36（8隻湯餃）］（7/10）價錢超便宜！🤑🤑個人較喜歡湯餃❤️喝湯洋蔥🧅很甜餃子正常發揮！好吃但沒有特別深刻😆［冧酒提子手作芝士蛋糕 ～$30🍷🍇🧀🍰］（9/10）芝士味濃！🥺🧀🍰不能相信是餃子店的出品😍～$30 性價比很高！每天有不同味！原味/開心果💚/冧酒提子🍇但很快賣完😢晚市時間去，較少機會買到😆回頭率：✅✅✅✅✅（5/5）（經過深水埗，值得一試）推介：芝士蛋糕🍰！！#深水埗foodhealsme #九龍foodhealsme#港式foodhealsme#甜品foodhealsme📍家後 (深水埗)深水埗基隆街211號地舖…Read More

深水埗就出哂名係coffee shop嘅勝地，近年亦都開咗好多間新奇百怪嘅食店，有D係土耳其菜，仲有D裝修到成個太空倉咁。 但其實喺大南街西面行過南昌街就好似去咗另一個世界咁，有派飯碟頭飯嘅良心店，環境較為樸實，就似返現實嘅深水埗。而大南街對上嘅基隆街都係諸如此類，有唔同嘅大街小販同傳統港式食店，就好似呢一間咁。 家後以閩南語(主流於台灣/馬來西亞等國家嘅言語)解的話係指「妻子」。呢間餐廳其實係個家庭生意，老闆嘅父親本身喺做布行生意，但因疫情令事業前景變得唔明朗，所以就轉行試吓做飲食業，由零開始做起。 一開頭只有三款餃子賣，到而家有八款，同有D日式嘅野。講起日本野，老闆個妻子係個日本人，鍾意整甜品，其中basque Cheesecake係佢嘅拿手菜，於是就決定放喺店門外售賣。起初食堂令人以為只係賣D cheap野/急凍貨，所以一開始就賣得唔好。但好在老闆就响興cheese cake呢樣野之前佢就開始去賣，令店舖人氣急升。 裝修就冇特別嘅，並唔係行新潮嗰D，呢度就只係傳統白色裝修。食物就有港式嗰D飯餐/滷水小食，湯/煎餃其一，數量得八隻揀，可轉set。仲有日式飯糰/各種麵條/雞翅。甜品芝士蛋糕有原味同是日口味。 煎餃$42 (雙拼+$2) 煎餃望落顏色相若，煎得好均勻。佢嘅饀料雖然唔及而家新開嗰D店咁足料，但都包得算飽滿，性價比依然唔錯。題外話，男店員佢好nice，會聊吓D食客問D野好唔好食，好少見呢D港式舊店會有呢類店員(當然總係會有啦) 。先講佢嘅餃子皮，餃子佢本身都係近一口size，餃子皮都roll得好薄，唔會有唔熟而粉粉地嘅情況。口感微帶嚼勁，煎嘅表面只停留喺面層，其實我就鍾意呢種做法多過平時每面都煎嗰D，咬落有脆皮但同時有蒸熟嘅texture。 洋蔥豬肉餃：洋蔥驚喜地用咗紫洋蔥，爽口甜美，冇任何澀味，係未到煮淋哂嗰隻，但我就幾鍾意，加上佢比得超多。豬肉一咬入口汁水四濺，肥瘦適中，調味亦都足夠，就咁洋蔥+豬嘅配搭簡單而絕配。但如果8隻都係食呢隻味的話就有D單調。 香菇粟米雞肉餃香菇粟米雞肉餃：入面嘅饀料就好鬼健康咁，仲以為自己食緊素餃。椰菜爽脆，蘑菇軟韌，仲有木耳同粟米。雞肉就話係少D，但佢品質都唔錯而唔柴口。 日式手作芝士蛋糕$28/件 佢呢度嘅芝士蛋糕最吸引我嘅係價錢，$28真係夫復何求，不過size同出面比係細咗D。餐廳用咗鋁箔紙左右包住Cheesecake，但有D位就黐咗入張紙度。 芝士蛋糕佢中間仲係微微流心，質感絲滑細膩，cream cheese嘅奶香帶微微酸感，外層嘅焦位唔會食落太燶，令我一口接一口係咁食，正。…Read More

