山竹呢個強颱風應該今晚打到黎, 好彩下午老婆同表妹係灣仔上嘅整月餅班未受到影響, 我地3個兩點到灣仔, 仲係風和日麗, 未有打風嘅感覺, 反而因為未食Lunch, 肚餓嘅感覺更加強烈。😆表妹帶左我地去呢間佢返工成日去食嘅越男仔, 我地到餐廳時因為已經過左Lunch繁忙時間, 加上係打風嘅星期六, 所以客人唔算多, 表妹話平日返工Lunch好多時都需要等位。餐廳裝修以白色為主, 加上多盞鎢絲吊燈, 室內感覺光潔明亮, 座位寬敞舒適。👍因為表妹話餐廳食物份量比較多, 所以我地只點左一個飯同一個粉, 另外加左3個小食share, 雖然我地都好肚餓, 不過表妹話一定夠食。沙爹香茅豬扒拼雞翼飯 $49表妹揀呢個飯份量好多, 雞翼外層炸得香脆, 雞肉嫩滑, 豬扒肉質鬆軟, 配上味道濃而不辣嘅沙爹汁同香茅, 非常惹味。😋胡志明市紅蕃茄四寶湯檬粉 $72最愛食豬嘅老婆揀嘅呢個四寶湯檬粉份量大到一個人基本上係唔會食得哂嘅, 我地3個人share每人都唔試分到一小碗, 四寶分別係豬扒, 扎肉, 豬頸肉同脆豬肉, 4款豬肉口感同味道都唔同, 啱哂最愛食豬嘅老婆, 配上蕃茄湯檬粉, 味道好夾。👍法式芝心蝦多士 $37Lunch點主菜可以優惠價配小食, 呢個法式芝心蝦多士有4件, 只需$37, 好抵食, 蝦多士外層好香脆, 蝦膠厚身彈牙, 中間加上芝士, 味道層次豐富。😍海膽炸春卷 $42難得係越式食店見到有海膽食, 我當然唔會錯過啦, 呢個海膽炸春卷海膽份量都唔少, 味道濃郁, 春卷入面有粉絲同木耳, 非常爽口鬆脆。招牌原隻軟殼蟹 $97軟殼蟹以椒鹽炮製, 咸味適中, 雖然加左辣醬不過唔會太辣, 蟹肉好飽滿, 啖啖都食到鮮甜嘅蟹肉。😋越式拉茶 $5越式拉茶好味比港式濃少少, 呢個越式拉茶口感香滑, 味道唔錯。三色冰 $8老婆同表妹share號呢杯三色冰色彩繽紛, 佢地都讚幾好飲。埋單每位$115有找, 性價比相當高。👍餐牌…Read More
另外我還選了吞拿魚檬紙卷，可惜最後原來沒有吞拿魚了，服務員介紹我想吃冰鎭蕃茄，還說製作時間需要24小時
聽到時還以為他說笑，朋友都無所謂就改冰鎭蕃茄，一吃就明白他沒說笑，很驚喜味道。買相我沒太大感覺，眼看有點像法國菜。到了品嘗時刻，蕃茄切開爽爽地，但內裡味道已經不像蕃茄
我吃到柚子味道，多汁甜甜地很特別，而且冰冰的起沙口感，這道菜比較像甜品。如果不是眼見原個蕃茄，檬眼食的話，憑味道真的不知道是蕃茄，我信要24小時製作!今次在繁忙灣仔區，食到有質素有服務真的很少有。特別要表楊四眼哥哥，年紀輕輕，服務專業，笑容可掬!
落單果時，店員懶得行過我地張檯落單，所以要我地大嗌要點咩野...(話說我地同佢部機都相距幾張檯，而佢就一直企係部機面前黑口黑面噤叫我地大聲d).......我嗌左個撈檬，同事嗌左個湯河，跟住再嗌左兩個小食同同事share..蝦餅豬頸肉撈檬我點呢個撈檬算係合格但唔可以話好食，蝦餅無咩特別，熱辣辣係好食既。而個豬頸肉睇落好似幾好，但食落就好似食豬肉干噤..真係好乾身......小食:手撕雞檬紙卷呢個米紙卷睇落其貌不揚，不過食落又真係幾好食，唔錯～法式芝心蝦多士呢個蝦多士...味道都算幾好，但個面煎得太硬。蝦多士本身已經油，而佢入面仲加左芝士...食完會覺得好漏..另外就係，同事話佢個河粉都唔錯。
