Cafe MED

熊小館 尋日適逢兒童節，帶咗堂妹去咗Mega Box放電完就揀咗間親子餐廳醫肚，它位於商場頂層可以觀賞整個溜冰場實況。而室內環境無論燈飾，壁畫，擺設或食物上都用咗熊仔做主題，另外仲提供咗玩樂角落與小朋友放鬆時間，亦有小型獨立式派對房間可舉行生日party～ 💫二人套餐$318▪︎前菜歐陸式餐湯+牛油法包 x2✅️  -忌廉湯濃郁，都有唔少磨菇系入面  -法包充滿蒜香味，脆卜卜好好食～===========================▪︎副菜《2選1》法式蛋黃醬焗鮮蘆筍法式香草牛油焗田螺✅️  -田螺口感爽彈，已預先甩埋外殼啖啖肉  -薯仔蓉表面輕輕燒過微脆，口感幼滑；香草同牛油味突出===========================▪︎主菜A《3選1》黑松露牛油熊仔牛柳扒鐵板深海帶子美國極上無骨豬扒鐵板肉眼扒✅️  -我叫咗7成熟，肉質口感鮮嫩軟淋呈粉紅色，唔會覺得燒過火而覺得肉質乾身。另跟薯條，西蘭花，車厘茄＆粟米。===========================▪︎主菜B《4選1》卡邦尼煙肉偏意粉芝士焗蜜桃汁去骨雞腿飯蕃茄奶油吞拿魚螺絲粉芝士焗忌廉菠菜龍脷柳飯✅️  -龍脷柳食落無雪臟味，有兩大塊唔會過火 -忌廉汁好creamy，香濃芝士做到拉絲效果，夾埋菠菜同炒蛋都幾好食===========================▪︎飲品涷奶茶(跟餐)  -嗌左多奶，但都無蓋過茶味  -調配比例岩岩好，口感順滑不澀口黑熊(特飲+$18)  -熊仔造型冰粒非常吸引眼球  -朱古力味雪糕味道濃郁，個人中意等慢慢佢溶入可樂到更加好飲～===========================💫玫瑰法式燉蛋白$25  -質感非常嫩滑，加上面層的焦糖燒到脆卜卜；口感層次豐富～  -花瓣碎散落整個表面顯得高貴，帶出淡淡的花香味非常清新。 📍九龍灣宏照道38號企業廣場5期Megabox11樓 …查看更多

✨二人套餐✨ $3181. 歐陸式濃湯兩客＋牛油法包羅宋湯，裡面料好多，喝下去暖暖的！🥣點麵包食一流🥖2. 法式香草牛油焗田螺田螺煮得超嫩，口感驚喜，配上香滑的薯蓉，簡直是完美搭配，讓我忍不住想要再來一份！🦪🥔3. 鐵板深海帶子美國極上無骨豬扒 這豬扒真的是大塊！不會有很多肥肉，肉質嫩滑，吃得我心滿意足！🥩🔥4. 芝士焗蜜桃汁去骨雞腿飯 這道焗飯超多汁，吃的時候很香甜，去骨雞腿讓人吃得更方便，每一口都充滿鮮嫩感！🍑🍚除了套餐以外，我們還點了幸福寶寶 $42這款熊仔型的雪糕配涼粉真的是可愛到爆，讓我一口就愛上！🍦🐻店內還有大大小小的熊啤啤公仔，還有一個煮飯仔的小角落，最適合小朋友玩耍！🥳整體而言，熊小館的美食不僅味道好，還充滿了驚喜，讓我每次來都有新的期待！😋✨Café MED📍 Address: Shop 11, Level 11, MegaBox, 38 Wang Chiu Road, Kowloon Bay✨Two-Person Set Menu✨ $318 1. Continental Style Creamy Soup (2 servings) + Buttered French Bread This is borscht with plenty of ingredients, and it warms you up with every sip! 🥣 The bread is perfect for dipping! 🥖2. French Herb Butter Baked Snails The snails are cooked to perfection, super tender, and the creamy mashed potatoes are a perfect match, making me want to order another serving! 🦪🥔3. Teppanyaki Deep-Sea Scallops with Premium American Boneless Pork Chop This pork chop is huge! There’s not much fat, and the meat is tender, leaving me completely satisfied! 🥩🔥4. Cheesy Baked Peach Juice Boneless Chicken Thigh Rice This baked rice is super juicy and aromatic, with the boneless chicken thigh making it easy to eat—each bite is full of freshness! 🍑🍚In addition to the set menu, we also ordered Happy Baby $42This bear-shaped ice cream with jelly is absolutely adorable, and I fell in love with it at first bite! 🍦🐻The restaurant also has all sizes of bear plushies and a little cooking corner, which is perfect for kids to play! All above remarks stem from a trial dining experience at the restaurant, reflecting the author's genuine feelings. This serves as a disclaimer, all comments for informational purposes only, and may not reflect all patrons' experiences.🥳…查看更多

