Thaiology (Causeway Bay Plaza 2) (Closed)

見到有幾百個like，經openrice訂枱又有88折，就試吓。到達後，有4張窗口卡位，其中一張有4人坐，其他3張未有人，要求坐窗口，店員說已經比人訂左，我說我也有訂座，店員改口說是6人座🤔由6:15到9:10，4張枱只座了2張，仲要有1張係2人坐，我真的不明白為何要整晚hold起窗口位🤔餐廳是用QR code下單，6:15入座，8:00點了最後甜品，備註即起，但等到8:30都未有，再用手機掃QR，顯示我已經不能下單，因為限時2小時😳通知店員查單，他說我們未下單🤔同時已經過了2小時，只可以人手下單，我有理由懷疑我在8:15前的確巳下了單，不過由於系統自動在入座2小時後截單，所以同時cut走了最後點的甜品。總括，食物品質麻麻，環境一般，配合起來定價就稍為偏貴，加上看到有位都不開放，心𥚃更不爽😕我絕對有理由懷疑有幾百個like的原因🤔…Read More

📍 泰 Thaiology 🎗📍 銅鑼灣 𝗖𝗮𝘂𝘀𝗲𝘄𝗮𝘆 𝗕𝗮𝘆 • 銅鑼灣廣場2期6樓 (also in mong kok)〔 follow me on instagram @sikbaobaola ! ^^ 〕-< Thaiology > located in Causeway Bay is where you want to visit when you're craving classic Thai cuisine!If you can't make up your mind on what to order, just choose their sets which feature most of the classic dishes which you may want to try! They're also reasonable priced which makes them extra attractive.-(𝗦𝗲𝗲 𝗽𝗶𝗰𝘀 𝗯𝗲𝗹𝗼𝘄! ☟☟)=《泰 Thaiology》位於銅鑼灣廣場二期網上擁有不少好評，這天終於來試試看～-餐廳店面蠻大，座位也很多晚市時段開始不久，就差不多座無虛席了，真的很受歡迎😆-這晚點了一道生蝦刺身、一份已包含很多經典泰國菜式的二人套餐，吃得超滿足❤️-餐廳採用自助下單系統，使用上來簡單也方便-泰式生蝦刺身 ($128)Thai's shrimp sashimi去泰國餐廳一定會點的生蝦刺身～份量豐富，足足有十隻生蝦每隻味道都一樣鮮甜，肉質彈牙爽口配上蒜片、辣椒、泰式辣醬，又刺激又開胃=晚市二人套餐 Dinner set for two ($468)晚市二人套餐包括了不少餐點，而且價錢也蠻優惠，有選擇困難症的朋友不妨直接點這個🤣•明爐冬蔭功海鮮湯 Tom Yum seafood soup首先的是湯點，套餐包括椰汁雞湯，也可以以$12改配冬蔭公湯～每座客人桌上都放著火爐，看來明爐湯點是這裡必點菜式～以火爐座著，也能確保湯維持著熱燙狀態🔥冬蔭公湯味道偏甜、不太辣、容易入口裡面放入份量豐富的海鮮，包括兩隻大蝦、青口、魷魚等香料十足，每一勺都有滿滿的香料，吃上去特別惹味•青木瓜沙律 Green papaya salad說到泰式沙律，就一定是青木瓜沙律啦～•泰式炸魚餅 Fried fish cake小吃可選香茅雞翼/沙嗲串燒/炸魚餅這道炸魚餅味道可口，質感彈牙份量作為小吃或者前菜剛剛好呢•青咖哩雞 Green curry chicken咖哩又香又辣，質感濃稠幼滑雞肉份量多，肉質也蠻嫩多幾個人分享的話，不妨點一份跟咖哩最搭的薄餅或蒜蓉包😋•泰式炒雜菜 Thai stir-fried mixed vegetable單點蔬菜類的話肯定會點馬來盞炒通菜，可惜套餐包含的蔬菜並不是這個，也不可以改成其他但這個也不錯啦🤣，有西蘭花、椰菜花、芥蘭、玉米荀、蘆荀等，很惹味、帶微微辣味•泰式鮮蝦炒金邊粉 Pad Thai (+$28)套餐預設配有兩碗白飯或油飯，而我們則改成要金邊粉～份量蠻大，鑊氣十足，炒得很香其中有很多隻彈牙可口的大蝦🍤（本來配飯的話可以跟咖哩一起享用，咖哩吃起來就不會那麼寡了。但點餐的時候只顧著想吃金邊粉XD）•泰式奶茶 Thai milk tea (+$12)Asahi draught beer (+$58)套餐包含兩杯飲料，也可以以優惠價改配其他飲料，非常靈活～泰式奶茶原價$42，Asahi原價一杯$78，所以套餐改配的話很划算～•點套餐的話還可以加配甜點，但我們真的吃得太飽，留待下次再嚐吧🥺…Read More

