Dai Viet PHO Vietnamese Restaurant

成日喺OpenRice search沙田區都會見到呢間餐廳排頭幾位，但係因為位置唔係沙田市中心，所以一直都未去試過，今次終於去試，其實從沙田圍站行到餐廳，10分鐘內就到了，只不過附近冇咩好行，淨係去食嘢都OK的。我哋OpenRice訂座，其實六點幾去到，餐廳內只有好少人，完全不用訂位，不過訂座有嘢送。餐廳好大，都有好多位置，相信應該都唔使等位。我哋三個人，叫咗個二人餐，再另外加多一碗麵風味2人餐B $288 有以下椒鹽軟殼蟹法式蒜蓉牛油雞翼兩碗湯粉，有生牛肉、牛腩片、牛丸、扎肉、香茅雞翼、雞絲、香茅豬扒揀，我哋叫咗一碗香茅豬扒一碗生牛肉時蔬，有通菜、生菜、秋葵、蘿蔔、椰菜苗揀，個人覺得有秋葵都幾正仲可以揀魚露或者馬拉盞我哋就揀咗馬拉盞炒通菜椒鹽軟殼蟹熱辣辣炸起，好脆，入面仲有少少蟹膏，又juicy法式蒜蓉牛油雞翼新鮮炸起好脆，好香牛油味生牛肉河粉牛肉有三塊，都幾香，唔硬，都幾嫩的，牛肉湯都幾濃味，都飲咗好多香茅豬扒湯檬馬拉盞炒通菜炒得幾香，唔會太油另外單點一份燒豬頸肉好軟熟，夠香另外叫咗一碗魚餅檬粉OpenRice訂座送嘅蝦餅飲品我哋買咗幾件切餅去餐廳，老闆好好人一開始就主動話幫我哋雪起佢，去到最後我哋叫佢攞出嚟，仲喺餐廳入面食，佢都可以，唔使加任何錢，老闆仲主動俾啲膠碟我哋食蛋糕，好貼心…Read More

我哋今次食呢間餐廳就喺沙田河畔花園嘅附近，價錢夠哂貼地，質素亦都唔差㗎😗越式烤豬頸肉 $68份量都幾多嘅，燒到微微焦脆，偏瘦啲啲，但都幾嫩滑，點埋個醬汁，Fɪᴛ哂😙法式蒜蓉牛油雞翼 $52上枱已經好香蒜蓉味，外面炸到好酥脆，好惹味，肉都仲係相當嫩滑，仲好Jᴜɪᴄʏ添🤪大越生牛肉湯河 $62湯底以牛骨熬製，牛味好濃，河粉夠滑身，牛肉吸收咗湯嘅精華，帶點甜甜嘅味道😌大越海南雞飯 $73叫咗髀位，肉質嫩滑嘅，中間嘅啫喱層都有嘅😜 點埋個辣醬食，係幾惹味嘅，仲要跟埋油飯，咁嘅價錢都幾抵食呢到地方夠哂闊落，成班親朋戚友沖落嚟食個飯都係一個唔錯嘅選擇，畢竟越南嘢，真係愈多人一齊食先愈爽😌…Read More

過開嚟沙田圍呢邊搵個朋友聚聚佢話呢間越越南菜好食又抵食於是呢晚試試佢~首先吸引眼球嘅係佢幅超巨型壁畫離遠都見到呢度有間越南菜餐廳入面原來好大好闊落有大枱有卡位👍🏻👍🏻 不錯👍🏻❤️軟殼蟹米紙卷❤️$62食親越南菜我都鍾意嗌米紙卷佢呢份米紙卷大大份好足料個軟殼蟹都啖啖肉😍配埋佢個魚露好好食❤️法式蒜蓉牛油雞翼❤️$52另一個食越菜必點嘅一定係牛油雞翼佢都做得唔錯👍🏻個蒜蓉牛油味勁香炸得夠香口但入面好juicy🤤一個字：正👍🏻❤️大越海南雞飯❤️$73朋友點咗海南雞飯我試咗個雞非常滑，唔會過生或過熟👍🏻點埋佢個辣汁好好味👍🏻👍🏻❤️越式烤豬頸肉湯金邊粉❤️$63而我就點咗湯金邊粉第一個觀感係好大碗😂😂唔似出面嗰啲夾兩箸就食完我通常都習慣試下個湯先要讚讚佢呢個湯底幾鮮甜👍🏻唔係嗰啲食完好口渴嘅味精湯睇返餐廳介紹原來話個湯用雞殼+藥材熬成唔怪得咁鮮味👍🏻另外佢個烤豬頸肉都好得整到脆邊又唔柴切得厚薄適中口感好好👍🏻👍🏻下次如果試其他主食都會想點個豬頸肉做小食😂…Read More