高度推薦🤩🤩🤩其實係為左個芝士蛋糕而去，但餃子都好正！🤩洋蔥豬肉湯餃🌟我本身鐘意食煎餃多啲🙈但見到佢哋個湯好似好正就要左湯餃，結果完全冇失望💯💯湯有少少鹹但飲得出無味精🤩係屋企湯嘅味道🤩🤩🤩8粒湯餃好飽肚😋皮唔算特別靚但唔會糊/爛👍👍👍然後嗰餡！🤩用左紫洋蔥，辣得黎有甜好啱我口味🥰🥰豬肉都鮮甜芝士蛋糕🌟🌟有啲sad 得返原味🙈🙈🙈cream cheese 味好重🤩🤩🤩比得上new york cheesecake 嘅程度，consistency 我會話介乎burnt cheesecake 同日式輕芝士蛋糕🍰🤩好得意嘅combo 真心榮登cheesecake 排行榜頭幾位但比想像中細件🙈老闆好貼心🥰我出左去傾電話佢仲幫我提醒返張枱有人🥰🥰…Read More

1️⃣ 雲耳椰菜豬肉湯餃麵 $40 🤍4/5🌩 餃子大小適中，皮薄餡多😻唔會一夾就穿👍🏼🌩椰菜豬肉好鮮甜，配上爽口雲耳增加口感😋🌩有豬骨湯同是日例湯揀🧐呢個揀左豬骨湯，少少鹹但配埋麵同餃子啱啱好😁🌩有好多款麵揀，揀左上海幼麵🍜份量都唔少，口感煙韌而且好吸收到湯汁☺️2️⃣ 洋蔥豬肉餃 (+是日飯團) $36 (+15)🤍5/5🌩第一次試洋蔥餃🤣洋葱好fresh好甜 有少少洋蔥嘅辣但係又唔會太過刺激☺️🌩 是日例湯係紅豆粉葛眉豆湯😁個人覺得比豬骨湯更加清甜更加好飲🥰🌩 湯粉葛味好濃😌而且食落都幾多渣好足料😌🌩 是日飯團係牛蒡飯團☺️日本米粒粒分明，配上牛蒡少少酸又清清地，飽腹之餘又開胃😋3️⃣ 日本手作芝士蛋糕 $25/件 🤍5/5🌩呢個超推薦🌟🌟🌟🌟🌟🌩好出色嘅一個巴斯克芝士蛋糕🧀色澤嚟講外層做到微焦而且味道上無燶味👍🏼🌩而且做到外脆內軟😋入面係勁軟醂嘅流心cream cheese質感🥺🥺🥺🌩食嘅途中見到好多人特登過嚟買蛋糕♥️(真心懷疑緊佢回唔回到本🤭…Read More

深水埗不嬲出名美食多選擇多，大家都知既有茶餐廳既蛋牛治、豬膶麵、米芝蓮車仔麵、肉骨茶等，隨左美食，深水埗都係一個Cafe林立既區，呢家由大南街到基隆街、汝州街都會聞到咖啡香，著名美食同Cafe就係大家黎深水埗既原因，不過大家有無諗過黎深水涉係食餃子同日式甜品呢?店主係2019年選址基隆街，開左呢間一家人小本經營既小店「家後」，店鋪無打卡既門面與裝潢，亦都無賣深水埗應有既精品咖啡，而是主打餃子同芝士蛋糕，係你無睇錯，呢兩樣野食係完全風馬牛不相及。店主本身唔係做開食肆，家庭一直係做布行生意，因為近幾年行業走下坡，就同父親商量轉業，商議後決定開一間餃子店。因為店主媽媽識得包餃子，款式也唔似一般餐廳複雜，店鋪菜式食物專一啲會容易經營啲，於是就膽粗粗開張左餐廳。點解一間餃子店會有甜品賣?因為店主既日本人太太鍾意做甜品，太太問過店主後，店主試過後覺得可以就開始係店鋪賣甜品。