桻之燒 (Closed)

呢間係位於東大街既居酒屋小店 好似都開業左幾耐:)之前係呢頭返工 間唔中lunch都一定會黎食佢既roll今晚路過呢一頭 就搏下無book位情況下有無walkin好好彩 星期日晚7點幾仲有一張枱order左之後大廚會即叫即製 所以可以傾下計 飲住酒慢慢enjoy the moment呢間小店唔大 staff唔多 staff亦好有禮貌燒元貝大廚處理得恰到好處 生熟度完美 唔會過生好似食緊刺身 又唔會過熟令到成隻元貝一梳梳肉調味又岩岩好 唔會搶哂元貝自身既鮮味個人覺得呢道菜值得一試甲羅燒呢款關鍵一定在於食材本身既質素 小店用料亦符合預期蟹膏蟹肉的味道好出 略嫌份量可以再大d 虎蝦多士蝦沒有雪味 多士大小適中 但係醬汁如果可以淡一點味道更好 同場有蟹肉多士 但我就沒有試了黑松露蒜香雜菌呢一道菜就有一點失望 基本上沒有黑松露香氣蒜味不足夠 似一道普通炒雜菌應該不會再試除左雜菌外 其他既菜式都係好出色絕對值得再同朋友黎食同埋推薦俾朋友! …Read More

今日等朋友收工個時係佢公司附近行咗好耐, 咁岩見到依間日本餐廳門面裝修簡單, 但係望入去又幾別緻, 好奇心之下就捉咗個朋友仔陪我試吓啦.餐廳職員非常有善, 一入座就放上熱茶同餐牌, 有好多種類嘅野食可以揀, 樣樣都想試嘅情況下就叫職員介紹一啲特色小菜俾我地試吓啦, 等食物嘅同時, 欣賞吓餐廳嘅裝修, 同日本嘅居酒屋好似, 而且牆身仲有清酒嘅貼紙做裝飾, 好有格調。食物方面我地叫左原隻有殼元貝$68, 清酒煮日本沙白$98, 一口生蠔x2 $42, 秘制手打鮮墨魚棒$58, 鹽燒鮮雞皮$32, 香燒黑豚六花腩$42, 香燒脆皮豆腐$32, 法式鮮蟹肉虎蝦烤多士$78, 燒汁鮮蠔燒飯團$68, 明太子茶漬飯$48, 燒蔥油卷$28.原隻有殼元貝 - 好大隻同好juicy 用咗少少牛油去燒, 味道清淡唔會搶咗元貝嘅鮮味。清酒煮日本沙白- 依個我俾滿分就咁睇個湯頭已經知道同其他餐廳嘅味精湯好大分別。好香嘅蕃茜味, 同埋飲落真係完全冇味精, 只有好鮮甜嘅海鮮味, 會令人停唔到口咁飲同埋最值得一讚嘅係沙白真係好肥美, 每一粒放入口都感受到佢脹卜卜同埋好多汁。一口生蠔 - 生蠔好新鮮, 而醬汁係蕃茄加少少檸檬味同香草味, 生蠔嘅鮮甜同醬汁嘅酸非常配合。秘制手打鮮墨魚棒- 依個又係驚喜之作, 估唔到佢會係用鮮墨魚肉卷住香茅黎燒, 一上菜已經俾佢嘅香味吸引, 香茅嘅味道入晒去鮮墨魚棒入面, 而且肉質好柔嫩, 感受到廚師手打墨魚肉嘅誠意。鹽燒鮮雞皮 - 本身朋友因為覺得雞皮會好肥又多油所以唔係好想食, 但係原來餐廳將雞皮嘅肥同油都去晒, 咬落去一啲油膩感都冇, 只有好香脆嘅口感, 而且調味都落得適宜, 好惹味。