放工肚餓上咗去mega box 揾野食，就俾呢間吸引住❤️因為經過門口已經見到有好多隻大大細細唔同嘅熊仔🐻🧸吸引住… 仲見到唔少小朋友同屋企人一齊同🐻啤啤影相❤️入面有一個小區係俾小朋友玩🧸座位闊地方又大又坐得舒服，有好多🐻🐻睇住你食嘢🥰🥰員工個個都好好笑容😊一坐低仲好窩心俾咗杯暖水我地飲👍🏻同事本身想散叫但窩心服務員提醒我哋有套餐價錢仲抵…又真係喎😂 我地想叫嗰啲嘢食套餐都已經有，我哋叫咗一個$318嘅套餐都夠食。本身想叫多個甜品焦糖燉蛋，但怕食唔哂所以無叫，下次再食時候就要試吓🤤🤤有是日餐湯加蒜蓉包頭盤二揀一我鐘意食法式香草牛油焗田螺🐌上碟嘅時候已經冇咗田螺殼，一碟有四粒下邊有厚厚嘅薯蓉一啲都唔肥膩❤️主菜就食蜂蜜BBQ燒豬仔骨有薯條🍟全部肉都鬆軟唔會黐住啲骨，佢嗰個醬係蜂蜜BBQ醬。 不過就算唔食佢個醬汁，豬仔骨都已經好入味唔鞋口，小朋友都啱食。番茄奶油吞拿魚螺絲粉有好香香草味架，仲好提昇味蕾好開胃，唔會杰撻撻，我最鐘意食呢款👍🏻👍🏻飲品可以只加＄16就可以飲menu上飲品 A款我哋叫左以下2款，唔鍾意飲熱飲，亦都可以有凍飲🙌🏻薔薇之戀熱玫瑰花茶柚子熱情玫瑰熱玫瑰花茶熱情果兩杯飲品味道適宜，仲有幾粒玫瑰花喺上邊，好啱呢啲天氣飲。走時候發現原來佢有一個小型嘅party Room目測應該都可以坐到10-15人。行出去carpark 拿車又好方便，唔使兜兜轉轉。…查看更多

二人套餐 $318- - -歐陸式濃湯配牛油法包羅宋湯香濃，酸甜帶點微辣，法包香脆，係醒胃嘅餐湯。- - -法式香草牛油焗田螺田螺配薯蓉好夾，田螺肉鮮嫩，有4-5粒，薯蓉焗得好香口，再配上少量香草調味，係可口嘅前菜。- - -蜂蜜牛油BBQ燒豬仔骨豬仔骨燒得恰到好處，唔會老，容易脫骨，香烤味道配搭甜甜地嘅醬汁，食落有肉汁唔會乾身。豬仔骨以薯條同雜菜沙律做配菜，份量好足好夠飽。- - -卡邦尼煙肉扁意粉扁意粉較一般意粉彈牙有咬口，卡邦尼芝士味香濃，配合煙肉同蘑菇片，豐富咗口感同味道。- - -薔薇之戀 +$16轉配玫瑰花柚子茶味道清新，淡淡嘅玫瑰花味道，混合微甜嘅柚子蜜，香甜解膩。- - -橙色派對 +$16轉配芒果橙汁味道偏酸，橙味較濃，係健康嘅水果特飲。- - - - -玫瑰法式燉蛋白 $25燉蛋白表面焦糖香脆，入面香滑微凍，味道唔會太甜，仲落咗唔少玫瑰花作伴碟。…查看更多

