King & I-Thai and Vietnamese (Closed)

星期六與姊妹到APM行街，即興入御泰坊吃午餐， 其實之前都有食過， 餐廳主打泰越菜， 我們坐在窗邊位置雖然有少少熱，但自然光滲入都幾舒適。午餐🥢 ～ 泰式鮮蝦金邊粉$92、 泰越小食拼盤$198、 綠寶寶$64、白雪山$64、 柑橘梳打$38、 椰汁紅豆冰$38。 ▫️泰式鮮蝦金邊粉🍝 ～ 炒得夠乾身，但味道唔夠酸，亦都唔夠甜。 ▫️泰越小食拼盤🍱 ～ 有串燒、雞翼、魚餅和春捲， 整體味道正常，但如果有炸蝦餅就更加好。 ▫️綠寶寶🫓 ～ 麵包布甸熱辣辣的，但口感帶點實。 ▫️白雪山🍧 ～ 梳乎厘裏面有雪糕， 但味道普通。▫️柑橘梳打🍹 ～ 酸酸甜甜，好解渴。 ▫️椰汁紅豆冰🥤 ～ 椰汁味好濃郁，紅豆又夠腍，味道不錯。 整體食物中規中矩， 但店員服務親切，店內環境舒適。 🏷️溫馨提示～ 整個用餐體驗均屬個人分享意見， 只作參考😊。 …Read More

(1) 泰式鮮蝦金邊粉有青檸、花生碎、豆腐乾、芽菜增加層次感。味道貼近港式口味，味道較為單一，餘韻亦沒有遞增。 (2) 香芒軟殼蟹米紙卷煙韌米紙卷上粒粒芒果、軟X蟹及米粉。沾上特製酸汁，是一道清新的涼菜。特別一提，米紙柔軟、有彈性和黏性，不會過乾或過濕。 (3) 泰式辣豬肉生菜包辛辣香料、紫洋蔥，令肉碎又甜又香。稍欠魚露、金不換及薄荷葉，進食過多會顯油膩。 整體來說，香料有揉合港式和泰式，重新調整，改良風味，去迎合大眾。 …Read More

🍚外賣詳情:見有優惠主餐牌菜式有7折抵食！大約等候食物時間15-20分鐘，即叫即整，餐廳門口外有幾張凳俾人坐低等外賣。無論買幾多外賣盒連膠袋都係另加2蚊每張單計。🍚食物質素:[👍🏻炭燒豬頸肉配辣椒汁 折後$62]炭燒味好出，好食到再買過，但第二次買豬頸肉偏肥油膩感很重，無第一次咁食但都比起好多舖頭好食。[👌🏻泰式辣豬肉生菜包折後 折後$62]生菜份量多清洗得乾淨，但叫左走辣得番酸味，普通都係九龍城嘅好食啲。[👌🏻鮮菠蘿雞粒炒飯 折後$76]冇咗堂食嘅菠蘿外殼賣相，但分量都多，但味道普普通通未去到必食！[👎🏻泰式鮮蝦金邊粉 折後$65]蝦無味冰鮮蝦黎，酸酸甜甜的味道。…Read More

