JJ Market Thai Restaurant

有friend 介紹呢間係APM 後面的樓上泰國菜。先上枱嘅鮮蝦冬陰功湯非常驚喜。個湯未必係最正宗但非常適合香港人口味 - 湯夠濃，酸辣適中。湯下面有小火暖著唔怕啲湯變涼。蝦肉是爽的，睇嚟應該幾新鮮。蝦餅炸得夠乾身（又唔記得咗應該相機食先) 柚子沙律加左好多小蝦乾同乾蔥，變得惹味。因為同枱朋友唔係好食得辣，所以飛天通菜指定叫咗小辣。Pad Thai 炒得比較濕身，但幾好味。最後甜品叫咗芒果糯米飯，芒果砌得非常靚，以$68 來講份量算大。…Read More

因為我係觀塘返工，所以觀塘既餐廳都試得7788，今次介紹既係泰國菜，係觀塘巧明街有一間質素可以既餐廳，係上年仲係附近開多一間分店。有泰國廚師擔任主廚，環境幾寬闊座位舒適，新店都一樣，佈置幾有泰國特色，同埋會播住泰國流行歌曲，好似有小小去左泰國既感覺。-🫕 例湯（👅: 7.5/10）未叫野食都會每人一碗，日日唔同，有冬瓜湯、紅蘿蔔湯，好飲在幾清甜唔會話好鹹好重味精。-1️⃣ 泰式炒金邊粉 💰72（👅: 8/10）份量好大碟，每次無論我食定朋友食都食唔哂。金邊粉好入味，味道係較酸甜，偏重味，幾開胃。炒得幾香口，粉炒得分明唔會痴實一舊，唔會太濕都唔會太乾身，食落幾煙韌，最好食係佢炒到有鑊氣，呢樣係好多金邊粉都做唔到既野，以前食過巴東夜市食過一個超好食既paithai就係好夠鑊氣。海鮮幾新鮮，有幾隻鮮蝦，食落爽口，唔會有雪味。-2️⃣ 翟道翟牛船河 💰72（👅: 7/10）飲得出個湯既牛味，幾濃偏甜，不過有比較有飲過仲好飲，湯算及格。雖然價錢貴小小但配料多，份量大會食唔哂，但呢個牛船河得總店先有，分店只有一個配料既牛船河。有5-6粒丸，食落算彈牙，肉有鮮牛肉同半生熟既肥牛，鮮牛肉唔錯不過半生熟既就比較韌身，口感最好既係炸豬皮，食落脆但一浸左湯就無左脆既口味。 -3️⃣ 雞絲冬蔭金邊粉 💰58（👅: 7.5/10）冬蔭公湯底，可嫁自選粉麵同餸，粉麵有河粉、金邊粉、手打烏冬同粉絲，餸有雞中翼、雞絲、鮮牛肉、牛肉丸、豬頸肉、扎肉、豬肉丸 。冬蔭公湯唔辣，飲到香茅味，有酸味有但我覺得唔夠，冬蔭公應該係要重味啲，同埋自己鍾意辣小小覺得唔夠辣。個人鍾意金邊粉個口感多過河粉，夠幼身食落唔會太軟有小小咬口。雞絲正常發揮唔會話太鞋。-☕ 泰式奶茶（👅: 7.5/10）因為平時鍾意飲港式熱奶茶，所以見有泰式奶茶就叫熱既，泰式奶茶既分別就係用泰色茶葉(通常係紅罐個種)加煉奶沖，所以飲落好似茶走，味道偏甜但仲可以接受，會飲到同港式唔同既茶香，茶味同奶味都出，呢間既泰式奶茶算幾好飲無過甜。-🌟試過幾間觀塘既泰國菜，呢間既質數算最高，最出色係pai thai，其他就正常質數，每次食都食唔哂因為份量都好多，而且佢午市有例湯又有野飲，未到要山長水遠一試但如果你好鍾意pai thai係可以一試。-👅味道: 7.5/10🍴環境: 7/10💰消費: $72 (服務費: NA)…Read More