CRAZYPIE

喺觀塘工廈行完街，心思思想食下甜品做下午茶，於是去咗駱駝漆三座兜下睇吓有冇新發現，本來諗住食Holam Bakery，點知比我發掘到另一間黃色小店，梗係試一試啦🐽🐽🐽一入門口就聞到好香嘅牛油味，搞到我本來諗住買一件最後買咗四件哈哈😂😂再加上啲款式全部都好靚真係忍唔到手，俾大家睇吓個櫃。我最鍾意係法式經典檸檬撻🍋🍋同埋開心果生朱古力撻🍫🍫🍫開心果做甜品真係超級好食呀，喺香港可能唔係話好興，但其實係外國係好common嘅甜品材料嚟㗎，配朱古力簡直係一流嘅味道！…查看更多

在觀塘駱駝漆大廈食完晏，反正下午有時間，決定往下走樓梯，逐層逐層探索一下有什麼店舖；無意中就發現了這一間「CrazyPie」。鋪位細細間，但鋪內自設餅房，全部撻在鋪內新鮮焗製，可以保證出品質素。店內亦設有少量座位，全部都是軟沙發，客人可在店內即時購買、即時享用；不過卻沒有任何飲品清水供應，眼見大部份客人都是外賣取走。總共有10款撻，全部展示在雪櫃內。款式有別於傳統法式高級餅店出品；加入了黃豆粉、粒粒芋泥、紫米紅豆等等香港本地口味食材，到底味道如何呢？西式甜點焗撻的餡料固然重要，但撻底也不能忽視，港式蛋撻的牛油皮撻底也是參考西式焗撻而演變出來。法式經典檸檬撻（$28）非常吸引，望落去非常好味，尤其是表面用火槍稍為燒焦的軟忌廉，為賣相添加分數。用小膠叉切開撻底，竟然有點偏硬，很難才能叉開。撻底牛油香味唔夠濃郁，亦做唔到靚撻底酥軟、鬆脆、軟硬適中嘅合併口感。檸檬味吉士打（custard）酸甜適中，味道本應不錯，但太稀、接近半流體狀態，唔夠挺身；表面的軟忌廉原來只是外觀吸引，事實上淡而無味、香氣欠奉。另一款揀了名字充滿本地口味的阿華田吉士麻糬撻（$28）。睇外表以為只是一個普通朱古力撻，但原來餡料非常「本土」。底層是半透明兼帶著黏稠膠質的麻薯凝膠，似乎想平衡焗撻餡料的甜膩、變得健康一點，但淡而無味，而且食得甜點焗撻，就已經豁出去，還擔心甚麼糖分過高？中層是鮮奶忌廉吉士打（custard），味道同樣偏淡，奶香及芝士味唔明顯。重點阿華田吉士打唔覺得有阿華田味，甜度一般、亦唔夠香濃；不過就較檸檬撻的餡料挺身，質感較接近正宗法式靚撻。店主刻意將本地元素及材料融入西式甜點焗撻，概念值得嘉許，但配方有待改善。無論撻底、餡料的質感及味道，皆未能做到優質法式甜點的標準。繼續努力、加油！小店值得支持！…查看更多