香燒黑豚六花腩 - 本身見到寫住六花腩都好好奇究竟同平時成日聽嘅五花腩有咩分別, 一食就覺得真係口感好好多, 表面冇乜肥肉, 但係肉質好嫩滑, 而且燒得好香脆, 值得一試 香燒脆皮豆腐 - 豆香好濃, 而且燒得好香。法式鮮蟹肉虎蝦烤多士 - 每塊包都有兩隻蝦, 而且蝦肉好厚,夾埋柔滑嘅蟹肉食落口感好有層次。 燒汁鮮蠔燒飯團 - 擺設已經令你食慾大開, 而且鮮蠔好大隻, 用紫菜夾埋燒飯團同鮮蠔一齊食真係好好味, 除左飯團嘅燒汁味, 鮮蠔嘅鮮甜同柔嫩令到燒到表面香脆嘅飯團有更豐富嘅味道同口感燒蔥油卷 - 蔥油超級濃同香, 同埋唔只入面, 個卷每一層都有蔥油, 個卷又唔會好厚, 令到蔥油味更出。如果中意食蔥嘅人一定會好喜歡。明太子茶漬飯 - 超級靚! 好雅致嘅餐具, 實在令人忍唔住拎起相機影幾張相先, 而且味道同餐具一樣有種清雅嘅感覺, 味道唔濃但係有種好特別嘅香味, 明太子同紫菜嘅份量岩岩好, 食完咁多野之後再食依個有熱湯浸住嘅飯令人更加滿足。食咗咁多野, 朋友話仲想食甜品, 餐廳職員聽到就為我地介紹咗個佢地自家製嘅心太軟。實在冇諗過依間店連心太軟都有, 同埋又做得咁出色, 首先外皮焗到有少少脆, 一切入面嘅朱古力即刻流晒出黎, 而且味道正正係我中意嘅甜度, 唔會太甜但係朱古力味濃。為依一餐畫上咗完美嘅句號價錢唔係好平, 但係依個質素真係物有所值, 食物好有質素, 感受到店主嘅用心經營, 所以我一定會再黎試佢其他菜…Read More

香港人消遣離不開食食食，是日來到箕灣東大街桻之燒FF一下在日本居酒屋食串燒除了食物出色外，老闆的愛心都不容忽視，每個月老闆都會派飯給有需要人士，光顧桻之燒間接也在做善事內裡雖小，但裝修的確好多居酒屋風味！去之前我和友人已經決定要試一下店內招牌菜由於店內食材都因應當日街市新鮮而決定，來之前最好先打電話確實有沒有想吃的東西。免白行一趟。前菜先來一個燒有殼大元貝，元貝每隻有手掌般大，加上蒜蓉蒸，香味撲鼻！元貝肉大隻到要用刀叉進食，啖啖肉，新鮮度爆登！海鮮方面汁燒深海墨魚都很有睇頭，size大不在話下，肉質鮮嫩又彈牙，不會𡁻到牙都甩:)，用上汁燒，送酒一流！再來個法式蟹肉虎蝦多士，單單聽個名已經非常吸引。實情是烤多士上面放著蟹肉及虎蝦，用上特調醬汁調味。味道有點像沙律醬，但又有點酸酸甜甜，總之好開胃惹味！想知有多好吃就自己去試試吧相信邪惡的燒雞皮亦是很多香港人最愛，店家用上鹽稍為調味，再炸得像薯片般香脆，誰發明如此邪惡美食？單單食串燒好難飽肚，要食飯的朋友一定要試店內的鰻魚飯團，鰻魚和飯團均以燒汁烤過，雖有點滯但兩者都很入味，味道帶甜令人吃不停口，一客夠兩人享用不好鰻魚都可選擇汁燒鮮蠔飯團，賣相呃like一流，飯團同樣用燒汁烤過，鮮蠔蠔味濃郁，非常新鮮！包上紫菜口感又再昇華食串燒點少得雞翼？但桻之燒雞翼先用花雕酒浸制再烤香，酒香濃郁。新意滿分重頭戲馬友一夜干，價錢略貴。因為過程比較複製。用上新鮮馬友，而一夜干意指需要一日一夜風干，但魚肉依舊嫩滑，魚油充滿口腔。但味道偏咸，配啤酒🍻比較合適。…Read More