泰國是另一個家鄉，這晚我來 Thaiology 解思鄉情懷，因為$468的二人套餐很豐富，正好迎合非常肚餓的同伴，我們亦追加了吃得更盡興。上菜很快，一下子來齊了，員工靈活，拿走玻璃隔板，二人用了四人桌枱面，才夠位上菜。青木瓜沙律爽口微酸，份量不少，作為前菜先填胃適當。明爐冬陰功海鮮湯 +$12最重要是明爐上，海鮮湯必須熱騰，大蝦有兩隻，小海鮮若干。泰式沙嗲四串（雞、豬）燒至微焦，大大肉粒，肉滑不嚡，口感粒粒的沙嗲如想像中。 海南雞賣相對板，皮爽肉滑，雞胸肉不嚡，配三款醬包括薑蓉、辣醬及黑油，水準不俗，值得找天午餐來吃個飯。泰式炒雜菜四色雜菜，炒得爽脆剛好。泰式鮮蝦炒金邊粉 +$28味道均衡豐富，乾濕度剛好。榴槤麻糬 +$28今晚的亮點，麻糬非常軟熟，榴槤味香，口感軟棉，好吃至停不了口，一客4粒我吃了3粒，哈哈！檸檬茶新鮮椰青 +$34位於銅鑼灣廣場二期，地點方便，環境算是寬敞，性價比合理。    …Read More

約朋友去銅鑼灣二期食飯永遠不用煩惱食咩，因為單單係呢一層都已經有三間餐廳！同朋友都幾想食泰國野，就去了呢間。餐廳內位置都多，而且坐得舒服，仲要性價比幾高！點了個$468有6道菜的2人餐，真係覺得豐富到3個人食都ok～🤣🌟$468二人套餐🌟🍢泰式沙嗲4串真係幾有驚喜，亦係我覺得最好食的。先說份量，每串肉粒都大大粒，外層燒得好香脆有碳香，雞肉肉質嫩，豬肉就厚香有咬口。🥘明爐冬蔭功海鮮湯最驚喜的是入面超多海鮮！有大大隻虎蝦、青口，虎蝦更加係彈口新鮮😋冬蔭功比較辣香惹味，好醒胃。🐟原條青檸明爐烏頭魚的魚肉幾新鮮，肉質嫩嫩的，配上散發淡香青檸的熱湯，真係幾滋味✨泰式鮮蝦炒金邊粉炒得好乾爽，味道是微微辣酸的，配上豆腐干、蝦、蛋等，格外香口。（仲有成4-5 隻蝦，超抵食！）🥕泰式炒雜菜都幾多菜款式，幾惹味香口。🥒青木瓜沙律的青瓜幾新鮮，食落去酸酸的夠曬開胃同朋友邊傾計邊食，真係好滿足！而且這裡的店員服務都好好👍🏼，一定再來～…Read More