今次喺沙角搵到依間隱世越南菜餐廳 裝修風格幾特別 好有越南風味🇻🇳食物份量好夠 水準亦高🥹街坊價錢 近🏥關係 醫護人員仲有折💕🍜大越海南雞叻沙（$73）🌟海南雞份量超多 食落肉質非常嫩滑一啲都唔乾柴 雞皮爽滑彈牙叻沙湯底調得好好除咗椰奶味外 仲有適量辣味非常開胃油麵份量超足 唔會整得過淋🍲大越生牛肉湯粉（$62）份量同樣超足料 牛肉約3成熟浸一浸落湯再食 肉質超嫩滑牛味非常香濃 河粉質素亦幾好滑身🫔廣寧炸春卷（$48）🌟表皮炸得非常香脆😍餡料有蘿蔔絲 冬菇絲等食得非常爽口 香菇味道香濃🍗法式蒜蓉牛油雞翼（$52$)🌟雞翼炸得好香口蒜蓉牛油味濃郁🤤一咬落去有到好多肉汁🍹椰汁珍多冰（加配$12）椰汁味超濃但唔會太甜膩解膩一流☕️熱蜂蜜玫瑰柚子茶（加配$8）玫瑰味好出飲落亦散有淡淡蜂蜜同柚子香 非常清新…Read More

適逢朋友仔搬咗入嚟沙田圍，入嚟探佢兼一齊去附近覓食。無意間發現咗間好味又抵食嘅越南嘢餐廳。比佢餐廳出面嘅油畫吸引咗行過去🤭 我哋叫咗碗蜆港蕃茄蟹膏蝦丸扎肉金邊粉 ，覺得佢嘅粉麵湯底無味精感，都幾足料 湯底有蕃茄味之餘仲飲到蟹膏嘅鮮味。另外朋友仲嗌左香茅豬扒撈檬，份量一樣都係好足好大碗😋豬扒大大塊 夠惹味，仲要加購嘢飲都只係$12。 餐廳小食菜式都幾多選擇、我哋叫嘅依幾款都好好味 ，特別係芝心蝦多士好邪惡一啖咬落去除咗外表脆口芝士仲滴出嚟，不過食嗰陣小心啲 都真係幾熱～ 另外法式蒜蓉牛油雞翼夠蒜香同脆口 ，最特別嘅係我喺其他越南餐廳比較少見到有嘅蜆港胡椒扎蹄 依度竟然有，佢嘅菜式又真係幾地道。 真心有驚喜😍估唔到沙田圍有間抵食又地道嘅越南餐廳。相信下次入嚟都會再幫襯試埋佢貼喺牆身嘅其他特色菜。…Read More

這天行完山，沿路走過來河畔花園，找到附近有這間越南餐廳，見到網上評價都不錯。從河畔花園走到這間餐廳，感覺都有一點路程，可能行完山比較累。六時多來到，只有幾枱客，但一到晚飯時間，便很快滿座了。大越火車頭(二人份量) 火車頭餸菜豐富，有生牛肉、牛腩片、牛丸、牛筋、牛柏葉，充滿了🐮🐮滋味。每款餸菜都有一定份量，湯底清甜。法式蒜蓉牛油雞翼食越南菜必點的蒜蓉牛油雞翼，雞翼炸得十分香脆鬆化，帶點蒜蓉味。可惜只有四隻，令人想一食再食。餐廳價錢相宜，性價比高，下次行山經過可以再來試試。…Read More

限聚令又要延長多7日，大胃都係疊埋心水適應吓食外賣嘅夜晚，打末日長久戰你地以為大胃嗌佢個炸豬扒？都話不平凡，就當然唔係咁簡單啦，大胃稱佢為越式威靈頓，皆因佢係炸牛腩，外脆內嫩，媲美威靈頓牛柳蝦多士都好實淨，芝士唔會搶fo，蝦肉先係男一，好厚又好味，加埋面嗰浸芝麻，一試難忘雞翼一打開好香蒜味，食落牛油味都好出，而且攤咗咁耐，都仲係好脆生牛粉湯麵分開裝，已加分倒啲湯落去，牛肉仲烚得熟嘅，而且幾香牛味呢間越南嘢雖然個名好普通，但食物卻不平凡…Read More