由細到大都係港島人，所以筲箕灣都係常去嘅地方，每當諗唔到食咩，就會去東大街行轉，行行吓見到間居酒屋，於是同朋友決定會一會佢。由於時間尚早，我哋唔駛等位，後來愈嚟愈多人，要喺門口等位。磯燒雞泡魚干 - 好厚身，就咁食已經好香好鮮味，點埋沙律醬食就更惹味。農場新鮮頂鴿皇 - 乳鴿滷得好入味，甜甜哋，而且肉質嫩滑，又 juicy，好味! 法式鮮蟹肉虎蝦烤多士 - 先食一啖無蝦嘅蟹肉多士，食到蟹肉沙律醬汁濃味，之後就一次過食晒蝦同蟹肉多士，配埋爽脆嘅多士，唔錯。蒲燒鰻魚飯團 - 鰻魚燒得乾身，甜甜哋，好香口。汁燒鮮蠔鮮飯團 - 蠔肉肥厚多汁，夾埋燒過嘅飯團同紫菜食，好正! 香燒黑豚六花腩 - 充滿豬肉香味，肉味香濃，簡單以鹽同黑椒調味，帶出鮮味之餘，亦中和咗油膩感。芝士焗雙花 - 芝士重奶香，面頭焗到焦焦哋，好香，雙花係西蘭花同椰菜花，焗前已出水，夠淋身。清酒煮日本沙白 - 清酒味好濃，沙白肥厚多肉，清清哋就最能食到海鮮原味。食飯期間見到店員同不少熟客傾計，回頭率應該幾高，難怪坐低無耐就滿庭啦!…Read More

東大街一直都係筲箕灣嘅搵食好去處，各色各類嘅食肆都係依條街度百花齊放。今日經朋友介紹下就去到當中的<桻之燒>去覓食內裏是摩登的居酒屋風味。廢話就不多說了，先來兩隻巨型貴妃蚌！首先貝殼裏沒有沙，洗得乾淨是重中之重！這點非常重要，不然多麼鮮美優質也沒有用大大隻的貴妃蚌燒得剛好熟透所以不會變韌。而且有少少鹹味，加上肉質結實，一人一隻的確不夠清酒煮日本沙白是我們點的另一樣貝殼類，當然同樣清洗得乾淨沒有沙。在淡淡的清酒香下，肥美結實的沙白顯得更加鮮甜，再加上唐芹和紅蘿蔔，味道層次更得以提升有圖有真相，沙白真的非常厚肉，而且整碗沙白都必定是有肉在內的，不會像那些騙人的食肆般只有殼沒有肉接着便是老闆重點推介必食的鹽燒馬友一夜干老闆說每次客人點了之後都必定會把全條吃掉。我有聽錯嗎，全條？！包括魚頭，魚尾和魚骨？！原來是真的，因為全條魚首先用鹽醃了一整晚，之後去掉多餘的鹽分後再去燒。經過鹽醃後魚肉內多餘的水份都會被去掉，所以肉質變得更加結實(請看小圖)。之後再整條也烤得卜卜脆，怪不得全條也可以吃掉吃過之前幾樣的海鮮後，對桻之燒的海鮮都非常有信心，所以我們再叫了蒲燒海鰻飯團。大大條鰻魚非常厚肉肥美，配上混了鰻魚汁的飯團一起吃，令人非常滿足法式鮮蟹肉虎蝦烤多士。小妹孤陋寡聞，這種吃法都是第一次。燒得香脆的多士上放了加了蟹肉和洋蔥和千島醬，再配上爽口彈牙的虎蝦。鮮味以外口感相映成趣香燒手打墨魚餅看似做法簡單，但其實最考功夫的就是要把墨魚肉打成彈牙的肉餅。墨魚餅打得彈牙有口感，而且墨魚味濃郁，當中還可以吃到細細的墨魚粒，口感有層次！輕輕的烤至外表面金黃就已經好好吃燒蜜糖苦瓜亦是驚喜之作。