泰國菜除了九龍城出名外，其實在鬧市中也有不少好店可去，當然質素上未必可以完全跟得上九龍城的水準，但起碼位置方便可暫時止渴，有些性價比更是算高，就好像銅鑼灣廣場二期內一間新近開業的泰國餐廳，單看偏華麗的裝修還以為會是高檔貨式，但望落餐牌其實價格尚算相宜，之前試過同一集團同層的日式和西式餐廳，其實也算是性價比之列，今趟當然試一下新店啦！店內設計以墨綠色為主調，配上啡色原木和金邊白雲石餐枱蠻有古典格調，座位間相距尚算闊落，私人空間充足，配上柔和燈光，在內用餐舒適優雅。細閱餐牌，以泰國餐廳來說選擇不算十分多但要有的都已經齊全，從必點的前菜泰式生蝦或沙律，到主食泰式咖喱和炒金邊粉均一應俱全，當中還有一些抵食套餐，涵蓋甚廣不用多想已能試齊多款泰式美食。先點來「公車腩霸」泰式生蝦刺身，份量不少有成10隻之多，單看賣相似是急凍刺身貨色，但入口仍算Q爽帶漿口，配上泰式醬汁添上酸辣和香料清新，辣勁餘韻頗強豐富了層次，開胃醒神。脆炸芝心蝦丸，一份兩件每件十分大粒，一切開芝士漿洶湧而出，熱辣辣十分療癒誘人。入口外脆內嫩，蝦肉爽口彈牙，唯芝士漿偏向韓式風味，奶粉味重而缺少了芝士應有的濃郁鹹香，個人覺得有點美中不足，但除此以外其實也算不俗。蒜香牛油雞翼，單骨雞翼一碟八件，炸得香脆又不會太乾，食起來亦較傳統的方便。入口蒜蓉味算突出唯牛油香略嫌不夠，感覺未能展現蒜蓉牛油雞翼的精髓，但味道還算不錯。黃咖喱牛肋條，黃咖喱配料甚多，內有番茄、豆角、西蘭花、椰菜花和不同的香料，感覺十分豐富。黃咖喱香滑順喉，辣度不強；牛肋條炆得鬆軟多汁，唯份量較少感覺不太夠喉，筆者還點來蒜蓉包蘸上咖喱汁同吃，香脆惹味，實行連咖喱汁也不浪費。原隻鹵水豬手，一端上來賣相震撼，$148有如此的份量實在驚喜，豬手炆得尚算入味，外皮軟腍帶咬口，肉甫鬆軟沒有臊味，蘸上滷水汁同吃口感異常豐盈。同盤還跟有一隻流心滷水蛋，畫龍點睛令整道菜更加完整，風味十足。泰式鮮蝦炒金邊粉，有齊蝦仁、豆乾、芽菜、蔥段、蛋絲、花生碎和辣椒碎，用料十足；金邊粉亦炒得有鑊氣夠乾身，酸甜適中不會像某些餐廳只有泰式雞醬的味道，調味做得不錯，入口Q軟帶韌性，口感多樣豐富，擠入一點青檸汁添上清新層次更為豐富。芒果糯米飯，最後當然要來一客泰式經典甜品作結尾，金黃的芒果熟度剛好，蜜甜厚肉，配上淋了椰漿熱辣辣的糯米飯，軟糯中帶著濃濃的椰香，少許的微鹹更突顯出芒果的甜美，相互交織出泰式風味，為整頓飯畫上了完美的句號。而除了除食品之外這裏的飲料也很出色，筆者就揀選了泰式奶茶，琥珀色的賣相對辦，入口冰涼奶香茶味適中，甜度剛好濃郁解渴。整餐出品的質素雖未算十分突出，但部分亦算到位，著實不俗。而且位處銅鑼灣交通方便，環境氣氛雅緻亦坐得舒適，定價在該區來說更是貼地，能夠間中止一下泰菜癮，絕對是一處好地方，值得推介一下。…Read More