因已有好一段時間都無同好朋友見面喇，而他們亦喜歡食泰國菜，所以小妹我就提議去之前食過，覺得出品相當唔錯，可以推介畀朋友食，喺觀塘apm嘅「御泰坊-泰越菜」食晚飯！一去到，好朋友話因我之前嚟食過，應該知道邊樣比較好食，所以就交畀小妹我去點菜！首先嚟嘅係鮮蝦扎肉米紙卷，材料相當足料，所以每件都脹卜卜咁，再配埋酸酸甜甜嘅醬汁一齊食，真係非常開胃清新呀！蒜蓉炒上素「就咁睇」個色澤賣相以為係好鹹，點知食落一啲都唔鹹，值得一讚！鮮菠蘿鷄柳炒飯係去食泰國餐基本必叫㗎，因除咗賣相吸引之外，豬肉鬆、腰果同提子乾嘅份量超級足料，差唔多舖滿整個飯面，我們要用匙羹掃開啲啲先可以影到芳香惹味嘅炒飯，再夾埋粒粒提子乾同腰果一齊食，令到口感更加豐富，真係好正呀！原隻泰式滷水豬手滷得非常入味，肉質極之鬆軟嫩滑，完全唔會有硬實實嘅感覺！因我們都係比較鍾意食酸甜惹味嘅味道，所以炒粉麵方面，我們都係揀咗酸酸甜甜嘅泰式鮮蝦金邊粉，金邊粉炒得都幾夠鑊氣同好乾身，食落唔會好油膩！香芒腰果炒牛柳粒嘅牛柳粒肉質相當鮮嫩多汁，而且份量係超多同有原件都幾厚身嘅芒果果肉，所以食落感覺特別香甜清新！到咗今晚主角中嘅主角海南鷄「半隻」出現喇，鷄皮嘅色澤相當金黃，肉質極之鮮味嫩滑，而且超肥美大隻，就算係半隻都差唔多好似一隻咁，最好就係無骨，食落「啖啖肉」咁，真係超正呀！越南咖哩牛腩牛筋嘅咖哩汁非常惹味濃郁，濃稠度亦調教得恰到好處，唔會過稠或過稀，牛腩嘅份量都幾多，而且好腍好入味！原隻燒魷魚燒到啱啱好，所以肉質相當爽滑彈牙，絕對唔會因燒到過度乾身，而變成好似「𡁻香口膠」咁！除咗食物出品值得讚賞之外，另外有個女經理亦特別值得一讚，就係佢嘅態度非常親切有禮，而且笑容滿面！…Read More

一共叫左5道菜 只有金邊粉同豬頸肉系ok 其他我諗唔到有咩特別 試過一次唔會再來 使但去九龍城其中一間泰菜館都隨時好食過呢間 價錢又貴又唔抵！d服務員收碟收到都好快，好似想你快d走甘！只可以講無下次！______________________________第一道菜-泰式鮮蝦金邊粉賣相正常，混合好花生同青檸 先食。味道不過不失第二道菜-鮮菠蘿雞柳炒飯名義上個名系會有好多菠蘿，點知來到得幾粒，仲要系個飯好細盆，菠蘿又唔大粒，真心失望！第三道菜-炭燒豬頸肉配辣椒汁叫左甘多道菜中，最滿意系呢道，肉質夠嫩唔會乾身，可惜個汁唔係平常食開配果隻，差少少第四道菜-泰式炭燒雞肉串唔建議叫  第一串肉質ok  之後3串都乾身又細塊  好難食！最後一道菜-馬拉盞通菜正正常常 ，系有d咸，同個人覺得唔夠辣，如果再辣d會好食d！…Read More

朋友相約聚餐，就黎到APM搵野食，原本打算食日式火鍋，可惜人太多，唔想排，見呢間御泰坊有位，可以即時入座，所以就改係呢間食泰菜。印象中之前大家都相約過係呢間食飯，食物味道唔差，所以改食呢間都冇異議。一坐低就即刻睇下點咩食。泰式鮮蝦金柚子沙律用小小既玻璃樽裝住，份量有D少，鮮蝦肉質爽口，柚子清而不苦，配以香脆既腰果和清新既蔬菜，作為前菜實在唔錯。馬拉盞通菜應該係好難會煮得難食既一道菜，除非D菜好老或者煮到好老，所以D醬汁穩定，份量適中就唔會出意外！呢碟馬拉盞通菜係穩陣之選，唔錯架~泰式鮮蝦金邊粉係用粉絲去炒，配以蝦肉、瓜絲、紅蘿蔔絲等，份量剛好，味道唔錯，又係穩陣之選，好快清碟！見餐廳推介星洲咖喱軟殼蟹南瓜盅，就叫咗黎試下，估唔到會咁令人失望南瓜盅先以小型南瓜掏空入面南瓜肉作為器皿盛載已切件既南瓜肉、軟殼蟹和咖喱。賣相唔差，但泛起既油光顯得有點油膩。食落發現南瓜同埋D咖喱味道唔夾，而且軟殼蟹咬落一陣油膱味，搞到個個停哂手，食唔落去，剩返好多！炭燒豬頸肉配辣椒汁係食東南亞菜必叫既！用炭燒呢個方法去烹調豬頸肉，令肉質留有獨特炭香味，配以辣椒汁更惹味！因為大家都仲未飽，所以叫咗碟馬拉盞炒西蘭花蓮藕，用馬拉盞炒菜，都係穩陣之選。蓮藕爽口，配以西蘭花，辣辣地又香口，又係好快清碟！唔記得呢杯叫咩名，朋友叫既，飲完覺得幾特別，好似中式糖水咁，幾滋潤！御泰坊花園，諗住用埋餐廳名，應該都係餐廳推介啦，點知一飲就覺得好大陣syrup既味道，甜咗少少。椰青，朋友表示十分解渴。因為呢個信用卡優惠，滿$500會減$200，所以就入咗黎食，貴就唔係好貴，但係食物質素就可以改善下~MENU…Read More