起初還怕苦瓜會非常苦澀，但是原來只是我們無知的想法。苦瓜非常甘香清甜，沒有苦澀味。最驚喜之處就是表面的蜜糖薄薄的一層燒得香脆，就像焦糖一樣包着苦瓜粒好吃好吃，一串的確不夠！！香燒自家浸制醉香雞翼。外表和普通燒雞翼沒什麼分別，但吃進口就會有淡淡的酒香味滲出來。店員說是他們自家用紹興花雕酒和秘製調味料浸制過的。最後我們點了兩串鹽燒鮮雞皮。可說是我吃過最好的雞皮串！雞皮燒得爽脆，不會油淋淋，非常乾爽。再加上用鹽輕輕的調味，用這個送酒或可樂都是超級暢快的…Read More

大口仔話今晚帶我試餐廳，竟然係一個沙田人帶個港島人食港島野！入到嚟，餐廳唔大，但冷氣超夠，座位又舒適，夏天嚟真係啱晒！抬頭望望，四圍都係sake嘅貼紙，好特別！menu每頁都有漫畫人物，好似去咗日本咁樣！新鮮鹽焗乳鴿雜拼盤 ($48)乳鴿食得多，但乳鴿腎及肝就真係好少食喇，口感好彈牙爽脆，送酒一流，可惜我哋冇飲酒香燒脆皮豆腐 ($32)豆腐上鋪滿木魚，香味倍增，豆腐外脆內軟，好味鹽燒雞中翼 ($28)唔洗多講，我係雞翼怪，去到邊都要食！特別一讚係個皮燒得好脆，就算擺咗一陣先食，都仲非常辣口！鹽燒鮮雞皮 ($28)非常超級脆口，好似食緊薯片咁！我無食雞皮好耐，但呢個食起上嚟唔油膩，而且一啲肥膏都冇，仲帶有少少雞油嘅香氣，實在都忍唔住成串食晒奇趣餡餅北京填鴨 ($68)餡餅雖然薄薄哋，但煙韌濕潤；鴨肉好香口而且juicy，而且醬汁冇過鹹或過甜，有驚喜！法式鮮蟹肉虎蝦烤多士 ($78)多士激脆，真係要好小心食否則會整損個咀！兩隻完整虎蝦肉好爽口彈牙，不過蟹肉打得太碎了，加上千島醬蓋過咗蟹肉嘅鮮味，有啲美中不足汁燒鮮蠔燒飯糰 ($68)賣相好特別，燒飯糰上插咗兩件廣島蠔，雖然望落去細細粒但新鮮鮮甜。用咗自家製燒汁去燒嘅飯糰外層微焦，但入面煙韌，再用紫菜包住食，又脆又軟層次真豐富，有趣嘅食法！清酒煮日本沙白 ($98)落咗好多芫荽、芹菜等，所以一上菜已經覺得好香。來自日本嘅沙白夠晒大粒肉厚，鮮甜同埋最重要係無沙！清酒味道唔會好搶，飲起上嚟覺得好舒服，仲有陣陣嘅芫荽味道，超正！凍柑桔話梅蜜 ($28)以為會好甜，但味道偏酸，柑桔味道超濃，最底仲有一粒話梅，非常開胃食物質素不錯，服務非常良好，價錢合理。原來呢度嘅海鮮仲係日日喺魚市場買嘅，最衰大口仔唔鍾意食海鮮，如果唔係就可以預訂海鮮食喇，下次真係要試試囉！走嗰陣，睇到張紙寫住呢度每個月嘅第2及4個星期二會派飯盒俾長者及有需要人士，抵讚！…Read More

