小姪兒K仔牛一，話要食韓國燒烤，無奈肥肥家族最愛嗰間「秘苑」早年已結業
，XO爸B唯有另覓餐廳。咁啱週五同幾老表午膳時得知喺「金朝陽中心」消費即可登記做會員儲分享優惠，所以就喺名食廈揀咗間「伽倻韓國餐廳」黎試
。「伽倻」佔用面積全層，環境寬廣，裝潢簡樸，由於樓底極高
，人多都唔覺嘈雜。拍窗有一列早已坐滿食客o既二至四人卡位。大房內o既散座都好闊落，最緊要就係抽氣強勁，飯後唔會食到個身一陣味
。點菜全權交由壽星仔負責，應建議揀咗個四人用o既「H Set」套餐，包有烤特級肉眼扒一件、烤特級牛肋骨兩件、秘制烤牛助骨一份、烤大蝦四隻、鮮生菜配雜菜沙律、辣炆豬排骨年糕煲一個、中份海鮮煎蔥餅、鮮牛肉鍋麵、及四客甜品。另散叫「蛋拌生碎牛肉」、「滑豆腐海鮮辣煲」及兩份「韓國特級霜降牛肉」。寫好餸，客套o既姨姨先換上金爐，並著好火。
蛋拌生碎牛肉（$260）：生牛肉雖則外表砌到成朵花咁靚，可惜牛肉未完全解凍，入口仍有陣雪味
，撈入生蛋黃都未能增添潤滑，即使梨塊甜甜o既味道討好亦難以補救。滑豆腐海鮮辣煲（$138）：海鮮辣煲湯多料少，蜆仔同青口又老又嚡，加上湯底唔夠濃且唔夠辣，實屬失敗之作
。H Set餐（$1,690；四人用）：跟餐有多款前菜及沙律，真係冇諗到幾位疑似韓藉o既年輕服務生擺放於餐桌時不單粒聲唔出，不作簡介，個個仲要黑哂面
，唧都唔笑，態度也太過份了吧？！前菜中最香辣惹味就係兩款泡菜。個樣最清o既菠菜同芽菜都有陣苦澀味，個人覺得超唔掂。反而個雜菜沙律酸酸甜甜幾醒胃。大大杯o既生菜好夠新鮮爽脆
。咁多碟牛肉上枱時一樣係冇人講介邊款牛係咩部位，啲姐姐仔放哂啲生牛肉喺枱就行咗去
，見到不潔o既碗碟又唔會收走，除咗落單位姨姨最好人之外，當日服務可真謂九流
！請恕細佬眼力奇差，想對應返餐牌上o既彩圖都有啲難度，當中最易認相信係塊烤特級肉眼扒。K仔妹妹（C妹）一口咬落去，第一個反應就話「點解啲牛肉咁韌o既，自己好似未食過咁難咬o既牛肉喎」
，有同感o既大肥爸爸即認同C妹，仲話估唔佢人仔細細居然咁識食，勁搞笑！大家都冇諗到成個餐最好食竟然係色澤最瘀黑o既烤特級牛肋骨
。連骨上o既牛肋骨肉質最為鬆爽，而且肉汁豐厚，潤甜可口。切到有啲爛溶溶o既秘制烤牛助骨賣相已經唔多吸引，點知質感比肉眼扒仲要韌
，坊間眾多平價燒肉放題o既烤牛助骨都好睇好食過佢多多聲囉！韓國特級霜降牛肉（$360）：以推理估淨返嗰兩碟應該都係散叫o既韓國特級霜降牛肉，不過唔知大家有冇同感，覺得兩客牛肉o既件數同色差有啲奇怪呢
？！霜降牛肉o既雲石紋理雖然好睇，但不知為何煮極都好韌，大肥仲彈話所謂特級牛肉貴得一啲都唔值！講返個套餐先，四人餐只有四隻大蝦，XO爸B一向對蝦敏感，當然係好禮讓地俾啲細o既食啦
！海鮮煎蔥餅熱辣巧薄，皮脆餡鬆軟，個人只係略嫌唔多夠料。辣炆豬排骨年糕煲滾住上，故熱力十足，炆排骨軟腍入味，K仔一個人起碼食咗半煲咁多，唯一投訴個煲入面唔夠年糕佢食，小朋友真係率直得可愛
。鮮牛肉鍋麵由姐姐代煮，四人份量其實都可以分俾六人食用。牛肉鍋麵個牛骨湯底鮮香濃郁，麵條煙韌彈牙，牛肉軟薄惹味，滋味無窮
。套餐甜品可選朱古力雪糕、芒果雪糕或紅豆雪糕。細佬所揀o既朱古力雪糕有幼細o既冰沙墊底及朱古力餅碎灑面，清涼微甜，柔滑帶脆，好難得連席上三個大人都讚雪糕甜品杯美味有驚喜
。「伽倻韓國餐廳」位於銅鑼灣名牌食廈內，寬廣o既環境及食物高企之價格就夠哂高級，可惜服務生態度及菜式質量極為參差，當中「秘制烤牛助骨」外表不大吸引，且肉質厚韌，就連身邊兩位小朋友都話唔想返轉頭，當真希望餐店可加以檢討及作出改進。…Read More