放工同同事搵飯開想食正宗泰國菜，同事提議近近地試下係銅鑼灣廣場二期既Thaiology。餐廳地方唔算大，以泰國傳統既深綠色做主調，所以一入餐廳已經感受到久違既泰國風情。.脆炸蝦餅 💲88⭐️3.5/5叫左好多野食，先登場係泰國必點小食之一、一客四件既脆炸蝦餅。外脆內軟既蝦餅配上傳統泰式酸甜醬汁，永遠都係絕配。.泰式沙嗲串燒半打 💲108⭐️3.7/5泰式平民美食之一，去泰國夜市時必叫沙嗲串燒，肉既質素都係其次，鍾意食佢濃濃醬汁同焦香既碳火味。呢客餐廳大廚推薦既串燒拼盤，豬牛雞各兩枝，一客六枝兩個人分享剛好。醃製過既碳香肉串，配埋甜而不辣，帶點椰香既沙嗲醬一齊食十分滋味。.豬肉生菜包 💲88⭐️3.6/5泰式豬肉生菜包豬肉碎比想像中乾身不膩，唔似平日食開既豬肉包咁會食到滿口油脂。肉碎辣度比一般版本低，好適合平日唔食得辣既朋友仔。用手拿生菜放入肉碎捲好再食，咁先最夠風味。不過如果肉碎醬汁再多點應該會更惹味。.馬拉盞炒通菜 💲88⭐️3.6/5馬拉盞鹹香味十足，炒菜一流惹味，都係泰國必點菜式。蝦醬既鹹香配埋辣椒，通菜整體微微香辣，助飯/麵一流。.泰式鮮蝦炒金邊粉 💲98⭐️3.4/5鮮蝦炒金邊粉份量想像中多好多。雖然酸酸甜甜都算開胃，但因為叫左太多野兩個人食到呢份主食已經食唔到太多。金邊粉炒得好乾身，醬汁唔算濃，無咁油膩相對較健康。.芒果糯米飯 💲88⭐️3.4/5去泰國餐廳食飯點少得必點必食既芒果糯米飯。糯米飯上檯時係剛剛蒸起仲係熱辣辣，口感清甜軟糯。配埋秘製既椰漿同埋香甜泰國芒果一齊食，為一餐劃上完整句號。.青檸梳打 💲38蜂蜜龍眼蘆薈特飲 💲48.不專業食評nei.foodie…Read More

同朋友都好鍾意食泰國嘢，見這間都幾多人去，就去食下。2人晚餐真係超抵，而且食物超多！晚市2人套餐啱曬咩泰菜都想食，又有選擇困難症嘅人，$498 就可以成枱食物，有串燒、冬陰功、炒金邊粉、明爐🐟等，非常超值😍店員服務亦好好，見我們點了2人餐，就立即幫我們轉去4人枱，食得舒服d🌟泰式鮮蝦炒金邊粉炒得幾出色乾爽，配上絲絲蛋香，口感和味道都調得剛剛好。🥘明爐冬蔭功海鮮湯這款都好出色，入面超多海鮮，有蝦、青口、八爪魚🐙，蝦更加係海蝦來，食材quality太好了😍😍😍冬陰功湯超辣香，辣味較重，辣得來好過癮😋🥬泰式炒雜菜看似平平無奇嘅泰式炒雜菜，亦非常好味，炒得好香爽，而且好入味，估唔到菜都可以咁好食。🍢泰式咖哩串燒串燒同樣出色，無論是豬肉還是雞肉串，都出乎意料地厚肉，而且燒得外脆內軟，椰香creamy 沙爹汁更加係重點，配在一齊好好食🐟原條青檸明爐烏頭魚大大條魚配上熱香青檸湯和青口，魚肉厚實，非常抵食～青木瓜沙律都好辣香惹味～另外還加配了榴槤麻糬，入面的榴蓮真的非常濃香，軟軟texture好滋味下次可以叫多d人來一齊再食抵食套餐😋又好食又唔駛諗order咩～大滿足！…Read More

近排女小編鍾意咗食泰國菜😚所以就嚟到銅鑼灣嘅一間泰國菜試吓😛👅黃咖喱雞肉 $88黃咖喱係咁多咖喱裏面最唔辣嘅 唔係好食得辣嘅女小編食落都覺得唔係好辣😚佢嘅香料味偏重 好有地道嘅泰式風味😝雞肉嘅份量都幾多同埋幾嫩滑 仲有好多蔬菜 整體唔錯🥰👅泰式鮮蝦炒金邊粉 $88佢嘅金邊粉甜味比較突出 酸味就比較薄弱🤫唔係好食得出佢嘅辣味 不過整體調味都幾好😋😋佢嘅金邊粉亦都偏濕 鮮蝦幾爽彈 不過就略嫌鮮蝦嘅份量偏小 多啲就更好啦🤗👅泰式小食拼盤 $128佢有齊晒魚餅 蝦餅 春卷 雞翼同埋沙嗲串燒🤩最鍾意食佢嘅蝦餅😍蝦餅炸得好香脆 入面嘅蝦膠亦都好彈牙 蝦嘅份量都幾多🤤而佢嘅沙嗲串燒都幾好 沙嗲醬幾重花生味🥜不過就略嫌佢嘅雞同埋豬都有少少乾 其他小食就正正常常🤭👅香酥薄餅 $38呢個就正正常常 不過用嚟點咖喱好好食😛👅椰汁珍多冰 $48飲落都有啲甜 不過椰汁味都幾重😚整體來講呢度嘅泰國菜都唔錯😝環境都坐得幾舒服 鍾意食泰國菜嘅可以來一試🥰😋 好味：8.02/10🤑 價錢：7.65/10🤗 服務：7.78/10😝 環境：8.00/10😚 衞生：7.99/10🤩 整體：8.00/10…Read More