朋友住鰂魚涌，今日放工搵佢食飯，佢就帶咗我來呢間餐廳食串燒。餐廳地理位置非常方便，地鐵站出行5分鐘左右就到達。環境不算十分寬敞，但坐得舒服。見到食評不少人點二人套餐，我哋兩個都跟住叫。第一道菜係一口生蠔，混上番茄醬令生蠔更鮮味。個人十分喜愛呢道雞泡魚干，非常香口，不但煙煙韌韌，而且愈嚼愈香。蝦多士好香脆，蝦肉肥美，混上酸酸甜甜的醬汁以及蟹肉令人印象深刻。沙白清甜可口非常肥美，而且鮮味十足，朋友讚不絕口。花雕味欠奉，但雞翼燒得唔錯。牛小排配上番茄及蔥令到整體感覺冇咁油膩，牛味濃郁，未至於入口即溶，但都幾好食。燒蘆筍吸引之處係外層香燒，但內裏依然有水份唔會太乾呢個意大利飯絕對係今晚嘅亮點，大啡菇水份十足，黑松露味濃郁，意大利飯硬度恰到好處，非常好食。大話七幾好飲，但下次飲會叫少冰，因為飲飲下越嚟越淡。埋單$514，價錢合理。…Read More

連場暴雨加Blue Monday，不食點好西都對不起自己。今次來到處處美食的東大街，走進此燒物店進食。雖然雨下得很大，但小店都幾乎坐滿食客。看著牆上的餐牌，真的食指大動😋愛山純米吟釀雖然空肚喝酒有點不好，但忍不住先來一口！wow，好香醇！香氣很温和，很容易入口。既然酒已準備好，就來吃佐酒物吧。三點漬物盛 ($88)先來點漬物開胃，分別有醃過的牛蒡，三文魚的鼻，還有凍食秋葵。牛蒡和酸meimei的秋葵夠曬爽口，而三文魚鼻都是第一次吃，原來是很膠質感覺，有用酸姜辟走腥味，嚼著嚼著又幾過癮，配酒吃就更一流啦。法式鮮蟹肉虎蝦烤多士 ($78)單是賣相已經夠奪目，底部的多士很脆口，面頭的千島沙律醬混和蟹肉，再加上彈牙虎蝦肉，creamy又甜，又有咬口，完全是味覺享受！香燒脆皮豆腐 ($32)真的做到外脆內軟滑，連木魚絲一同品嚐，挺有日本風味呢。鹽燒鮮雞皮 ($28)平時很怕雞皮肥膩，但經燒烤過之後又幾爽口，去除了油膩感，最適合當下酒物。招牌汁燒鮮蠔飯糰 ($68)招牌果然是招牌！今餐最滿意的美食，廣島蠔很鮮嫩，入口融化，而不鬆散的飯糰外層微微焦的味道，連帶香脆的紫菜，實在太滋味啦！香燒手打燒墨魚 ($68)墨魚肉雪白，熱辣辣的，肉質打得相當均勻，充滿彈性，燒烤過的金黃色邊邊增加惹味口感，很想再來一碟。香燒新鮮農場頂鴿 ($98)沒想到日式小店也有中華料理，而且弄得如此入味，以自家醬汁調製鴿汁浸過夜，再經烤爐燒烤，造出脆皮嫩肉又多汁，相信的確花了不少心思，吃得我津津有味，不想停口！至於旁邊混合了芝麻醬的沙律菜夠爽口，都被吃光了。我的味蕾失守了，食物都超出想像的好吃，而且看得出製作相當用心，更令我欣賞的是，店員都會留意到客人需要，適時添茶換碟😆，難怪有眾多捧場客呢！只可惜串燒吃得不夠喉，希望有時間再來回味一番。********************餐牌參考如下:…Read More