餐廳完全係家庭式經營，爸爸包餃子、媽媽主廚務、兒子掌樓面、新抱整蛋糕，每人一瓣、各司其職，比起餃，太太所做既日式芝士蛋糕更加爆紅。餐廳主打既餃子，只有煎餃同湯餃，無蒸餃，非常簡單。開業時更加只得3款餃子，慢慢才到呢家8款。好似洋蔥豬肉、韭菜豬肉、芫荽豬肉等材料都係店主爸媽每日一朝早親自到街市買，所有材料都係逐樣揀過挑過，靚既先會買。豬肉方面都係親自係肉檔挑選既新鮮豬肉，餐廳就好似為屋企人買餸煮飯咁。返到廚房仲有一大堆功夫要做，洗材料、剁豬肉、做滷水、煲湯等，好食既餃子同家常菜絕對唔簡單。至於湯餃方面，湯底都係店主媽媽負責，平時係屋企煲湯都唔會係古靈精怪既湯，係平時會飲到既家常老火湯，好似番茄薯仔之類，客人可以食到餃子之餘又飲到住家湯，所以開業一年已經儲到一班熟客。配粉麵用既湯底係用牛骨湯同豬骨湯，而每日淥餃子既就係每日既老火例湯，客人知到餃子係用老火湯淥之後，會一滴不漏咁飲晒。父母幫左店主好大忙，不過最出名人氣既巴斯克芝士蛋糕，係全靠店主日籍太。店鋪唔止有芝士蛋糕，仲有日式焦糖布甸。對店主黎講，太太溫順，要打理家務、照顧女兒，又要做蛋糕，非常賢慧唔簡單。係巴斯克芝士蛋糕仲未係香港大紅大紫，太太已經有做，非常有觸覺。芝士蛋糕客人食過之後個個都好鍾意，甚至會特別訂製全個做送禮，之後巴斯克蛋糕爆紅，個個客人爭住買，一傳十、十傳百，變成左餐廳人氣產品，比餃子更紅，試過一日曾賣出60件既成績，有好多人係冒著蛋糕之名而黎，令到家後更添人氣。我會知呢間小店，係因為身邊同樣鍾意食野既朋友有次介紹比我，佢向來對食野要求都高，見佢會對呢度既餃子喜愛有加，一直都想黎試一試。再加上我女朋友一直都好鍾意食餃子，有係網上既餃子關注組，見到有網友推介呢間餃子店，評分唔錯，有次咁岩係深水埗就決心一試佢係咪真係咁好食。網上見到有人要等半個鐘先可以入座，好好彩既係我完全唔駛等位，黎丁就可以坐低。門面唔算顯眼，店鋪唔算寬敞，面積唔大，有幾張方枱圓枱小櫈，大概有二十個座位，但尚算坐得舒適，門口玻璃夠開揚，設計簡約，店內裝潢係懷舊中見時尚，牆上有深水埗既舊區街照，加上中國風圖騰同木製餐枱櫈，港式粉麵店格局中帶有風味，整體乾淨整潔。呢度既餐牌得兩頁，第一頁係茶餐廳常見粉麵同飯餐，另一頁就係呢度既招牌餃子、小食同甜品。餃子有八款口味，每份係8隻，可以揀雙拼或者拼麵，拼麵就只有6隻，價格合理。小食方面有大腸羹、飯糰、雞翼、鹵味等，甜品有芝士蛋糕同焦糖布甸。係等緊野食個時，會見到店員用心咁逐隻逐隻餃子咁包，相信呢個就係店主既爸爸，所以呢度既餃子絕對係真材實料，係心機菜。-1️⃣ 洋蔥豬肉餃 煎餃 $40（: 9/10）呢款洋蔥豬肉餃係最多人點，喺店舖嘅招牌，如果叫雙拼嘅話要加兩蚊。餃子煎到金黃色賬卜卜，小小透明會見到內餡，賣相非常討好，咬落外層好香脆，尤其係個餃子底部，但唔會過火令到好硬，餃子皮夠薄，食落輕盈。而內餡咬落係非常juicy，肉汁飽滿，會即刻喺口腔爆汁，所以要小心食如果唔係會辣親，煎餃做到完美既不乾不油。