Fong Waa Parlour

一早係OpenRice book好枱，嚟芳華絕代同朋友慶祝生日🎂🎂一出地鐵站轉個靚彎🛣就見到佢青綠色💚💚嘅霓虹燈牌，一嚟梗係喺佢個燈牌前打個靚卡先啦📸📸 唔知個燈牌咩樣? 去食下你就知 @fongwaaparlour 因為book咗枱，入到去已經可以上1樓食野😂 冇咗掟飛鏢位😳而家仲多咗枱😆😆 掃QR code用App落單方便又快捷📲📲 之前食過芳華絕代，覺得好好食😂😂所以今次叫左好多野食😂 店員好快手，上到嚟啲嘢食又熱辣辣🔥🔥小食拼盤🍤 $98 (包咗蝦餅魚餅春卷同雞翼🤤🤤)豬頸肉🐷$98 勁惹味😍😍😍 串燒拼盤🍢🍢$54（牛雞豬六條）金邊粉🍜鹽燒烏頭魚🐟$188芒果糯米飯🥭🥭$39 全部都勁好食💛💛💛💛 *留意番烏頭要六點後先有我自己最鍾意呢，就係個小食拼盤同埋個串燒拼盤啦❤️❤️❤️我出名食肉獸😂😂小食拼盤啱啱炸起熱辣辣又夠脆口，串燒連埋個沙嗲醬一齊食超級好味😳😳😳 嘢飲叫咗珍多冰同荔枝菠蘿梳打🍹🍹 好好飲😍😍珍多冰椰奶味足，荔枝菠蘿梳打甜度適中👍🏻👍🏻臨尾食埋個芒果糯米飯就好似去咗轉泰國咁✈️✈️ 我哋拎咗蛋糕黎切，需要加收切餅費，只係$50，勁抵食👍🏻👍🏻 …查看更多

其實之前都有食過芳華絕代呢間泰國菜幾次不過都冇寫過食評同影相今次嚟食就記得影相喇💛食泰菜點會唔食生蝦呢？我鐘意呢間嘅生蝦夠新鮮肉質爽脆啲肉唔會霉爛或者未溶曬雪咁$88有8隻都好合理串燒拼盤係豬牛雞各兩串牛就普通雞就最juicy最好味喇生菜包係必食！佢啲香料落得足好惹味生菜俾嘅份量都啱啱好夠包曬啲肉嚟食呢點真好滾動💛（有時去啲店鋪生菜次次都唔夠包，最後要就咁食啲肉 或者拎嚟餸飯，真係no good架）不過提提大家，生菜包比較辣可以要求少辣喔炒金邊粉可以揀配蝦/ 雞肉/ 豬頸肉酸酸甜甜咁，好開胃👍碟邊有啲花生碎同埋辣粉俾你撈埋嚟食最like係佢夠曬熱辣辣另外要讚下啲員工都好好禮貌又好主動幫你收走啲碟服務一流👍…查看更多

𝕐𝕦𝕞𝕞𝕚𝕖𝕤•芳華絕代•太子| 泰式金邊粉 ★ ★ ★ ★ 4/5 | 泰式椰子雞麵 ★ ★ ★ ★ 4/5 廢中星期日去咗太子走九遍 晏晝肚餓就搵吓Mee附近有咩好食! *重點係星期日都有下午茶！本人表示唔使捱貴價感到開心🥳仲要裝修幾文青靚靚當然狗衝入去。每次去泰國餐廳,餐牌都唔望叫一碟炒金邊粉就知道佢乜料! 櫻花蝦仔,酸度,辣度,大蝦新鮮程度都不錯👍🏻 略嫌可以炒很再乾啲啲!!而我老闆嗰碗椰子雞湯面有震驚到我，佢似椰子冬陰功嘅感覺,好好味痴線! 佢個湯底冇得輸!一啖湯一啖面最後其實我食咗兩啖金邊粉就同老闆交換左碗麵食😂下次搵日夜晚試埋佢啲手工啤🥰…查看更多

💛好耐之前同咗五個朋友去芳華絕代食晚餐慶祝其中一位嘅生日😚 叫咗好多嘢食，呢度環境好大好舒服😆 佢門口有光飾，入面又播英文歌，但原來係食泰菜嘅，選擇都幾多💛🍢 小食拼盤包括雞翼、春卷、蝦餅、雞卷丸，小食多滋味😙🦀 咖喱軟殼蟹咖哩好香好味！軟殼蟹好大隻😆🥭 芒果糯米飯都算大份，芒果夠甜，飯夠煙韌👍🏻🍍 菠蘿炒飯有菠蘿、肉鬆、提子乾，酸酸甜甜好豐富💛🍝 泰式炒金邊粉條條分明又美觀，好味又開胃～而且仲唔會油膩～…查看更多

