Windmill Restaurant & Bar

今日同朋友喺沙田踩完單車，嚟到朋友介紹嘅西班牙餐廳 - 風車。餐廳嘅佈置充滿格調，中間有一盞宮庭水晶燈，而且座位寬闊舒適，啱曬同三五知己過嚟食嘢傾偈。首先出場嘅係意式田園沙律配煙燻鴨胸，煙燻嘅鴨胸肉質嫩滑，配上新鮮嘅沙律菜，雖然配搭簡單，但係味道清新，口感層次多樣。之後到今晚嘅主菜波士頓龍蝦意大利粉，龍蝦嘅肉質彈牙配搭蘑菇、洋蔥同埋蘆筍等嘅食材，加上煙韌嘅意粉，味道鮮味濃郁。跟住出場嘅仲有西班牙脆皮乳豬配彩椒汁，乳豬皮脆肉滑，同平時食嘅爐燒乳豬完全唔同。脆皮乳豬既皮又脆又薄，而脆皮下軟軟嘅乳豬肉，口感豐富。碟上仲配有乳豬醬同彩椒汁，可以一次過試曬兩種唔同嘅味道，加埋伴碟嘅薯仔，好好味呀！另外，我哋仲叫咗玫瑰咖啡 ，淡淡嘅玫瑰花香同咖啡嘅味道，為晚餐畫上完美嘅句號。…Read More

今日放工，約咗個朋友喺大圍食飯吹吹水，朋友介紹附近有間西餐廳可以一試。呢間餐廳離大圍地鐵站都好近，喺地鐵站行過嚟都係幾分鐘嘅路程。一坐低，侍應好快就遞上餐牌，餐牌裏面嘅食物花多眼亂，最後我哋選擇咗二人餐，既有牛扒，又有龍蝦意粉。前菜係意式田園沙律配煙鴨胸，新鮮嘅沙律菜配上沙律醋，酸酸地幾開胃。跟住嚟嘅係餐湯，我哋分別叫咗蘑菇湯同龍蝦湯，龍蝦湯味道濃郁，而且配上龍蝦肉⋯而主菜係紐西蘭肉眼扒配焦糖菠蘿同埋波士頓龍蝦意大利粉，先講肉眼扒，塊扒我哋叫咗七成熟，水準正常，切開都好juicy！配上焦糖菠蘿，非常醒胃，而且又可以減少肥膩感。另外，佢嘅薯條亦值得一讚，外脆內軟👍🏻最後係波士頓龍蝦意大利粉，呢個意粉真係要推介一下，大大隻龍蝦，意粉配上濃濃嘅龍蝦味，滿足！不得不讚呢個嘅服務，服務貼心，不時主動加水同埋收走食完嘅餐碟👍🏻…Read More

大圍真是一個好地方❣️每到晚上都有很多餐廳在營業,還有很多不同種類食肆選擇很不錯😆原本和朋友一起找個吃東西談心的地方,見到網上評論不錯就試試🤭環境有情調很舒適💫選擇了二人套餐價錢不貴很抵食👍意式田園沙律配煙燻鴨胸🌟鴨胸肉質嫩滑加入黑醋酸酸甜甜很開胃！龍蝦湯🌟味道很濃郁鮮甜加入滿滿龍蝦肉口感豐富很好味😋紐西蘭肉眼扒配焦糖菠蘿🌟牛扒七成熟很岩好,牛味濃郁肉質鮮嫩多汁加菠蘿一起吃可減少油膩感,很有驚喜的味道推介👍波士頓龍蝦意大利粉🌟龍蝦新鮮大隻肉質爽口彈牙加上濃郁芝士真是絕配很邪惡😍,意粉軟硬適中食落較為乾身。是日甜品椰汁蛋糕🌟椰子味香濃甜度適中令我一口接一口好味道😋水果茶🌟…Read More

今次平日放工食飯，揀左去呢間《風車》餐廳食飯，店內枱櫈闊落舒適。我們是二人用餐，BAR & RESTAURANT燈光比較暗，方便不想讓對方看清自己樣子的人來用餐😛🔶香煎阿拉斯加蟹肉餅 $99(Alaska Crab Cake)蟹肉十分足料，另配上兩塊香脆的多士，是令人滿足的前菜。菜式上碟賣相與餐牌幾乎一樣。.🔶法式燴羊膝 $199(Braised Lamb Shank in French Style)羊膝賣相非常吸引，有配上薯蓉、蕃茄、蘆筍，色彩豐富。羊膝入味而且非常嫩，是完全沒有強烈的羶味，醬汁味道配合，吃不停口。連平時不吃羊的人亦大讚！.🔶波士頓龍蝦意大利粉 $179(Baked Boston Lobster Spaghetti)龍蝦意粉會令人流口水🤤 龍蝦上面配有芝士，炒意粉軟硬適中、入味。.🔶Mocktail 2杯（無酒精飲品）1️⃣Apple Mojito - 有薄荷、有氣2️⃣Strawberry Colada.…Read More

