水門泰式海南雞飯專門店

西九Food court整層8樓有大大小小數十間食店，琳瑯滿目，實在太多選擇，很難下決定。水門與眾不同地走上簡單、專業風格，門面就只掛上一個餐牌，使人一目暸然。店內亦衛生乾淨，讓人安心。 (忘了拍照，大家去其他blogger的post看看吧)我跟友人最愛吃海南雞，就索性叫了半隻雞加一碗油飯。以半隻無骨海南雞來說，份量尚可。60元半隻雞非常實惠，而其味道亦出奇地好，肉質嫰滑，皮薄脂肪少，入口無肥膩感。不過海南雞淨食會有淡而無味的感覺，因此標配兩小碗雞醬。店內唯一的海南雞醬，味道獨特，惹味非常，薑味出眾，伴有芫茜，稍有點辣，本來欲撈飯食，但有辣勁，便只好點雞食作罷。最後想介紹一下店內的飲品，泰式青檸梳汁($8)，相比附近飲料價格，實在是超抵價，還是原樽上的Singha soda water，於是我們貪小便宜地點了兩杯。可惜的是，老闆下青檸汁有點重手呢，酸得我喝不完。所以，如果你們也喝不了酸的話，建議提醒老闆輕手一點點，糖漿多一點呢~整體不錯，值得再去。…Read More

尋找美食之道，在於貴既餐廳要試，價廉物美的也要試，改變偏見長期都會有精彩發現。"西九龍中心"美食廣場特輯，唔經唔覺我已經寫到來第五篇。對於普羅大眾來講，呢度絕對係平民美食廣場，無怪乎日夜都人頭湧湧，座無虛席。巡完一圈要試的已經試左，好的劣的都有，正當打算離場再往下一區域尋找歡樂之際，我發現到一間低調又光猛企理的店，店的餐牌廣告簡單而清楚，與其他店的"家庭味濃"餐牌有所不同。先利益申報，泰國是我暫時最愛的鄰近旅遊國家，去曼谷+布吉應該超過二十次以上，那當然必定有試過曼谷馳名的水門海南雞啦，無論粉紅色衫，粉藍色衫，有供應串燒，苦瓜湯出名的，那一家我都一一試過。西九龍中心這一家，有兩個賣點，第一價錢，第二味道在價錢方面，一份泰式海南雞飯，賣$30 (轉做雞脾只需加$5)，怎麼啦？完全係佛心價來啦！你再望望"泰式青檸梳打"，又怎麼啦？原支泰國 Shigna Soda+青檸汁底，只賣$8 ？有時你去九龍城淨買一支Shigna Soda都分分鐘鐘收$10一支，如果去泰國菜館呢一個組合分分鐘收左你$29，足足係三倍價錢！我明我明，價錢幾吸引都好，都要講講味道，如果唔好食就幾平都無用，說到底，價錢多精彩也要看主角的。我吃過太多“意式油飯”(即係煮唔夠熟透的油飯)，水門這個油飯充滿油香黃薑味，完全恰到好處。然後要講講主角 - 雞 了，無論係選雞，以至烹調方面，都係令人感動的。我係"擦子膠控"(雞胸)，大家都會明白，呢個價錢絕對無可能用新鮮雞迎戰的，但冰鮮如果處理得好，也可以很精彩的，雞胸佢做到唔"鞋"喎，我仲傻豬豬咁走返去問店主"你唔係慢煮呀老闆"？！竟然咬落去仲可以有汁有質，真係唔錯了。最後，要講講整份海南雞，都需要一個很重要的配角 - "海南雞醬"，如果係新加坡海南雞，就會配備「新加坡雞飯醬油三寶」的黑醬油、薑蓉醬及辣椒醬。不過呢個係泰式海南雞，就配返泰式海南雞醬汁，呢個汁係重新調配過以迎合香港普羅大眾的口味的，因為正宗的會很辣很 Spicy，也很嗆喉的，但呢個汁係輕微減辣，大家都嚐到的惹味。我在 Openrice 其他有關"西九龍廣場"美食廣場的食評：十蚊四球, 我笑住俾錢 - 雪糕達人https://www.openrice.com/zh/hongkong/review/%E5%8D%81%E8%9A%8A%E5%9B%9B%E7%90%83-%E6%88%91%E7%AC%91%E4%BD%8F%E4%BF%BE%E9%8C%A2-e2948121良心幾錢一斤 ? 要讚的良心食肆 - 源興美食https://www.openrice.com/zh/hongkong/review/%E8%89%AF%E5%BF%83%E5%B9%BE%E9%8C%A2%E4%B8%80%E6%96%A4-%E8%A6%81%E8%AE%9A%E7%9A%84%E8%89%AF%E5%BF%83%E9%A3%9F%E8%82%86-e2948115糧尾天堂, 好有驚喜 - 味力曼谷https://www.openrice.com/zh/hongkong/review/%E7%B3%A7%E5%B0%BE%E5%A4%A9%E5%A0%82-%E5%A5%BD%E6%9C%89%E9%A9%9A%E5%96%9C-e2949002仍有很大的改善空間 - 雅典娜  https://www.openrice.com/zh/hongkong/review/%E4%BB%8D%E6%9C%89%E5%BE%88%E5%A4%A7%E7%9A%84%E6%94%B9%E5%96%84%E7%A9%BA%E9%96%93-e2950404…Read More