早年來食過幾好食，西餐來說經濟化算，二人餐都幾抵食。餐廳有好多熊公仔可以相伴留倩影，打卡都唔錯～白酒忌廉煮藍青口 $68藍青口差唔多有兩打，肉比較細粒味道就好鮮美，個汁好cream好香酒味。二人套餐 $298套餐：羅宋湯配法包湯料十足味道濃郁，酸酸地微辣，好啱凍天氣飲，配以牛油法包perfect。套餐：法式香草牛油焗田螺用鐵板上熱住食幾好，螺肉口感彈牙味道鮮美，薯蓉軟滑，撈點醬汁味道唔錯。套餐：卡邦尼煙肉扁意粉扁意粉口感韌煙彈牙，芝士味濃好掛汁，食落好creamy好美味，仲有好多煙肉碎和蘑菇配料，意粉份量十足食得非常滿足。套餐：鐵板肉眼扒肉眼扒相當大塊，七成熟肉質軟腍，充滿肉汁，淋上黑椒汁惹味。仲有粗薯條、煙肉、長豆角、栗米粒和車厘茄，配料十足，食完幾飽肚。套餐：飲品叫左兩杯阿華田，一凍一熱味道正常。…查看更多

有好多熊仔🐻，真係好cute😍 每張枱都有一隻迷你既，跟住仲有唔少大既，仲有白色同啡色既長椅，打卡一流～ 另外仲有一個可以比細路挽既角落，裡面有書📖同玩具，當然唔少得有得意既熊仔🐻 係一個大人細路都啱黎既地方😜 野食都唔錯，呢個價錢有呢個質素幾抵食～(5 😍 係滿分，🤩係半分）二人套餐A - $298:a) 歐陸式濃湯🥣 + 牛油法包🧈 (好味指數：😍😍😍😍)個湯🥣有淡淡既南瓜🎃味，鮮甜之餘質感幾幼滑creamy，味道清爽，配埋少少煙肉碎既鹹香，幾好飲，加上宜家凍凍地飲翻碗🥣就暖笠笠～ 至於個牛油法包🧈都外脆內軟，比起一般既法包軟熟鬆軟，幾香口，如果牛油🧈味再出啲就更加好～b) 法式香草牛油焗田螺🇫🇷🌿🧈🥔 (好味指數：😍😍😍😍)當爐火將牛油🧈熔喺田螺肉入面，螺肉變得甘香軟滑，入口香酥，入味得黎幾鮮甜，有啲咬口又唔會韌～ 個汁有埋香草🌿減輕左牛油🧈既油膩，同時帶有啲清香～ 旁邊仲有啲香滑既薯蓉🥔，有幾香濃既牛油🧈味，加埋表面有少少燒焦既焦香幾正🤤c) 蜂蜜BBQ燒豬仔骨🍯🔥🐷🍖 (好味指數：😍😍😍😍)燒🔥得啱啱好，表面夠乾身，但又鎖🔒住到肉汁，帶有少少煙燻香味，肉質軟腍，肥瘦適中，帶有啲油香但又未至於漏，切開既時候好易就可以將啲肉分開，唔會痴住啲骨🦴到好難切，又唔會過熟到一切就即刻離皮～ 表面搽既BBQ醬偏甜，同平時出面配既燒烤汁有啲唔同，呢個醬既味道有啲似杰版既羅宋湯咁，幾得意～ 如果🐷既肉味再出啲就更加好～旁邊仲有啲沙律🥗，酸酸地可以消下濟，而薯條🍟係厚切既，出面炸得香酥，入面綿密幾好食😋d) 芝士焗蜜桃汁去骨雞腿飯🍑🍗🍚 (好味指數：😍😍😍🤩)果然係雞髀🍗打人牙骹軟，起左骨🦴之後更加啖啖肉，肉既份量幾多，肉質嫩滑，唔會有雪味，有埋酸酸甜甜既蜜桃🍑粒幾開胃，感覺有啲似改左版既焗豬排飯🐷🍚，而表面有茄汁同埋少少芝士🧀，呢種茄汁一樣係酸酸甜甜，有啲似茶餐廳嗰種偏鹹啲既茄汁，加埋炒飯底幾香口，飯粒粒分明，唔會太濕搞到爛晒e) 咖啡或茶自家製心太軟🍫 - $42 (好味指數：😍😍😍😍)一切開啲朱古力🍫就好澎湃咁湧出黎好治癒🤤 唔會好甜，塊皮脆口，整體都幾香朱古力🍫味，旁邊仲配左啲酸酸甜甜既蜜桃🍑粒同cream，可以中和下比較濃味既朱古力🍫～ 至於塊皮可以再厚啲，咁就更加突出到嗰種外脆內軟既感覺，同埋如果個醬既朱古力🍫味再濃啲就perfect啦～玫瑰法式燉蛋白🇫🇷🌹🥚- $25（好味指數：😍😍😍🤩)焦糖燉蛋🥚就食得多，第一次食燉蛋白，感覺無咁邪惡清清地😂 聞落有淡淡既玫瑰香🌹，如果食落都有就好啦～ 口感幾滑有蛋香🥚，上面有層薄薄既焦糖脆皮，金黃剔透，有飴美既甜，又帶有一絲焦糖獨有既甘苦，味道幾好，可以再滑啲好味指數：😍😍😍🤩推介指數：😍😍😍🤩…查看更多