平時嘅餃子好少見到用洋蔥做餡，呢度用紫洋蔥做，洋蔥份量夠多，切到大大粒，食落唔生，煎過既洋葱小左辛辣味，多左一份甜，甜甜地又多汁，咬落夠爽，完全增加餡料既口感，豬肉份量夠多，夠新鮮，用半肥瘦豬肉，食到豬肉嘅甘香味，好入味唔乾身。呢個餃子絕對係皮薄餡靚，餡同皮配搭得好好，洋蔥同豬肉嘅比例啱啱好，唔會太多肉食到好，兩隻味唔會話互搶，食落好香口，餃子調味唔會太重手，冇多餘調味，唔會蓋過餡料本身的味道，無諗過紫洋蔥擺落餃子咁夾，而呢款餃子應該係最好食嘅一款，對比起其他餡料或者湯餃，唔食洋蔥既人應該都會比呢個層次豐富既餃子俘虜。另外店舖有提供自家製嘅香辣菜脯，咬落爽口帶後勁既辣，辣得黎醒神醒胃，幾惹味過癮會，放係近收銀處附近，可以問店員幫手拎。-2️⃣ 雲耳椰菜豬肉餃 湯餃 $36（: 8.5/10）叫咗一個煎餃，就叫一個湯餃比較下。餃子大細正常，算係一口size，外皮滑溜，皮夠薄，但夾起唔易整穿，咬落係煙韌，內餡飽滿紮實，味道鮮甜偏向清淡，調味方面做得啱啱好。椰菜雲耳咬落新鮮爽口，口感豐富，椰菜既鮮甜味好突出，豬肉肥瘦合宜，略嫌雲耳偏少。呢度湯餃嘅湯底日日都唔同，有時係紅蘿蔔雪耳湯，今次係粉葛湯，飲落唔會話好重味，但味道足夠，湯底清澈，飲落清甜，冇乜油份，有淡淡既粉葛香，係真材實料，飲完會覺得好口渴，係好健康冇味精嘅湯底，仲會有兩條生菜，唔係驚艷既味道，但有屋企飲湯嘅感覺，平淡而舒服，同餃子配搭得好，湯底唔會喧賓奪主，反而令餃子更加有甜味鮮味。-3️⃣ 日式住家飯糰(套餐B)  +$15（: 8.5/10）呢度既餃子隨左可以單點之外，仲可以跟套餐，有3款套餐可以選擇，套餐A係配一碗麵，湯底可以選擇豬骨湯或者是日例湯，而套餐B係配一個是日飯糰，而套餐C係配麻辣或者滷水雞翼兩隻。因為飯糰算係呢度特色，加上係人氣之選，所以就揀左套餐B。飯糰呢種係餃子店唔常見既日本料理，都係店主日藉太太負責整，餐牌上寫飯糰係用日本米，上枱時香氣撲鼻，飯糰咬落夠綿，唔會過腍，粒粒分明，帶小小煙韌。飯糰主要係靠燒汁調味，雖然睇落好深色，味道唔會話好濃味，唔會話好鹹，味道調味適宜，食落夠香，所以唔洗再加任何調味。飯糰入面會有小小雞肉碎，雞肉有燒汁既香味，最特色係有牛蒡絲，牛蒡絲絕對係畫龍點睛，味道非常香，每一啖都食到雞肉同埋牛蒡絲，口感相當豐富，粒粒飯都充滿牛蒡既香味，食落完全好有日本飯糰既味道，成個飯糰唔會話得飯，唔會食到最尾係得白飯，估唔到係一間香港餃子小店，會食到日本既味道，絕對係有驚喜。-4️⃣ 凍檸茶（: 7.5/10）凍檸茶夠凍，飲落唔算甜，茶味算正常，係杯正常既凍檸茶。-5️⃣ 日式手作芝士蛋糕 $25（: 8.5/10）呢度既日式手作芝士蛋糕絕對係招牌之一，係店主日籍太太親手做，我係食緊餃子個時甚至見到有人入黎淨係買芝士蛋糕走，而唔係買餃子，而且係日日新鮮製作，數量有限，所以就即刻點左。係餐廳點一件係原個芝士蛋糕既八分之一，餐廳可以預訂整個蛋糕，只需要提前兩天就得。