放工後去apm買野,順便即興約個舊同事食飯呢間餐廳又唔算太多人等位,我地就揀左食呢間泰國野~泰式鮮蝦金邊粉,色澤橙紅,炒得幾香口,加上花生碎&青檸汁,酸酸甜甜好開胃但份量就唔多,只有兩隻蝦香芒軟殼蟹米紙卷,米紙包住芒果,生菜,米粉,紅羅白絲&軟殼蟹,D芒果好甜,再點上酸酸辣辣嘅醬汁,味道好清新,好夾,又夠醒胃可惜軟殼蟹唔夠脆身,淋左少少.....甜咖喱羊排骨,D羊排骨煮得好淋,又好入味 完全無羊膻味…Read More

因為媽媽生日，見到呢間餐廳咁多好評，所以就揀左呢間，諗住同佢食好啲。餐廳環境唔錯，十二點三左右去到，餐廳冇乜人，而我係訂位時就同店員講明想安排卡位，坐到好舒服，所以擺設都幾靚。牆上面晝左畫，雖然冇乜泰國氣氛，不過都幾靚。香芒軟殼蟹米紙卷（$68）一共有8卷，每一卷都包得好實，入面有生菜，米粉同埋軟殼蟹。有兩隻汁可以點。軟殼蟹好香，好好食，加埋生菜同米粉清清地，正好中和返軟殼蟹，所以食落去覺得恰到好處。泰式辣豬肉生菜包（$62），有分大辣小辣同走辣，我叫左小辣因為屋企人唔係好食得辣，我自己就覺得一啲都唔辣。啲豬肉夾雜住少少肥肉，不過主要要係瘦嘅，我覺得肥瘦適中，加左辣椒同埋香茅等香料，用生菜包埋，正正常常一個生菜包。生菜好新鮮大大片，豬肉碎份量都OK。泰式鮮蝦金邊粉（$72），成碟好似得兩隻蝦，而且一碟份量唔算多，不過味道唔錯，甜甜地，唔算好油膩，而且少少濕濕地，因為我唔鍾意食太乾嘅炒粉，所以我覺得呢個唔錯。但份量多返少少會更好。椰青海鮮焗飯（$82）需時25分鐘，因為佢地係即刻開椰青即刻焗，不過食食下其他野呢個就正，所以都唔係真係等左好耐。個椰青係細細個個啲，唔好期望佢好大個，上面有青口同埋蝦，仲有魷魚之類，下面嘅飯就冇乜海鮮。個飯好香椰子味，我覺得好好食！飯嘅濕度同軟硬度都適中，而且我仲用食晒入面嘅椰子肉，好滑好好食！店員會主動幫你收野同埋加水，不過就好似求其左少少，而且冇乜笑容，不過整體服務態度都正常。呢間餐廳嘅食品都唔錯，雖然同九龍城嘅比較，呢個價位係可以有更高嘅質素，不過因為就腳同埋環境，我對呢間都滿意嘅！…Read More