朋友介紹嘅一間泰國菜，位置其實幾方便，不過因為係樓上鋪嘅關係，所以平時行街都唔多覺眼。今次同朋友叫左 晚市二人套餐($398)，即係有椰汁雞湯、脆炸蝦餅、黃咖哩(牛肋條)、泰式炒雜菜、泰式鮮蝦炒金邊粉、凍檸茶*2、芒果糯米飯(套餐加配$28, 原價$78)，另外仲叫左炭燒大頭蝦(2隻)($78)、泰式沙嗲(豬/牛/雞)半打($88)、香酥薄餅($38)裝修都新式，而且夠乾淨企理，座位亦都坐得舒服椰汁雞湯：有個爐點埋火，咁就可以KEEP住個湯熱辣辣😉個湯裡面有加入左泰式香調入去，味道層次都幾豐富，入面仲有D番茄仔、菇類、雞肉等湯料可以食下😄脆炸蝦餅：最愛嘅小食之一，咬落彈牙爽口，而且一定要點埋個泰式醬黎食，好惹味香口，唔怕熱氣嘅話真係多多都食得到🤩泰式炒雜菜：雜菜份量都幾多，而且清新爽脆，加入左泰式調味料黎煮，所以又炒得幾惹味下😄炭燒大頭蝦：聞都聞得到燒得幾香，蝦背本身已經幫你切開一半，方便食用，大頭蝦肉質唔錯，而且蝦頭D膏味道都幾鮮甜😋泰式沙嗲(豬/牛/雞)半打：今次ORDER揀左豬牛雞各2串，串燒份量足，燒得少許微焦更加香口，而且鎖住肉汁唔會乾身，雞肉好嫩滑，牛肉就味道幾濃😋點埋上菜提供嘅沙嗲醬黎食，個醬汁仲要有D椰香味喺到，食落味道就更加出色😋泰式鮮蝦炒金邊粉：金邊粉幼滑可口，唔會痴埋一堆或者散晒，輕輕唧D青檸汁將個金邊粉提一提味，蝦嘅數量唔少，口感彈牙😋黃咖哩(牛肋條)：呢到個黃咖哩啱晒我口味，唔算太辣，而且辣得黎帶點香料味，所以個牛肋條都幾惹味下，如果煮得再軟腍D就更加正😉同埋估唔到佢裡面都幾多蔬菜下，碟黃咖哩都幾足料😄補張合照先😎香酥薄餅：既然有碟餸有咖哩汁，自自然然想叫份薄餅點黎食下😜薄餅烤得好香口酥軟，點埋個咖哩汁黎食就更加滋味😋芒果糯米飯：糯米飯份量比想像中多，口感煙煙韌韌啱啱好，加上椰奶漿同埋配合埋時令當造嘅香甜芒果一齊食，作為甜品真係一流😍凍檸茶：以金屬杯上，味道正常發揮，大大杯又夠冰凍，好啱而家熱天降溫飲用😄銅鑼灣區本身都好多唔同嘅選擇，而呢間上樓嘅餐廳就有質素得黎又唔算太貴，所以都係一個唔錯嘅選擇👍🏻而且呢到D職員都幾NICE，見到椰汁雞湯個火熄左，會好主動幫忙點返個火加熱，仲有因為D食物陸續送上，枱面冇位置可以再放，我地要求更換座位職員都好樂意安排，服務細心值得讚賞😍👍🏻補MENU…Read More