，XO爸B唯有另覓餐廳。咁啱週五同幾老表午膳時得知喺「金朝陽中心」消費即可登記做會員儲分享優惠，所以就喺名食廈揀咗間「伽倻韓國餐廳」黎試。「伽倻」佔用面積全層，環境寬廣，裝潢簡樸，由於樓底極高，人多都唔覺嘈雜。拍窗有一列早已坐滿食客o既二至四人卡位。大房內o既散座都好闊落，最緊要就係抽氣強勁，飯後唔會食到個身一陣味。點菜全權交由壽星仔負責，應建議揀咗個四人用o既「H Set」套餐，包有烤特級肉眼扒一件、烤特級牛肋骨兩件、秘制烤牛助骨一份、烤大蝦四隻、鮮生菜配雜菜沙律、辣炆豬排骨年糕煲一個、中份海鮮煎蔥餅、鮮牛肉鍋麵、及四客甜品。另散叫「蛋拌生碎牛肉」、「滑豆腐海鮮辣煲」及兩份「韓國特級霜降牛肉」。寫好餸，客套o既姨姨先換上金爐，並著好火。蛋拌生碎牛肉（$260）：生牛肉雖則外表砌到成朵花咁靚，可惜牛肉未完全解凍，入口仍有陣雪味，撈入生蛋黃都未能增添潤滑，即使梨塊甜甜o既味道討好亦難以補救。滑豆腐海鮮辣煲（$138）：海鮮辣煲湯多料少，蜆仔同青口又老又嚡，加上湯底唔夠濃且唔夠辣，實屬失敗之作。H Set餐（$1,690；四人用）：跟餐有多款前菜及沙律，真係冇諗到幾位疑似韓藉o既年輕服務生擺放於餐桌時不單粒聲唔出，不作簡介，個個仲要黑哂面，唧都唔笑，態度也太過份了吧？！前菜中最香辣惹味就係兩款泡菜。個樣最清o既菠菜同芽菜都有陣苦澀味，個人覺得超唔掂。反而個雜菜沙律酸酸甜甜幾醒胃。大大杯o既生菜好夠新鮮爽脆。咁多碟牛肉上枱時一樣係冇人講介邊款牛係咩部位，啲姐姐仔放哂啲生牛肉喺枱就行咗去，見到不潔o既碗碟又唔會收走，除咗落單位姨姨最好人之外，當日服務可真謂九流！請恕細佬眼力奇差，想對應返餐牌上o既彩圖都有啲難度，當中最易認相信係塊烤特級肉眼扒。K仔妹妹（C妹）一口咬落去，第一個反應就話「點解啲牛肉咁韌o既，自己好似未食過咁難咬o既牛肉喎」，有同感o既大肥爸爸即認同C妹，仲話估唔佢人仔細細居然咁識食，勁搞笑！大家都冇諗到成個餐最好食竟然係色澤最瘀黑o既烤特級牛肋骨。連骨上o既牛肋骨肉質最為鬆爽，而且肉汁豐厚，潤甜可口。切到有啲爛溶溶o既秘制烤牛助骨賣相已經唔多吸引，點知質感比肉眼扒仲要韌，坊間眾多平價燒肉放題o既烤牛助骨都好睇好食過佢多多聲囉！韓國特級霜降牛肉（$360）：以推理估淨返嗰兩碟應該都係散叫o既韓國特級霜降牛肉，不過唔知大家有冇同感，覺得兩客牛肉o既件數同色差有啲奇怪呢？！霜降牛肉o既雲石紋理雖然好睇，但不知為何煮極都好韌，大肥仲彈話所謂特級牛肉貴得一啲都唔值！講返個套餐先，四人餐只有四隻大蝦，XO爸B一向對蝦敏感，當然係好禮讓地俾啲細o既食啦！海鮮煎蔥餅熱辣巧薄，皮脆餡鬆軟，個人只係略嫌唔多夠料。辣炆豬排骨年糕煲滾住上，故熱力十足，炆排骨軟腍入味，K仔一個人起碼食咗半煲咁多，唯一投訴個煲入面唔夠年糕佢食，小朋友真係率直得可愛。鮮牛肉鍋麵由姐姐代煮，四人份量其實都可以分俾六人食用。牛肉鍋麵個牛骨湯底鮮香濃郁，麵條煙韌彈牙，牛肉軟薄惹味，滋味無窮。套餐甜品可選朱古力雪糕、芒果雪糕或紅豆雪糕。細佬所揀o既朱古力雪糕有幼細o既冰沙墊底及朱古力餅碎灑面，清涼微甜，柔滑帶脆，好難得連席上三個大人都讚雪糕甜品杯美味有驚喜。「伽倻韓國餐廳」位於銅鑼灣名牌食廈內，寬廣o既環境及食物高企之價格就夠哂高級，可惜服務生態度及菜式質量極為參差，當中「秘制烤牛助骨」外表不大吸引，且肉質厚韌，就連身邊兩位小朋友都話唔想返轉頭，當真希望餐店可加以檢討及作出改進。…Read More
泡菜方面冇咩特別，都係d大路嘢特級肉眼扒我覺得一般，牛味唔太濃反而牛肋骨好味好多，經過醃製都仍然保留到牛味，又淋，呢個可以再encore