最近去多左東區, 有日番完placement 之後同男朋友去東大街揾下食其實東大街真係有好多野食, 真係好難揀但記得之前見朋友講過呢間串燒點好有心同有好多出邊無得食的串燒, 所以揾埋男朋友同埋朋友仔一齊去試下~估唔到又真係一試難忘, 仲好想試下佢D lunch因為你睇得出廚房超有心做呢!!!!講太多廢話~~講番D食物先第一樣就食清酒煮沙白平時食清酒煮蜆就多啦, 其實沙白同蜆我都唔係好識分, hahaa不過我只係知呢到每粒都好大粒同埋而且佢加埋清酒同蒜味真係超香超鮮味基本上呢個係我去親每間舖都會食ge呢到特別好的係真係一粒沙都無, 我諗其實呢D位就睇到廚房想比咩感覺客人欣賞!再黎就叫左條魚, 其實呢件係咩魚我真係唔記得, 而且我亦都未食過但見到的第一下己經嘩嘩聲, 因為佢個樣真係太有型師傅用左不同的香料舖面燒成再加上檸檬汁, 真係將魚的鮮味完全帶晒出黎咪睇佢外表咁, 其實佢真係好滑滑到我唔覺唔覺就食左成半條你睇佢入邊幾白雪雪, 真係好想再食多次丫!!食完兩樣其實己經好滿足但之後先係主角出場串燒分別有(牛舌、六花腩、醉燒雞翼同埋雞皮蝦膠卷)其實每一樣都好好味, 燒得剛剛好, 我好怕食串燒時調味重勁過食物的味道呢到的串燒絶對唔會咁樣!你一定會食得出食物的原味我排串燒最深刻(唔排最好味, 因為每一樣都好好味)1. 雞皮蝦膠卷 2.醉雞雞翼 3.牛舌心 4.六花腩1.雞皮蝦膠卷真係無得輸, 我完全諗唔到點解廚師會有呢個諗法雞皮的香經過燒時將D油逼晒落去蝦膠入邊, 一邊會吃到雞油的香又會有蝦的鮮及蝦膠的彈牙呢個配搭我真係好鍾意丫!!!!!!!!!!!2. 醉雞雞翼又係我無食過的串燒第一啖己經食到醉雞的香, 無諗過醉雞燒過後會更加有酒香而且更入味, 不過如果再燒得再脆身D我會更愛3. 牛舌心, 平時你都只係會食牛舌,己經覺得好爽口好唔錯牛舌心更加比平日的牛舌爽口好吃, 但唔知點解佢會比較容易咬開所以我覺得真係比牛舌仲好食4.六花腩其實我真係唔識分五花定六花腩, 不過我估應該係油脂分配更平均原本諗住會好油, 但食落去一D都唔油, 而且油同肉的比例好好蝦多士, 平時食蝦多士宜係用左蝦漿, 但呢到真係傻傻地的, 用鮮蟹肉同虎蝦整我平時其實唔食沙律醬千島醬之類的東西但呢個多士配上這種醬我又可以接受到, 問下老闆先知原來佢地D醬都係自己整真係超有心丫, 因為整完的醬其實真係唔可以放好耐!朋友仔好鍾意食乳鴿, 每次見到佢都會食乳鴿我無諗過日式舖會有乳鴿食呢到食燒乳鴿同平時唔同的應該係無咁脆口但肉味各樣都好出色老闆話其實係由佢爸爸係東莞的農場自己養自己處理再運落黎所以同平日食的會有少少唔同黎到我最鍾意的另一樣就係牛骨髓配法包原全係我無諗過的食法囉一上枱我仲諗緊要點食點知原來係己經變晒精華, 好似jam咁捈上去包到又係令人一試難忘的食物就算幾飽我都食晒, 你真係可想而知有幾正燒菠蘿係我每次都必點的食物因為燒左ge 佢會更甜更多汁更香我想講另一種甜品係我好鍾意的燒湯圓, 究竟佢係點燒我都決定唔去理但燒到焦焦地的芝麻湯圓加上麥芽糖真係好正我真係覺得呢間串燒好有心帶比我好多衝擊好多野我無諗過可以咁食的佢地都做左出黎如果鍾意食串燒的朋友仔, 我真係子建議你地去試下你會食得出廚師的心思的~~~~…Read More