去演唱會之前要搵地方食嘢就去左Megabox，之前想試依間「熊小館」就去左。6:00幾去到既關係所以無咩人，但坐左一陣大約7點已經坐滿曬人，仲有好多係一家大細，相信小朋友會勁中意依間餐廳，因為有好多熊仔佈置。兩個人叫左個$298既二人套餐，有餐湯、牛油法包、兩個主食、仲有咖啡/茶。唔好睇個menu設計好簡單咁，但野食質素係唔錯。餐湯係忌廉湯，味道夠濃，一啲都唔希，牛油法包都夠脆👍🏻前菜-「法式香草牛油焗田螺」：😉😉😉😉😉焗田螺用鐵板上，放左一陣都仲熱辣辣，薯蓉夠creamy，田螺都唔會淡茂茂，好食👍🏻主食1-「深海帶子拼醬燒汁牛柳」：😉😉😉😉😉2個主食都好快就黎到，牛柳都唔細，我地叫左7成熟，牛柳煎得岩岩好，唔會韌，配埋醬燒汁好好味，但帶子可以大粒啲😛主食2-「芝士焗忌廉菠菜龍利柳飯」：😉😉😉😉😉個飯一睇落見到啲汁就好吸引，芝士唔會焗到太燶，個飯既份量都幾多下，兩個人都食唔曬。雖然係忌廉芝士，但食落唔會太滯。個人評分（滿分為5）味道：😉😉😉😉😉環境：😉😉😉😉😉員工友善度：😉😉😉😉CP值：😉😉😉😉😉…查看更多

今日行Megabox見倒依間餐廳放咗好多熊仔公仔好靚，決定去試試～-「二人套餐$298」-*歐陸式濃湯+牛油法包法包香脆，羅宋湯入面放咗好多雜菜，好醒胃-*法式香草牛油焗田螺即焗嘅薯蓉田螺上菜見到一個個bubble係鐵板冒出，入面醬汁味道唔濃，唔會覆蓋田螺嘅鮮味，而薯蓉底面都微微焗焦好香口-*美國安格斯牛肩扒主菜之一牛肩扒擺碟好靚，牛扒好厚身，我哋叫咗七成熟，扒嘅外面燒得啱啱好，鎖住入面嘅肉汁同時食落唔會老，配搭埋薯菜食得好飽好滿足-*卡邦尼煙肉扁意粉扁意粉比幼身嘅意粉更有口感，配合煙肉蘑菇加creamy嘅卡邦尼醬好好味-*心太軟（+$18）身為朱古力控甜食點咗心太軟，心太軟即叫即做，微暖嘅朱古力流心香濃，加上桃肉拌碟正好平衡返蛋糕嘅濃味-*黑熊特飲（+$18）冰製嘅小熊好可愛，放喺可樂入裏，加上朱古力雪糕，睇落好靚之餘，飲落味道好夾…查看更多

