Be Leaf (Closed)

喺觀塘工廠區見到間好吸引嘅餐廳！😍餐廳內外都充滿住森林系嘅元素，非常養眼！😍食物款式都幾多，我哋叫咗一個沙律同埋一個套餐~沙律顏色好靚！蔬菜新鮮而且蕃茄好爽口好甜~芫荽同埋清脆嘅芹菜令到成個沙律味道更出色，配埋泰式口味醬汁十分惹味開胃！牛肚用慢煮方式烹調，食落好軟腍。😋雙色意粉配上充滿蟹膏嘅醬汁色澤相當鮮艷！除咗滿滿嘅蟹膏，亦有好多蟹肉，蟹鮮味相當濃郁！刺身帶子好濕潤鮮甜！意粉軟硬度適中，口感相當不錯！😍另外我哋亦加咗$88 加配咗是日餐湯配自家製香草麵包、飲品、巴斯克類/蛋糕/甜品(半價升級)~凍特濃朱古力非常濃郁，唔會好甜！Topping有大量cream同埋朱古力碎，好吸引！🤩Grapefruit Summer Soda 西柚味好重，酸酸甜甜配上梳打非常解渴！果然好啱夏天飲！🙈梳乎厘班戟好大份~兩件厚身班戟搭埋一齊，加上滿瀉嘅吉士醬，相當邪惡！食落綿密濕潤，口感香甜而且富空氣感，蛋香味十足~配上脆卜卜嘅焦糖相當夾！超級滿足！😍😍…Read More

平日夜晚喺觀塘Apm行完街，Search到呢間餐廳好靚好特別，決定一於黎試吓我地叫左雜錦海鮮沙律 （$108）、香茅蒜香泰式炸雞翼3隻（$68）、香濃蟹膏雙色意大利麵配手拆松葉蟹肉刺身帶子 （$340）、是日餐湯配自家製香草麵包、士多啤梨牛油果Smoothie、西柚梳打（$46）、法式焦糖卡士達梳乎厘班戟🥞。晚市入座率都幾高，見到唔少客人都係慶祝生日👍🏻🎂喺呢間咁靚嘅餐廳慶祝真係幾好🤩 餐湯好飲、麵包都好軟熟，係真係飲到有用料去煲，唔係就咁開罐頭溝水🤣😋🥹雞翼炸得幾好，個醬酸酸甜甜幾惹味，值得一試嘅小食😙飲品好靚，漸變透明色+多Cream好澎湃嘅樣😍🤪，兩杯都唔會好甜，反而幾Fresh！沙律好豐富🤫 有魷魚、帆立貝、虎蝦仁，仲有好多款菜，非常開胃！😽呢個意粉就犀利啦，有兩款麵，墨魚同普通麵，d蟹肉亦非常正，好有海水味😆 帶子都好厚好彈牙，個汁亦都好好食！ 同埋有加到好多菜，一樣好健康好Fresh🙂‍↕️😝最後當然要食埋個甜品！ 呢個梳乎厘非常邪惡，d Cream多到可以瀉晒落枱面😆 超厚超有蛋味！ 我會為左梳乎厘而下次再黎🤪 真心唔輸其他專整梳乎厘嘅餐廳！😻呢間餐廳真係超打卡able，時但影一張相都係可以po IG嘅！🫰🏻❣️💖😍…Read More

