隆姐泰國美食館

家人生日去食泰國菜，佢地推介隆姐，貪佢抵食又正宗，即管去試下。5個人叫咗8樣野食，雖然碟碟都係幾十蚊，但份量都算多喇!去食泰國菜必叫生蝦，隻蝦好大隻，新鮮爽口，夾埋生蒜點埋啲汁酸酸辣辣好好食。掙扎咗一陣應該要芒果沙津定係青木爪沙津好，最後要咗後者，啲木瓜有啲硬，同埋有啲過辣。炸蝦餅，熱辣辣又香脆，好香口好好味。飛天通菜，辣度剛剛好，正常發揮。冬陰公湯，有大有小，侍應話小嘅4人份量，大嘅就6人，於是叫咗個大，點知嚟咗兩個小，佢話大嘅冬陰公湯係咁，我心諗咁咪即係8人份量。算啦，冬陰公湯都算足料，一兜有2隻大蝦，有啲菇，酸酸辣辣好開胃，不過要小心細細粒青色辣椒，食中辣到飛起。另外仲叫咗青咖哩雞，嗌咗個印度薄餅一齊點汁食，好香好好味，呢個唔辣嘅，可以中和番!蟹肉炒飯，食咗咁多濃味野，再食呢個好似冇乜味，比較失色。飯後有椰汁西米露送，5個人食咗$600幾蚊，夠飽大家都好滿意。…Read More

九龍城區泰國菜館有唔少選擇，今晚過到黎已經係10:00，於是揀左呢間尚有少少人氣既泰國菜館。隆姐位於衙前塱道向南角道方向既最盡頭，招牌黃底紅字大大個好易認。餐廳環境比較舊式茶餐廳既感覺，卡位如果後面張枱個人郁一郁都會整到你，所以如果想舒舒服服坐耐啲傾下計呢度未必滿足到你。餐牌上選擇好多，前菜沙律、海鮮、湯、甜品樣樣齊，一般泰國菜館有既呢度都有。亦有好多款已拼好既套餐可以選擇，我地都揀左個2人餐，有海鮮冬蔭公、飛天通菜、泰式鳳爪、蠔餅同兩杯特飲，由於我地唔想食蠔餅想食生蝦，所以膽粗粗咁問下阿姐可唔可以轉，佢可以比我地補返少少差價轉，如果你地套餐都餸唔岩食都可以試下問一問 酸梅冰 + 龍眼冰 - 酸梅冰好特別，真係成粒話梅溶左落去咁，甜甜地酸酸地又解渴，可以一試泰式生蝦 - 夾埋蒜頭辣椒，再點埋個汁，同平時食到一樣好味飛天通菜 + 泰式鳳爪 - 通菜炒得OK，青青地岩岩好，鳳爪普普通通海鮮冬蔭公湯 - 夠哂辣，入面仲有大蝦，好惹味，不過略嫌味精過多飲完個口好乾係咁飲水個餐大約$300左右2人份量剛剛好，記得如果個餐有餸唔岩不妨問一問阿姐可唔可以轉 隆姐響九龍城有2間分店，個人兩間都試過，覺得呢間比較正宗味道較優勝…Read More

星期一有同事生日,去左食泰國菜, 佢話見到呢間泰國菜好多人排隊等位,九龍城兩條街有兩間的,今次我們去唔係主店,係分店,唔知係咪星期一,又唔知係咪分店,所以冇人排隊喎,間店好小的,仕應都係泰國人,唔係好識講中文架.我們點左:泰式金邊粉上菜好快,份量唔算好大,但係好味喎,有蝦,芽菜,蛋,同事話呢個味好好味,勁鍾意鐵板蠔仔煎蛋蠔係好大隻架,唔係平時食開的蠔仔,仲要好肥美架,好正呀生蝦生蝦都好大隻架,好爽呀,加埋D特制的醬一齊食,GOOD冬蔭公湯(小)小以為唔多,但其實都有好多碗喎,有兩隻大蝦,好多大大件的菇,味道都幾好呀,酸酸辣辣咁燒豬頸肉賣相好靚,都爽身呀,不過我覺得佢肥左少少呀馬拉盞炒通菜呢個菜都好青綠,馬拉盞唔算好突出蒜蓉包(兩客)好大件的,一客有四件,好香口,好脆呀,加埋咖喱一齊食好夾好好味呀黃咖喱雞賣相失色左啦,好淺的顏色,味道都唔係好突出,普通,唔辣架,雞肉都好多,都淋身的,仲有青椒飲品:芒果冰,菠蘿冰,青檸冰,珍多冰芒果冰好好飲,係好沙好滑的,透心涼呀後加:魷魚沙律這個沙律看樣子是沒甚麼的,但原來辣到飛起,同事食左一塊生菜,充滿辣汁,可以維持左好耐都未散呀,魷魚都好大件及爽口的,好味呀泰式拼盤有四樣,春卷,魚餅,炸魚餅及魚蛋吧, 春卷好熱好香好脆,入面係一些芋頭,肉之類,好香好食,其它的OK.我們食左好多嘢,埋單都係800幾,好抵呀. …Read More