行完megabox，就去呢間熊小館食晚餐。職員比咗張好好嘅檯比我地，有隻大熊啤啤係隔離，好得意。叫咗個兩人套餐，有粟米湯同牛油法包，個包好重蒜香味，隔住個口罩都聞都。然後再叫咗個深海帶子拼燒汁牛柳，帶子整得啱啱好，咬落去好彈牙。牛柳一啲都唔難咬，好嫩身，最估唔到嘅係佢嘅薯條，係厚切薯條，唔會太鹹，放咗半個鐘都仲卜卜脆。而啲配菜都有比心機整，唔會係淡茂茂。之後再叫咗個露荀野菌義大利飯，意外地有驚喜，食到好重cream味，飯入面加咗露筍粒同洋蔥粒，食起身個飯更加有層次感。甜品就+$18要心太軟，呢個超級好食，即叫即焗，外脆內軟，唔會太甜，連埋個cream一齊食，超級正。份量唔係太大，所以冇咁肥。好多情侶同一家大細黎食，最值得欣賞嘅係店員將有小朋友嘅客人安排係同一邊，情侶，朋友就安排係另外一邊，唔會騷擾到其他客人。餐廳仲有一個corner位，有啲熊啤啤，玩具，積木，圖書比小朋友玩。難怪有咁多家長帶埋小朋友黎呢度食飯。…查看更多

Weekend同朋友係Megabox睇完晚場電影近近地就係同層嘅小熊咖啡醫肚餐廳裝潢都幾溫馨，好多小熊仲有比小朋友玩既小熊Corner聽職員講10月1號先會開放返見好多爸爸媽媽帶住小朋友嚟食飯小朋友見到咁可愛嘅熊仔都食得開心二人餐都只係$298就叫左嚟試試餐湯配一條香脆嘅蒜蓉法包條前菜揀左法式香草牛油焗田螺薯蓉焗得幾香脆，田螺煮得入味呢間餐廳傳菜速度都幾快上完前菜無耐就上埋主菜有燒美國穀飼美國小牛扒同埋卡邦尼煙肉扁意粉小牛扒叫左五成熟仲配有露荀蕃茄薯條等等既配菜意粉嘅煙肉都比出面嘅多扁意粉掛汁程度更高好惹味配餐甜品係雪糕球加18蚊就換到心太軟爆漿嘅心太軟配左少少罐頭蜜桃中和左朱古力嘅甜職員話全日得12件有興趣就落單前落定order值得一提呢到嘅職員服務態度好好由落單到埋單都好有禮貌好符合餐廳温馨既主題…查看更多