🙋🏻‍♂️餓底探員去咗觀塘調查呢間打卡cafe，餐廳走木系風，設有戶外用餐區，用上藤器桌椅，勁有度假feel，室內都有張藤椅旁邊仲有好多花花，打卡一流🥗雜錦海鮮沙律 $108🙋🏻‍♂️表示個沙律配上大蝦，帶子同鮮魷，海鮮口感爽彈，味道鮮甜，沙律菜同番茄味道清新，成個沙律好開胃🦐香煎自家制櫻花蝦炸蝦餅 $88🙋🏻‍♂️表示個炸蝦餅面頭蘸滿櫻花蝦嚟炸，炸到金黃色，食落充滿香濃櫻花蝦味，蝦餅口感彈牙，配上蜜糖芥末醬味道更加惹味🦆16小時慢煮醬烤法國鴨腿配牛油意大利飯 $148🙋🏻‍♂️表示個意大利飯粒粒分明，食落好有口感，充滿牛油香味，配上法國鴨腿，經16小時慢煮處理再醬烤，食落外皮酥脆，充滿油香，肉質鬆軟多汁🆙主食升級至套餐 $88🥣是日餐湯配自家製香草麵包☕️自家制焦糖餅咖啡🙋🏻‍♂️表示將主食升級至套餐有餐湯配麵包同飲品餐湯係南瓜湯，飲落香滑creamy，南瓜味清甜配上外脆內軟嘅香草麵包，杯咖啡面頭有幾嚿蜂巢狀焦糖餅，食落脆口香甜，將之攪勻溶喺咖啡入面，更加提升咖啡味道層次🍹Grapefruit Summer Soda $46🙋🏻‍♂️表示杯梳打由蝶豆花同西柚調配而成，顏色非常夢幻，飲落清新帶微酸，啱晒炎炎夏日消暑解渴🥞法式焦糖卡士達梳乎厘班戟 $64 (跟餐半價升級)🙋🏻‍♂️表示升級套餐包一件蛋糕/巴斯克，亦可以半價升級其他甜品，餓底就揀咗呢個梳乎厘pancake，口感鬆軟綿密，加上香甜嘅法式焦糖同香滑嘅custard cream，個pancake味道更加豐富📈吃貨指數😋好味度 8.5/10🔙返啅度 8.5/10…Read More

之前成日都好想嚟呢間cafe，除咗因為佢啲裝修好靚好適合打卡之外，當然仲有因為佢啲嘢食都好好食啦👍 呢間cafe有戶外嘅座位，適合帶埋寵物一齊嚟食嘢 🐶 室內嘅話都有好多座位，入去左手邊仲有個仲有個靚靚花花打卡位🌸 忍唔住過去影吓相 📷 香酥魷魚泰式柚子沙律 🥗前菜試咗佢嘅沙律，呢個好有泰式fusion口味，魷魚係新鮮炸嘅，再配埋泰式柚子味食落好清新，都幾開胃👏自家製松露炸蝦丸 🦐 呢個幾特別，入邊就係蝦丸，出邊就係松露，松露味唔會太重，建議可以點埋啲沙律汁一齊食比較香口啲👍香煎牛小排紅咖哩意大利飯 🍛主食就試咗呢個都幾特別嘅意大利飯，第一次試用咖喱整嘅意大利飯都幾正🤗 少少辣辣地好好食，再配埋好香口嘅牛小排超級推介 💯 法式焦糖卡士達梳乎厘班戟 🥞甜品就一定要試佢啲梳乎厘班戟，佢有原味同埋法式焦糖味，新鮮出爐嘅梳乎厘好軟身，唔會太甜😊蔓越莓玫瑰紅棗茶 🫖 食完咁豐富嘅晚餐之後要飲番啲熱茶，會推介呢個，佢用左特選重瓣玫瑰、蔓越莓同埋紅棗，呢個配搭好健康 🌹 凍泰式奶茶🧋另外試咗佢嘅泰式奶茶，有啲好似去咗泰國旅行嘅感覺咁😂…Read More

放工返觀塘探舊同事, 順便一齊食個dinner。返回舊時經常去嘅打卡飯堂---Be Leaf, 食個dinner吹下水。環境跟幾年前冇咩變, 門口角落嘅打卡位依然存在, 但有所不同嘅….係食物質素, 幾年前覺得呢度嘅野食一般, 但今晚嘅食物水準果然提升唔少。【火灸油甘魚配熱帶水果醬】HK$78火灸油甘魚刺身只有7成左右熟, 食到些少刺身口感, 兩重口感配上熱帶水果醬, 充滿清新果甜又美味。【原隻赤海蝦刺身香濃蝦汁意大利麵】HK$148三隻肥美爽甜赤海蝦刺身, 意大利麵平均沾上了蝦汁, 鮮香味十足!【炭燒慢煮香酥羊西冷配自家製泰式酸甜醬】HK$238羊西冷切成一口一件size, 色澤粉嫩, keep到肉汁, 有淡淡羊羶味, 唔會太濃烈,配上泰式酸甜汁, 平衡到羊羶味, 更易入口;【法式焦糖卡士達梳乎厘班戟】HK$128即叫即焗, 上檯時已見梳乎厘班戟躺下躺下, 口感極為輕盈鬆軟綿密, 散發淡淡蛋香蛋甜味, 食落有少少濕潤, 淋了滿瀉嘅卡士達醬, 令口感更順滑, 蛋甜味更突出。【士多啤梨牛油果沙冰】HK$55口感順滑creamy, 士多啤梨味突出, 唔會太甜, 清新又健康。【白桃紅肉火龍果沙冰】HK$55天然紅肉火龍果賣相, 加上火龍果乾, 賣相吸晴, 新鮮火龍果汁再加埋蜜桃汁, 果香味十足!…Read More

