Da Moon-Thai Cafe & Restaurant

象月呢間泰國菜嘅lunch set好抵食！$60左右包埋前菜同野飲～前菜可以揀秘製青木瓜沙律/冬蔭功，青木瓜沙律好爽口，好開胃；冬蔭功嘅香料味好濃，酸酸地唔辣，細細碗，但都有菇同唔少香料&薑😙•🥢 泰式炒金邊粉 $58金邊粉唔會太濕，酸味都剛剛好，感覺幾正宗，旁邊有青檸、花生碎同辣椒碎，可按自己口味加落去撈埋一齊食～•🥢 泰式蟹肉炒飯 $62炒飯炒得乾身，粒粒分明，睇落唔多蟹肉，但食落蟹味都幾濃，再睇真啲原來幾多好幼嘅蟹肉絲，啖啖都有🤤 但如果保留返多少少蟹肉嘅質感會更好！…Read More

一直都想同男朋友試下象月，終於有機會☺️午市套餐幾抵食，包前菜主菜飲品，仲有得以優惠價錢加配小食，選擇都幾多～前菜可以揀青木瓜沙律／冬蔭功－青木瓜沙律開胃爽口，酸辣度好夠；冬蔭功亦好味道，但可能接近落場時間所以溫度唔夠熱。炒金邊粉好大份，有幾隻蝦同豆干幾足料，炒得偏濕但調味唔錯，撈埋花生粒同辣椒碎更好食。牛肉船麵有肥牛同炸豬皮，湯底帶甜就咁飲都幾好味，如果再多幾款配料會更吸引～秘製燒豬頸肉香口唔乾身，配咗類似酸梅醬嘅醬汁而唔係常見嘅泰式辣汁，幾特別。整體嚟講都係一間值得支持味道唔錯嘅泰菜小店，唯一可惜嘅係依度冇我最鍾意嘅泰式奶茶🙈…Read More

剛剛踏入秋天，天氣開始乾爽，適蓬星期六遇上好天氣，當然要登山放電，吸下新鮮空氣。由粉嶺行去大埔，輕輕鬆鬆就行完，到達大埔已經過左lunch時間，本身諗住食間西餐，點知去到摸門釘…..唯有四圍行下睇下有無其他餐廳岩食，就係咁….見到呢間價錢唔貴既黃店泰式餐廳，既然咁有緣，當然要試一試。入座果陣已經2點，距離仲有半小時餐廳就要中場休息，雖然過左時職員唔會趕人走，不過自己唔好意思阻人休息，所以快快脆食完閃人。午市套餐選擇唔少，炒粉、湯粉、客飯都有供應，包埋前菜同餐飲都唔過$60，最吸引既係最平加$8就有一個小食，真係岩哂1個人黎食飯既朋友。選擇困難症既我，最終揀左泰式炒金邊粉 $58熱辣辣、香噴噴上枱，份量都幾多，爽口大蝦都有5-7隻，不過唔夠鑊氣。朋友就揀左泰式肉碎煎蛋飯 $58朋友最愛食燶邊流心煎蛋，呢個蛋岩哂佢胃口；肉碎份量驚人，應該係其他餐廳既1.5-2倍，不過同炒粉一樣，唔夠鑊氣；味道唔會太辣。前菜 – 木瓜沙律、冬蔭功木瓜沙律夠爽脆，而且酸酸辣辣，開胃一流。冬蔭功有別平常飲開果d，椰汁味偏重，口感厚身，朋友表示岩佢心水。小食 – 燒泰式豬頸肉$8、炸蝦餅$8、札肉米紙卷$8本人中意食厚切豬頸肉，因為可以食番佢爽脆口感，但呢度切得幾薄，口感偏淋，燒味唔夠，連個醬汁都好奇怪，竟然係甜，同豬頸肉一d都唔襯。炸蝦餅正正常常。札肉米紙卷色彩繽紛，蔬菜爽脆新鮮，沾埋個酸汁，一定係運動後健康首選。餐桌上有提供酒精搓手液，食前搓一搓，唔會心慌慌。另外，餐廳裝修得唔錯，有好多月亮，配合番店名。不過，餐廳喇叭好差，每首歌隔一句就疾一下，聽得好唔順.....😂但整體都值得推薦比想平平地食泰菜既朋友。…Read More

