Cambo Thai Restaurant

🥣🇹🇭🥢九龍城冇人排隊嘅泰國菜去食泰菜去左九龍城，行左2間都要等位又見餓，是但入左間吾洗等位嘅，明白點解吾洗等位。。。▫️免加一▫️qr code落單🆗冬陰功（細）🍲-$88冬陰公用明爐上，有個小火熱住個湯，配料有一隻開邊大蝦，但感覺吾太新鮮，另有草菇及番茄。個冬陰功湯有啲粉，尤其飲到最尾時會有沙沙口感，感覺偏辣。☑️泰式乾炒金邊粉🍤-$73金邊粉炒得幾有鑊氣，夠乾身，調味都唔錯幾惹味，蝦只有兩隻，其他配料有火腿，芽菜、雞蛋及豆腐乾。🆗青咖哩軟殼蟹🦀-$118軟殼蟹同青咖哩會分開上，避免浸淋，青咖哩一大鍋明爐上，椰汁味濃但冇咩咖哩味，入面有豆角同圓型嘅茄子，茄子生生地吾係幾入味，豆角好d。軟殼蟹吾錯，脆口量多，點汁食吾錯。🆗蒜蓉包🥖-$32叫黎點青咖哩的。2件法包，就甘食超級硬，一家要浸湯點汁，都有蒜蓉味。🔘三色冰🍸-$28係我飲過最難飲嘅三色冰😂😂個味好怪，吾似椰汁味，感覺溝咗好多水，另外叫咗少冰都好多冰。…Read More

回港第一餐估唔到係泰國菜思鄉病又發作啦🤣🤣🤣泰式炒金邊粉 $73泰式炸蝦餅 $66香茅豬扒飯 $58椰青 $40菠蘿梳打冰 $28簡簡單單嘅一頓晚餐，填飽了胃和肚之餘😋😋😋，亦填滿了小妹對鄉下嘅思念😂😂😂…Read More

來到九龍城諗住搵間泰菜食，金寶算係有歷史嘅泰菜餐廳。見到有位唔使等就入去試一下。坐低用手機點餐，點了牛肉撈麵泰式炒金邊粉，加錢叫左菠蘿梳打同滴滴咖啡。泰式炒金邊粉雞蛋豬肉芽菜香蔥，仲有一隻蝦，用料一般，味道中規中矩，不過不失。牛肉撈麵份量好少，牛肉微溫，有少少過熟。作為正餐應該會唔夠飽。菠蘿梳打同咖啡係正常，冇乜突出之處。總括而言，價錢中等，味道一般，份量較細。見網上好多留言話服務一般，不過今次係手機落單，無太多交流。…Read More

去到九龍城就會諗到泰國菜🇹🇭見到呢間幾多人排隊就一於試下🤪🤪除左泰國菜🇹🇭仲有越南菜🇻🇳（10分為滿分：🌕）味道：🌕🌕🌕🌕🌕🌕🌕🌖🌑🌑泰式炒金邊粉($73)呢個係食泰國菜必食既一個菜式，其實上到枱老實講覺得佢個賣相麻麻地，好似趕出菜咁炒出黎，因為基本上旁邊全部枱都有叫😂😂好明顯佢係一次過炒起再分碟上枱🙈🙈不過味道就唔錯既，酸酸甜甜好惹味，不過其實正常都好難食到個難食既金邊粉既😂😂惟一略嫌有啲細碟好快就食曬🫠🫠菠蘿焗飯($90)菠蘿焗飯上到枱就比佢既外形吸引住🫶🏻呢一道又係去食泰國野必嗌既菜式喇，大家都一定唔陌生😛😛😛上面鋪住3隻蝦蝦蝦🤣🤣🤣入面勁多菠蘿粒，加埋肉鬆撈飯，食下食下又一碗🙈🙈馬拉盞炒通菜($70)呢個菜炒出黎唔會話好油，但略嫌個馬拉盞味唔夠出，可以再濃味啲會岩我口味啲😂😂同埋都係比平時食其他泰國餐廳黎講細碟啲啲喇，好快就清曬🙈🙈🙈招牌甜品拼盤($115)呢個真心岩曬鍾意食泰式甜品既人，因為佢有齊曬大家平時會食個幾款，雖然我成日都講唔出每隻糕叫咩名😂😂😂紅豆糕，椰汁糕細細舊，一啖食到勁方便，亦都好煙韌🥰🥰然係芒果超清甜，加埋中間糯米飯，真係好似飛左去泰國咁☺️☺️價錢：🌕🌕🌕🌕🌕🌕🌕🌑🌑🌑價錢黎講中規中矩喇，唔算話好貴😝😝大部分都係小菜/飯麵係$70-$90左右😄😄不過以上枱份量黎講，個通菜同金邊粉稍為細份左啲，菠蘿炒飯個份量就足啲😝😝交通：🌕🌕🌕🌕🌕🌕🌕🌕🌕🌑🌑屯馬線開通左去九龍城就方便好多，所以都多左去個邊食野😆😆今次揸車去勁好彩係近九龍城廣場個邊有咪錶位，仲要一去到就泊到😎😎lucky lucky🥰🥰個人經驗個排車位最易有位，因為係一個鐘咪錶位黎😝😝如果泊唔到就要泊入九龍城停車場，不過要$25一個鐘🥲🥲環境：🌕🌕🌕🌕🌕🌕🌕🌑🌑🌑佢地呢間餐廳有成2個鋪位，本身佢比左一個近門口既位比我地，點知熱到飛起，因為長期開住對門🥲然後惟有request轉位，就轉左去另一間鋪，冷氣就涼好多，都闊落既，不過就好似有陣渠味，食食下慣左就聞唔到喇😂😂😂性價比：🌕🌕🌕🌕🌕🌕🌕🌖🌑🌑去得九龍城好多人都會去食泰國菜，呢間應該都算係比較出名，佢同時有泰國菜🇹🇭又有越南菜🇻🇳，岩曬食唔同款式既人，不過我就覺得份量比想像中細份，可能就係想你唔夠食可以叫多幾款試下😂😂😂…Read More