今日收工約咗朋友聚吓揀咗間環境幾靚嘅Cafe可以打卡感覺都幾舒服 好適合嚟談心我哋叫咗以下幾樣嘢食- - - - - - - - - - - - - - - - - - - - - - - - 1. 明太子炭烤荷蘭茄子伴三文魚他他最底有手掌咁長嘅炭烤茄子再將三文魚他他舖喺茄子上面兩者食材整到都好黏稠 口感滑溜一大啖咁食好有飽足感2. 炭燒菠蘿拌甜蝦他他最底有塊炭燒菠蘿 都幾清甜上面加咗少少甜蝦同香草襯托菠蘿同甜蝦兩種唔同嘅甜好夾可以配埋隔離黑醋醬汁酸酸甜甜 食落都幾開胃3. 香煎牛小排紅咖喱意大利飯塊牛小排煎得幾好 半生熟先好食口感軟嫩 同咖哩飯味道形成對比食吓重口味又辣嘅意大利飯再食原汁原味嘅牛小排咁就唔會覺得個飯好漏食唔到啦4. 法式焦糖卡士達梳乎厘班戟佢將兩層梳乎厘疊起咗一郁更加有震吓震吓感覺面頭有啲吉士奶蓋加燒咗嘅焦糖食落口感綿密 有蛋香味5. 陳皮洛神花茶呢個都幾驚喜 以為陳皮只係多種甘香點知味道似係用咗醃製過嘅陳皮係鹹鹹哋 有淡淡嘅果香 感覺都幾消滯開胃6. 焦糖海鹽杏仁粒沙冰味道唔算好甜 都係淡淡滲出焦糖海鹽味道同埋雖然加咗杏仁粒 但唔係好覺佢存在所以怕杏仁味嘅人都可以試…Read More

每次經過都大排長龍，外觀裝修得好靚，比依間餐廳吸引住，想去食好耐😗 終於有機會約埋三五知己去食🤩 我地下午時段去，排咗一陣就有位，而且被安排坐係出面嘅位置，岩哂影相打卡👍🏻 餐廳係寵物友善餐廳🐶🐱 可以攜帶寵物坐係餐廳室外位置😇我地叫咗4款主食+2款甜品🤤 食物外觀非常精美，但食物質素正常，吾係話特別出色🫢咸香黑椒豬手蒜香意大利麵🍝不過不失，豬手份量多，蒜香味吾算好突出🤔 意大利粉麵質正常，吾會太硬或太軟All day breakfast非常普通，賣相一般，炒蛋炒得過老🫢香蔥烤鴨芝士薄餅上枱時已經吾熱，且吾係好食到有芝士味🤔但依個配搭幾特別，如果係新鮮熱辣辣送上比客人會更加。香煎慢煮安格斯牛板腱略微韌，一般水平😐法式焦糖卡士達梳乎厘班戟味道還好，冇乜蛋香，但香焦糖味，核乎厘質地尚算鬆軟，吾係富有空氣感戈種😯焙茶軟心巴斯克烤微焦芝士蛋糕比較出色，不但外表精美，味道都吾錯🤤 焙茶味香濃，做到軟心效果，蛋糕質地細滑👍🏻總結，如果係想打卡、影靚相，依間餐廳可以滿足到大家，但對食物就吾好有太大期望🫣…Read More