之前食過屬同一集團嘅Mini Friday同埋「日本野」, 兩間分別供應西餐同日式嘅食物質素味道唔錯。原來集團又再多一間泰菜餐廳「Thaiology」開左係銅鑼灣二期, 今晚就約丫妹去食dinner。只係平日晚, 接近7點多, 餐廳已經坐滿食客, 果然很有人氣。其中最抵食嘅當然係二人餐, 每項自選款式都好岩心水【晚市二人餐】$398冬陰功海鮮湯: 冬陰功湯熱辣辣上檯, 依然有個小火爐慢慢興住, 入面有兩大隻鮮甜爽口大蝦、青口等海鮮, 湯底酸酸辣辣, 味道濃郁惹味又開胃。醃酸辣鳳爪: 無骨鳳爪跟軟筋位相連, 口感爽脆, 酸味味又有少少辣。海南雞(半隻): 雞件已被去骨, 肉質很嫩很有雞味, 而且好厚肉, 雞皮富彈性, 配上三款海南雞醬油, 正!  泰式炒雜菜: 炒得頗有穫氣, 菜蔬、青豆類, 樣樣有d泰式鮮蝦炒金邊粉: 金邊粉有彈性, 唔會一pat pat, 味道甜甜地, 有大量炒蛋碎, 蝦很大隻又爽口, 再加入左類似素叉燒、芽菜, 食落很有層次。 套餐包兩杯 --- coffee/tea/汽水 (價值$18)補差價可轉特飲, 補左$20 order 泰式奶茶質感幼滑, 奶比例較重, 有泰國地道風味+$28 任選甜品一款芒果糯米飯: 芒果香甜多汁, 糯米飯濕潤有黏度, 再多少少椰奶會更好另外想試試呢度嘅咖哩, order左【咖哩炒軟殼蟹】HK$168咖哩份量好多, 蓋過了所有軟殼蟹, 大約有3隻軟殼蟹原隻開邊, 索左個咖哩汁, 甜甜地, 有淡淡椰香味, 唔食得辣嘅丫妹話有微辣, 但平時食得辣嘅我就唔太食得出。…Read More

好耐冇食泰國野lu, 今日又出左去銅鑼灣食好西~ 餐廳環境幾有情調，座位都幾闊幾舒服😸 同friend一人一個lunch set, 份量都多，我地兩個人係食唔晒嘅😂✨泰式鮮蝦炒金邊粉 - 上碟幾靚wo, d蝦都幾大隻幾爽口，個醬汁好夠味，但如果炒均少少會更好✨海南雞飯 - 好特別，俾埋雞翼同雞脾位我😂 d 雞都算滑，個油飯好香椰漿味，又唔會好油，仲好大碗👍飲品正常，服務都唔錯😺夜晚泥食應該會多d選擇，下次食下晚飯先~…Read More

💛近排聽聞Mini Friday開咗間姊妹店，都係良心小店😎當然係去試下撐下場啦💪🏻💪🏻食野款式其實真係好多，不過有選擇困難嘅我梗係揀個又抵食又多野嘅二人餐啦😂😂個餐有一個湯，前菜，主菜，炒菜，兩人份飯麵，同兩杯野飲~🥥揀咗➡️"椰汁雞湯"，椰汁味非常濃郁，加埋泰菜必有嘅香矛都真係幾惹味架，雖然雞肉唔算好鮮嫩，但係好入味，係抵食嘅😁前菜小食叫咗➡️"脆炸蝦餅"，呢個真心推介，外皮好脆又唔會太油膩，入面蝦肉非常彈牙，加埋泰式辣醬真係一流👍🏻主食揀咗➡️"青咖哩雞"，本來以為唔會太辣，但原來食落都幾辣架😂不過青咖哩其實都好香，雖然辣但係同雞用都幾夾架😜➡️"泰式炒雜菜"，除咗菜仲有菇同甘筍，食落都幾足料，味道微辣都唔錯架最後係兩人份嘅飯麵就揀咗➡️"泰式鮮蝦炒金邊粉" (唔知點解去完泰國cooking class之後對呢道菜情有獨鍾🤣🤣 唔知幾時先有得再去🥲)，份量黎講真心唔少，比平時叫一碟嘅份量應該仲多，味道方面金邊粉炒到好乾身，夠哂火喉，蝦都有5-6隻仲要好新鮮，真心唔錯，值得一試架😋🍹野飲就加錢叫咗個➡️"椰青" 同 "菠蘿梳打"，好清新解渴，家下咁熱大大杯就岩哂啦😆😆二人套餐 ($398)🔹椰汁雞湯🔸脆炸蝦餅🔹青咖哩雞🔸泰式炒雜菜🔹泰式鮮蝦炒金邊粉🔸椰青 (+24)🔹菠蘿梳打 (+$10)…Read More