芳華絕代嘅霓虹燈可能係好多人鍾意嘅打卡點，我呢個肥毒去食晏就無點留意只掛住食啦。泰式金邊粉炒得條條分明，而椰子雞湯車仔麵就睇湯頭濃郁。午市有套餐揀完主菜加錢就可以要小食，滷水豬髀飯嘅豬髀份量好多而且非常軟嫩又唔會散開哂，滷水味唔算太重加埋個酸甜汁就剛剛好！至於蝦餅同素菜春卷不過不失，小食嚟講都唔錯。而紫薯鮮奶就味道較淡，如果紫薯份量多點應該會更香濃！芳華絕代嘅環境好好，座位闊絡又有落地大玻璃窗，加上各種霓虹燈，係一個有氣氛適合同朋友小聚嘅地方。…查看更多

早前同幾個朋友經過太子食飯，見到有間三層高嘅泰菜，個名好特別叫「芳華絕代」，雖然餐廳裝修簡單，但係四周佈滿很多霓虹燈的裝飾擺設可供打卡影相，現場見到不少男女擺出好型的甫士拍照。天氣太熱坐下來我們先叫了啤酒，接着朋友們開始點餸，餐廳用的公雞碗碟很特別），泰菜必食生菜包（生菜新鮮，豬肉除了少少辣味還有少少青檸味開胃醒神）、炸蝦餅（脆脆蝦餅內有細粒蝦肉）、沙嗲串燒雞、牛、羊（串燒配上野味的沙嗲醬正）、泰式燒豬頸肉、炒金邊粉、還有我的摯愛咖喱軟殼蟹（好惹味呵）、還有馬拉盞炒椰菜苗。吃完晚餐後我們便在店內四處拍照打卡。其實我們還有很多東西想試，希望下次再來幫襯。…查看更多

今晚同屋企人一齊出去食晚飯，見到我家姐介紹呢間泰國菜，初頭冇特別留意佢個樣，以為係一般泰國菜咁樣嘅裝修，但係見到入邊就充滿着霓虹燈，個樣就一啲都同以前嘅泰國菜好唔同，咁見到入邊有好多年青人嘅，咁就好明顯呢間係一間年青人做嘅餐廳啦，所以啲裝修都係會比較有格調一啲嘅，咁就唔會話太千篇一律，俾人個印象都其實係好良好，因為其實入邊餐廳嘅打卡位真係好多，食完飯可以用多少少時間嚟打卡，因為我今次同屋企人一齊嚟食，佢哋唔鍾意影相，咁就都冇特別晒好多時間喺度咁樣嘅。今次我哋三個人，咁就叫咗好多好多嘢食，因為我家姐早餐都未食，咁我只係朝頭早食咗少少野，咁直至到夜晚都冇食過嘢啦，所以其實我哋係好肚餓嘅情況之下食嘅，所以我哋叫得比較多，咁我唔會詳細咁講每一道菜啦，咁每樣就提點兩句咁樣啦。首先上咗個冬陰功湯，冬陰功湯其實係好飲嘅，而且都可以還原到喺泰國食嘅冬陰功嘅風味，所以冬陰功湯我會俾佢中上嘅分數。之後就嚟咗個墨魚角，我係第一次食嘅，我覺得好特別，而且個味道唔差，所以我會比滿分佢，尤其是鍾意食墨魚嘅人可能會真係好鍾意食嘅，因為佢入邊嘅墨魚嘅數量係好多嘅。咁我哋嗌左個小食拼盤，小食拼盤其實就個雞翼都好好食嘅，佢做咗單骨呀，所以佢都好體貼啲食客個儀態，另外素菜春卷仲有蝦餅嗰啲其實都好食嘅，所以蝦餅食得出其實係有啲蝦味嘅，就唔似好似平時出邊食嗰啲蝦餅好多粉。咁另外仲叫咗個泰式青木瓜沙律，我嫌佢唔夠辣，佢酸味比較重，所以我覺得個味道都係一般，係食唔番喺泰國食嗰隻青木瓜沙律，一嚟佢個青木瓜沙律唔夠辣，二來個味道其實係有少少偏離左。之後我哋仲叫咗個金邊粉，金邊粉就係炒得好食嘅，難怪咁多網友會有推薦啊，所以呢點到可能要refer返其他客人寫過嘅食評，睇吓佢哋點樣評價金邊粉啦，等我呢邊都唔詳細講太多，其實我覺得個炒金邊粉係好食嘅。另外仲有個生菜包，生菜包都係一樣嘅情況，都係覺得佢唔夠辣，但係我個人本身都鍾意食生菜包，之前食過其他一間餐廳食個生菜包佢係比較好重檸檬葉嘅味道，但係呢間就反而冇咗，咁佢都比較偏重鹹味咁樣，我覺得如果係生菜包入邊嘅肉其實都係偏向多啲辣其實係會好食啲，都會惹味啲嘅，所以我都會suggest辣少少會好啲咁樣。另外炒通菜其實食落去唔夠鑊氣，個感覺就似係先將個通菜白灼左，再拎返返去個鑊度再加番啲醬落去撈勻佢就算，但係我後期都打算將啲通菜食晒佢，但因為食咗好幾啖就係好大陣嗰啲辣味，都略嫌佢有啲撈得唔係好均勻，所以飛天通菜真係令到成餐飯扣左唔少分，希望餐廳都可以見到呢個評論之後好好改善下飛天通菜嘅問題。 另外飲品個方面就係我哋嗌左兩杯青檸梳打，一杯珍多冰，珍多冰就一般嘅，但係青檸梳打係太酸，我自己就用咗出邊嘅水再將我自己本身個杯梳打再溝多啲水，令到佢個酸味中和返，咁先至勉強飲到，咁我阿媽就冇溝到水嘅，咁佢都飲到一半都頂唔順，因為真係實在太酸，所以我覺得啲青檸汁可以落返少啲。另外仲有個甜品，芒果糯米飯，糯米飯顏色好特別，另外芒果係甜嘅，上菜嘅速度都算係快，所以我覺得芒果糯米飯其實可以話係爲成餐晚飯畫上完美嘅句號。最後講吓裝修，裝修方面其實係好嘅，背景音樂係播住廣東話歌，都係啲90後會熟悉嘅歌，好適合年輕人，另外上菜速度都算係快嘅，店員嘅服務態度係良好，起碼我有陣時有啲嘢想問嘅，咁佢哋都會隨傳隨到，咁語氣都唔係話唔好嘅，同埋見到同事之間玩得都開心嘅，但係因為我見到呢其實係佢哋有時玩到太癲，咁例如話同其他食客嗰啲咁樣，所以可能呢間餐廳有時都會有喧鬧情況出現，咁可能都會嚇親其他食客，咁只係個少少建議姐，咁就希望下次唔好再咁啦！…查看更多