朋友知我鍾意去cafe，今晚就帶咗我去呢間環境靚，食物有特色的餐廳試試。一間好靚的餐廳，門口有幾張半露天的餐枱，近門仲有張巨型藤製吊椅，四處亦掛咗一束束乾花草，好有渡假feel，最岩嚟chill下！座位都幾多，都坐得舒服，環境正！有Dinner Set for two or four、Salad & Appetizers、Snack & Seafood、Pasta & Risotto、Main Course、、Dessert和Drinks，選擇不少。夢幻粉紅海鮮澳洲薯仔沙律 （$128）好驚喜的擺設，竟然食沙律還是食雪糕？一於沙律變甜筒咁食，大人細路見到都開心。粉綿嘅薯蓉混入多款海鮮粒，仲有甜美嘅芒果肉和鮮味嘅蟹籽，好有口感，跟甜甜地的脆筒一齊食，有趣！水牛城雞翼($98/6隻) 每隻都肉嫩肥美，雞皮仲有少少香脆，沾滿酸酸辣辣的醬汁，好惹味，越食越開胃，一隻接一隻。香煎北海道刺身帶子黑蒜黑松露野菌忌廉意大利飯福袋 （$158）好有新意，用腐皮袋載住香濃嘅意大利飯，頂頭放埋黑蒜和煎香嘅帶子，再配茄醬芝士，日式、意式、西式和中式混於一身，非常有心思呀！意大利飯的口感又唔錯，帶子鮮美，全個配搭都好好味，得！我地兩個都係梳乎厘班戟之友，所以必叫一份。法式焦糖卡士達梳乎厘班戟（$128）共有三件厚厚的班戟，本身好有蛋香，再淋了滿瀉的卡士達醬，蛋奶香更勁。口感輕盈鬆軟，吃落帶少少濕潤，味道香甜，喜歡！朋友是榴連控，見貓山王榴連特飲（$68）緊係要啦！佢話好香濃，又唔太甜，推介喎！榴連控必試！但我就….少食少食。我都係要返杯養生花茶好啲，蔓越莓玫瑰紅棗茶（$48）酸酸甜甜，好有玫瑰花香，夠滋潤補血。特別想講下，套茶具有啲搞笑….…Read More

之前見過有朋友share 過呢間餐廳裝修好靚，於是就約埋朋友過黎試下。一到埗就覺得好驚喜，原來觀塘有間咁靚既cafe！！由門口到室內都係波希米亞度假風，周圍都係打卡點，室內仲有一個吊椅可以影相，超靚。餐廳以木色為主調，裝飾細緻到由餐桌餐椅至餐具都係悉心佈置😍少女心大爆發。🤍蜜桃、巴馬火腿、水牛芝士沙律伴蜜桃油醋汁 $108 巴馬火腿帶有濃郁的風味和口感，唔會太鹹，加上蜜桃、水牛芝士同埋蜜桃醋汁，口感清新。🤍泰式魚露酥炸雞翼 $128餐廳用嘅雞翼好大隻，炸到非常香脆，但係仍然keep到雞肉嫰滑，而且上枱嘅時候仲係好熱👍🏻👍🏻👍🏻點埋泰式魚露更加開胃。🤍白酒牛油煮西班牙辣肉腸魷魚意大利粉 $138 呢碟份量都幾多，意粉用白酒牛油炒過再加上黑胡椒變得好香，辣肉腸好味。飲品方面，我地點左最受歡迎既ocean paradise $46同埋iced thai milk tea $46Ocean Paradise 係淺藍色，好靚，味道似巨峰提子汁，好推薦👍🏻Iced Thai milk tea 因應香港人嘅口味，減低左糖份，但keep 到泰茶既香濃特色👍🏻❤️🤍法式焦糖卡士達梳乎厘班戟$128 呢個係全晚重點！一上枱已經好香蛋味，而且非常鬆軟，表面仲燒左焦糖，太靚啦！表面有一層cream，同班戟夾好好，唔會好甜，大推必點！最後我同朋友係餐廳度影左好多相先走，裝修實在太有心機。題外話，餐廳室外位置係寵物友好，可以帶動物過黎食，呢間餐廳我比100分❤️…Read More