夏天來臨有時熱到口寡寡就會想搵啲酸酸辣辣嘅嘢嚟食想食啲開胃啲嘅嘢就一定係泰國菜今次試食呢間餐廳Thaiology🌟今次點左個二人套餐🔸椰汁雞湯上菜時仍然係用火興煮個鍋所以成個湯熱辣辣香噴噴好香嘅椰汁味，酸酸地好開胃🔸脆炸蝦餅真係非常香脆可口而且蝦餅都幾大塊蝦餅入面唔係全部都係蝦膠入面有一啲細細粒嘅蝦肉增加蝦餅嘅香味同口感🔸黃咖喱牛肋條黃咖喱汁非常香甜濃郁牛肋條炆煮唔會太耐有牛肉汁嘅味道，又唔會硬掘掘🔸泰式炒雜菜上菜嘅時候，濃濃嘅魚露同蝦嘅香味雜菜炒得啱啱好，非常清新爽口🔸泰式鮮蝦炒金邊粉金邊粉味道酸酸甜甜鮮蝦同金邊粉嘅份量好多而且加咗隻蛋炒落去成個金邊粉非常香口🔸脆炸軟殼蟹（2隻）炸粉薄，兩隻軟殼蟹大隻而且兩隻軟殼蟹都非常多蟹膏…Read More

這晚朋友來銅鑼灣吃飯，選了這間樓上舖的泰國菜。選擇挺多的，且價錢相宜。最後點了生蝦刺身、鮮蝦柚子沙律、黃咖喱豬肉、香酥薄餅及鮮蝦炒金邊粉。這裡上菜速度快，下單後等了5-10分鐘便吃得！生蝦刺身蝦肉爽口，自家調製的醬汁辣得來很惹味；鮮蝦柚子沙律看似小小的一碟，但裏面的蝦肉也不少，加上辣醬調味，是很辣的前菜，哈哈。鮮蝦炒金邊粉，每次去到泰國餐廳都必點的，這裏的金邊粉醬汁調得比較辣，加上青檸汁，酸辣酸辣很不錯。黃咖喱豬肉相對辣度較溫和，不吃辣的人也可點來吃，裏面配上大量蔬菜，而豬肉則用上豬腩肉，肉質腍身，不錯；咖喱汁當然要配上薄餅沾著吃！另外還點了飲品兩杯，分別是菠蘿梳打及泰式珍多冰，友人點的椰汁珍多冰，椰奶味香濃，點了少甜甜度適中，是解辣良品哈哈。…Read More

疫情以來一直無機會外遊，悶得發慌。襯長假期的開始，今日就同好友選擇咗試一試這間新泰菜，當懷念下去泰國旅行之感吧！他們的餐牌上食物選擇都幾多，而且仲有套餐可揀，套餐內可選的亦唔錯，於是我哋就揀咗一個二人套餐。冬陰功海鮮湯酸辣味道適中，唔會死鹹，而且非常足料，有大蝦有青口，好飲。酸辣鳳爪沙律鳳爪每一隻都大大隻亦好爽口，酸辣調味都係剛剛好，配合青瓜絲一齊食，感覺清爽開胃。黃咖喱雞佢同一般咖喱有啲唔同，並唔係外邊被咖喱汁完全淹沒個種，佢有少少似「撈麵」式嘅咖喱，比較特別，味道都不錯。泰式炒雜菜味道正常，而且帶有少少鹹鮮味。泰式鮮蝦炒金邊粉非常有水準嘅一個金邊粉，蝦夠大隻，而且非常惹味。不過唔食得辣嘅朋友可能要提一提小辣或者將辣粉分開上。套餐加一後兩人一共四百零蚊，而食物質素亦好，下次再諗起泰國時，一定再返嚟幫襯。…Read More