Le Monde

Open Now

Now Closed

今日又番黎呢間高質法國餐廳同朋友飯聚,就係貪佢環境夠清靜,價錢又唔貴。Lunch真係好抵食,今日就食左一人一個lunch set!煎法國鯖魚配蘿蔔醋汁及炸薯條 $108鯖魚煎得好香好滑,不過入面就有啲細骨既,如果會帶小朋友去食就要小心啦。蘿蔔醋汁酸酸甜甜好開胃啊,解左炸薯條既膩,薯條炸得好香脆真係食到停唔到口!法式慢煮油封鴨脾配薯蓉及酸紅椰菜 $158呢隻鴨脾真係食過番尋味,食過一次就唔會忘記果陣好香既鴨油味係你口腔散開既口感,今次番黎都要再叫!鴨皮真係好香脆,肉亦都好嫩,真係令人一試難忘!我最中意就係果啲薯蓉,好香滑好重薯味,香港真係好難食到高質薯蓉架!而家套餐重要抵食左,加$28有餐湯同飲品,另外再加多$15就有得升級濃蝦湯,濃蝦湯真係好濃,對得住佢個名,呢$15真係好值得比!另外餐湯都好好飲,味道都好濃,唔會因為平啲而揸流攤!另外而家除左餐湯之外重包左飲品,真係超級抵食!

星期日又去咗觀塘Hea，之前朋友介紹有間樓上舖西餐唔錯，所以特意前來。「Le Monde」地點就喺牛頭角集中有嘢食嗰幢大廈上面，舊舖位原來係酒吧，我都嚟過睇波⚽️。餐廳環境係靚喎，佢有別於其它工廈西餐廳咁裝修到天一半地一半，呢度係成個場執靚過哂！再者呢度面積夠大，空間感十足，包場搞Party一流🎉。週末有做Brunch Menu，同平日嘅Lunch Menu差唔多價錢🍽。一份餐平均百幾蚊，放假食下都OK嘅，當然願意俾依個價錢亦係貪呢度好坐，無焗促嘅感覺。龍蝦湯(跟餐加配$25)，我好開心餐湯唔係一般嘅忌廉湯或者羅宋湯🙈，因為龍蝦湯真係濃郁同好味好多。雖然個湯無落蝦肉，但已經好好飲，令我好滿足。跟湯仲有搭配沙律菜同麵包。我哋叫嘅兩份午餐都係有廚師推介Logo👨🏼‍🍳，咁即係招牌菜啦！法式慢煮油封鴨脾配薯蓉及酸紅椰菜Le Monde Confit Duck Leg with Mashed Potato & Braised Red Cabbage($158)，呢道菜真係必食推介😋。主角油封鴨髀真係燒得好鬼正，佢個脆皮直頭有燒乳豬咁脆，而且隻脾好大隻，夠哂厚肉🍗，肉又嫩。至於幾樣伴碟菜亦同樣出色

星期六難得有空閒時間，就去食好啲😝原來在「愛琴海」food court的大廈上層，有間隱世法式餐廳，坐得舒服之餘，食物亦相當有質素，還有法國藍帶廚師👨‍🍳坐陣，不說的話以為去了哪間高級餐廳吃飯😝🌟濃蝦湯🦐：單單是前菜已很精緻，感覺像是藝術品。濃蝦湯非常香濃，夾上蝦膏的香味，啖啖鮮蝦味。麵包也非常脆，點上濃香蝦湯非常match。🌟法式慢煮油封鴨脾配薯蓉及酸紅椰菜：這是假日menu上的「廚師推介」之一，的確好出色！在烹調間廚師去走了油份的同時鎖著了鴨肉的嫩滑，還有香脆的鴨皮，真的好考功夫！醬料也是特別調緻的，將鴨肉點上去，味蕾有多重享受。而鴨肉下亦有薯蓉和健康的酸紅椰菜，非常有心思。🌟煎法國鯖魚配蘿蔔醋汁及炸薯條：魚煎得很香滑，菜式特別之處是蘿蔔醋汁，魚肉同酸酸的蘿蔔醋汁好match。薯條亦炸得好香脆，且不會好油膩最後點了杯即磨咖啡，咖啡味很濃，會在口中散發餘韻👍🏼除了假日menu外，他們還有平日lunch和夜晚的4course menu，有機會一定會來食4 course menu，因為氣氛很好 好有格調🥰

雖然依家疫情嚴重，但係都要拍拖食飯架，日日係屋企食都唔係辦法，於是星期六就同男朋友黎食返個週末法國午餐，放鬆下心情。週末有提供午市特選，我地主菜揀左法式慢煮油封鴨脾配薯蓉及酸紅椰菜同煎三文魚配香草意大利粉。首先上黎既係濃蝦湯配麵包同沙律。龍蝦湯果然飲落夠濃郁同幼滑，沙律新鲜，配醋夠開胃，麵包夠軟熟，有驚喜。法式慢煮油封鴨脾配薯蓉及酸紅椰菜擺盤精緻，鴨皮脆口，鴨肉軟稔唔羶。薯蓉走健康版路線，一樣好食。紅椰菜酸酸地又爽脆。煎三文魚配香草意大利粉同樣吸睛，煎三文魚同意大利粉分開擺。有個應該係檸檬既醬汁同煎三文魚幾夾。香草意大利粉幾入味，屬於煙韌個種。藍莓批幾特別，有吉士醬既味道，口感軟腍，似糕點，我喜歡。