曾去過位於長沙灣走波希米亞風既姊妹店Boholic，食過一次都覺得好好食，所以滿懷期待黎呢間走峇里島度假風既Be Leaf試下！2021年末係觀塘開業冇幾耐已經人氣爆燈既Cafe，每次經過都見到好多人但冇時間排隊唯有無奈地離開…今次星期六預足時間終於比我地試到啦我地12:30到達，前面已經有十幾人排隊，店內座無虛席，等左40分鐘以上竟然好好彩比我地坐到外面既打卡位門口有個大型花花拱門，加埋地上既石仔路，已經夠曬igable而近門口仲有兩張獨特既卡位，如果你唔介意被外面排隊既人望住，邊食邊感受涼風猶如度假，好chill啊！而且Cafe歡迎客人帶埋寵物，有毛孩既你絕對可以帶埋一齊打卡🐕另外，室內仲有個巨型鳥巢，完美模仿峇里島熱門打卡景點之一，依家去唔到旅行黎呢度FF住先都唔錯.皇牌Be Leaf全日早餐 HKD168第一次見一個咁高級既全日早餐，呢個早餐太豐富了吧，上餐個陣Hei同Emi都好震驚個全日早餐包括扇貝、煙三文魚、大啡菇、德國腸等！扇貝上有芝士同香草味道絕配，大啡菇同番茄都好juicy！番茄見佢有微微烘過，以為水分會流失g好乾，點知比正常更加juicy另外烘過既牛油多士配埋滑嫩嫩既炒滑蛋味道整體唔錯，難怪係皇牌全日早餐秘制燒汁洋蔥豬頸肉酸種包 HKD132呢個黎到既時候我地都係哇左一聲，因為好大份，差唔多係我手臂咁長有圓形煎蛋同多塊豬頸肉，豬頸肉好鬆軟，洋蔥好甜🧅而酸種包因為索左秘制燒汁而變到淋左（不過都帶點煙韌）但佢超好食，就算淨食個包我都ok既程度好食另外仲好搞鬼放左幾粒焦糖爆谷裝飾，又意外地夾窩…！法式焦糖卡士達梳乎厘班戟 HKD128雖然主食已經食到好飽，但甜品係另一個胃啊嘛店員提醒我地由於製作梳乎厘班戟需時，尤其當日full house所以建議我地落單既時候順便落埋！黎到既時候佢好動L～～～ 外表好靚，內裏鬆軟綿密，不過個人認為唔夠醬食食下有d dryStrawberry Avocado Smoothie HKD52Iced Thai Milk Tea HKD42泰奶茶同士多啤梨smoothie都加左忌廉，兩杯都好啱夏天飲！坐係室外夏天黎講可能有d熱，如果有d涼風既日子黎呢度都真係幾舒服.Be Leaf 地址 ｜觀塘敬業街55號皇廷廣場地下2號舖…Read More

係觀塘工業區出現一間峇里風情嘅cafe成間cafe最主要圍繞住木系裝潢🪵凡事有期待就有失望 性價比一般打卡位真心唔多 都係得門口位🚪除左門口位 我都真係諗唔到有咩其他位可以打卡亦係慶生地點之一🎂可以係甜品上寫上你嘅祝福其實就係睇中呢一點就選擇同fd一齊去👯‍♀️*❣️烤蕃薯菠蘿蜜糖芥末烤雞胸沙律 $72見到成碟都係菜同菜 諗住當晚餐係會唔夠食唔知係咪有蕃薯嘅出現🍠食食下又開始出現飽腹感減肥但又想飽肚嘅你 可以選擇叫呢款*❣️泰式豬頸肉菠蘿竹炭 $128豬頸肉煎得好香🐖有竹炭嘅口味當菠蘿遇上豬頸肉嘅時候變得好清爽完全無左油膩嘅感覺食落口都無左乾爭爭嘅口感*❣️法式焦糖卡士達梳乎厘班戟 $128最好食嘅我諗應該都係個甜品🍮外層淋上吉士醬 再將表面火炙到脆脆嘅焦糖仲係三層嘅梳乎厘 係邪惡嘅感覺😈😈😈*✨想坐門口打卡位 可以book位前提前講聲✨唔想俾朋友知 但又唔記得左book位嘅時候講可以手機落單remake返寫上咩祝福語 之後再remake返後上…Read More