今次再介紹抵錫黃店 其實之前已經黎過飲野同食宵夜 不過今次再戰就係食晚餐 冇令我失望～🤩雖然性價比唔算好高 但都好味道 而且同左幾個朋友一齊去可以試多啲野👻雖然每碟野份量唔算多 但最緊要係質素好 其實食既每一樣野都唔差😆個黃咖喱炒軟殼蟹香口 有啲新加坡個邊咖喱既風味 不過軟殼蟹略嫌唔脆 但用個香酥餅黎點咖喱食就一流🦀生蝦刺身就一貫新鮮好食🦐香葉肉碎煎蛋飯令人喜出望外 拮穿隻蛋 撈埋啲蛋汁落個飯到 加埋肉碎真係好正🍳蒜蓉包整得香脆 而且件件都有份量得黎充滿蒜香 我地encore左🖐🏿😻而串燒拼盤啲肉質甜美同嫩滑 豬頸肉同香茅雞翼都好出色 雞翼仲要係單骨 啱我呢種斯文人🍖甜品方面兩個都好正 我仲獨食左個西米糕 啖啖芋頭 一啲都唔偷工減料🍨成餐飯最麻麻地就係野飲 我試左珍多冰 椰味唔重 成杯野淡淡地好似水多過野飲🥛不過呢杯野飲唔會阻到我鍾意呢餐飯 因為真係幾好食 最好就多啲朋友一齊share試多幾樣野🤪…查看更多

話說好外甥係英國返嚟，我依個做舅父嘅點都要請佢食餐飯，所以約咗佢兩姊弟食個lunch，唔係舅父孤寒唔請din，係佢兩個真係好難約🤦🏻‍♂️用OpenRice訂位，但係去到都仲要等，因為依間野真係好旺好多人排隊...等左15分鐘左右，終於可以入座！馬上點餐😋滷水豬髀飯，真係唔錯，我覺得啲配菜仲好食過啲豬髀😂燒雞扒飯係外甥仔點嘅，我偷食咗佢一舊，燒得啱啱好，非常多肉汁😋泰式炒金邊粉，外甥女唔係咁鍾意食飯，通常都係食粉麵，我試咗少少味，有啲似炒公仔麵嘅feel🍝總括來講，咁嘅價錢有咁嘅質素，非常唔錯！而且依間餐廳，我眼見都係年輕人去主理，值得支持💪🏻…查看更多

港式霓虹設計風格完全深得我心啊，一心以為是港式小炒，結果完全反轉是泰菜耶 🇹🇭完全爆滿，下次一定要訂位。讓黃色經濟圈繼續興旺下去🔥當天我們沒有很餓，只單點了海南雞飯跟炒金邊粉。公雞碗承載泰國菜的fusion菜式這配搭太可愛🦩·📖《☝🏻捧着肚子走 What we ordered》海南雞蘸醬後味道剛剛好！雖然我很愛泰國菜，但太重口味我還是不行。調味適中👍🏻炒金邊粉油量適中，吃完不會嘴巴亮亮的👏🏻…查看更多