Sun Thai Restaurant (Hing Wong Court)

👧🏻😋👅🍽✨泰國二人套餐超抵食 單點甜品更驚喜🤤-新泰東南亞餐廳🇭🇰 灣仔大王東街21-23號興旺閣地下至2樓 🇭🇰-🇹🇭 其實佢weekend都有七十幾蚊既午市套餐, 不過唔太岩當日口味, 加上佢二人餐再豐富D, 同埋都好經濟就揀左🇹🇭 餐廳有3層超多位, 我地坐2樓入面有超靚泰式裝修既大圓枱, 好岩一家人去食-🍱 二人套餐 $228✔️越式蝦米紙卷: 蝦肉好soft, 滑身米紙包住生菜同蝦肉再點辣汁好開胃✔️馬沙文牛腩: 咖喱汁好香, 洋蔥同薯仔煮得超腍, 牛腩好入味✔️馬拉盞炒通菜: 有鑊氣, 馬拉盞汁夠濃味但唔會過鹹, 醬汁收水岩岩好✔️印度烤餅: 同平時食既好唔同, 佢較乾身冇咁油, 但超酥脆好好味!!!✔️咖啡或茶兩杯: 餐飲可加$8轉椰汁冰, 椰子味重唔會過甜-🍢泰國街邊豬肉串 $68💯單叫豬肉串甜甜地好juicy, 四大串好大塊肉, $68好抵食!-🥧椰青斑戟 $55✨泰式甜品一向都唔會令人失望, 賣相似蛋糕仔, 咬落有濃濃椰香, 入面仲有椰肉碎同椰肉條, 又冇落好多糖, 熱辣辣超好味-🍵香茅茶 $33💯感冒未清就想飲熱野, 香茅茶唔係度度有, 餐飲冇得轉配都單叫杯, 另一杯餐飲就益老公飲多杯椰子冰🤣💯香茅切成小片狀, 一上碟已釋出怡人香氣, 甜甜地飲落喉嚨好舒服-…Read More

呢間Sun Thai Restaurant 喺平時都見好多人排隊，小弟都食過唔少次，身為普通嘅打工仔梗係食lunch sets 啦，今日就同大家介紹下佢。🍲椰香青檸海鮮海鮮湯粉絲 $75等咗好耐下先送到，一上枱椰香的確好濃，正唔正宗我就唔知，聞落好正咁。一食入口有陣酸酸地嘅味，應該係青檸，我鍾意食酸，覺得好開胃。比咗好多粉絲，撈埋湯一齊食其實好正嘅，但無可能齋食湯粉架嗎，可惜嘅係啲海鮮配料一般般，魷魚新鮮唔梅嘅，算係唯一亮點。仲有幾隻蝦，雖然係爽身但唔知點解有啲腥。跟住就係啲魚片蟹柳，唔駛講都知係普通嘢。飽就一定飽，雖然個湯我鍾竟，但抵食程度唔高，唔建議叫。☕️跟餐嘅熱奶茶一般～🍖泰國街邊豬肉串 跟餐加$28豬肉串本身甜甜哋，配送嘅啲醬汁要有啲辣，唔太啱我，整體普通唔覺得需要特登加$28去換🥘🍚星馬咖哩雞配白飯 $75今次係同事叫嘅，小弟之前都食過，感覺好好多，咖哩係偏甜果種，雞肉多都算嫩滑，中伏機會低好多。總括而言，價錢喺灣仔嚟講係算係平平哋，以我嘅經驗揀配飯嘅餐會正常好多，食佢唔好對佢有太大期望就好了。諗唔到食咩食佢就啱。…Read More

下星期冇得WFH喇，呢個星期真係要好好珍惜不在office的日子，好彩有晚市啫，做完嘢就仆到去灣仔尋尋覓覓，美食卻在燈火陰暗處，但間嘢幾大間又是是正正平時食泰國嘢好多時係食椰子海鮮飯，南瓜就第一次見，睇落好似勁爆海膽，其實係南瓜蓉，睇見都開胃食落仲唔惹小，海鮮非常足料大舊，飯又炒得爽身入味米紙外皮質感煙韌，胃民唔太欣賞，卻正中大胃下懷，貪佢夠晒似煙韌版嘅腸粉芒果肉幾甜，喺冬天喺講好難得，軟殼蟹夠晒脆卜卜，點埋刺激嘅醬汁一絕串燒不容小覷，真係好有街邊風味而無不及，啖啖肉，甜甜地又嫩口，點佢啲辣醬更加係泰國嗰種味喇呢度既然有酒飲，當然要叫返杯泰式風情嘅cocktail啦，有熱帶果味得嚟又不失酒香同薄荷味，cheers大胃都未見過走奶嘅泰茶，感覺好新穎員工都係泰國人，環境又勁有mood，仲使乜搭飛機吖？…Read More