觀塘一直是Cafe的集中地，而且大部份都是開設在工廈內和風格較文青向。Be Leaf - 同樣在觀塘區，不過是走峇里島風情的路線裝潢處處流露著異國閒適的情調，可以打卡的位置亦頗多這間還是竉物友善餐廳，我去的當日除了有狗狗外，還見到有人帶貓咪呢雖然不論是室內還是室外都有不少拍照的好位置，但最吸睛無疑是那鳥巢造型吊椅！星期六下午3點半來到都見到有人排隊，大概等了20分鐘就有室外座位可入座這裡沒有實體Menu，另需要用QR Code下單，但好幾次都hang機 ...Hot Mocha ($42) - 可以選少甜，朱古力味濃一些。Organic Tea．Earl Grey ($50) - 杯子和茶壺的造型跟環境很夾。皇牌 Be Leaf 全日早餐 ($168) - 見和平時吃開的有點不同就想試下。這個 All Day Breakfast 是有連殼的扇貝，而且還是2隻喔！香腸也有兩條，但就稍為油了些。煙三文魚比較吸引又份量都不算少。炒蛋不錯就只是不夠滑嫩，如果不介意的話，其實黑松露味倒是頗香的，可配多士吃法式焦糖卡士達梳乎厘班戟 ($128) - 甜品有這個就立即點 (笑)面層是金黃色的焦糖再加上焦糖脆片，賣相討喜。班戟空氣感十足，口感鬆軟。再加上邪惡的卡士達醬，加添了一份順滑香甜的美味！…Read More

觀塘出名多Cafe、coffee shop，每一間都充滿特色，打卡食甜品歎杯咖啡，夠哂chill今日去食個late lunch，食完先返工😼Cafe環境裝飾都好別緻，由其係呢個打卡位既鳥巢，好似置身係森林的感覺。加上室外的竹藤梳化，直程去左峇里島旅行一樣！未食嘢之前已經影咗好多靚相😻😻朋友要咗份慢煮安格斯牛板腱，生酮飲食既朋友都岩食😺 份量非常足夠，安格斯牛好有牛味，肉質細嫩有油花。估唔到仲有燒香過嘅椰菜，比起平時嘅配菜用西蘭花/甘筍更特別呢😼我就要咗個香煎美國豬扒配松露野菌蘑菇汁，豬扒好有厚度，切開都仲幾juicy。薯蓉落咗牛油好香好creamy，我反而鍾意將個蘑菇汁加薯蓉到一齊食，味道更加豐富😹黎食cafe又怎會少得了甜品呢😻法式焦糖卡士達梳乎厘班戟好正呀，鬆軟鬆軟的，蛋香味比起出面食開嘅更香！焦糖好鬆脆，沾上卡士達一齊食甜甜的好幸福😽士多啤梨牛油果smoothie顏色咁少女粉，又可以打卡post ig了。飲落都好rich士多啤梨一啲都唔酸，不過牛油果味就唔係好飲到😹Hazelnut latte都唔錯，嘆杯咖啡先有精神返工😼…Read More