在大埔區內吃泰菜的次數不算多今次在妹妹的提議下，和家人一起來試試這家新開業不久的象月！店面小小的，星期六晚未夠7pm都已全場爆滿！幸好妹妹預先訂座～食客較多，所以也設了用餐時限，是合理的時間限制～和家人用餐，點的食物都是較為大路的食品～泰式生蝦刺身，生蝦肉質爽口彈牙，味道鮮甜！醮泰式辣汁來吃，好滋味！辣汁沒有蓋過蝦的鮮甜呢～認真開胃！！軟殼蟹米紙卷，剛好前一晚吃了不好吃的米紙卷今晚吃到這款就覺得好好吃！擺盤一般，看不見軟殼蟹但味道方面，軟殼蟹香脆，味道不會過鹹加上各種蔬菜，口感清爽不油膩米紙卷薄身柔軟，質感不會韌～～馬拉盞炒通菜，吃泰菜時點蔬菜幾乎必點這款馬拉盞微辣夠惹味，通菜爽嫩脆綠，夠鑊氣！！青咖喱雞配薄餅，青咖喱雞還配有豆角和茄子青咖喱味道偏甜，幾乎沒辣味，但配薄餅來吃都好滋味！惜雞肉不夠嫩滑，略乾一點點薄餅有些焦了一點點，都可以接受質感都算酥化，但脆些會更好吃，稍稍偏稔身呢～泰式沙嗲串燒拼盤，雞牛豬各2串串燒燒得夠香，肉質不會乾身，微微帶點肉汁醃得夠入味沙嗲醬汁香濃惹味，推介秘製燒泰式豬頸肉，跟沙嗲串燒拼盤相比，豬頸肉這款略略被比下去豬頸肉的外層燒得焦香，肉質尚算稔身，但稍稍乾身微辣的醬汁都幾好味，但實在不夠沙嗲醬般惹味！泰式炒金邊粉，用蛋皮鋪面包裹著炒好的金邊粉雖然不是第一次見這樣的賣相，但這是我見過之中，蛋皮賣相做得最好～～不過整體擺盤還是有進步的空間啊！伴有花生碎﹑辣椒碎及青檸，可按個人口味來加入配料金邊粉的份量都算多，醬汁味道恰好，炒得都夠香夠乾身！生菜包，肉碎份量夠多肉碎帶肉汁，炒得夠香，辣度剛剛好爽脆的生菜包著香辣多汁的肉碎來吃，令人滿足～新鮮菠蘿炒飯，用菠蘿殼盛載上桌，飯和配料滿溢配料有菠蘿肉﹑蝦仁﹑魷魚﹑大量肉鬆，還有腰果﹑提子乾及雜豆菠蘿肉和提子乾的微甜令炒飯的味道不會太單調～這頓晚飯點的菜式都算多食物質素大都令人感到滿意呢～只是店面小小，座位稍為狹窄而已～…Read More

最近食得多日本野 今次黎食泰國野～我地7點左右到 本身以為要等位結果入面仲有空枱 太好啦真係好餓😭😂鋪頭係中型size 唔算好多位但坐都唔會好逼 不過枱面有啲細我地叫左三個餸都差啲放唔晒首先叫左個冬蔭公湯 價錢唔算平問佢portion size幾大 佢話5-6個人 但兩個都飲得晒 所以都照叫但其實上到黎既時候我覺得兩個人就飲岩岩好🤭佢有個爐仔係下面熱住個湯保溫👍🏻個湯都有好多海鮮我個人覺得個湯無一般個啲咁辣所以我自己好中意 好易入口 好快就飲左好多碗🤤本人係pad thai愛好者所以呢個係必點！首先擺盤好靚🤤 味道我都覺得幾好係我食過咁多間黎講既頭3位之一佢賣$68真係餐牌入面算平 可能因為佢無加海鮮個啲炒 但都真係可以一試！見到個湯無想像中咁大份就即刻叫多左個飯對我呢講個飯比起另外兩個有啲失色味道偏淡 菠蘿又得幾粒唔係唔好食既 但好普通無乜驚喜咁啦～——————————————————————總結係岩我自己個人口味既泰菜價錢公道 都有質素👍🏻門口有塊黑板寫滿加油說話💛都係大埔泰菜既一個好選擇👍🏻…Read More

大埔終於有泰式餐廳啦餐廳設計主題特別，燈同餐具都用左星球元素😍環境靚靚，同朋友食飯心情都靚啲！我地夜晚黎食，傾計坐到隔離都走曬：叫小食拼盤 ($98) 就可以食齊曬炸蝦餅、炸春卷、炸單骨雞翼、燒豬頸肉。香茅炸蒜辣炒軟殻蟹，食落香口、堅辣，我覺得偏鹹。夾到成大條辣椒。泰式炒金邊粉，我地二話不說撈埋乾蒜頭食。芒果沙冰，好味道，朋友試飲完都讚。（原本想飲西瓜沙冰，但買曬）總結，我覺得餐廳食物味道不錯，仲有好多菜式未試，會想再黎試過…Read More

大埔又有新開泰國菜餐廳喇 !  平日晚上大概 8 點 15 分去到門口, 唔知係岩岩新開未佈置好定點... 門口冇咩裝修, 亦都無餐牌. 齋睇門面, 唔係好吸引到人入去食餐廳內大概坐滿7成,裝修簡約舒服, 睇得出有放心思落裝修同佈置, d燈罩每個都唔同款, 好靚, 大家不妨欣賞下 ! 當日做緊 1664啤酒買一送一, 幾抵, 不過個晚冇飲到.地方乾淨, 樓面大概有3位侍應哥哥, 3個都係後生仔, 好有禮貌, 亦都好主動, 希望呢d服務態度可以一路keep住 😉我地2個人叫左3樣野食, 等左15-20分鍾就有得食 !泰式金邊粉 ($68)上菜個下有驚奇, 個擺盤好靚 ! 金邊粉望落得好少, 但摷開之後原來好大份, 不過蝦就得3隻味道唔錯, 但食開譚仔10小辣ge我覺得有d辣泰式生菜包 ($78)可以揀雞肉或豬肉, 我地揀左豬肉有肉汁, 唔乾, 幾大份, 比泰式金邊粉更加辣, 食唔到辣ge朋友要注意 ~沙爹豬肉串 ($18)我地叫雞肉串, 不過上錯左豬肉串~ $18有2串, 幾抵, 不過比較乾同硬... 有待改善象月整體唔錯, 2個人食到好飽, 仲食淨左少少野, 都係 $90 /人 !比起附近的泰國菜餐廳性價比更高, 絕對會再幫襯 ! …Read More