芝士蛋糕仲左有原味，仲有提供好似好小見既開心果口味、提子冧酒、抹茶味等，不過第一次食就點左原味試下先。雖然佢係寫日式手作芝士蛋糕，但外表係成個巴斯克芝士蛋糕，唔好以為餃子店出品既甜品就無質數，食落係有驚喜，一咬落去蛋糕口感綿密軟滑，非常creamy，蛋糕係偏濕潤，而中間係做到流心既效果，軟綿得黎同時又實在，軟硬適中，雖然唔係驚人既流心效果，不過比一般咖啡質既已經做得更好，係我鍾意既芝士蛋糕口感。芝士味非常香濃，而且奶香突出，有蛋香味，食落帶點微酸，唔會太甜，而且蛋糕上面焗到有焦既部份，所以食到最後會有小小焦香嘅味道，蛋糕既底同樣蛋味好濃，完全係我平時食到好既芝士蛋糕會經歷既口感同味道變化。成個芝士蛋糕唔算好大，作為甜品岩岩好，食落唔膩，雖然25蚊一件，但品質唔會輸比啲Cafe、甜品店，食得出係用心製作，令我有信心下次再黎會試埋其他口味。-呢度既餃子出色，個人最鍾意煎餃，皮夠薄食落唔會炸到好硬身，食落唔膩，哎落夠脆，而湯餃方面比較鍾意佢既湯底，飲落清甜但唔會覺得口渴，係屋企會飲到既味道，而小食方面飯糰係有日本既味道，無諗過餃子店會食到有質數既飯糰，最後甜品當然係有驚喜，無諗過餃子店會有日式芝士蛋糕，自家製得黎貿數唔會輸比Cafe出品芝士蛋糕。甜品隨左芝士蛋糕，店鋪仲有提供日式焦糖布甸，今次試唔哂既我，留返下次一定會食。價錢方面非常平民，平民得黎又食到如此高質既食物水平，只怪我太遲認識呢間小店，服務好好，老闆同店員夠熱情好客，用心問客人需要，會見到佢同唔小客人有傾有講，係我掛住影相既時候，店主叫我唔好掛住影相，凍左唔好食，為既係想我食到好食既餃子，唔會係一般餐廳送上食物之後無交流咁冰冷，同客人打成一片，好有在家風味。感覺真係好似屋企人煮野食比我咁，食到既餃子係充滿人情味同家中味道，論食物水平、價錢、服務，已經足夠我一試再試。 係呢個附近都係餃子店林立既太子、深水涉、長沙灣既餃餃鎮，要突圍而出確實唔簡單，呢度隨左算餃子贏得口碑，仲因為芝士蛋糕聲名大噪。成功因為店主對食物既堅持，經常去了解客人既需要同意見，再作出改進，最初店鋪得3款餃子，客人多左比左唔小意見，參考過覺得可行後，於是變到呢家咁多款，希望食客帶住一份滿足離開進，會尊重客人意見既呢間餐廳成功既原因之一，再加上店主既父母，無論係食材、處理到烹煮都係一絲不苟。其實第一次聽家後呢個名已經令我抱起懷疑，因為之前聽過一首台灣閩南歌又係叫家後，原來店主正正就係用呢首歌歌名做店鋪名。家後既閩南語係解妻子，首歌既意思係茫茫人海可以走埋一齊唔易，既然一齊左就要相愛珍惜，而一個幸福家庭背後，需要有一位賢淑既妻子支撐住整個家。所以店主用呢個店鋪名，衷心感激佢既太太，聽完之後，唔知大家去食呢度既蛋糕太，會唔會覺得太甜呢?…Read More