話說而家疫情越嚟越嚴重 大家要保重小心啲🥲以下呢間以為只係打卡一流嘅cafe點解意外質素唔錯😍 不過性價比就見仁見智😉 🐤一句總結：意外不錯但覺得有啲貴😢 😎會回訪嗎: maybe 等候時間: 0 mins (平日下午1:00PM)≋-≋-≋-≋-≋-≋-≋-≋😍蒜香欖香菜鮮蝦意大利粉 $102 ▶️ 8.25/10相當之貴嘅一個意粉但意外地幾好食幾惹味啲意粉偏幼且偏油🤪煙韌嘅程度不錯面頭有啲芝士同啲好香嘅配料夾埋一齊好惹味還有4粒鮮蝦🦐算大粒且好入味不過小編就覺得有啲綠豆係度真係麻麻地同埋如果大食/中等份量都建議叫多啲份量（唔洗額外加錢💰）至於價錢我就覺得set得有啲進取如果平返啲或者多啲份量嘅話會高分啲😂 😍法式焦糖卡士達梳乎厘班戟 $128 ▶️ 8.75/10 空氣感剛剛好嘅梳乎厘班戟‼️ 真係有啲焦脆係上面食上去真係超過癮😍卡士達味都好重裏面有三塊份量唔會好少 每塊都充滿了卡士達醬口感鬆軟嘅同時都會有飽肚感裏面都會有點入口即溶嘅感覺～不過唔算好強烈甜度適中唔會死甜梳乎厘圍住啲餅乾碎(?) Overall小編覺得同市價嘅梳乎厘差唔多但都一樣咁好食🙈 😍Hot Latte ▶️ 7.7/10以賣相嚟講真係滿分無論係隻杯並係個拉花都好靚💕容量又剛剛好唔會倒瀉🙈 至於味道唔差但相對上奶味會重啲😚😍Iced Fresh Fruit Tea ▶️ 7.5/10甜度個人覺得有啲太高不過有啲士多啤梨同藍莓襯下唔錯😚環境 ▶️ 🐤🐤🐤🐤🐤/5 環境方面真係幾有格調出面嘅位置唔洗坐都覺得凍😂經過一段非常之短嘅石路之後（踩石頭真係會kick親😂）就會見到必去打卡位 裝飾得好靚😍坐嘅位置好寬敞🙈波希米亞風嘅cafe真係好少見～😚衛生 ▶️ 🐤🐤🐤🐤🐣/5 -😚服務 ▶️ 🐤🐤🐤🐤/5 食物唔算黎得好快店員態度還好啦(?) 具體情況真係唔記得了🥲 P.S. 比錢之後比左張印花卡我跟住我唔知幾時再黎😂 😚推介指數 ▶️ 🐤🐤🐤🐤🐤🐤🐤🐤🥚🥚(🐤為1分；🐣為半分）更加貼切係8.25分😂因為佢冇令我失望嘅同時都會覺得有啲貴所以黎試一次都無妨嘅不過要預左係貴啲㗎啦😈 -🙋🏻‍♀️自費食評🙏🏻食評只供參考≋-≋-≋-≋-≋-≋-≋-≋🤤𝙿𝚕𝚎𝚊𝚜𝚎 𝚏𝚘𝚕𝚕𝚘𝚠 @eat.with.hen𝕀𝕟𝕤𝕥𝕒𝕘𝕣𝕒𝕞 | 𝔽𝕒𝕔𝕖𝕓𝕠𝕠𝕜 | 𝕆𝕡𝕖𝕟𝕣𝕚𝕔𝕖 𝕃𝕍𝟛 | 𝕋𝕣𝕚𝕡.ℂ𝕠𝕞 𝕃𝕍 𝟠💛 記得like & save低以便日後再試❤️-☆☆小編推介指數表☆☆7以下：好似被人伏左🤮7/7.5：非常普通唔推介🥴8：可以試但可能會令你失望😬8.5：值得一試應該唔會令你失望😚9：幾好食wor推介👍🏻9.5或以上：深刻難忘一定要試😍…Read More

前排終於同朋友黎咗渡假風cafe坐門口位影相都靚但想講啲餐具、水樽戈啲都幾污糟😹其實都吾系開咗好耐 吾知搞乜環境就真系幾好 打卡一流✨豬手配意大利麵又幾正就咁睇覺得好乾身 食落又比想像中好食😍蒜香味濃厚 豬手一片片細細哋 吾會好硬 香味都明顯 個名咁搞笑🤣沿用咗芒果糯米飯嘅概念更特別地將糯米融入窩夫當中芒果🥭清甜 有糯米嘅窩夫又幾煙韌☺️配以椰子雪糕🥥整體好有夏日風情🏖表面舖滿卡士達醬😍中意味道佢吾會太甜部分燒成焦糖脆脆哋又甜😋Pancake蛋香味濃郁 質感實在…Read More