為慶祝朋友升職，朋友推介大圍 風車，所以訂左枱好好甘慶祝下。我地都掛住傾計，都唔知食咩好，店員好貼心，推薦2人餐，岩曬我地尼d無所謂。 而且個2人晚餐，齊曬西餐既菜式，價錢又好合理，講下有咩食先：頭盤-「意式田園沙律配煙燻鴨胸」估唔到有好多片煙燻鴨胸，2個人食岩岩好，唔洗爭。沙律菜好多，而且酸度剛好，好開胃。湯-「紅湯」唔好以為係普通紅湯，飲落係有蕃茄蓉。「龍蝦湯」本身怕龍蝦湯會有腥腥地既味，但係飲完無覺得腥，而且發現個湯有龍蝦肉。如果愛濃湯既，建議飲龍蝦湯，因為味道偏濃。主菜-「紐西蘭肉眼扒配焦糖菠蘿」塊菠蘿好大塊，本身唔太鐘意食菠蘿，怕太酸，結果朋友話好好食好甜，粗粗地試左，真係好甜，而且菠蘿表面加埋焦糖燒過，所以食落表面係脆脆既。肉眼扒我地叫左7成熟，熟度剛好，而且大小剛好，配埋個燒汁，成件事好完滿。「波士頓龍蝦意大利粉」嘩嘩！係原隻開邊龍蝦，仲要用芝士焗嫁，好邪惡啊，但好好味，肉質彈牙。意粉係炒意，食落唔覺膩，配埋芝士龍蝦岩岩好。甜品-「朱古力蛋糕」份量剛剛好，本身怕好甜好膩，甜度岩岩好，而且中間有慕斯，中和番，整體唔錯。…Read More

今日放學難得黎到大圍，行行下搵到呢間隱世既西餐酒吧！一入去既格局已經好好feel 好適合一班朋友去傾計😀去飲酒又或者睇波我地叫左個肉眼扒 同埋 波士頓龍蝦意大利粉。個肉眼扒多汁又入味，叫5成熟真係岩岩好！然後個龍蝦又大又香，令個意粉好入味。然後今日撞岩其中一個客人生日，間餐廳專登播生日歌比個小朋友，感覺好窩心☺️最後既甜點：紫薯蛋糕真係一流，好好食，連我呢啲本來唔太鐘意紫薯既人都覺得好好食。下次有機會再去試下其他招牌😋…Read More

上次約了朋友在大圍吃lunch, 途經＂風車＂門口，被它的大餐牌內特色菜式吸引著。 它的價錢唔貴又多款式，所以今晚約朋友一齊去＂風車＂尋覓美食。 餐廳招牌光猛，遠處也看得見。 近門囗放置了一個玻璃酒櫃，餐廳天花也掛了一大盞水晶吊燈，讓人好像置身於5星級酒店餐廳一樣。 餐廳播放著柔柔音樂，牆上掛上大電視，坐位寛闊又舒適，在這環境中令人可以完全放鬆。先送上一份番茄茸脆法式麵包條，薄脆麵包抹上番茄茸，天然番茄果酸可清新味蕾。凱薩沙律(羅馬生菜夠新鮮，碎煙肉香脆)粟米湯(淡了一些，粟米味唔夠濃)法式龍蝦湯(龍蝦味濃，好飲)波士頓龍蝦意粉(龍蝦多膏又美味，令意粉也吸收了它鮮味)紐西蘭肉眼扒配焦糖菠蘿(煎到剛5成熟，外層焦香肉質嫩滑。 伴碟薯條炸到表層極香脆，再配上焦糖菠蘿，超美味。)熱情果芝士蛋糕(餐後一杯香濃熱茶，再配上酸甜熱情果芝士蛋糕，完美又美味一餐）…Read More