師傅約埋食神就行去攞位, 食神嫂稍後先到; 食神嫂推介位於南角道嘅食店, 去到後發現真的人頭湧湧, 攞左飛要等十幾張枱先到, 由於街上非常炎熱, 加上師傅同食神都係怕熱之人, 於是行左過隔離間酒吧, 飲番杯啤一啤, 實行邊飲邊等; 大約半粒後鐘再去問下, 先至去左三張枱, 其時食神嫂亦差不多到達, 見到咁多人後, 於是就帶路黎左呢間食店!同一間食店但隔一條街, 人流竟然有天淵之別, 呢間食店只需要等兩張枱, 所以大約等多十分鐘就可以入座; 由於已經接近九點, 大家都十分肚餓, 所以喺等位時已經諗定要食咩! 一坐底即刻落單, 一口氣柯打左七款菜式, 有冬蔭公, 泰式生蝦, 青木瓜沙律, 泰式燒豬頸肉, 蒜蓉包, 炒通菜同埋咖哩豬肉!閒談一陣後, 熱辣辣嘅冬蔭公首先登場, 淨係望埋去個賣相已經覺得十分之得, 令師傅十分期待, 再試下個湯, 入口酸酸辣辣, 酸味比辣味更重, 但唔會令人生厭, 非常惹味, 作為第一道菜真的十分開胃; 加上海鮮十分鮮甜, 師傅前後食左一隻蝦, 而每次都只得半隻, 何解? 皆因蝦係開邊煮, 蝦肉係十分爽口鮮甜, 蝦膏亦甚多, 而開邊煮真的非常方便進食, 第一道菜能有此水準, 已經令師傅留下深刻印象!接住落黎就係泰式生蝦, 泰式生蝦師傅都食得多, 皆因閒時有些酒吧亦不時有此小食, 但就從未見過有兩食, 何謂兩食? 第一食固名思義係泰式生蝦, 亦即係平時食開嘅去左殼刺身蝦, 而第二食就係炸蝦頭! 先講第一食, 泰式生蝦都算幾大隻, 入口十分爽口, 而肉身真的十分鮮甜, 冰冰凍凍再配上泰式醬汁, 確實係香辣爽口惹味; 而第二食炸蝦頭係炸得非常鬆脆, 而且唔油, 仲要係成隻蝦頭吞得晒落肚, 唔會有一忽係食唔到, 真係非常之正, 師傅覺得絕對係必食推介! 青木瓜沙律由好多青木瓜絲同蝦仔組合而成, 青木瓜係十分爽口, 食得到好重木瓜味, 而且味道清甜但唔辣, 如果再辣少少相信會更加好味, 這道菜亦算不錯; 泰式燒豬頸肉切得唔算太厚亦不太薄, 洽到好處, 加上燒得十分香脆, 外肥肉軟, 而肉身就好爽口, 絕對唔肥, 入口唔會成口油, 再點少少醬汁仲更惹味, 師傅覺得呢道亦係必食推介! 炒通菜嘅通菜亦十分嫩綠, 入口就爽但唔硬, 師傅覺得油左少少, 但未算過份, 可以啦!最後係蒜蓉包, 蒜蓉包係大大個, 烘得十分之脆, 但入口係非常之鬆軟, 唔會勁硬, 而且蒜蓉勁香, 就連一向對包冇咩好感嘅師傅亦讚不絕口, 呢個蒜蓉包亦屬必吃; 食蒜蓉包最好配上咖哩, 是次揀左咖哩豬肉, 咖哩真係好香, 食得出咖哩係落左椰汁, 所以除左香之外亦甚滑, 不過可惜唔多夠辣, 似萄國汁多過咖哩汁, 而豬肉十分鬆軟, 成個咖哩絕對合格! 飯後仲有一甜品送, 不過師傅就麻麻地,所以冇咩點食!總括黎講食物質素非常出色, 環境清潔乾淨, 服務態度友善, 價錢十分經濟, 三個人埋單三百六, 每人百二, 絕對係非常抵食! 能夠令師傅一餐裡有三個必食推介, 可想而知呢間食店一d都唔惹少, 雖然係第一分店, 斷估水準唔會差過總店好多啩, 如果大家都係咁嘅水準就唔使一定要去嗰間啦; 笑臉一定會比, 可以的話師傅會比個大笑佢添, 呢間食店絕對值得番啅!…Read More