星期六到megabox行街， 晚上我們選擇到熊小館晚餐， 很喜歡與家人到這裏用膳。 店內有很多熊仔擺設， 影相打卡位很多， 適合大人或小朋友。 今次試二人套餐$298～ 歐陸式濃湯兩客＆牛油法包、 法式香草牛油焗田螺、 蜂蜜bbq燒豬仔骨、 蕃茄奶油吞拿魚螺絲粉、 甜品（ 心太軟加$18）和餐茶( 特飲加$18)。蜂蜜bbq燒豬仔骨～肉質軟淋入味，容易骨肉分離， 蜜糖bbq醬味道甜甜香香的，令豬仔骨更加香口美味。 還有配菜香脆美味的薯條和開胃新鮮的沙律， 非常推介。蕃茄奶油吞拿魚螺絲粉～ 老少咸宜的蕃茄螺絲粉， 甜酸度控制得剛剛好， 加上營養豐富的吞拿魚， 好味又健康。法式香草牛油焗田螺～酥香的牛油滋潤螺肉，牛油熔於肉中，令螺肉口感甘香，入口香酥，再伴以軟滑的薯茸，嚼口食味更豐富。歐陸式濃湯兩客＆牛油法包～ 羅宋湯裏面有很多雜菜， 配上脆口美味的牛油法包， 美味的前菜。甜品（ 心太軟 $18）～ 套餐包兩個甜品（ 雪糕球）， 我將另一個甜品升級至心太軟。心太軟外皮硬脆、內有朱古力漿， 熱辣辣有流心效果， 再配上一球曲奇雪糕， 食完有幸福的感覺。爆谷紅豆冰～ 有爆谷味的紅豆冰， 紅豆好淋， 味道不會太甜。檸檬草氣泡茶～ 甜度適中又解渴， 用紅茶、香茅和七喜製成的， 入口清新。當晚熊小館有很多客人， 全場爆滿的狀態下， 店員們的服務質素保持友善和快捷的水準， 這一方面真是要畀個讚！…查看更多

最近發現MegaBox有間親子餐廳叫做「熊小館」，今日就帶埋阿仔嚟到呢個夢幻王國食返餐。其實我想話我呢個阿媽仲興奮過阿仔，因為佢全店都有好多啤啤熊，有大隻有細隻，見到啲佈置真係好開心！鐵板餐都只係$105起，真係好超值！另外仲有唔同嘅小食同其他主餐俾客人選擇。餐湯係羅宋湯，有好多唔同蔬菜喺入面，仲見到有牛肉，蒜蓉包好香脆，而且熱辣辣，配埋餐湯一流！呢個法式焗田螺有好多薯蓉圍邊，連埋田螺嘅汁一齊食好好味！阿仔話想食薯條，所以叫咗一份瘋薯，薯條都係新鮮炸起，外脆內軟，正！呢個沙律配溫泉蛋，除咗有平時食開嘅沙律菜之外，仲有三色椒絲，同埋一件件嘅薯仔，而且佢用嘅沙律汁少少酸，作為開胃嘅前菜啱哂。我哋揀咗一個鐵板西冷配豬扒，兩塊扒都好大塊，而且都有好多配菜，包括有蕃茄、粟米粒、蘆筍、洋蔥，同埋有好多薯條，份量十足！呢個意大利飯我就真心推介，佢有三粒帶子，煎得時間啱啱好，所以肉質仲好滑，而佢嘅意大利飯加入咗粟米粒，好啱小朋友食，大人細路都覺得好好味，你睇吓隻啤啤熊流晒口水就知好好味啦，嘻嘻！最後配埋兩杯特飲，兩杯嘅味道都好Fresh ！由於係親子餐廳嘅關係，今日上班嘅店員雖然係男士為主，但都非常友善同有禮貌，服務好好，仲好用心逗小朋友開心，阿仔都話好鍾意呢度，話下星期要再嚟過！…查看更多

因為朋友鍾意熊啤啤，知道依間餐廳有荃灣搬咗嚟MegaBox，所以今次特登一試門口已經有大大隻公仔喺度，相當吸晴餐廳安排左張二人枱，但我哋枱有一隻公仔陪我地一齊開餐，好得意呀見到二人餐都幾吸引，所以決定試吓等緊嘢食期間喺餐廳周圍影吓相打下卡，又有一個地方可以比小朋友玩，非常親子嘅一間餐廳左手邊嗰杯就係草子莓莓，佢係橙汁加士多啤梨，一開頭飲係飲到橙色味先，攪勻之後就將士多啤梨融合埋一齊，酸酸地開胃右手邊嗰杯係熱情玫瑰，一飲落去勁玫瑰，唔太甜，係好飲嘅雖然餐湯只係羅宋湯，但足料，辣度剛好，絕對唔馬虎依個露荀爽口冇渣，連埋啲蛋黃醬食都唔漏，熱辣辣好味牛扒叫咗七成熟，睇個樣以為一般，但食落去又唔係喎，肉質嫩滑，有牛味，一啲都唔韌，出色！睇個樣已經見到夠吸引，醬汁充滿濃濃芝士同蛋味，意粉亦都彈牙，分量亦都夠大，食得滿足最後我哋都散叫咗一個焗田螺，面層嘅田螺焗得香口，下面嘅薯蓉亦都調左味嘅，用鐵板上保持住個熱度，不錯最後食埋呢個甜品做結尾，今餐真係非常之飽肚滿足👍🏼…查看更多