相約朋友在九龍塘又一城看電影後，便決定撘東鐵到這間大圍人氣西餐廳享用晚餐由地鐵站走過來只需要3分鐘，非常方便我們大概7:30到達餐廳，餐廳的外觀十分有格調，首先有大大的風車招牌，餐廳既像西餐廳又像酒吧餐廳採用開放式廚房，使空間感十足桌上已為我們擺放好餐具，侍應也立即給我們餐牌和提供清水，服務態度良好我們馬上點了一個二人套餐($338)5分鐘後，一碟餐前小吃馬上送到蕃茄蓉酸酸甜甜的，十分開胃，配會鬆脆的薄脆，份量剛剛好吃完小吃後，侍應便把凱薩沙拉送上沙律菜十分新鮮，沒有苦味，也不會因冷藏而過冷，配合火腿碎和芝士粉，十分惹味然後青豆湯送上這次是我第一次品質青豆湯，沒有青豆的草青味，鹹味適中，有淡淡的豆香，也有少少青豆蓉的口感，令我印象深刻朋友便喝龍蝦湯有不少龍蝦肉，份量絕不吝嗇龍蝦味十分濃烈，鹹度剛好，又一佳作第一個主菜到了肉眼扒有三分之二隻碟大，有十分有厚度我們點了5成熟，切開牛扒裏是紅色的，廚師將時間掌握得十分之好牛扒十分鮮嫩和很濃牛味，非常易咬開，配合少少脂肪部分，十分有油香焦糖波蘿也值得一讚波蘿非常多汁，配合焦糖片，更加香甜合配另外，朋友的龍蝦意麵也隨即送上龍蝦大概有大於半隻手掌，份量大龍蝦肉質十分鮮甜，意麵的麵質剛好跟餐配的咖啡和水果茶也陸續送上。水果茶有淡淡的桃香，十分清新最後侍應便呈上甜品熱情果味十分香濃清新整體而言，風車是一間十分有誠意的西餐廳侍應不時過來加水，也不像其他西餐廳般，一次過送上前菜湯主菜，他們會等食客吃完一樣才呈上下一樣，令食客不會感到急促有壓力風車已列入我最喜愛餐廳之一…Read More

最近，跟一位年輕的女生妹妹，為方便住在馬鞍山的她，走到大圍食飯，聽聞位於大圍積存街這間餐廳 <風車 Windmill Restaurant & Bar> 的西餐水準不錯呀！於是我們嘗試找找這間餐廳，我們由大圍港鐵站行過來大約五分鐘，先經過積富街及見到油站向右轉，餐廳位置頗為格攝，行到差不多街尾才見到，餐廳位於舊樓的地下，簷篷底下還見到有燕子雀巢，相信風水不錯，可帶旺餐廳的生意呢！酒吧西餐廳格局，這裡樓底算高，而且桌與桌之間有適當的空間感！供應的美食多元化，也供應多款酒類...！由於，當時我仍然咳得嚴重，避免刺激氣管，所以選擇食物及飲品時要份外小心！桌上備有岩鹽及黑椒粒！熱蘋果茶 $35店方簡單以紅茶配上蘋果糖漿！ 熱辣辣的水溫散發清香的茶味，夾雜蘋果糖漿的甜酸，口味不單調！Peach Cosmo $75這杯 Cocktail 加入 Vodka 伏特加，她飲完一整杯連面也紅了！ 混合 Peach & Cranberry jucie，入口甜甜地說不錯喝，之所以不經不覺飲完全杯！餐包 見到餐包上的醬汁看似泰式甜酸醬，原來是蕃茄莎莎醬，清新開胃加上麵包是脆卜卜兩者很合拍呀！白酒煮蜆配蒜蓉包 $79 塗滿牛油及香濃的蒜蓉包，滋味無比！比起剛才的餐包更勝一籌！白酒忌廉煮蜆的蜆肉雖然細粒，但是其肉質飽滿，而且白酒配合忌廉不算溜，令人食得滿足！秘魯豬腩仔配手工粟米餅 $72這款仔配手工粟米餅配上墨西哥醬，食起嚟帶點辣！開胃又惹味，豬腩肉肉質鬆化，整體很夾配！西班牙黑毛豬扒 $179 男店員很細心提醒我們要盡快食！值得一讚呀！黑毛豬扒既肉質厚身又夠大塊，還可保持 juicy！火候恰到好處！如果另有醬汁蘸上會更添滋味呢！波士頓龍蝦意大利粉 $159當店員送上來時香噴噴！  我們也急不及待想即時食呢！龍蝦雖然細隻，卻足夠二人份量，入口彈牙鮮甜，意粉乾身得來富彈性又夠入味！我們覺得這裏的美食富有水準， 令我們食得飽足又滿足呀！…Read More