-{九龍城泰菜🥘}前排聖誕假期食得多西餐 要食翻啲亞洲野中和下口味🤪🤤泰式炒金邊粉🤤 ($68)入面有2隻蝦唔算鮮食落普通 炒得幾濕😙酸甜味都夠！👖褲評: 7/10🤤泰式通菜🤤($60)夠香口 份量好多~依個唔會伏😂👖褲評: 7.5/10🤤越式拼盤🤤($110)個拼盤嘅紙蝦卷好乾🥲要浸曬汁先蓋過倒種乾😢其他就發揮正常🧐👖褲評: 5/10野食正正常常！黎九龍城應該有其他更好嘅選擇☺️性價比: 8/10服務: 8/10環境: 8.8/10🚩 金寶泰國菜館 🚩地址: 九龍城衙前塱道25號 #fuudjai #fuudjai九龍城 #fuudjai東南亞菜…Read More

和5個朋友約埋一齊聚會，就揀定這間泰國菜。一早已經book位，七點到，場內已經有唔少客人，一到對完資料即有位，唔使齊人入座。九龍城地處偏僻，預左交通不太方便，店家留左一入門口張大枱比我地，隨便坐，十分闊落，店家服務態度很好，幾個朋友遲到，我兩個人先落座都冇收到異樣眼光，上菜快，收碟好及時，小食拼盤跟一兜香葉，我不明白點配搭，問店家，店家雖然忙都願意答復，中間遇到差人抄牌，店家仲大聲通知食客哈哈。食物方面，除了甜品，樣樣都好食，尤其是炒金邊粉，最令我眼前一亮，金邊粉口感非常好，絕對要一試冬陰功湯都好飲，叫個細份每人一碗小嘗味道，很暖心。最受歡迎要屬生菜包肉碎，好食到未黎得切影相已經清兜，不過分量偏少。甜品要攞出黎批評。特意叫左甜品拼盤，但冇樣好食，樣樣失色，唯一合格就係芒果糯米飯的芒果和紫米，淋上面的椰漿都略失色，連我在泰國機場買的芒果糯米飯都樣樣出色過佢。這間確實煮得好食，但這種好食是出邊（例如旺角）都食得到的程度，需唔需要特意入九龍城食就見仁見智，或者等宋王臺站開左會來得多d（宋王臺站就在呢間鋪隔離街）。…Read More

九龍城金寶泰國野*同男朋友食暈全港九*上星期四同男朋友飛南去九龍城食泰國菜，呢間金寶門面靚，野食多，食下佢。餐廳店員見到我們好有禮貌招呼我們入座，d座位都舒服，因為樓底高，所以感覺地方寛倘。叫左四個野食。招牌炸雞雞肉同菠蘿灑上酸甜汁，增加了味道層次，雞肉係炸既但都嫩滑，好開胃，似咕嚕肉。豬肉生菜包豬肉碎辣辣地好惹味🤤，生菜新鮮又中和返個豬油膩感，健康d。泰式炒金邊粉金邊粉彈牙，有口感，酸酸甜甜咁。另外有連雞蛋絲和豆卜絲一起炒。冬蔭公冬蔭公味道好濃～吾太辣岩晒我地，唔會太重椰奶味👍🏻，最緊要係海鮮料多，新鮮蝦無雪味。價錢都吾算貴，野食又ok，可以再幫襯。…Read More