𝒞𝒽𝒾𝓃𝑒𝓈𝑒 𝒹𝓊𝓂𝓅𝒾𝓃𝑔 𝒽𝑜𝓊𝓈𝑒 𝒾𝓃 𝒮𝒽𝒶𝓂 𝒮𝒽𝓊𝒾 𝒫𝑜今日仍然係介紹小店，呢間餐廳係深水埗一個唔起眼既位置。店內坐既位置唔多，下午2點去到門口都仲有人等位。呢道最出名係自家製餃子🥟，可以揀煎餃或者湯餃，8隻$36，雙拼餃子就加$2。⭐洋蔥豬肉餃 （真心推介💛）呢款揀左煎餃，一上到黎d餃子兩面都煎得勁金黃勁靚😍咬開香脆既餃子皮裹面既湯汁爆晒出黎😍好驚喜。洋蔥就係用紫洋蔥，比較爽脆有口感同埋唔會煮得好淋，同豬肉既味道出奇地夾。點埋醋黎食好正。⭐白菜豬肉餃⭐香菇粟米雞肉餃湯餃揀左雙拼，佢既湯底係赤小豆粉葛豬骨湯，碗內都有𝘥切成粒粒既粉葛，湯底比較平實，好似屋企煲果𝘥。香菇雞肉餃既香菇味唔特出，不過粟米🌽好甜，整體味道好夾。而白菜豬肉餃就好𝘤𝘰𝘮𝘮𝘰𝘯，好住家𝘧𝘦𝘦𝘭，夠𝘫𝘶𝘪𝘤𝘺 好味😋📍家後𝗛𝗼𝗺𝗲𝘆深水埗基隆街𝟮𝟭𝟭號地舖…Read More

家後既餃子同芝士蛋糕口碑一向都好好！所以今日同朋友慕名而來😋我地叫左：1.雙拼煎餃：洋蔥豬肉餃、芫荽豬肉餃煎餃一到既時候已有驚喜: 香、大粒、煎得金黃但不油膩！每一粒都好足料，調味亦都岩岩好，唔會太咸或淡，Like!👍🏻2.雙拼湯餃：白菜豬肉餃、韭菜豬肉餃湯底仲有蕃茄同生菜，好有誠意😆👍🏻同樣地，粒粒都好足料，好味！😋全部餃子都係即場包的😋👍🏻3.我地兩個配套餐B：有是日飯團同飲品：飯團係用日本米既，料粒分明，濕度適中，醬油、爽口既牛蒡絲，配合得好好！4.滷水雞翼四隻：好入味，炆到冧哂，但肉質仲好嫩，雞皮又滑，入面一d血水都無！👍🏻5.抹茶芝士蛋糕同冧酒提子芝士蛋糕：其實係巴斯克芝士蛋糕來的！食到我地Lam Lam脷！大滿足！😋😋😋家後真係好特別，西式、中式、日式crossover, 每樣食物都好高質👍🏻😋😋推薦！👍🏻…Read More

嚟基隆街買布就買得多上網見到好多人都介紹呢間小店決定都去試一試😛🌟洋蔥豬肉餃+雲耳椰菜豬肉餃套餐（$57）餃子皮薄爆餡仲好juicy🥟好欣賞佢肉同菜嘅比例非常好 唔會太多肉好膩洋蔥豬肉餃係驚艷嘅真係估唔到爽甜嘅紫洋蔥包落餃子都咁夾雲耳椰菜都係比較爽口所以餃子咬落去好有口感 蔬菜嘅鮮甜味都好出🌟是日飯糰（跟餐）揀左套餐B跟是日飯糰🍙嗰日係健康嘅牛蒡豬肉飯糰平日啲飯糰餡喺晒中間好驚食到尾剩返白飯但呢度嘅飯糰一定唔會令你失望😎調好味嘅牛蒡豬肉同啲飯一齊搓成飯糰粒粒米都充滿牛蒡嘅香味🌟日式炸雞（$25）炸雞好有日本炸雞嘅感覺用上雞髀肉所以肉質嫩滑老闆推介我哋試埋點泰式甜辣醬嘅香港style食法😆中日fusion出黎都幾得意🌟秘制炸雞翼（$25）炸雞太好賣冇晒所以俾多2隻炸雞翼我地😂炸雞翼都幾正 隻隻都夠大隻而且炸粉夠脆夠薄 食多幾隻都仲得😛🌟是日油菜（$20）估唔到時菜除咗菜心生菜仲有津白津白索晒上湯真係夠晒鮮甜好食🌟日式手作芝士蛋糕（$25）食之前做過功課 知道依度芝士蛋糕好出名一試果然名不虛傳💕面頭焗得夠焦香但入面嘅cream cheese仲好濕潤食落去感覺比較light所以食晒成件都唔會好膩🌟即磨咖啡（跟餐+$10）咖啡香味撲鼻 配埋芝士蛋糕一齊食好夾-鋪頭坐位寬敞 而且老闆好客見到佢都同唔少客人有傾有講又介紹我哋佢嘅特別食法咁有心嘅小店真係要多多支持…Read More