SuperNormal (淘大商場2期)

今日黎到九龍灣食好野，黎到高質素餐廳，supernormal。環境相當高級，拍拖一流。加上店員既服務好好，絕對係高級享受。餐廳氣氛比較溫和，燈比較暗。背景仲配有pop music。食身方面: 我地叫左2人餐。$398法式牛仔批係前菜，食落好特別，有d似火腿腸咁，少少咸，個外皮幾好食，好有牛油味。日本池仔魚都相當好食，有少少咸，但親熱食好好味。再點埋d沙律醬食，味道一流。夏威夷安格斯牛堡中間既牛好多汁，好鮮牛肉味。加埋其他汁配搭都好好，酸酸甜甜好開胃。燒刺身級油甘魚，個人覺得刺身級質素真係唔同d，魚特別鮮味，同埋好有咬口，值得一試。…Read More

星期四同朋友去左淘大睇完戲，之後去左搵下有咩野好食。淘大近幾年來多左好多唔同種類的餐廳，有日式、韓式、西式等，最後我地簡左西日合壁的餐廳 - 『SuperNormal』。『SuperNormal』有好多餐種選擇，不知如何入手，所以簡左相對上多野食同便宜的二人餐。餐飲點了咖啡同喝下去十分清新的凍檸茶。是日餐湯係滑一滑的忌廉湯，飲落粟米味幾濃又帶點甜味，十分適合連同好食又香脆的蒜蓉包一齊食用。法式牛仔批，外面用左酥皮，牛肉口感似午餐肉，十分特別。日本池魚仔，池魚仔炸到好似薯條咁香脆好味，但唔好因為好食而食得太快，因為入面有好多骨，要小心魚骨梗喉!燒刺身級油甘魚配飯團。魚排肉身厚、飯團結實飯粒粒粒分明，它們配上特製醬汁和檸檬汁食用，會有不錯的效果。帶子龍蝦汁意大利飯。帶子大大粒，而龍蝦汁意大利飯很濃很入味，但食左幾口飯之後，味覺會開始麻目。所有料理配搭特別,一D都唔普通。…Read More

今日係星期三，夜晚約了朋友在九龍灣食晚飯，見有好一排都沒有到淘大，就近近地去淘大花園搵下好野食，路經這間「Supernormal」，就在糖水店旁邊，決定入內試試。「Supernormal」室內環境幾舒服，有室外坐位，室內燈光偏昏暗，走型格路線，也有bar枱，飲酒傾計都很有feel。這裡有2人套餐供應，已經包括有餐湯、蒜蓉包，一款前菜，二款主食和飲品！價錢都很相宜。是日餐湯是忌廉湯，幾滑幾甜。蒜蓉包也香脆可口，不錯。法式牛仔批很特別的前菜！ 牛仔批也皮是酥皮，牛油味香濃，有33層般鬆化。牛肉味道似火腿肉，不算很鹹，肉食獸會很喜歡。寶雲酥焗法式羊架2件羊架整齊地排列在碟上，麵包糠鋪滿在羊架肉面上，香氣撲鼻。咬下去肉質呈現嫰紅，入口口感軟軟腍，羊肉香醇。而且羊架的肉汁非常豐盈，而且羊的味道更豐富強烈，脂肪位有些許肥膩，且帶少少騷味，嚼起來很香，讓人回味無窮！至尊安格斯牛肉漢堡 漢堡麵包皮烤得很酥脆，牛肉厚肉多汁，​肉質鮮嫩，一咬下去，肉汁在嘴裡爆發，滋味無窮。而薯條炸得香脆可口，實在是畫龍點睛。凍檸茶 餐廳風格好舒服，有啤酒串燒等供應，放工後黎食飯傾計係唔錯的選擇。…Read More