之前住開九龍城，尼間金寶泰國餐廳都食過好多次。今次再黎食，就為佢打番篇食評啦。今次叫番我地平時食開既菜：泰式生菜包炒肉碎（豬），泰式炒金邊粉，馬拉盞炒椰菜苗，辣椒羔炒大蜆。首先，泰式炒生菜包炒肉碎（豬）必食👍👍極力推薦。尼間既肉碎用左檸檬葉同香草一齊炒，令到個味道好fresh,好清新，一點也不油膩。我真係好鍾意尼間既煮法😋😋生菜食晒，仲可以再添加👍第二，泰式炒金邊粉，唔使講，又係必食。甜甜酸酸甘，味道十分正宗。第三，馬拉盞炒椰菜苗，味道十分正宗。椰菜苗煮得岩岩好，唔會太淋又唔會太硬身，口感爽脆，再配埋馬拉盞醬汁，真係好野味。第四，辣椒羔炒大蜆，尼碟真係無得嘆。岩晒鍾意食海鮮同辣既我。大蜆新鮮，無沙，厚肉。再配埋佢個辣椒羔，味道係偏辣既咖哩汁，好鬼正。如果配埋法式包真係好正😋😋成餐飯依然keep到水準👍👍…Read More

以前成日出沒九龍城，覺得真係一個好特別既社區，你唔會見到好似倒模出黎周街都係藥房金鋪或者化妝店，算係一個難得冇咁商業化既地方！講到食泰國菜，通常都會諗起去九龍城，所以今日搵埋兩個朋友入九龍城食泰國菜！呢間金寶都算係老店啦！黎到見到入面裝修緊，以為摸門釘，好彩可以去隔離食。入面可以食泰國菜或者越式菜，啱啱去完越南旅行返黎就唔食越南菜啦，都係食返泰國菜啦！店入面裝潢簡單，牆上掛了不少畫，題字或相片。望落去都幾舒服。餐廳好有心思咁係餐紙印低教你點食越南傳統食物。坐低咗就梗係要睇下有咩食啦。酸辣脫骨鳳爪︰呢樣係每次去食泰國菜都好想叫既小食，酸酸地又不失泰國菜常有既辣，配搭香料一齊炮製，食落好開胃，爽口而且無骨，好方便。近排食得辣咗，覺得如果更辣就更好！咖喱鮮雞煲 (配法包)︰份量望落唔係好多，但係夠我地三個女仔食。法包輕輕用刀界開，方便我地用手分開，食既時候暖暖地，即係有整熱咗先上枱，一D都唔Hea，而且唔會好硬咬崩牙，拎黎點咖喱食係正既。入面D雞都唔少，而且唔會得雞胸肉，會有雞腿肉食。D咖喱幾甜下，唔係好辣，適合D唔鍾意重口味既人士。成煲咖喱雞係唔覺意既情況下食食下就冇哂！泰式炒金邊粉︰金邊粉配以鮮蝦、芽菜、蛋絲等炒至金黃，食落去甜甜地，爽口唔淋，而且食得出好有火候，但又唔會過份油，有水準。泰式拼盤 (細)︰朋友好想叫拼盤食下D泰國小食，所以叫咗碟細拼盤黎。細拼盤份量每樣三件，對我地黎講啱啱好！有香葉包雞、泰式蝦春卷、泰式炸蝦餅同埋泰式雞肉串。特別一提既係炸蝦餅夠彈牙，而泰式雞肉串燒得好香，濃濃既炭燒味，而且雞肉仲好嫩，點埋醬汁食好好味！香芒椰汁白糯米飯︰最後當然係食甜品啦！我地叫咗香芒椰汁白糯米飯呢樣泰式甜品，開頭都擔心宜家芒果唔係當造會好酸，不過食咗一舊就知諗多咗，一d都唔酸。白糯米飯上枱既時候都仲暖既，配埋椰汁，甜甜地，為呢一餐作一個美好既結尾。我地三個女仔最後食到好飽，埋單每人都唔駛百二蚊，好抵食！係九龍城搵食果然係一個唔錯既選擇~MENU…Read More

九龍城一向都係香港有正野食既地方，金寶泰國菜館梗係其中好食西既地方。入到去金寶，就感覺到係一間經典泰國餐廳。完全岩曬食飯食埋氣氛既人。坐位空間舒適，唔會話同隔離好近。同幾個朋友食，直情係一個小天地。今次叫左：1. 生蝦 一碟6隻，碟上佈滿唔小既辣椒，蒽，最緊要係好多好多既蒜蓉!!! 完全岩曬中意多蒜既我地，辣加埋蒜蓉香味，值得推介。2. 黃咖哩雞 黎到泰國餐廳，咖哩真係其中要食既一道餸。當中有得揀雞,牛 或者豬肉，今次我地就食左雞。估唔到既係雞肉同薯仔份量多，黃咖哩就偏甜小小。個人建議加碗飯送咖哩汁至合襯。3. 泰式炒金邊粉  酸酸辣辣甘好開胃，宜個都係我自已最中意既一道，金邊粉煙煙韌韌， 加埋雞蛋既香同滑，非常有咬口。4.  椰青飲品方面揀左15cm x 15cm 新鮮椰青，椰青汁飽滿，果肉一拔就食到，充滿椰香!!! 總括而言，下次一定會再黎過，繼續試埋其他既菜 …Read More