趁阿女考完試，一家人出嚟happy下，今日嚟咗MegaBox嘅呢間熊小館親子餐廳。成間舖都有好多大大小小的熊bear bear,周圍都係打卡位，仲有一個專比小朋友玩嘅play area,裏面有煮飯仔、大量圖書、車車玩具等，而作為一間親子餐廳， BB櫈、兒童餐具和兒童餐等當然唔少得，好想讚一讚佢個碗，個底有條防滑膠，唔會咁容易俾小朋友推跌。每張枱仲有一隻小啤啤陪小朋友食飯，而老闆都好親民，同我啲小朋友玩得好開心。仲有值得一讚就係，部份位置可以望到樓下溜冰場，信信和心心都睇得好開心。我哋四個人叫咗一個二人餐，另外散叫加咗幾樣野。今日嘅餐湯係羅宋湯，有少少辣，小朋友未必啱食，附送蒜蓉包一片。跟餐嘅前菜，我哋揀咗法式蛋黃醬焗鮮蘆筍，鮮蘆筍好鮮嫩，面頭有啲好似蒸蛋咁樣嘅醬，健康好味。另外我就加咗「尼哥斯吞拿魚沙律伴溫泉蛋」（ $68 ），除咗沙律菜，仲有三色椒、車厘茄、熟吞拿魚碎，同埋一隻溫泉蛋開半，附送一隻酸酸甜甜嘅醬汁，清新開胃。:)另外仲有法式香草牛油焗田螺（ $50 ），有好多嘅薯蓉墊底，面頭有大概六隻田螺，腍身又帶着香濃嘅牛油味，薯蓉都入味。主菜方面，跟餐揀咗個「燒美國穀飼厚切小牛扒伴醋漬野菌」，果然是小牛扒，所以塊牛唔係好大，但肉質都OK，我哋揀咗七成，偏熟左啲，如果五成應該會更juicy。另外配上薯條、三色椒、茄子、煙肉包蘆筍，同埋醋漬野菌，啲菇真係酸咗少少。另一個跟餐主菜係芝士焗忌廉菠菜龍利柳飯，好大碟，勁多芝士係面，魚柳都大塊，芝士味香濃。仲有一個散叫嘅軟殼蟹牛肝菌意粉，成隻軟殼蟹送上，炸得唔算油，意粉汁好好味，啲菇都煮得唔錯。:)我哋將二人餐同散叫嘅主菜upgrade，所以有三杯特飲包括熱情玫瑰（玫瑰花茶熱情果）、草子苺苺（士多啤梨橙汁）、橙色派對（芒果橙汁），全部賣相都好靚，味道都唔錯，基本上都係果汁，嗰個熱情玫瑰仲好香玫瑰花味，真係有玫瑰花瓣喺度。跟餐原本有兩個雪糕球，我哋升級左其中一個做生日版心太軟，只加$24 ，寫住Happy birthday之餘，仲會插埋蠟燭俾你，順便同兩位六月之星慶祝生日。心太軟都做得好好味，有芒果和忌廉伴碟。我見佢餐牌仲寫住生日優惠免切餅費，所以帶小朋友嚟呢度慶祝生日應該都好開心。能夠有個位比佢地去玩，等我有餐安樂茶飯食，仲要價錢唔貴，真係唔錯，最後兩個小朋友仲玩到唔捨得走呢！…查看更多